الوحدة ...............؟؟؟؟؟؟؟؟؟؟؟؟؟؟.

[mimi-ba]

السلام عليكم ان شاء الله تكونوا كامل لباس

المهم أنا عندي ماما تخدم أستاذة يعني لحد الآن ما زالت ما ​

هزتش العطلة تاعها .و للأسف أنا ما عنديش أختي لذلك راني ​

نحس بفراغ كبير في حياتي و خاصة هادو ليامات ماما بعثولها​

باه تصحح الباك و راحت أبي يروح يخدم على صباح ربي ​

خوي في الجامعة يجي غير ضيف و خوي الصغير يخرج يلعب ​

ما عادش يرجع .و نبقى أنا وحدي في الدار.

:tears:​

مع مرور الزمن تحولتلي هذه المشكلة الى عقدة نفسية وليت ​

منطوية على نفسي ما نخالط الناس ما نهدر ما والو .و الناس

ما همش حابين يفهمو أنني هك والفت :busted_red:خاصة كيما نروحو لدار

خالي في قسنطينة هم والفو على الهدرة و الروحة عند بعضاهم

مي أنا هنا في تبسة بعيدة عن كل الأهل يبقاو يحاولو في باه

نهدر مي أنا ما قدرتش تعودت على أرائي اني نسمعها وحدي و ​

خياراتي نناقشها مع روحي وووو ... .علابالي هدرتي ما عندها ​

حتى معنى مي أنا كرهت دايما وحدي كيما نرجع من المدرسة ​

نهدر مع الحيوط على نهاري كيفاه عقبتو و كيما نتغدى أنا و ​

الجنون و كيما نقرى تاني وحدي .أفففففف راني تعبت من ​

الوحدة حبيت نسقسيكم أنتم تاني عمركم حسيتو بالوحدة و ​

عشتوها أو جربتوها أحكيولنا واش سببتلكم من تعاسة أرجو ​

التفاعل معي و شكرا.:heh:​

 

[la_safa]

اسماء ماكيش غريبة عليا أنا نعرفك و مليح تاني ok انتي حاسبة روحك هاكا مي أنا نفهمك كي نكونو في المدرسة
هدرتك رزينة و باهية و الكل يحبو هدرتك. ربما معانا حنا برك
و مشكلتك هي مع العايلة و مع روحك .... حتى أنا بعاد عليا مي نحب نهدر معاهم و كاين حتى لي ماشفتهمش
مي لازم تحلي المشكل مع روحك .....
موضوع رائع...

 

[mimi-ba]

شكرا على مرورك يا سوسو أنا تعبت من الابتعاد عن الناس مشاعري كلها تخلطت في بعضاها ما وليت فاهمة والو ممكن راني نبين للناس أنني فاهمة و رزينة مي في قلبي حاجة أخرى و راكي فاهمة.​

 

[la_safa]

شكرا على مرورك يا سوسو أنا تعبت من الابتعاد عن الناس مشاعري كلها تخلطت في بعضاها ما وليت فاهمة والو ممكن راني نبين للناس أنني فاهمة و رزينة مي في قلبي حاجة أخرى و راكي فاهمة.​

راني علابالي أنت حاولي وربي يقدم لي فيه الخير مي الهدار بزاف تاني ماش مليح

 

[اسماء16]

اختي كي تكرهي حياتك اللمة موجودة والاعضاء كلهم متواجدين حتى نحيولك هدي الوحدة
ولله غالب يماك خدامة وباباك تاني واش ديري لازم تصبري انا تاني هكدا مي نخرج نروح عند حبابتي كي نكون كارهة نعيط لبنات صحباتي يجيو ليا لدار ونقصرو روعة علاه لغبينة هدي لازم تخرجي تحوسي تنساي شوية
المهم رنا هنا كشما تحتاجي ولو بكلمة خفيفة
اختك اسماء متواجدة دائما تحياتي لكي وتقبلي مروري
​

 

[ريفال]

يا اختى انا نهدر بزاف والله منحب الوحدة

 

[mimi-ba]

شكرا جزيلا أختي أسماء مي أنا نسكن في بلدية محافظة ما كانش الخرجة تاع البنات عندهم ماشي نورمال أصلا مشكلتي مع لا فامي ماشي مع صحباتي لخاطر عمامي في بزاف ماهمش مهتمين بي عندي غير خوالي لي راهم يحبوني نكون متفتحة.شكرا على الاهتمام نورت الصفحة .​

 

[mimi-ba]

يا اختى انا نهدر بزاف والله منحب الوحدة

ههههه ربي يدومها عليك أنا هك والفت و فيها حاجة مليحة تاني أنها عقليتي كبرت بزاف ضرك صح راني صغيرة مي فاهمة و نحل المشاكل تاع الناس بامتياز غير أنا ما لقيتش شكون يحللي مشاكلي.شكرا على المرور أختي​

 

[اسماء16]

شكرا جزيلا أختي أسماء مي أنا نسكن في بلدية محافظة ما كانش الخرجة تاع البنات عندهم ماشي نورمال أصلا مشكلتي مع لا فامي ماشي مع صحباتي لخاطر عمامي في بزاف ماهمش مهتمين بي عندي غير خوالي لي راهم يحبوني نكون متفتحة.شكرا على الاهتمام نورت الصفحة .​

اوكي مي تقدري تروحي لدار صحباتك ولا يجيو ليك
حاولي ان تختلطي مع ناس ولو الاقارب بنات خوالك بنات عماك
​

