عرض خدمة
- كاتب الموضوع nissma34
- تاريخ النشر
سلام نسمة و تحياتي للجميع
1/اليوم حبيت نطلب منك طلب ممكن تمديلي وصفة عن كيفية عمل العجينة بريزي الخاصة بطورطات التفاح و الفراولة ....الخ و جي طرية وهشة
2/في بعض الوصفات عندما يذكرو الطحين او الفرينة يقولو طحين فورص واش الفرق بينها وبين الفرينة العادية و هل هي متوفرة عندنا
3/فيما يخص الكريمة البيضاء قلتلي كاين زبدة خاصة تباع عند المحلات الخاصة بالحلويات وهي تباع بكميات كبيرة تسمى " الصامصة" راني حوست عليها لكن مالقيتهاش وصاحب المحل قالي الزبدة اللي يخدمو بيها الكريمة البيضاء هي الزبدة الخاصة بالتوريق هل تصلح لعمل هذه الكريمة
وشكرا لك تحياتي ليك
1/اليوم حبيت نطلب منك طلب ممكن تمديلي وصفة عن كيفية عمل العجينة بريزي الخاصة بطورطات التفاح و الفراولة ....الخ و جي طرية وهشة
2/في بعض الوصفات عندما يذكرو الطحين او الفرينة يقولو طحين فورص واش الفرق بينها وبين الفرينة العادية و هل هي متوفرة عندنا
3/فيما يخص الكريمة البيضاء قلتلي كاين زبدة خاصة تباع عند المحلات الخاصة بالحلويات وهي تباع بكميات كبيرة تسمى " الصامصة" راني حوست عليها لكن مالقيتهاش وصاحب المحل قالي الزبدة اللي يخدمو بيها الكريمة البيضاء هي الزبدة الخاصة بالتوريق هل تصلح لعمل هذه الكريمة
وشكرا لك تحياتي ليك
غدا انشاء الله نكتبلك كل انواع القلاصاج بالتفصيل تحياتي
ســــــــــــــــــــــــــــــــــــلا م
طحين فورص هي نوع فرينة مي حنا معنداش في دزاير انا شخصيا نستعمل la belle .انا نشري الزبدة عند يلخدموا القاتو والحلوى نقلو اصامصة يمدلي باللك في بلايس اخرى عندها اسم اخر نسقسيلك عليها انشاء الله حتى الشانتي مليحة ومتوفرة وتمد نفس النتيجة مجربهاش بتاع التوريق اختي.
اما عجينة تاع لي تارت هي la pate sucree
150 غ مارغرين
150 غ سكر رطب
بيضة وصفار بيضة
ملعقة صغيرة فاني
1/2 باكي خميرة
فرينة
نخدم المارغرين مع السكر مليح +البيض الفانليا+الفرينة و الخميرة حتى نحصل على عجينة طرية نتركها ترتاح
ثم نديرها في مول نثقبها ونحطها على الاصل ساعة في الثلاجة قبل ان نطيبها
سلام
هناك عدة انواع من القلاصاج
1-قلاصاج الشكولا السوداء:
نذوب الشكولا au bain marie لما دوب نضيف قليل من الحليب الدافئ و قطرة زيت و 02 مغارف ماء مثلج وتقلصي اي نوع من الحلوى سابلي مثلا.
2- قلاصاج الشكولا البيضاء:
ندوب الشكولا البيضاء مع قليل من الزيت ونقلاصي بها اي قاتو نبغي
3-طلية (للمخبز و العرايش)
03بياض البيض
1 ملعقة من عصير الليمون
1 ملعقة صغيرة من الزيت
5 ملاعق ك من ماء الزهر
سكر ناعم مغربل
اخفقي بياض البيض، ضفي عصير الليمون والزيت (الزيت يعطيه بريقا و لمعان) + ماء الزهر. أضيفي السكر الناعم تدريجيا إلى أن تحصلي على طلاء غير سائل اضيفي الملون .
جربي الطلاء على حبة وإن سال أضيفي السكر الناعم
- الأوسمة
- 2
- الأوسمة
- 2
نسمة في احد ردودك قلت بلي الهريسة متنجحش معاك لماذا ؟؟
أنا تاني متنجحش معايا
باش تشوف الا كيف كيف بلاك نقلك السبب
جامي نجحتلي تطلع دائما يابسة وكاين مئات الوصفات تاع الهريسة على نت لكن منقدرش نحطها للاخوات باه نرد فقط ونملء الموضوع فقط وهي منتجحش ماد ابيا كل وحدة تطلب وصفة نمدلها لمجربتها فقط
اناندير 03 كيلات دقيق خشن +كيلة سكر+ مع كيلة سمن و ونبسس مليح ونخليها ترتاح ليلة كاملة لغدوا نبللها بماء زهر وماء ونحرك فقط منعجنش وندير طبقة دقيق و2 حشو ونغطي بالدقيق ونطيبها
كي نجرجها ما تشربش الشربات للاسف معملتهاش في الدورة وحبيت نتعلمها مي لما سقسيت لي كنت نتعلم عندها قاتلي بلي الدقيق تاعها خاص رقم 08 لكن وعد مني عزيزتي لما نتاصل بيها اكيد تقولي الطريقة الصحيحة ونقلك عليها انشاء الله
آخر تعديل:
- الأوسمة
- 1
بارك الله فيك اختي على هد الخدمة كل ما ندخل اللمة نضرب طلة على موضوعك الجميل
وان شاء الله تمدلنا كل ما هو مفيد ويكتبهملك الله في ميزان الحسنات
وان شاء الله تمدلنا كل ما هو مفيد ويكتبهملك الله في ميزان الحسنات
- الأوسمة
- 2
قصدت بالهريسة لي باللوز المرحي...لنطيبوها
أنا كنطيبها و نجي نخدمها اللوز يطلقلي زيتو....
نشفى مرة واحدة من العائلة قاتلي بلي الملون المائي أحسن من الغبرة قاتلي يفسدها
بلاك هو ليفسدلي في الهريسة وش رأيك ؟؟
و يا ريت تمديلي المقادير لتستعمليهم
- الأوسمة
- 2
و على المقادير عندك الحق الواحد يمد حاجة مجربها
قلب اللوز اليوم درتو نسيي فيه و هدي مشي اول مرة نسييه
جاني في المتوسط كاين لقالي بلي السكر لازم يكون بزيادة باش في الطياب يعسل على الدقيق
و طيب طرية و العسل يكون خفيف
نزيد أيامات و نعاودها و لجات مليحة نردلكم الخبر
في انتظار مقاديرك
شكرا حنونة والف مبروك على الفوز في المسابقة
شكرا على اجابتك حبيت نعرف واش مكونات القلاساج روايال اذاتعرفيها لاني سمعت بيها و حبيت نتاكد منك وبالاضافة حبيت نقولك على قلاساج مليح وانا ديما نديرو في حلوياتي
ماء الزهر +عصيرليمون+سكر ارطب(نونورس) ومغرفة زيت و شوية ماء بارد جدا في الاخير
راها تجي طرية و مليحة
ماء الزهر +عصيرليمون+سكر ارطب(نونورس) ومغرفة زيت و شوية ماء بارد جدا في الاخير
راها تجي طرية و مليحة
اكيد يجي مليح بسكر رطب نونورس خاصة لي فيه لافاني
كاين 2 انواع تاع قلاصاج كاين لي تعجني السكر ومن بعد تسيليه حتى تحصلي على طلية اما الاخر دريه بالسيرو نكتبهملك اختي ملاح ثاني يجو مشاء الله
انا واش نعرف glacage royale يستعمل لي ديكور لي تارت مثلا نكتبو بيه على لي تارت
01 بياض بيضة
150 غ سكر رطب
قطرات ليمون
نخلط الليمون مع بياض البيض نضيف نصف كمية السكر ونخلط مليح ونكمل كمية السكر نحصل على قلاصاج زاي فوندون
آخر تعديل:
سامحني حبيبتي قصدت قلب اللوز اما هريسة اللوز
تطلق الزيت حاجة عادية لان الزبدة لي فيها ذابت فوق النار حولي تلميها فوق فرينة وراسحة بعد ما تنشف يعني الزبدة تجمد تولي نورمال اما لا شفتي الزيت بزاف تقدري تنقصي كمية الزبدة لان الدهون تيبس الهريسة وترحلها طراوتها
اليك مقادير لنستعملها
500 لوز اوكوكاو
300 غ سكر عادي
100 غ مارغرين
1/2 ملعقة فاني
مبشور ليمون
1/2 كاس ماء
ملون غذائي
في كسرونة فوق النار نضع الماء مع السكر كي يذوب السكر اضيفي المارغرين +اللوز المرحي+الفاني+مبشور الليمون +قطرات ملون وحركي جيدا حتى تصبح ثقيلة ولا تلتصق بالكسرونة ضعيها فوق سطح واتركيها تبرد اعجنيها قليلا
وشكليها كميا تحبي
درتها مرة بالحليب في مكان الماءجاتني هايلة
آخر تعديل:
rabi yahfdek ya okhti w merci bcq pour les réponses w rabi ykather men amthalek nchalah
بلامزيا اختي شيء لي نعرفوا نشاء الله ما نبخل بيه حتى وحدة
سوف اكتب لك وصفتي القلاصاج بالسيرو والاخر ليتعجن شكرا
:ax_flw:ya3tik 2000 3afia 3la elmawadi3 eldjamila
المواضيع المشابهة
