طلع البدر علينا من ثانيات الوداع .......

[khalilou algerino]

موضوعك غاية صحيبي يلزم تكون مشرف هنا ... ورمضان كريم و يعطيك الصحة​

 

[Mr mino]

مابيناش الصوام ياي كي ماناكل مانشرب نهار كامل بالنسبة لي عادي
ياي السخانة وزيدو يقطعو عليك التريسيتي هي الي تضر
وربي يفرج برك​

ههههههههههه


ها ماتقدريش تستحملي لعطش الا كانت السخانة

الماكلة بلاك تنجمي متاكليش مي لعطش شويا صعيبة

بصح ربي يقدرنا على صيامه

وان شاء الله فارية

ميرسي فاهو ربي يخليك

ديما كيما عوايدك

​

 

[**بنت الأصول**]

مشكوووووووووووور على الموضوع

وعليـCOM السلام ورحمة الله وبركاته
والله يا خويا موضوع مليح ومفيد في نفس الوقت
إنقولك يا مينوا خويا الناس تو راهي إتحوس غير على راحتها وماعدتشي قادرة على الجوع
ونسيت بلي شهر رمضان شهر التوبة والغفران
ناس بكري تصوم رمضان و عايشة لباس بيها
وإحنا:music_whistling:
مازال النهار لول يبدوا يحكوا : يالطيف شفتوا هدا النهار كيفاه عقب
إيييي سخانة وعطش ماعندي مانقوللكم >>>يااو أجرك راح باطل:no_1:

الرسول صَلَّى اللَّهُ عَلَيْهِ وَسَلَّمَ قَالَ : " مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ وَمَنْ قَامَ لَيْلَةَ الْقَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ
صدق رسول الله صلى الله عليه وسلم

وكذلك شهر رمضان هو مضاعفة الحسنات و محو السيئات
.............
:scared: كتبتلك محاضرة
.
.
.
أي في لامان خيو


​

 

[sajod2100]

الـــــــــــــسلام عليكم
معاك االحق ناس كامل يعيطو من رمضان في الصيف يقول سخانه ووووووو.....
اول اليوم في رمضان يكون صعب اشوى مع تعب سخانه ومن بعد نولف عنه
​

 

[جزائرية حتى الموت]

ماقريتش الموضوع :no_1:

من بعد نعاود نرجع ان شاء الله

تحسب la memoire :no_1:

الله يعطيك الصحة مينو

شكرا على حسن الانتباه

ايا على خير اي

 

[Mr mino]

اهلا مينو واش راك خويا ؟؟
ديما مواضيعك فووووووور بصح مادرتناش اليوم الكليماتيزور في موضوعك هههههههههههه
والله عندك حق مينو نورمالمو الناس يقولو الحمد لله لأنو دارلنا ربي شهر رمضان فيه كامل الخيرات والناس تتلم مع بعضاها ويغفرلنا ربي فيه كامل الذنوب وتكتر فيه الحسنات ماشي يقولو واش يخلصو علينا وزيد ربي سبحانو رايح يعطينا الصبر على صيامو
وان شاء الله ربي يقدرنا على صيامو وقيامو
يعطيك الصحة مينو على الموضوع الهااااااااااايل
بارك الله فيك​

وفيك بركة

اهلين سارة خيتي نورتي

انا راني مليح الحمد لله السوال عليك

ياك راكي بيان

ليوم مادرتش لكليماتيزار وطولت الموضوع باش

نولفكم قبل رمضان باش يجي رمضان تنجمو تتحملو

هههههههههه

كلامك عسل سارة اختي والله يعطيك الصحة ديما كيما

نعرفك ربي يبارك فيك ان شاء الله

وان شاء الله نصوموه بالصحة والهناء

ميرسي بزاف سارة اختي

وربي يحفظك

​

 

[الجزائري05]

بسم الله الرحمن الرحيم ​

sـــــلام عليــcom


وعليك السلام والرحمة
واش من العنوان تحسبوه فيلم الرسالة لهنا

ايا اوكي معليش كل واحد يجيب وحدة كيما هذي

الجريدة المزنجرة

:um_sh:
مفهمتش واش ندير بيها
وين راح البراد

وهيا نقولوا كامل en groupe

" طلع البدر علينا من ثانيات الوداع واجب الشكر علينا ماداع لله داع .....الخ "


نولوا كيما قوريش


حقى تعرفوا لحكاية هذيك تع الجزايريين اللي

بغاو يقلدو فيلم الرسالة ؟؟؟

قالك بغاو يقلدوا فيلم الرسالة ايا بداوا

يمثلوا وكي لحقوا لوحد اللقطة واحد قال لواحد

" لقد قتل حمزة "

قالو لوخر


" قتل حمزة ؟؟؟!! Ce est pas vrai "

عمر راسك

راك علابالك وين يتعمر الراس:music_whistling:


اييييييييييييي نسيت نسقسيكم واش حوالكم ان شاء الله ملاح ؟؟؟

انا اكم علبالكم كي نبدى نحكي يخي مانحبسش

المهم انا ليوم الموضوع تاعي ماشي هذا هو

( علبالي راكم تقولوا هذي لحكيات كامل ومزال مابداش في الموضوع يخي حالة يخي )


معليش انا ليوم بغيت نحكي على وحد لغنية رانا

كل يوم نسمعوها وين مانروحوا نسمعوها بارتو وين

ماتروح لغنية هذي اكيد كامل تعرفوها وسمعتوها

وكاين حتى اللي يغنيها

هيا عنوانها

" مع السخانة هذي واش يفوتنا رمضان "

يغنيها الشاب اللي وسمو " الشاب فنيان "

كلمات الكاتب الكبير " العيان "

الحان الملحن الشهير " دزو يطيح "

جديد صيف 2010:u_pc:

Gـــاع علبالنا بلي شهر رمضان المعظم على

الابواب وكامل علبالنا بلي كاين ناس راهي تقارع

في هذا الشهر بفارغ الصبر وكاين اللي راه

يقارعلو بالمزية وكاين اللي مراهش حاس بيه خلاص

انا ليوم بغيت نحكي على حالة الغاشي اللي راه

كل يوم يسمعنا " اي جا رمضان شا يفوتو "

والله غير عيب والله

علبالكم لوكان جا شهر رمضان انسان يجينا ك عام

لوكان عرف واش راهم يقولوا عليه الناس او والله

يبطل مايجيش واحد مراه باغيه يجي علاه يجي

واه يا عجابة يا ربي رانا في 2010 الحالة مطورة

هذا كليماتيزار وهذا ماء بارد وهذي راحة

واستجمام وهذي راحة واستحمام ومزالنا نخافوا

من شهر رمضان الا جا في الصيف ؟؟؟

لالا بالعكس نرتاح كي نصوم فالسخانة
عكس الشتا

والله يحيروني ناس في رمضان اللي فات كانوا يقولوا

ايييييييي رمضان العام الجاي راح يجي في الصيف

كيفاه نفوتوه

اخويا غير عيش وموت للعام الجاي ويرحمها ربي

الغاشي خايف من السخانة وكيفاه يصوم

انا نقول اللي خايف على روحوا يموت بالعطش والله

مايصرالو حاجة ومراحش تموت بالعطش ويلا قربت تموت

اشرب وممبعد في الشتاء عوض ربي غفور رحيم هذا

الا كنت على حد الموت

ههههههههه
قاوية هدي يا مينو

وزيد احنا والله رانا خير من وحد الناس

ايماجيني روحك راك عايش في الصومال ومانروحوش

بعيد علاه الصومال افرض راك عايش غير في تمنراست

ني كليماتيزار لا فونتيتار لا والو ويلا كانو

هذو كاينين مراح يديروا والو مع سخانة الصحرا

وصيفها

انا سير نقلك تموت قبل مايلحقك رمضان غير الخولعة تقتلك

بصح بار كونتر تلقى الناس هذو اللي راهم يسكنو

في تمنراست والصومال فيهم اللي يفرح كي يجي

شهر رمضان

احنا قاعدين في النعمة الحمد لله ربي يدومها ونقولوا

" رمضان العام هذا واعر واش يفوتو "

