انا منزوش بوحدة كيما يقولو فتاة الانترنيت

[DARINE05]

السلام عليكم ومساء الخير يا وجوه الخير :tongue_2:
كاين واحد الميضوع يدور في بالي وحبيت نسقسي لجeuن نتاع اللمة ومام ل جانات :tongue_2:
بالاك يحكي الموضوع ويقول للبنات

او منعرف :um_sh::um_sh:
قالك خطرة جات الام لبنتها قاتلها راهو جا فلان هو وباباهخطبوك يا الطفلة قتلتها السعادة ومنا ومنهيه ايا هدرة مع الطفل عجبها وعجباتو وقبلت وبدات تحلم ولي عنها دار وولاد كيما حلم اي طفلة المهم بداو ويفرقو في لانفيطاسيون نتاع العرس


راح لعريس للخدمة وخبر صحابو بلي راح يزوج فلانة بنت فلان وباركولو كامل وغدوة من ذاك جاه صاحبو قالو الله الله مالا نتا هو اللي راح تزوج الكاتبة الفلانية في المنتدى الفلاني شاف لعريس لصاحبو حاير في هدرتو ومنين يعرفها ????

قالو بلي اللي راك خاطبها كاتبة في المنتدى الفلاني بالاسم المستعار الفلاني<<مانعرف وش طرطقو كي المحرايقة
قالو ونتا وين علابالك ???

السيد ختو تعرفها وقالو الا تحب نروحو نشوف المنتدى ومواضيعها

ايا راحو وبداو يتصفحو ولعريس يشوف بلي راهي تشكر في هاذا وتتمسخر مع هاذا وزايادة في ليفيتاس مع هاذا وهاذا فلان يشكر فيها وهي ترد عليه باجمل شكر المهم العريس طاح وجو قدام صاحبو عيطت لدار الطفلة هاذي وقال لمها تعقبهالو والطفلة حشمانة تبالها راح يجكي معاها كيما كل مرة مي تشوكات ????
قالها نتي هي الكاتبة الفلانيا في المنتدى الفلاني ????

ايه انا هي <<<زيييد واثقة من نفسها ....

قطعها وقالها اسمحيلي منقدرش نزوج بوحدة كيما يقولو فتاة الانترنيت وكوبا .....



والحالة هاذي تقدر تفوت على اي وحدة ولا واحد وشي هو الموقف تاعكم ???بصراحة
لهنا ويكون موضوع منقول مي الاسئلة تاعي هي :
1-كيفاه راك تشوف في فتاة الانترنيت نقصد الطفلة اللي تستحدم النت
2-تسما نتا عند الطفلة اللي تدخل للنترنات والمنتديات وتحكي مع لولاد طفلة ماشي مليحة
3-وش تبالك اللي تدخل النت اوكل عندها صديق او .......?
4-وشيهي الحدود اللي لازم تحبس عندها لطفلة في النت
5-وشيهو الحط لحمر اللي لازم تحبس الطفلة النت وتقولو بااااااااااااب بااااااااي
6-ونتا طفل تستحدم النت مي اسكو تسمح لزوجة او بنت او اخت يستحدمو النت تحت اشرافك ولا بلا اشرافك ولا متخليهم خلاااص
7- سؤال واحد برك للبنات <<<لوكان تصارلك كيما هاذي وجي واحد منهيه خلاص يعفسلك ف الخطوش راخ يكون موقفك

 

[kojak]

مليحة فيها تستاهل
​

 

[chiva.]

موضوع مميز ان شاء الله يدخلو بنات اللمة يدو فايدة من موضوعك

اول شي عاداتنا وتقاليدنا ماتسمح بالشي هذا ولا حتى ديننا والموضوع الاكثر جدلاً هو موضع الفتاة من هذا الموقف .

لا نختلف على ان الفتاة لا بد منها ان تواكب التطورات العصريه في هذا الزمن ولكن على الفتاة ان تاخذ اشد الحذر من

هذه التطورات وتاخذها على محمل الجد .

اما بالنسبة للشاب من الضروري على الشاب ان يحترم دينه الذي يمنع هذا الشي ويكرهه .

الحمل ثقيل على الطرفين الفتاة والشاب . ولا مانع من علاقة صداقه شريفه لا تحمل معها اية شوائب هذه وجهة نظري

والسلام

 

[EL General]

عادة سيئة ، و سبب النميمة هو صاحبه
هي كانت نيتها صافية للدخول للأنترنيت ، مثلها مثل أي طفلة أو طفل
لأن الأنترنيت ليست مقبرة ندفن فيها أنفسنا ،
بل وسيلة نرفه بها عن أنفسنا في وقت الفراغ أو في أي وقت كان
أعتبر مثل هذه المواقف مهازل أنا ،
لأنها تشوكت كليا كي سمعاتو يحكي معاها هكاكا ،

شكرا لكم على الطرح ...

