البنات والمكياج ..................واش رايكم يا لي جون؟

[mimi-ba]

ايييه حدث ولا حرج

تخي تحط اطنان واطنان من المكياج

تـــــبـنـتر روحها ها لحمر وهالخضر ولصفر يلي يبري .....تخلع

عمبالك لوكان تقلبي عليها بيدون ماء هي الفقعة تهربي تحسابيها كائن من الفضاء

والواحد يقول ربي يهدينا قبل ما يدينا

حابة اديري المكياج ديري ياختي من حقك تزيني روحك لراجلك بصح ما تخرجيش بيه واديري فتنة

يخي هادوما لبنات راهم يخرجو من ديارهم ماعندهم خوت ما عندهم اباها امهات يزرزيرهم

بارك الله فيك اختي موضوع حساس بزاف يعطيك الصحة

كون غير تصب عليهم النو كاش خطرة باه يبانو ههههههههه..شكرا لك على المرور

 

[برنســ اللمة ـيسة]

اولا خويا مش اختي :busted_red:
معليهش في مناسبة معينة
بصح وش رايك وحدة رايحة تقرى ديروا
ولا رايحة تخدم؟؟؟
​

اسمحلي خويا
بصح نقولك الطفلة اللي تروح تقرا بالماكياج راها طفلة ما تحشمش على روحها و على اصلها

و الماكياج عند الخرجة نسميه باللا أخلاق
​

 

[بنت الجسور المعلقة]

تولفي روحك بلمكياج مرة خرى جي تنحية تباني كي الجثة ألي تنوض من القبر أعوذ بالله
ورانا نشوفو غير لي تحوط كيلو فوندوتا في وجها باش تبان بيضة ههههههه وتخرج
وخلي وخلي.....ولات لي معندهاش شفار في عينيها تلصق شفار اصطنتاعية وفوقهوم الغيسيل ههههههههه
مشكورة على الطرح والموضوع القيم ننتظر جديدك يا مبدعهــــــ​

 

[mimi-ba]

صح سمسم والله عندك حق انا تعرفيني و انا نعرفك والله هادي حاجة منتشرة بزاف مي الله غالب ولات تمشي في الدم و تقدري تقولي ادمان​

و الله صح يا سوسو هههههههههه..............شكرا لك أختي ..........

 

[H@teM]

اسمحلي خويا
بصح نقولك الطفلة اللي تروح تقرا بالماكياج راها طفلة ما تحشمش على روحها و على اصلها

و الماكياج عند الخرجة نسميه باللا أخلاق
​

بصح المشكل قليل وين نشوف طفلة مش ديراتوا
يعني تهز فكرة مش مليحة على بنات الوقت
منعرف على ماه يحوسوا يحسابوا الرجال عميان
:glare:
​

 

[برنســ اللمة ـيسة]

بصح المشكل قليل وين نشوف طفلة مش ديراتوا
يعني تهز فكرة مش مليحة على بنات الوقت
منعرف على ماه يحوسوا يحسابوا الرجال عميان
:glare:
​

يا خويا انت ما تفهمش علا روحك
ههههههههههه
الطفلة كي تكون جادوووووور تحط 4 كيلو و لا 5 في خليقتها باش تخدع الناس
و تحسب روحها كيفها ماكانش و هي راهي كيما الكوميكات
​

 

[mimi-ba]

نكره حاجة اسمها ماكياج و نكره لي ديرو ​

درك ولاو من شدة انهم ما يستغناوش عليه ​

كي ينحوه يبانو مرضى بالسيدا ~ الله يحفظنا ~ ​

الحمد لله ما نديروش ​

ماارسي عليك ​

هههههههههههه كاين منها ...........شكرا على المرور............

 

[بنت الجسور المعلقة]

وحدة عمرها 13سنة لقيتها مدايرة المكياج قلتلها يا ختي واش هدا لي في وجهك
قاتلي الله جميل يحب الجمال لازم نجمل روحي قلتلها في هادي عندك الحق صح بصح عمرك 13سنة بزااااف صغيرة
عجبا!!!!!!!!!!!!!!!!!!!!!!!!!!!!!!