كيما فات نتاع العام اللي فات

كاينة ناس تفرح لشهر رمضان لانو شهر التوبة والغفران

وكاينة ناس تكره حياتها كي يدخل عليها شهر رمضان

ربي اللي خلق مايضيع ومدام راح يجي شهر رمضان في

الصيف راح يعطينا قدرة ان شاء الله ونصوموه

ونورمال وزيد الا عييت من الصوم نهار ولا زوج

وراه المشكل ماتزكيش من روحك انت خلاص ؟؟؟

والله غير تسمع الناس واش تقول راسك يضرك

وين احنا من ناس بكري وقت الرسول صلى الله عليه

وسلم والصحابة هذوك كان كي يجيهم شهر رمضان

المعظم يفرحولوا وكي يكمل يبكوا ويصوموه في اي

فصل ولا كليماتيزار لا تبراد السخانة الصحرا

والشمس ويصوموووووووووو

احنا متوفرنا كلش ومارضيناش وموش عاجبنا الحال

مافهمتش انا جانا شهر رمضان في الشتاء قلنا

البرد والبرد يجوع

جانا في الصيف قلنا السخانة والسخانة تعطش

وكتاه وكتاه بغينا يجينا شهر رمضان ؟؟؟


والله ماينة ماينة تع الصح




مالا انا نقول

رحمت ربي واسعة وتاكدوا يالي راه خالعكم شهر

رمضان العام هذا بلي راح يعطيكم ربي قدرة وان

شاء الله تصوموه وتكملوه

انتم عليكم غير تنوو صيامكم لله وتصوموا صيام

صحيح وربي راهو رحيم بعبادو


وتاني نقول

اشربوا في السحور قد هذو الزوج ماء وماتخافوش

علاه راح نطري الطريق
هههههههههه

ربي يقدرنا على صيام شهر رمضان الا عشنالوا ان

شاء الله وان شاء الله يكون طريق للتوبة ومسح الذنوب


ها اللي راه يقول

" رمضان هذا العام شا يفوتو "

لعودش تبطل هذي الهدرة خير وتبدلها بــ

" ربي اعطينا الصحة والقدرة على صيامو يا رب "


هذا مابغيت نقول انا

وسامحوني طولت عليكم ها من عوايدي هاك

مالا انا نقلكم

راك طولت صح مي السماح موضوع مفيد للصحة
السماح يا مينو


​

حبيت نزيد اضافة يا شريكي على كلامك انوكل مازاد التعب والعطش والمعاناة فالصوم الاجر ثاني راهو يزيد ايا وين لقيناها هدي
الحمد لله على نعمة العقل
سلام
​

 

[fufa22]

خويا والله تعبت الموضوع طويل وزيد السخانة والكلافيي ما فيهش العربية
وزيد راهي الوحدة تاع الليل
وعلاش ما تخممش في خوك تقول
تقول يعيا ؟؟
هههه
يعطيك الصحة ع الموضوع
عجبتني تاع
c'est pas vraiiiiiiiiiiiiiiiiiiiiii
مات حمزة
​

 

[Mr mino]

والله بنسبة ليا نووورمال
السخانة والفنا عليها والفت علينا
والله حاجة نورمال تجينا في الصبر وخلاص
يعطيك الصحة خويا على الموضوع
والله فور لعلى الناس يهديها ربي
تبطل هاك لبلاg
​

اهلا حتومة حبيبي

كي راك ؟؟؟

واه انت السخانة والفتها صح الواد سخونة بزاف

ربي يقدركم برك

ربي يخليك حتومة حبيبي وربي يجازيك

ميرسي بالبزاف

تحياتي


​

 

[Mr mino]

نقولك حاجة اخي
انا مارانيش عارف اذا رمضان راه قريب ولا بعيد
راني عايش غيل هكدا وجايب دنيا بلاخبر
نهار الللي نسمع غدوا رمضان راني نصوم ونقعد صايم حتى اللي نسمع غدوا العيد

