• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

والله حاجة ماتنفعك كي تخطيك هي.....

إحســاس بــراءة

:: عضو متألق ::
أوفياء اللمة
السلاااااااام عليكم واش راكم يا خاوتي ان شاء الله لاباس

اليوم هاني جيتكم بموضوع
بغيت نقول كلمات برك ومانيش رايحة نطول عليكم

يا خاوتي الانسان في الدنيا هاذي حتى ويلا كان عندو المال و وماخصو حتى شئ

حتى ويدا كانو عندو ولاد وبنات و ساكن في منزل فاخر و سيارات و مناصب عليا بصح لوكان تخطيه هي والله حاجة ماتنفعو

علابالكم واش الحاجة اللي راني نهدر عليها

راني نهدر على الصحة يا خاوتي

كيما يقولو الصحة هي الصح
الانسان حتى ويلا كان عندو قنطار تاع مال وحاجة مايش خصاتو بصح نهار تجيه في صحتو ويطيح يمرض والله ماينفعو لا مال لا بنون
تنفعو صحتو برك

بزاف ناس نشوفوهم مرضى مساكن و كي تشوف وتسقسي عليهم تلقاهم عايشين في الخير والخمير بصح كي مرضو حاجة مانفعتهم

مالا الواحد في الدنيا هاذي ديما لازم يقول الحمد لله على الصحة برك
اما المال ولا اي حاجة تاع دنيا رايحة تفنى

بزاف ناس ولادهم كانو معاهم ونهار جاتهم في صحتهم خلاوهم و سمحو فيهم لاخاطر طاحت بيهم و ماقدروش ينفعوهم

اي حاجة اي حاجة في الدنيا هاذي ماتجيش قد الصحة تاع الانسان
لابغا الواحد ياكل ويشرب واش كتبلو ربي ويحمد ربي
المهم يكون بصحتو ولاباس عليه

هاذي هي نتمنى ربي ان شاء الله يشافي كل مريض ويخفف على كل واحد ان شاء الله يارب
وماتنساوش دعواتكم لكل مرضى المسلمين

سلام
 
ربي يشفي كل مريـض ويدوّم علينا الصحة ويقدرنا على طاعته
يعطيك الصحة اختي بشرى كلامك في الصميم
وكيما يقولو
الصحة تاج فوق رؤوس الأصحاء لا يراها الاّ المرضى
بارك الله فيـك + تقييم

​
 
والله بزاف ناس عندهم دراهم وماهمش بصحتهم والله ماراهم ضايقين نعمة العيشة الهانية مالقري ما يخصهم والو ربي يشافي كل مومن ان شاء الله
وشكرا ليك بشرى على هذا الموضوع القيم
​
 
عندك الحق
الله يحمينا من كل شر
 
ربي يشفي كل مريـض ويدوّم علينا الصحة ويقدرنا على طاعته

يعطيك الصحة اختي بشرى كلامك في الصميم
وكيما يقولو
الصحة تاج فوق رؤوس الأصحاء لا يراها الاّ المرضى
بارك الله فيـك + تقييم​
امين ان شاء الله
ربي يشفي جميع المرضى ويخفف عليهم يارب
الله يحفظك اختي
شكرا ليك
 
والله يا ختي موضوع فور
صحيتي و بارك الله فيك
تستاهلي تقييم
مكانش كيما الصحة هيا الصح
ربي يشفي كل مريض ان شاء الله
و يخلينا أعضاء كيما هادو هوما الصحة نتا ع منتدى هههههه
مارسي ليك مرة اخرى على الموضوع
تحياتي
 
الصحة تاج فوق رؤوس الأصحاء لا يراها الاّ المرضى
ربي يشفي كامل المرضى خاصة اللي فالمستشفيات
شكرا حبيبتي على الموضوع + تقييم
​
 
يعطيك الصحة بشرة علي الموضوع نطلبو ربي يعطينا قد الصحة
قد العمر وا ما يخليناش مسخرة للعديان مع الف تحية
 
وعليك السلام بشبش
والله عندك الحق اختي كلامك صواب
الصحة ادا راحت ماتتشراش لا بالمال لا بالذهب
ربي يشافي كل المرضى و يخفف عليهم
و يبعد علينا كل مرض
امين يارب
والواحد يقول الحمد لله على كل حال
شكرا لك يا غالية
موضوع في القمة بوركت .

 
ايه الصحة هي عدوة ملاها اذا راحت راح لهنى ولمال ولولاد وكلشيء
موضوع في محلوا يستحق القراءة شكرا تقبلي مروري
 
عندك الحق اخي الصحة هي كلشي



ربي يحفظنا ويحفظ جميع المومنين ويشفي مرضانا
 
ربي يدوم الصحة لينا صح المرض واعر بزاف بزاف سيرتو ادا كان مزمن والله كي تشوفيهم قلبك يتقطع يشفو
ادا راحت الصحة ماكان حتى حاجة اخرى تنفع غير ربي
شكرا موضوع ممتاز
 
الصحة تاج يختي بشرى ربي يحفظلك سلامتك
 
الصحة هي تاج كل انسان
 
الـصحة وراحـة البـال يعطيـك الصـحة



 
والله بزاف ناس عندهم دراهم وماهمش بصحتهم والله ماراهم ضايقين نعمة العيشة الهانية مالقري ما يخصهم والو ربي يشافي كل مومن ان شاء الله

وشكرا ليك بشرى على هذا الموضوع القيم​
ايه يا ايمان اختي حتى ويدا ماكان خاصهم والو
بصح الصحة ماكاش واش الفايدة
الله يشافي الجميع ان شاء الله
شكرا ليك
 
والله يا ختي موضوع فور
صحيتي و بارك الله فيك
تستاهلي تقييم
مكانش كيما الصحة هيا الصح
ربي يشفي كل مريض ان شاء الله
و يخلينا أعضاء كيما هادو هوما الصحة نتا ع منتدى هههههه
مارسي ليك مرة اخرى على الموضوع
تحياتي
صح يا اختي الصح هي الصح
ربي يبعد البلا
ربي يخليك
ويعطيك الصحة على كلامك الطيب
شكرا
 
يعطيك الصحة بشرة علي الموضوع نطلبو ربي يعطينا قد الصحة
قد العمر وا ما يخليناش مسخرة للعديان مع الف تحية
الله يخليك خويا
ان شاء الله ربي يستر كل مؤمن و يحفظو هاذا مانقولو
شكرا ليك
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom