البنات والمكياج ..................واش رايكم يا لي جون؟

[الظل الطويل]

المفهوم الوحيد للبنت لي تخرج بالمكياج هو انها تحب تبين روحها وتجدب الناس ليها
واكيد تحوس يتبلاوها
البنت المتربية عارفة بلي كي تخرج برا تخرج باش تقضي حاجتها مشي باش تبريزونتي روحها
والمشكل الكبير في المتزوجات حتى تنخلع منهم
في الدار وقدام الراجل تصيبها مهملة روحها وكي تخرج برا للناس تتهلا في روحها
مانيش عارف اسكو كلشي محضور مرغوب فيه ولا كيفاه؟؟؟؟
الله يصلحنا جميعا ان شاء الله​

 

[امينة لبرايجية]

الحمد الله مايعرفني مانعرفوا

 

[هديل الربيع]

انا صح نحب الماكياج و نديروا في العراس و الحفلات bien sur حاجة باين لكن كي نخرج معنديش مشكل كيما نقدر نحطوا كيما نقدر منحطوش تسمى معنديش مشكل و مش مولفة روحي بيه شكرا على الموضوع​

 

[chamse121919]

عمري محطيطو في وجهي

 

[nour mary]

انا مانديرش لمكياج دي فوا برك ندير لكحل هدا ماكان
ديجا لماكياج ماشي مليح انا كي نشوف لبنات مدايرين طابلو في وجهم والله نولي نضحك

 

[iktimel]

انا مانيش من البنات لي يديرو الماكياج اصلا مازالني صغيرة عليه ماعندي ماندير بيه
و البنات لي يديروه كاينة لي تعرف تسقمو و كاينة لي تطلي و جها برك و هي حاطة روحا مليحة مديتها في روحها
و كاينة لي يزيد يبهيها و كاين لي يزيد يبشعها
يعني الماكياج فيه و عليه
ايه صح كي ديريه تم يبانلك وجهك جاك مليح و مبعد تغسلي يرجعلك صاممط
شكرا على الموضوع

 

[47yassin]

ماكانش كيما الزين
original
​

 

[منايا الجنة]

جامي درتو وخرجت بيه
الجمال المرا هو الجمال الطبيعي
شكرا اختي على الطرح

 

[lamou]

I love make-up light. But I believe all who are not like him, but all I see on the street bearing

 

[JSK 14 CH]

الزين من عند ربي وعلاه تحطي يابنت الناس20 كيلوا تاع بانتورا على وجهك تفزدي غير وجهك ؟؟؟؟؟؟؟؟؟

 

[inasse01]

المكايج لو يعرفو لبنات جوانبه السلبية اكثر من الاجابية او بالاحرى لو فهمو كانه عافووه بصح البنت واش تشوف غير انها تبان شابة وتجدب انظار لجون بصح هدي مش عقلية
لازم تفكر في صحتها قبل لانه هدا بالطول ممكن يؤدي الى سرطانات جلدية وامراض حساسية الله يستر
تحيا الجمال الطبيعي وكيما قالت اختنا غير الكحل يزي لانه دواء في نفس الوقت
وشكرا

 

[FØùfà Bïô]

والله يلي قلتيهـ كآمل صحيح

مي مآشي قآع لبنآت كيمآ بعضهمـ :no_1:

كآين وآحدين مآ يبغووش يديروهـ ،،

و في الحقيقهـ مكآنش خير من النآتuرآل ...

وإذا الوحدهـ ربي مكتبلهآ تتخطب ،، بآهـ تتخطب بالمكيآج ولآ بلآش :wink:

مرسي آختي على الموضوع ..~
​

 

[مـــــلاك]

كاين الي فوق هذاك الكيلو تاع الماكياج يزيدو لي لونتي "العدسات"!!!!!!!!!!!
انا الصح يا اختي منديروش غير في العراس ندير كحل و ماسكارا فقط ، لانو بشرتي بيضاء و صافية طبيعيا و خدودي و شفاهي حمر طبيعياا ، منكذبش عليك في الـanti-cerne ساعات كي نسهر في وقت القراية ، نعيى بزاف يجوني الهالات السوداء ، نديرو باش نخبيهم c tous​

 

[farah mimita]

مانسيpورتيش الماكياااااج ماكاش كيما ناتuرال اخطيكم يالبنات مالطرافيييك
​

 

[zahira92]

الماكياج شيئ مريع اندثر منه الجمال الطبيعي للأسف والحقيقة ان حتى الشباب لاحظناهم يجرون :busted_red:وراء بنات الماكياج وهذه حقيقة لا يمكن اخفائها.:no_1:

 

[ήaήa~:)]

كيما يقولو الطفلة بلا ماكياج كيما سباط بلا سيراج ههههههههههه نتمسخر برك ^^

فيف زين الدزيريات اناتيرال ​

 

[شهد.]

ايييه حدث ولا حرج

تخي تحط اطنان واطنان من المكياج

تـــــبـنـتر روحها ها لحمر وهالخضر ولصفر يلي يبري .....تخلع

عمبالك لوكان تقلبي عليها بيدون ماء هي الفقعة تهربي تحسابيها كائن من الفضاء

والواحد يقول ربي يهدينا قبل ما يدينا

حابة اديري المكياج ديري ياختي من حقك تزيني روحك لراجلك بصح ما تخرجيش بيه واديري فتنة

يخي هادوما لبنات راهم يخرجو من ديارهم ماعندهم خوت ما عندهم اباها امهات يزرزيرهم

بارك الله فيك اختي موضوع حساس بزاف يعطيك الصحة

 

[mimi-ba]

شكرا على الموضوع

اولا انا ضد استعمال المكياج والخروج للشارع
وانا لا استعمله ابدا ,حتى احافظ على نظافة ونظارة بشرتي
كما تعملين المكياج يفسد البشرة ويثقبها ويفسدها
واللي دير المكياج تحب توري روحها بلي شاب وتقولك بلاك نصيد كاش واحد ههههه
بصح راهي تخدع في روحها بخداع المومنين

شكرا مرة ثانية​

صح يا ختي الماكياج مجرد قناع يخفي حقيقتنا ..............أشكرك على المرور.........​

 

[la_safa]

صح سمسم والله عندك حق انا تعرفيني و انا نعرفك والله هادي حاجة منتشرة بزاف مي الله غالب ولات تمشي في الدم و تقدري تقولي ادمان
​

 

[mimi-ba]

انا مزلت الصغيرة على الماكياج بصح راني نشوف بلي وين نروحو نشوف اللوحات الزيتية لازم كي يخرجو يديرو راحهم بيكاسو و يبدعو و يتفنو فيه كيما يحبو و يشتيو و انا صراحة نكره الطفلة لي هكا نحب وحدة تكون طبيعية مرسي عالموضوع الرائع تقبلي مروري
nicha03

والله صح أختي ماكانش كيما الناتيرال ..............شكرا على مرورك...​