- إنضم
- 19 جويلية 2007
- المشاركات
- 10,901
- نقاط التفاعل
- 164
- النقاط
- 319
- العمر
- 32
- محل الإقامة
- العدم
- الجنس
- ذكر
السلام عليكم حبابي , واش راكم ؟ من بعد الباكالوريا مازال ما كتبت حتى موضوع راكم عارفين الضروف راني عائد من الإصابة :u_pc:
هاذو ليام راني مريح مع ولد عمي العضو (( yaris20099 )) في الطاكسيفون تاعو
بكري كنت نقول عيش تشوف , اليوم وليت نقول عيش يطيحلك المورال !!
و الله كاين ناس يجو غير باش يفليكسو ديميل يديرولك شرع , تحسب من العصر الجاهلي
تلقاه ماهوش عارف دخلتها من خرجتها ( مي ربي عطاه جيبو ثقيل ) الراص فارغ و لا علاقة .. كيما واحد جانا واش قالنا ؟ هاكو فليكسولي في البورطابل هاذا ولا يقولو ولد عمي ,, النيميرو شحال ؟ قالو هاذي لاpاراي بعد فليكسي فيها و خلاص
حتى ولينا نجبدو في النيميرو وحدنا , المهم كي لقيناه , قالنا ياخي موبليس ؟ قلنالو يا ودي لا راهو جيزي .... قالنا لا مالا ماهوش هو , راني حابي نفليكسي للسيد ( س ) ماشي ليا ,, زيد عليه .. و مبعد قالي شوف نيميروه راهو ثم , و غير جيت نشوف خرج لاليست قالي منين جبتها هاذي تاع ليكونطاكت ليا شحال و أنا نحوس عليها
و الله حسيت بروحي أنا البوجادي بالاك هو عارف واش راه يدير :scared:
المهم في الأخير طردناه بلا ما نفليكسو لعدم وفرة المعطيات الازمة لإتمام العملية ^^
و راح مشنف واش يحيرك !!!!
و ما نحكيش على الذراري الصغار , ألف فرنك يخلصهالك غالية , كل 10 دقايق يجيك هات حبة حلوة ,, واش يعجبك يخير و يتقلش
و ما نحكيش على لي يقولك ( هات نذوق ) ااه خونا راهو يشري في الدلاع
المهم بغيت نقول حاجة , كيما يقول بابا (( اللوكس لازمو ثقافة )) يعني ماشي الصح كي تملك ماطريال و لا دراهم , مي الصح كي تولي على الأقل تسلكها , نحير كي نلقى إنسان في ال2010 ما يعرفش يبعث ميساج من البورطابل , و لا يشوف إيمايل في النت ..
و واش يحيرك تلقاه عايش مدحدح و فرحان يعني كون جا حاس بالديفو وين راه نقولو معليش ..
و لا يا كي يجينا واحد حاب يفلاشي ديمو ااه , ثم توقع فيها حوار المتناقضات
ناس ما يفهمو والو , المهم يشوفو الشان محلولة و صاي و ça ce peux يردك جايح نورمال , يولي هو يفهم و نتا ما تفهمش
حاجة أخرى و هي لكريدي ,,, ضرك تسعين بلمية من الزبائن يقولولك مركي في الكارني , و قاع الفئات ولاو يكردو , كي اللي لاباس عليه كي اللي مبرهش كي اللي بين و بين
و اللي يحشم ما يجيكش للحانوت باش ما يشوفش بلاكة ** ممنوع لكريدي ** يعيطلك في التيليفون و يقولك فليكسيلي و راك تسال , يعني كريدي Sans smir
و كي تقولو والو و لا راني فلست بسبتكم و لا حاجة , ااه تولي أنت الغالط //
و كي نجيو نلخصو نلقاو الضحية الوحيدة هو صديقنا مول الشي :surrender:
و خاصة كي تكون عسل الناس قاع يلحسوك هاذي هي
خلاصة القول ربي يحسن عون - yaris20099 - و قاع اللي عندهم حوانت و ربي يستر من الأشكال تاع اليوم
أيا تهلاو + Wiw .
آخر تعديل:
