الحـــــسوة **أكلة من الصحراء**

[حاملـة المسك]

السلام عليكم ورحمة الله وبركاته


على بركة الله نبدأ


خميرة الحسوة

نوجدو الخميرة ليلة من قبل باضافة الدقيق الى الخميرة المحتفظ بها في الثلاجة
و نقدرو نخلطو فرينة و دقيق

الحسوة مقاديرها:

خميرة - طماطم حب و مصبرة - كرافس - حشيش مقطفة - ثوم - فلفل حار - بوفجوخ - ملح - -فلفل أحمر
لفت - فول يابس

الطريقة :
ننقع الفول 24 ساعة في الماء مسبقا ثم نوضعوه في قدر مع ربع ليمونة و كرافس و كمون
لما يطيب اللفت نحتفظ بالماء و نضيف عليه ماء آخر عندما يصل الى درجة الغليان نضيف بحذر خميرة الحسوة دون انقطاع في التحريك و نكونو حطينا حزمة الكرافس و الحشيش المربوطة بعد ما ترفد الغلية نضيف صلصة الطماطم و التوابل و الثوم المدقوق نستمر في التحريك من بعد نقص النار ونخليها على كيف كيفها قد ما تطول في الطياب تجي خفيفة بلا ما ننساو نحطو الفول و اللفت باش يندمج مع المكونات
نطفو النار نضيفولها البوفجوخ و شويا من العصارة مع الحشيش وكرافس مقطعين
و نسقوها في القصعة بكسرة المركب و كون تجي بالقمح تكون أطيب

و بصـــــــــ ح ـــتكم

رابط الكســــــرة :

https://www.4algeria.com/forum/t/237340

ملاحظة :
دائما نحتفظ بشوية خميرة في الثلاجة باش نخمرو بيها الحسوة خطراش كون نديرو وحدة جديدة ما تجيش بنينة

فيه طريقة ثانية بالفارينة و القارص الكيفية توجدوها في مواضيع الاخت ندى

الحسوة تتسقا على المركب مشي على الفطير

تتسقا مشي سخونة بزاف ..... باش متدخلش في بعضاها لازم تكون فاركة


أرحب بأي إضافة أو إستفسار










​

 

[حكيك]

يعطيك الصحة على الحسوة والله تشهي
وشكرا على المجهودات

 

[fati_moon]

يم يم سخفتيني هاذي نقولو لها في بسكرة حسوة مخمرة راني نموت عليها حارة وحامضة

 

[حاملـة المسك]

يعطيك الصحة على الحسوة والله تشهي
وشكرا على المجهودات

الله يسلمك...شكرا لمرورك

​

 

[حاملـة المسك]

يم يم سخفتيني هاذي نقولو لها في بسكرة حسوة مخمرة راني نموت عليها حارة وحامضة

صحيتي يا 07....:wink:
برك قليلي شكون لميحبهاش :surrender:

​

 

[nada242008]

امم جاتك هايلة وتشهي ما شاء الله
ماتتشبعش صح على قد ما ناكلوها نقولو ما كليناش:heh:

 

[حاملـة المسك]

امم جاتك هايلة وتشهي ما شاء الله
ماتتشبعش صح على قد ما ناكلوها نقولو ما كليناش:heh:

تعرفي زعما قطعناها كسخن الحال
هدو ليمات كترموماتر طلعت تخلطت مخاخنا رحنا جبنا الخميرة من عند الحباب و حسوينا
وششششش راياك مشي لازملنا ناكلو البصصصصصصل :music_whistling: :surrender:

​

 

[ibtesem]

شكر لكي على الوصفة
والله اول مرة نسمع بالحسوة بالخميرة
رغم اني بنت بسكرة
باركالله فيك

 

[merieme hassi]

هايل يعطيك الصحة يشهي
بارك الله فيك على وصفاتك الجميلة​

 

[حاملـة المسك]

شكر لكي على الوصفة
والله اول مرة نسمع بالحسوة بالخميرة
رغم اني بنت بسكرة
باركالله فيك

و فيك بارك المولى...تحيري نفس الولاية
سييها ...إن شاء الله تعجبك

​

 

[حاملـة المسك]

هايل يعطيك الصحة يشهي
بارك الله فيك على وصفاتك الجميلة​

​

 

[tita69]

 

[حاملـة المسك]

العفو....نورتي

​

 

[اميرة المنتدى]

يعطيك الصحة​

 

[MIMICHA1977]

امممممممم يعطيك الصحة

 

[حاملـة المسك]

يعطيك الصحة​

امممممممم يعطيك الصحة

أميرة..مميشا......بارك الله فيكما

​

 

[نبض الحياة]

تسلم ايديك حنونة
​

 

[حاملـة المسك]

تسلم ايديك حنونة
​

سلمك يا لحبيبة

 

[فايزة1207]

لو تزيدي تحطيلي مقادير الحسوة بالكرشة تبعثهالي جارتي لذيذة وشكرا مسبقا

 

[ايمان العلمية]

انا ذقتها عند خالتي وعجبتني

مشكورة