الى متى ونحن مقهورين من قطع الكهرباء

* أميرة الأحلام *

:: عضو بارز ::
أحباب اللمة
إنضم
27 أكتوبر 2009
المشاركات
3,575
نقاط التفاعل
17
النقاط
157
السلام عليكم ورحمة الله وبركاته

الى متى ونحن مقهورين من قطع الكهرباء:busted_red::cursing:

عرفت المناطق الصحراوية في الجزائر بمجرد حلول الصيف انها سوف تعاني من انقطاع الكهرباء حتى انها تجد الازمة في جميع مناطق المدينة حتى اننا اصبحنا نعاني كل صيف من السخانة ومن انقطاع الكهرباء الذي يضم نصف ساعة او اكثر وياليته في فترة الصباح المشكلة يتم انقطاعه في الفترة الممتدة من 13.00الى 15.00 يعني الوقت التي تكون في سخانة قوية حتى انك تفقد الصبر من تلك السخانة ولايستطيع تحمل انقطاعه
هاهو كل يوم ينقطع علينا الكهرباء حتى اننا اصبحنا نعرف وقت انقطاعه وحتى لو يطيل قليلا في انقطاعه نبقى نترقب في انقطاعه لاننا عهدنا انقطاعه وكم من مرة يتم خروج الشباب الى الشارع من قوة قهرهم لهذا الانقطاع الى الحرق وقطع الطرق بالحجارة والكثير من اعمال الشغب لكن لافائدة لانهم لوتقدموا الى المطالبة بحقوقهم امام اصحاب الامر الرئيسي احسن من الوقوف في الطرق والقيام باعمال الشغب لانها تحل لهم هذه المشكلة وممكن تسبب لهم المشاكل من طرف الشرطة من خلال الامساك بهم متلبسين باعمال الشغب :scared::scared: والشيء الذي ازعجني من الشعب هو حرق كراسي الشوارع والشجر ورميهم في وسط الطريق وتدمير الرصيف ورميه بوسط الطريق ما الفائدة هل هو حل ؟؟؟؟؟؟؟؟؟؟ ربي يهدي
كما انزعج الخبازين من خلال الانقطاع الذي اصبح يهدد عملهم الى انهم سوف يقطعون عمل الخبز ويبقى اضرابهم حول عدم انقطاع الكهرباء الذي اصبح عائق في عملهم :no_1::no_1:وكيفاه مع السخانة ونزيدو نخبزو كل يوم حرام عليهم :tears::tears:
ان شاء الله تنحل هذه المشكلة في اقرب وقت يارب لانها اصبحت مشكلة متداولة في كل صيف :heh::heh:
 
ان شاء لله اختي نور تتحل ولكن اظن ان الكثر في صحراء الانكم تستعملون المبردات بكثرة
لكثرة الحر عندكم على هدي ينحيوها بعض الوقت حتى لا يحدث اي خلل في الكهرباء
وان شاء لله تتحل
 
حنا تاني من 8.00 حتى 4.00 قريب هبلت اوووووووووووووووووووه بزززززززززززززززاف مع العطلة لواحد مايلقى مايدير بلا كهرباء
 
عندنا فى غرب الجزائر الحمد لله فى اسبوع ينقطع ساعة او اقل​
 
الغالية نور واله هاته مشكل انه تبقى هاكذا الانقطاع:cra_zy: اصبحت مثل الدواء 3 او 4 مرة في اليوم كل مرة لمدة 30دقيقة وفي وقت الذي تزيد فيه السخانة يقطعوها:busted_red::busted_red: الله يهدي ماخلق اذا كان المولدات يخافون عليها فليزيدوها ليرتاحو هم ويرتاح الشعب من هاته الانقطاعات :sadwalk:
يعني كل شيء بالكهرباء وبانقطاعها ماذا يبقى !!!!!!الله يهديهم :cursing::confused::cra_zy:
والا اقولك حاجة تعالو الينا ولن تعرفو ابدا هاته الانقطاع
 
آخر تعديل:
ايه يوالفو الناس بيها و نهار يحتاجوها تولي ماكانش
 
اختي رانا في واد واحد
كرهنا وملينا من انقطاع الكهرباء والعذاب نتاعه خصوصا اللي عندهم البيبيات في الديار
ربي معانا وربي يهدي الحكومة اللي تقدر تقوي لادوز 3 مرات اكثر من هكا بصح راهي قاعدة