أخوكم : مارادونا
​

 

[Jagwar]

السلام عليكم

و عليكم السلام و رحمة الله
​

ومساء الخير يا وجوه الخير :tongue_2:

مساء النور يا وجه الدندونة :tongue_1:​

1-كيفاه راك تشوف في فتاة الانترنيت نقصد الطفلة اللي تستحدم النت

نورمال عادى ، كاش ما بقات دار ما فيهاش نت درك ، يسمى لما تحوسش فى الفيس بوك تلقاها فى المنتديات​

2-تسما نتا عند الطفلة اللي تدخل للنترنات
والمنتديات وتحكي مع لولاد طفلة ماشي مليحة

ما نقدرش نحكم على البنت تاع النت باسكو ما علاباليش النية تاعها لى تدخل بيها للنت ، علاش الحمد لله ما كثر ربى غير المتربيات هنا معانا فى اللمة و انتى منهم يا الدندونة :lolo:​

3-وش تبالك اللي تدخل النت اوكل عندها صديق او .......?

هي حرة فى نفسها و تتحمل مسؤولية صداقتها مع أي شخص​

4-وشيهي الحدود اللي لازم تحبس عندها لطفلة في النت

أخطى العيب برك و الحوايج لى ماشى ملاح فى النت و ربى يسهل عليها​

5-وشيهو الحط لحمر اللي لازم تحبس الطفلة النت وتقولو بااااااااااااب بااااااااي

ما فهمتش السؤال ممكن اتصال بصديق و لا نسالو الجمهور ؟:tongue_1:​

6-ونتا طفل تستحدم النت مي اسكو تسمح لزوجة او بنت او اخت يستحدمو النت تحت اشرافك ولا بلا اشرافك ولا متخليهم خلاااص

و الله ما رانيش موسوس بزاف
كى تعود مرتى متربية مليحة و ولادى متربيين مليح ، أوتوماتيكمون ما نخافش عليه

Mrc Bcp Dendouna​

---------------------------------------

 

[M!ss D!or]

مش عيب لكان طفلة كانت عضو في كاش منتدى المهم تكون عارفة حدودها أكيد الكل راح يحترموها

و مش عيب أنها تتمسخر بمعنى الترفيه في حدود معقولة

وزيد هدا صاحبو(غراق دار الشرع) يخي صاحبت أختو مش صاحبتو هو
ومش عيب الطفلة كي تلقى موضوع مليح ترد بأكبر تحية
و في الأخير العباد عقليات وكل واحد ونيتو كيفاش دايرة
مشكورة أختي​

 

[khalil hip hop]

سببـــــــــــ النميمة هو صاحبه
هي كانت نيتها صافية للدخول للأنترنيت ، مثلها مثل أي طفلة أو طفل
لأن الأنترنيت ليست مقبرة ندفنـــــــــ فيها أنفسنا

موضوع مميز مشكورة عليه
​

 

[دعاء19]

شيء بديهي اي بنت تدخل الانترنت وتشارك في المنتديات وتكون كاتبة فبصراحة هاد الشخص كانت ردة فعله قاسية على البنت عادي الانسان يستعمل الانترنت انا اظن ان هاد الشخص يحسب بلي الانترنت حلال على الدراري وحرام على البنات
شكرا اختي الفاضلة على الموضوع الهام

 

[إيمي88]

واش نقولك اختي
صاحب العريس هادا يجي نهار ويطيح في شر اعمالو
كيفاه قدر يخرب بيت الطفلة ويفسد علاقتها بخطيبها!!
ماعندو وين يروح ،، كما تدين تدان !​

 

["غزالة الجزائر"]

سلام
الطفلة مدارتش حاجة عيب إذا دخلت النت ( إذا كانت نيتها صافية ) هي عجبها موضوع ردت عليه بأكبر تحية
وترد على الطفل باحترام ايضا حاجة عادي أو تمسخرت قصد الترفيه ايضا مدرتش حاجة عيب
وصاحب الطفل هو لي دار النميمة
وفي الاخير ربي يسترنا وخلاص

 

[chamse121919]

كون جيت انا في بلاصتها و جا هدر معايا هك نقولو الباب لي جابك يديك و ريح السد تدي ما ترد مارناش في عصر التخلف و الانترنات عادت حاجة عادية عند معظم الناس في بلادنا يعني كي نتبعو العقليةة هادي قاع بنات دزاير يقعدو بلا زواج الاستعمال لازم يكون في حدود المعقول

 

[مريوومة]

السلام عليكم ورحمة الله وبركاته
هده البنت عرف اسمها المستعار من صاحبو
كي يخطب الثانية كيفاش يعرف بلي متدخلش المنتديات سقسي عليها ولا يسقسيها هي
ولكان قلتلو مندخلش كيفها يتاكد
تحياتي

 

[zineb92]

لازم استعمال معقول للنت ...