زعما هدا اذا سمعت وبالاك مانسمعش خلاص ..... قالك هايشة عايشة فوق الارض

ههههههههههههه

انت سير مالا راك عايش في الجيهة الورانية من

لرض بلاك في القطب المتـgــلص

اخويا نوصيك صوم وقت مايقلولك وافطر وقت مايقلولك

وخليها على ربي

هههههههههه

يعطيك الصحة خيوو ربي يجازيك

ميرسي تحياتي

​

 

[H@teM]

اهلا حتومة حبيبي

كي راك ؟؟؟
والله لباس الحمد الله
واه انت السخانة والفتها صح الواد سخونة بزاف

ربي يقدركم برك
ان شاء الله
ربي يخليك حتومة حبيبي وربي يجازيك
الله يسلمك اخويا هادا من ضوقك برك

ميرسي بالبزاف
لامرسي على واجب

تحياتي
:wink:


​

:music_whistling:

 

[Mr mino]

" طلع البدر علينا من ثانيات الوداع واجب الشكر علينا ماداع لله داع ..... "



هاو بصح موضوعك من كثرت الي طويل قريب وانا نرقد على الكلافي
هههههههههه
كيما فات العام يفوت الشهر تاع رمضان
ربي يكون معانا برك
آه نسيت نقلك تعبير فووووووور



​

ههههههههههههه

اقراي نص وكي ترقدي وتنوضي كملي الباقي

اقراي في غرضك

هههههههههه

صح كيما فاتو لعوام يفوت العام هذا ويفوت رمضان ان شاء الله

انت الفووووووووور اسومة ربي يخليك

ميرسييييييييييييي بزااااااااااف
​

 

[Mr mino]

مزية لي درت حسابي وجبت معايا فونتاي ديالي مع موضوعك الله يبارك ماشي طويل وتزيد هم سخانة

ايه تديري مزية تولي كل موضوع تجيبيها معك

بويسكو التريسيتي قطعوه لا كليماتيزار لا فونتيلاتار

بون نرجعو لميضوعك صح كلامك من دهب رانا نسمعو بزاف عباد راهي تخمم غي على كرشها وكفاش تقدر تصوم نهار في صيف ما يادنش بكري غيرا شاطو من سخانة مي بكري كفاش كانو جدودنا يصومو والله مكانش عندهم مامبا تريسيتي وحامدين ربي مي حنا من عام لي جاز وهوما يخممو فيه ويطلعو ويحبطو بلا فايدة مي ربي يقدرنا ونصوموه بلا مانحسو للسخانة ويعطينا صبر منو عندو قليل لي راه مقدر هدا شهر لي فيه رحمة والتوبة والمغفرة وهدا نور من عند ربي وانشاء الله يجوز علينا بالصحة ولهنا
يعطيك الصحة امينو ع الموضوع لهايل ربي يجازيك + تستاهل تقييم ​

صح كلامك ايمان خيتي وين احنا من ناس بكري الوقت

تبدل وراح كلش تع زمان

الغاشي تع ضروك غاشي جديد محلب مايعرف ني رمضان

ني العيد وتبالو كلش نورمال

والله مافهمنا ربي يهدينا

يعطيك الصحة ايمان راكي زدتي على الموضوع بكلامك الزين

ربي يحفظك ميرسي ليك بزاف وربي ينورك

اهلا وسهلا نورتي الموضوع

تهلي في روحك

تحياتي سلام

​

 

[Rochdi.dz]

مينو بومبينو وش بيكينو طولتينو في الميضوعينو

مييون يعطيكينو الصحتينو مليحينو الموضوعينو

ربي يقدرنا و يصبرنا

أياينو على خيرينو

مرسيينو
​

 

[Mr mino]

لي يقرى هالموضوع في رمظان سير يفطر
عموما رمظان ديما ببراكتو والله يغلبنا عليه غير ما تخموش​

هههههههههه

ان شاء الله يا خويا نصوموه ويفوت ونورمال

ربي يقدرنا على صيامو

ربي يخليك خويا ميرسي ليك بزاف

تحياتي سلام

​

 

[Mr mino]

انا رمضان ما نحسش بيه خلاص من كثر الشغل
الواحد ملي ينوض وهو شاد في ايدو النشافة والبيدون ،، ريح شوي ، أب اهو جا الظهر ، صلي ، شد المصحف واقرا كشما كتب ربي ، هاو جا وقت الكوزينة ، نفوتها في الكوزينة حتان للمغرب ،،
هكا يفوتلي النهار قصير مانتعبش ياسر ،، خاطر الدار كامل فيها التهوية ، حتى الكوزينة
وزيد انا نحب رمضان ونموووووووت عليه ، يكسرلي الروتين وديما نتعلم حوايج جدد وملاح في الكوزينة كي يجي رمضان...
وهاذمك اللي مضمرين من رمضان هوما اللي يتعذبو من الجوع والعطش.. خاطر ماداروش ربي في بالهم وخممو غير في كروشهم ..



اسمحولي ردي طويل ،، يخرج على الموضوع


ايا مرسي بوكو ،، مواضيعك راهي فورt

واصل

هههههههههه

انت بيان والله راكي تمشي فيه بيان ربي يكون في عونك ان شاء الله

بصح باين عليك فحلة من الكوزينة ماتخرجيش

الله يبارك الله

هههههههههه

ربي ينورك خيتي ويعطيك الصحة وان شاء الله تتعلمي

حوايج جدد في رمضان هذا تاني

ميرسي بزااااف ليك وربي معاك

تحياتي ليك

سلام

​

 

[chiraz*noor]

ربي يخليك خويا مينو والله ما تتبدل دايما حنين وتحب كامل الناس
ايه واش راه مصطفى الكناري الحزين
راني نشوف فيك داخل عليها قلوبة ههه بلاك متقوليش هه باش نوصيها تتهلى فيك
على خاطر الي تزعفلي خويا امينو نباصي عليها هههههه
بصح راني نشوف هاد الموضوع فيه مليون كلمة ههه عيتني باش قريتو
ههه راك خايف من الصوم صوم واسكت كيما صمت العوام الي فاتو غير شوية كوراج برك هه
ربي يخليك امينو ومرسي بوكو بوكو بوكو

 

[Mr mino]

خويا موضوعك كبير ياسر ولي نقصه منو هكدا

راهوا رمضان جاي كون طول الموضوع لمن يرد عليك في رمضان

منوا هكدا في رمضان لخص مواضيعك في اسطر قليلة

ونرجع الى الموضوع

قآلك قررت هذا رمضآن مانصوموش واطعم 61 جآئـع ولا نصوم نص نهار وغدوا نص نهار

ونلصقهم هاذي راهي حاجة كاينا منها والسلام عليكم
​

ههههههههههههههه

معليش خويا مايكون غير خاطرك المرة الماجية ندير حسابي

بصح سلمنا على هذيك اللي معاك ي التوقيع

هههههههههه

ربي يعيشك صحيبي وربي يجازيك

وان شاء الله يفوت رمضان بيان العام هذا

ميرسي ليك

تحياتي

​

 

[Mr mino]

السلام عليكم

وعليكم السلام

موضوعك فووووووووووووور خويا مينو
و ان شاء الله سيدنا رمضان يجينا و يجيب معاه البركة تاعو
و الله لطيف رحيم يعقب كيما عقبو شهور رمضان الاخرين
يبقى ضيف خفيف ظريف
ايا في الامان و رمضانكم مبارك
فكرة مليحة تاع زوج بادين ماء في السحور هههه
ملاقاة الخير
​

ههههههههه

اهلا اختي مرحبا بيك نورتي الموضوع

ان شاء الله يفوت علينا رمضان بالصحة والهناء وان

شاء الله يجينا براكتو كيما موالف

وربي يقدرنا على صيامو

ربي يخليك خيتي كلامك موزون ومليح ربي يبارك فيك

ميرسي ليك بزاف بزاف ونقولهالك للمرة الثانية

مرحبا بيك اهلا وسهلا

تقبلي تحياتي والف سلام

شكرا

​

 

[Mr mino]

جاري قراءة المقالة ..............​

هههههههههه

في غرضك
​