 

[dana1993]

السلام عليكم
نظرا لكثرة الفنانين و قلة اللوحات ما وجدن سوا وجوههن للرسم و البرقشة فيها
فهي عبارة عن لوحات زيتية متنقلة بين ارجاء المدينة تعبر عن الطبيعة المريبة و الجمال الكئيب
فيا حصرتاه على زمن ظهر فيه فونقوق و بيكاسو
مراسلتكم دانا.الللمة.الشارع
مشكككوووورة على الطرح

 

[برنســ اللمة ـيسة]

السلام عليكم
نظرا لكثرة الفنانين و قلة اللوحات ما وجدن سوا وجوههن للرسم و البرقشة فيها
فهي عبارة عن لوحات زيتية متنقلة بين ارجاء المدينة تعبر عن الطبيعة المريبة و الجمال الكئيب
فيا حصرتاه على زمن ظهر فيه فونقوق و بيكاسو
مراسلتكم دانا.الللمة.الشارع
مشكككوووورة على الطرح

ههههههههههه
يا دانا بيكاسو و فان غوغ اثرو عليهم بزاااااااااااف
واش راح نديرولهم
​

 

[mimi-ba]

شكرااااااااااااااااا على الموضوع
يا االمزوق من برا واش حوالك من داخل
هاذي قالوها ناس بكري
سلام

هههه صدقو .................شكرا على المرور.........

 

[mimi-ba]

الماكياج ليس سوى خدعه فنية ...الي بتحطو بتكون صابغا وجهها لوحه فنيه مش اكتر

اما الجمال الطبيعي فهو الدائم
انا كونتر للماكياج وما نديروش خلاص منحبش لي يديروه يبانو ناقصين ثقه في روحهم

و الله صح ختي ...........شكرا على المرور...............

 

[mimi-ba]

حاجة تحير فيكم يا لبنات وينما تجبدو على موضوع انتوما ديما خاطيكم كلش ماتهدروش ماتخرجوش ماديروش....
المهم انا ندير ماكياج مي خفيفوماعندو مادانا لكيلو...بزايد من التعانيد

هههههههه أحفظ الميم تحفظك ...........شكرا على المرور...........

 

[racha.]

الله غالب الدين محرم انها المراة تخرج متبرجة ما واش راح نقول واش راح نخلي هذا الوقت البنات الي يحشموا على رواحهم يتحسبوا على صباع يديك

 

[mimi-ba]

السمح سمح حتى لو ذار من النوم و تابشع حتى يدوش كلا يوم

مشكوورة على المرور ..............

 

[mimi-ba]

مالا نهار كيما يكشفوهم على حقيقتهم يعني بلا ماكياج الخطابة يهربوا كل واحد يهز حصانوا ويفركس:yahoo:

هههههههههه والله تصراااااااااااااااا

 

[mimi-ba]

السلام عليكم
بلنسبة ليا يا ختي مانيش من عشاق المكياج
و كون نقولك حاجا أمني و لا دبري راسك ما نعرفش حتا نديرو و نخمدو غاية
مانكذبش على ختي ندير الكحل مي صوالح وحدخرين قاع ما نسمعش بيهم
تحياتي

الكحل نورمال راهو دوا ..................شكرا على المرور .............​

 

[H@teM]

يا خويا انت ما تفهمش علا روحك
ههههههههههه
الطفلة كي تكون جادوووووور تحط 4 كيلو و لا 5 في خليقتها باش تخدع الناس
و تحسب روحها كيفها ماكانش و هي راهي كيما الكوميكات
​

هههههههههههههه
ربي يهدي هدا ما نقول
راح نولوا كي تاعين الخليج
مكااانش حاجة دوريجين
:glare:
​

 

[mimi-ba]

هههههههه

علابالك الماكياج واش يقولو بابا؟؟؟؟؟
.
.
.​

.
يقولو خداع المومنين
ايا مالا انا نقولك صح نشري الماكياج بزااااااااااااااف و عندي بزاااااااااف بصح ما عنديش جرأة نديرو و نخرج بلوحة زيتية لبرا ​

ه ان شاء الله عمرك ما تديريه هههههه.شكرا لك

 

[Dr.CrAzY]

السلام عليكم
كاين ياسر لي يقولك أنا خاطيني أنا مانديرش
شكون يدير مالا يخي المنتدى جزائري
وحنا عايشين في دزاير
وأغلبية الأعضاء جزائريين
أو ننسى لهنا خاطيهم كلش.............
تسمى كرايزي هو لي يدير في لماكياج ؟؟
أنا لي نخلط في وجي هادو الكل

أنا لي نعمر وجي بالألوان حتى نولي كي حديدوان ؟
لي تيدر لماكياج
عندي خارجة تصيد وتلفت الانتباه
وتاتيري الغاشي
تاتيري الطالع والهابط
الرايح والجاي
يخي سلعة مترافيكية......

صحيتي


​