الله غالب وش نديرووووووووووووووووووووووووووووووووووووووووووو
كرهنا
 
والله يا اختي راكي حطيتي يدك على الجرح قدقد المشكل تاع التريسيتي قديم في الحقيقة مي هذ العام وحدو الانقطاعات يوميا وفي الوقت لي مش ممكن تقعد بلا كليماتيزور تروح عند سونلغاز يقلولك بلي لاشارج بزاف على لي ترانسفو ولازم علينا نريحوهم باه ما يخسروش يعني هذا هو الحل الوحيد لي لقاوه ما تنستاهلوش يخسرو علينا شوي دينارات وينحيو علينا هذ الغبينة والحاجه لي واحد ما راه حاب يتفكرها رمضان لي ما زالو عليه ايامات برك المهم الله يجيب لي فيها الخير
 
و الله يا خاوتي غير تجاوبوني بصراحه لو كان جاء هذ المشكل مطروح في منطقه اخرى ماشي الجنوب ماشي الصحراء ماشي بقية ارجاء الوطن يكون الحال كيما هاك


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
لا مايكونش كيما هكا
يكونو اكيد دارولهم حل
بصح الله غالب
هذا ماك يا حوت اشربه ولا موت
 
يا ختي سقسي علينا حنا ماناش في الصحراء بصح صاري فينا الباطل !!
و الله ما قدرت ندخل للمنتدى غير هذا وين بعد مارجعت التريسيتي و من الصباح و السخانة تاكل فينا مالgري باتنة مشي صحرا
ربي يقوينا و يصبرنا
 
يا ختي سقسي علينا حنا ماناش في الصحراء بصح صاري فينا الباطل !!
و الله ما قدرت ندخل للمنتدى غير هذا وين بعد مارجعت التريسيتي و من الصباح و السخانة تاكل فينا مالgري باتنة مشي صحرا
ربي يقوينا و يصبرنا
لالا ختي ما تدخليش للمنتدى ماشي كيما تقيلي في 50 درجة من السخانة شكرا للمشاركة
 
آخر تعديل:
سونلغاز يقلولك بلي لاشارج بزاف على لي ترانسفو ولازم علينا نريحوهم باه ما يخسروش يعني هذا هو الحل الوحيد لي لقاوه
ياحبيبي اذا يريدو يريحو لي ترونسفو فليجلبو اخرين ليدعمو بهم وهاكذا هم يرتاحو و الشعب يرتاح من هاته الانقطاع الممل
واين اموال البترول اين يضعونها اذا ليس تخدم الشعب وما استغربه كيف الجزائر تصدر الكهرباء الى الخارج على ماسمعت وهي ليس لديها اكتفاء
الله يهدي ماخلق ان شاء الله ويصبركم على هاته الانقطاعات المملة
 
hhhhhhhhhhhhh ana nro7 nor9od bah manab9ach n5amam pcq 9albi yoja3ni
 
والله غي كرهونا كل يوم تروح التريسيتي وزيد راهم علابالهم بلي رانا في الصيف والسخانة يعني نحتاجو الكليماتيزور يحوسو يقتلونا ولا
انا وحدة من الناس كرهت هذا الانقطاع في الكهرباء
 
ربي يهديهم
 
مشكلة صح مع السخانة هادي الواحد

ماش حامل روحو ونحنا نحتاجوها في كل شيء

يعطيك الصحة اختي نبع وربي يكتر من امثالك
 
و الله مشكل كبير سيرتو مع هذ السخانة ما تقدريش تبقي بلا كليماتيزور فكرتيني بوحد الوقت في رمضان قدقد كان عندنا مشكل في انقطاع الغاز و الكهربا و تخيلي انتي مع وقت الفطور كيفاش يكون الوضع سيرتو كي تكون السكنى اونكاستري ما تقدريش تبوجي بلا كهرباء سيرتو مع الطبخ مي واش نقلك راكي في بلاد العجب ما تستغربي ما تحيري الصبر برك
 
selfillumination.jpg

والله الحمد الله عمروا مانقطع كهرباء علينا
 
أصبحت عادة في لالجيري كل صيف

بالتوفيق ...
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top