 

[mimi-ba]

أختي أسماء دار خوالي في قسنطينة و ما عنديش بنات عمي قدي و صحباتي ديارهم بعاد يعني لازم تكون مشكلة تبعدني ما بقاتلي غير اللمة نشكيلها همي .مشكورة على المرور ​

 

[اسماء16]

أختي أسماء دار خوالي في قسنطينة و ما عنديش بنات عمي قدي و صحباتي ديارهم بعاد يعني لازم تكون مشكلة تبعدني ما بقاتلي غير اللمة نشكيلها همي .مشكورة على المرور ​

ادن وهو كدلك اللمة دائما تحت امرك ومرحبا بك في اي وقت
واتمنى لك دوام السعادة في حياتك الانك مزلت صغيرة ومزالت دنيا قدامك موفقة اختي اسماء
​

 

[ملاك الليل]

سلام عليكم
نفس الحالة ,,,,,,نفس المشكلة ​

 

[kader007]

الوحدة أمر صعب و الانسان ضعيف كي يكون وحيد و يشكل طريدة سهلة للشيطان
لذا ننصحك أنك تبعدي عل الفراغ وتشغلي وقتك بما ينفع قراءة القرآن والأحسن حفظه
مطالعة بعض الكتب الهادفة والمفيدة أو مماسة و تعلم بعض الأنشطة النسوية كالحياكة والخياطة وغيرها من أمور النساء
ربي يفرج عليك انشاء الله فالانسان اجتماعي بطعه لا يعيش الا وسط مجتمعه
​

 

[نسيم الربيع]

مام انا الوحده عشتها وحتان والفتها وحتان وليت نبغي نبقى وحدي فالدار العكس ولات تجيني مليحه ندير واش نحب بلا ميديرونجيني حتى واحد ربما هذا شيء غير طبيعي مي والفتها معليش ختي يلا راكي حابه تخرجي منها ديري صحاباتك وكيما قالولك اللي قبلي هاهي هنا اللمه ومكيش وحدك حنونه و راه يجي وقت ومتبقايش وحدك وربي يكون فالعون.

 

[ماكانش]

واش راح نقلك ختي الصغيرة الوحدة اخطر حاجة على الطفلة والبنت
من الوحدة والفراغ يدخل الشيطان ويدخلو الذئاب البشرية ختي
احذري وحلي عينيك
يلقاو البنت عندها فراغ عاطفي فراغ في كلش يستغلوه ....
واش نقلك نحي من بالك هاد التخمام وكوني عاديا
روحي لصحاباتك حاولي تحكي مع الناس مع صحاباتك ناقشيهم
فرغي واش في قلبك وهكدا
تبالي وسواس برك حاكمك​

 

[N@riM@N]

نفس الشي ختي كي شغل راكي تهدري عليا
انا تاني هكا مي نحب نخرج ونقرعج ههههه
ختي احسن حاجه هي صاحباتك هوما لي يخرجوك من هاد الشي​

 

[عمار وكفى]

السلام عليكم ورحمة الله
اختي الكريمة ساقول لك شيء ربما يهون عليك من وحدتك ، ويبعت الرضا في نفسك حتى قرارها المكين .
ترين في انستك المفقودة ،فراغا عظيما وهما كبيرا ساقول لك امر ، ربما سينسيك بما تشعرين.
انا واعوذ بالله من كلمة انا، لا اخ لي على الاطلاق ولا اخت ، حتى امي توفت منذ سنوات وهي في شبابها لكن الله اراد فاخذ امانته .فما رايك ؟؟؟؟؟؟؟؟؟؟؟؟؟؟؟؟؟

 

[mimi-ba]

سلام عليكم

نفس الحالة ,,,,,,نفس المشكلة ​

شكرا على المرور و ربي يعاونك و يعاوني هذا ما كان .​

 

[mimi-ba]

الوحدة أمر صعب و الانسان ضعيف كي يكون وحيد و يشكل طريدة سهلة للشيطان

لذا ننصحك أنك تبعدي عل الفراغ وتشغلي وقتك بما ينفع قراءة القرآن والأحسن حفظه
مطالعة بعض الكتب الهادفة والمفيدة أو مماسة و تعلم بعض الأنشطة النسوية كالحياكة والخياطة وغيرها من أمور النساء
ربي يفرج عليك انشاء الله فالانسان اجتماعي بطعه لا يعيش الا وسط مجتمعه​

و الله يا خوي لو كان ما جيتش كيما راك تهدر ضرك راني متت من بكري مي ربي قدرني و ما تنساش تباركلي راني قريب نكمل البقرة نحفظها.شكرا على المرور و النصائح أفدتني جزاك الله عني كل خير.​

 

[mimi-ba]

مام انا الوحده عشتها وحتان والفتها وحتان وليت نبغي نبقى وحدي فالدار العكس ولات تجيني مليحه ندير واش نحب بلا ميديرونجيني حتى واحد ربما هذا شيء غير طبيعي مي والفتها معليش ختي يلا راكي حابه تخرجي منها ديري صحاباتك وكيما قالولك اللي قبلي هاهي هنا اللمه ومكيش وحدك حنونه و راه يجي وقت ومتبقايش وحدك وربي يكون فالعون.

و الله يا أختي كاين ناس بزاف تعاني ماناش غير حنا .و أنا معاك و انت معاي حتى نخرجو منها في زوج ان شاء الله .شكرا على المرور نورت.​