 

[Amira ~]

نورمالمو اي طفلة تاخذ حذرها مليح و تكون محترمة دايما ... ممكن كاين بنات يقولو ياك مكان حتى واحد يعرفني
في المنتدى مالي ندير وش حبيت .... لا مهما كان الطفلة لازم تحترم روحها في هاد الحالة ادا صرالها وش صرا لهاد الطفلة لي راك تحكي عليها يكون العريس معاندو ما يحكي كي يصيبها محترمة و متكتبش حاجة خاطية
اما انه يصبح قع النت محرم للطفلة هادي حاجة مكاش منها .... النت خطير راني معاك بصح للطفل و الطفلة
والي يعرف كيفاش يمشي و يحترم نفسه عمره ما تضره الانترنت

شكرا خويا على الموضوع​

 

[المتفائلة_91]

اولا هذا انسان معقد وضعيف الشخصية ،،
يسمع من صحابو ويطبق
+ انا لوكان صرالي الموقف هذا نقوله روح يا متخلف يلي عايش في عصر النية ،،
وين عمبالك بروحك في العصر الحجري !!!

+ بش نتفادى الموقف هذا ،، نقولهاله انا بطيبة خاطري راني مشاركة في المنتدى الفلاني،
خير ما يسمعها من واحد اوخر ويبدا يزيدلو في الهدرة وينقص من عندو






موضوع فور كيما مولاتو + تقييم





سلام​

 

[Mr mino]

-كيفاه راك تشوف في فتاة الانترنيت نقصد الطفلة اللي تستحدم النت

نشوفها بالكام


2-تسما نتا عند الطفلة اللي تدخل للنترنات والمنتديات وتحكي مع لولاد طفلة ماشي مليحة

لا لا كاين بنات لحلال

علاه المنتديات فيهم غير الدردشة والفرفشة والعرعشة

كاين الاقسام الاسلامية وكاينة بنات هدفهم ونيتهم صافية


3-وش تبالك اللي تدخل النت اوكل عندها صديق او .......?

ماشي كامل وماشي بالشرط تدخل للنت باش تدير صديق


4-وشيهي الحدود اللي لازم تحبس عندها لطفلة في النت


من الشمال حدود البحر الابيض المتوسط

من الجنوب حدود مالي ونيجر

من الشرق حدود تونس وليبيا

من الغرب حدود المغرب مريتانيا الصحراء الغربية


المهم النت تستعمل في ما يرضي الله



5-وشيهو الحط لحمر اللي لازم تحبس الطفلة النت وتقولو بااااااااااااب بااااااااي

خط موريس وشارل

وقت ماتمرقها وتولي تستخدم في النت باش

تتعرف وتطرف وتتكرفس


6-ونتا طفل تستحدم النت مي اسكو تسمح لزوجة او بنت او اخت يستحدمو النت تحت اشرافك ولا بلا اشرافك ولا متخليهم خلاااص


تحت اشرافي يعني انا مشرف وهوما اعضاء ؟؟؟؟

الا كان مايجتازوش الحدود اللي قتلك عليهم شو عليه

يستخدموها نورمال


7- سؤال واحد برك للبنات <<<لوكان تصارلك كيما هاذي وجي واحد منهيه خلاص يعفسلك ف الخطوش راخ يكون موقفك


هذا خاطيني تهنيت


​

 

[naGam]

والله العظيم موضوع في القمة والطفلة حدودها تعرفها مليح هيا دير ربي في بالها وماديرش حتى حاجة تغضب ربي والصوالح الأخرى خليك منها الناس تهدر تهدر بيك ولابلابيك
​

 

[missa_1]

7- سؤال واحد برك للبنات <<<لوكان تصارلك كيما هاذي وجي واحد منهيه خلاص يعفسلك ف الخطوش راخ يكون موقفك
ها انا شكون الي راه عارفني وسامع بيا بلي راني نخلط فالنت قاع
هادي الطفلة مصبتش معامن تهدر هاو تهدر مع الي بعاد

 

[**بنت الأصول**]

السلام عليكم ورحمة الله تعالى وبركاته .
...............
أولا : حرام عليه هذا الصديق فرق بين إثنين وهذا راح يتعاقب عليه امام الله سبحانه وتعالى
ثانيا : حبيت نبين إنوا هنا نوعين من البنات
النوع الأول
بنات المحترمات وذالك يظهرن من خلال مواضيعهم وردود مشاركاتهن وكلامهن الموزون
والنوع الثاني
بنات الغير المحترمات كيما إنقولوا بنات الشات مثل البنات لي يتحدثن في الشارع مع أي شاب من اجل الضحك و........

إذا لقى هذا الشاب البنت من النوع الأول فهوا خسرها والخطأ فيه هو وبهذا فقد أغضب الله سبحانه
أما إذا لقاها من النوع الثاني من حقوا أنوا يتركها لانها ماهيش مناسبة له
.............................
وفي الأخير النت ماهيش حرام على البنت وإذا شاركت في المنتديات وكلامها ومشاركاتها لا تغضب الله


والسلاااااااااااام عليكم:re_gards:
​

 

[DARINE05]

مليحة فيها تستاهل
​

علاه ا خويا _o:_o:_o: