لدي عقدة من النساء

[Badrou94]

ي

يعني ان يدخل في قلبك ولو بعض اثم هذا لا يجوز فما بالك بالكل
وليس ما فهمته انت
​

واين هو الرجل الصالح صح مثلا ؟؟
وريهولي ترا نشوف
ممكن نعرف وش تعريفك للرجل الصالح ؟​

ا اختي صاي اسمحيلي انا كافر و انتم المسلمو اسمحيلي ... نتي تغانني راح ترديني غالط في كلش و انت زاعما صحيحة فس كلش متغلطيش ... يا اختي انا الطالح و الناس كامل صالحة و راكي صحيحة 100% و اسمحيلي تعبتك و ديرونجيتك و كثر خيرك على النصاءح

 

[أم أُنٌَيسة]

ي
ا اختي صاي اسمحيلي انا كافر و انتم المسلمو اسمحيلي ... نتي تغانني راح ترديني غالط في كلش و انت زاعما صحيحة فس كلش متغلطيش ... يا اختي انا الطالح و الناس كامل صالحة و راكي صحيحة 100% و اسمحيلي تعبتك و ديرونجيتك و كثر خيرك على النصاءح

كلامك يجعلك كافر اجل
مانيش ناغنن اني جبت الدليل من القران والسنة لكن لم يكفك بل قمت بتكذيبه ولم يكن كلامي انا
انا انسان وعبد ونغلط لكن نستعرف بغلطاتي والحمد لله الذي من علي بذلك منكملش لما نعرف انه راني غالطة
ومنلغيش احكام الدين فقط لانه راني ندير عكسها والحمد لله
وافهم وش تحب ايها الاخ
واجبي باذن الله لان الله سيسالني لما اقابله يعني بلا مزيتي
عادي متعبتني ماديرونجيتني ,,,, عادي تماما
لا دخل لي بما تريده وبما تتمناه لكن من واجبي ان اريد حكم الدين فيه
ان اتبعته تؤجر ان لم تتبعه تؤثم وفي كلتا الحالتين بينك وبين خالقك

واكيد انت مخطيء ,, ولو كنت غير ذلك لاحضرت ذليل ما تقوله من القران والسنة الا انك لن تستطيع ذلك ابدا
ما تقوله هو ما تتمناه وما تريد فعله انت

اسال الله العفو والعافية والهداية والثبات لنا ولكم ولكل المسلمين​

 

[Abodi84]

السلام عليكم
لا أحب الاطالة في الكلام
انت قرارك من قراءة التجارب التي تسمعها من حولك
تريد الجمال و الصلاح و الحب اي تريد امرأة كامله لا كمال الا لله وحده
إذاً اقرأ تجارب الصالحين و الأنبياء
سيدنا لوط امرأته لم تكن صالحة كانت من غابرين
و فرعون كانت زوجته صالحة
النبي صَلِّ الله عليه و سلم تزوج مطلقة
امنا عائشة اتهمت بشرفها و لكن الله براها
كما سبق و قال الإخوة الزواج رزق و الارزاق بيد الله وحده ادعه و هو ييسر لك الامر الى ما يحبه و يرضاه و لا يعلم بالغيب الا الله و الله ساتر يحب الساترين
و برأيي الشخصي عليك زيارة طبيب لان كلامك فيه الكثير من التناقض
المعذرة اذا تجاوزت
تحياتي اخي الكريم

 

[Badrou94]

السلام عليكم
لا أحب الاطالة في الكلام
انت قرارك من قراءة التجارب التي تسمعها من حولك
تريد الجمال و الصلاح و الحب اي تريد امرأة كامله لا كمال الا لله وحده
إذاً اقرأ تجارب الصالحين و الأنبياء
سيدنا لوط امرأته لم تكن صالحة كانت من غابرين
و فرعون كانت زوجته صالحة
النبي صَلِّ الله عليه و سلم تزوج مطلقة
امنا عائشة اتهمت بشرفها و لكن الله براها
كما سبق و قال الإخوة الزواج رزق و الارزاق بيد الله وحده ادعه و هو ييسر لك الامر الى ما يحبه و يرضاه و لا يعلم بالغيب الا الله و الله ساتر يحب الساترين
و برأيي الشخصي عليك زيارة طبيب لان كلامك فيه الكثير من التناقض
المعذرة اذا تجاوزت
تحياتي اخي الكريم

مشكور اخي الكريم مانروح لطبيب ماوالو يعريك من صواردك بلا ميفيدك .... الحمد لله راني في تمام الصحة و العقل و علابالي وش راني نقول وش راني نخمم ... انا راني نشوف تناقض في افعال الناس ... النفاق في المجتمع هو اللي خلاني نشكك فيهم

 

[Badrou94]

نخرج للشارع نشوف اذا كان ذلك فأين غض البصر صدقني ان لم تغض بصرك لن ترضيك حورية من حوريات الارض
2لم تبين طريقة التعارف التي تريد انتهاجها مع شريكة حياتك. ؟
3 الشريفة والصالحة تراك زوجا وتراك صاحب بيتها وتراك ابا لأولادها وترى انها ستسأل يوم القيامة عن حقوقك
تطيعك في غير معصية والحبيبة قد تطيعك في المعصية وانت قد تفعل ان شغفتك حبا
اما الصالحة تطيعك طمعا في رضاك في غير معصية ترجو جنة ربك ديدنها ان صلت خمسها واطاعت زوجها وحفظت فرجها دخلت الجنة من اي باب شاءت.
4 احببت احداهن كنت اراها في الصغر
كبرت لم اعد اراها ولم اكن اريد رؤيتها
ولم اذهب لمكان دراستها لكي اراها استخرت الله سبحانه وتعالى وبعدها
ارسلت لها اختي ووافقت الا ان امها لم تفعل حاولت مرارا ولم افلح ولازلت احبها لكن لن اخلط حبي لها بأي حرام ولن اجعل زواجي ينطلق بمحرمات هذا مبدئي واسأل الله الثبات على ذلك.


يحب صاحبتو اي مصطلح هذا
الصاحبة هي الزوجة فقط لا غير
من تقول عليه دايراها خدامة هم صنف اخر واعرف من احب وهو يعامل زوجته معاملة الخادمة التي ذكرتها
سئل احد التابعين من تزوج ابنتك
قال من يتقي الله فإن احبها اكرمها
وان كرهها لن يظلمها.

لن تعرف ولو حاولت جاهدا ولو امتلكت مجهر الاخلاق فلكل اسراره اذن فلا اتتبع عورات غيري مع اصلاح نفسي وسؤال الله الثبات وان يرزقني زوجة صالحة تقية نقية زدها جميلة هههه
الجمال لا يتعارض مع ما يحبه الصالحين
الا انهم لن يجعلوه يتجاوز دين الله
الحب ليس عيبا ان احيط بشرع الله
ولم يتجاوزه فرسول الله صلى الله عليه وسلم سئل اي الناس احب اليك قال بأبي هو وامي عائشة فصلى الله على نبي الرحمة ورضي الله عن امنا عائشة وسائر الصحب الكرام ففي سيرتهم ذخرا لنا .
وفقك الله لما يحب ويرضاه .

يا راجل شكون اللي قالك اللي يحبك راح يدير معاك الحرام ؟ نتا راك تخلط بين العشق و الحب ... انك تحب فلانة معنتها مديرش الحرام معاها ... الحب معندو مدخلو في الحرام .... الحب راهو صادق و نقي الحب راهو طاهر مينجسو والو نتا جاي تقولي دير معاك معصية ؟ اللي تحبك متخليكش دير الحرام . اعرف سع وشي هو الحب صح و ارواح نكملو نتناقشو

 

[أم أُنٌَيسة]

مشكور اخي الكريم مانروح لطبيب ماوالو يعريك من صواردك بلا ميفيدك .... الحمد لله راني في تمام الصحة و العقل و علابالي وش راني نقول وش راني نخمم ... انا راني نشوف تناقض في افعال الناس ... النفاق في المجتمع هو اللي خلاني نشكك فيهم

طيب والمنافق وين جاك في الطريق؟؟؟ رح تتحاسب معاه ؟؟
سواء انا ولا انت وش دخلنا فيهم الا النصيحة لوجه الله بالكلام الطيب
اما السخرية والاستهزاء ومحاسبة الاخرين ليست من اخلاق المسلم في شيء
لما ينافق ليه ولروحو وهو اللي يحاسبو ربي على وش يقول المهم انت متنافقش وكون صافي والباقي كل واحد بينو وبين ربي سبحانه ويتحاسب وحده
من عمل صالحا لنفسه ومن اساء فعليها
ذلك قول الله عز وجل وليس قولي ​

 

[sami44]

ياخز
ويا ناقشني في الموضوع هذت
ا متجيبليش موضوع قديم و تخلطو بجديد و تبغينس ناقشك ف زوج مواضيع .... خويا لعزيز ناقشني في الموضوع هذا فقط متروحليش موضوع قديم اوكي ؟ ارواكلي الموضوع جديدهذا و ناقشوه كيما بغيت

لكن هو نفس الموضوع ونفس الفكرة مع تحول في مضمون الحلم فقط
انت لا تريد من يناقشك بالدين اذن انا هو الشخص المطلوب ما نكوبي ما نكولي لكن عليك ان تجيبني عن تساؤلي كي اعرف كيف اناقشك وان لم يعجبك نقاشي يمكنني الانسحاب بسهولة
لا يمكنني ان اناقشك وانت تناقض نفسك في مدة شهر بدلت كل افكارك
وهذا هو الموضوع اضنه لك
الزواج في عصرنا هذا

 

[لؤلؤة قسنطينة]

السلام عليكم ورحمة الله وبركاته
المواضيع كيما هكا لازمني الميكرو باه كاشما نكتب الجرائد تاوعي ههه ساع راني بالهاتف.
أول شي يا خويا ماش هادا اول موضوع ليك في هاد المجال وسبق وقتلك راك عندك وسواس من النساء وماش وسواس عادي راهو وسواس قهري، تعرف علاه وسواس قهري؟ من هنا تقول ندي وحدة متدينة 100 بالمائة خاطر باقي البنات مافيهمش لامان ومن هنا تقول لي متدينة مانديرش فيها لامان خاطر العاقلات هوما لي خارج منهم العجب، وقلتهالك في موضوعك السابق مايحقلكش خلاص تهدر على النساء ونتا مادخلتش كامل بيوت الناس، كي تدخل بيوت الجزائريين كامل وتعرف اصل وتربية بناتهم تما يحقلك تهدر بالسوء عليهم، يعني معرفتك ب10 و15 ولا حتى 20 طفلة ماتسمحلكش تتهم النساء اجمعين.
ثانيا نقولهالك بكل صراحة، نتا تحوس على انسانة كاملة جابوها في النيلو ماغلطت ماخرجت جميلة متربية وتحبك قبل الزواج، ونتا شفت مع نفسك إذا كامل؟ هل أنت صالح؟ هل تحفظ القرآن؟ هل تغض بصرك ؟ هل تصلي الفجر في وقته؟ هل تمنع لسانك من قول الكلام الفاحش؟ الانسان قبل مايروح يحوس على الصالحين يعالج نفسو اولا ويكون صالح باه ربي يعطيه حساب نيتو، وباه نقولهالك يا أخي الكريم، لما ربي يحب يبعتلك وحدة فاسدة والله غير تخيرها ونتا عينيك مغمضين وتجيبها ونتا تضحك وتلعب وتحب حتى تجيب كونان يدير لونكات والله ماتفيقلها وتموت وتكون ذكي الأذكياء بعد، على هادي قتلك جامي في امور كيما هادي تستعين بشطارتك، ديما استعين بربي، ادعيه كل ليلة يرزقك بنت الحلال وصدقني تجيك وحدها لباب الدار ويديرلكم ربي صدفة وتلتقيو وتعيشو حياتكم كيما تحبوها، على هادي اذا حبيت تنجح اول قاعدة نحي عليك كلمة انا وانا وانا نفيقلها وانا نحوس على ماضيها وانا كن ماتكونش هكا وهكا مانجيبهاش، حنا البشر رانا والو كلشي بيد ربي وكلشي بإيمانا بلي خلقنا خاطر كي تتوكل عليه عمرو لا يديك للهلاك وماش شطارتك وقفازتك لي تنجيك.
دركا نسوطيو لحكاية الحب وما الحب هادي، في بالك يا خويا فيلم ميكسيكي واقيلا؟ وفي بالك الحب حاجة صعيبة وغير لي تحبك لي تعيش معاك وتوقف بيك وووو، ياو كون يسلكلك صاحبك شاورمة تولي تحبو ماراهيش علوم دقيقة، وباه يكون في علمك لو جا الحب اساسي كيما راك تقول كن ربي ذكرو في القرآن، لكن ربي سبحانو قال كلمتين أبلغ وأجمل وهوما المودة والرحمة، ففكر مليح واش هو الفرق بينهم وبين الحب، وانا صراحة راني نشوف درك لي كانو زعما يحبو بعضاهم هوما لي راهم في الطلاق وامهاتنا واجدادنا شافو نساهم يوم العرس وعشرتهم دامت، ماسقسيتش روحك علاه؟ خاطر علاقتهم مبنية على الاحترام وباه يكون في علمك الاحترام أهم من الحب في العلاقة الزوجية، وواشوا حكاية هادي انا مانديش وحدة ماحبيتهاش قبل الزواج ومانقدرش نخاطر علاه هادي قنبلة موقوتة ولا شجرة صبار؟ روح جيب قط ربيه يومين يولي يموت عليك ومرا لي من قلب ولحم ودم وشبهها الرسول بالقارورة لرقة مشاعرها تعاملها بالحسنى وتكرهك؟ علاه قتلتلها باباها؟ وعلاه تزوجت بيك من الاساس كي عادت تكرهك؟ حاسب روحك في فيلم داتك باه تنتقم من اهلك وتديلكم الورث؟ يا خويا خمم شوي وكوني واعي في واش راك تقول.
اصلا الحب يجي بعد المصاعب، ماتقدرش تقول مرتي تحبني صح الا اذا وقفت معاك في الشدة، المواقف هي لي تبين حب الناس لينا، ونتا طفلة ماعاشرتها ماوالو مازال حتى ماقررتوش تتزوجو رجعتو حب اسطوري، الحب الحقيقي يبدا كي يبداو المقالي يطايرو في الكوزينة هههه بعد الزواج وتلقاها مسكينة ساكتة وصابرة، كي تطيح بيك وتوقف معاك، وهاد الشي يجي بالمواقف ماشي بطفلة قاتلك نحبك ولا قبلت تتزوج بيك، هذا ليس اثبات كافي للحب.
خمم مليح في واش راك تهدر، وماراكش في غابة وين الناس كامل فاسدين ولازمك تحمي روحك منهم، بالعكس اعرف وين تحط رجليك وخلي ديما ايمانك بربي اقوى
اسفة هاد الرد قاسي شوي ولكن لازم باه تستفيق
تحياتي

 

[أم أُنٌَيسة]

نجيك لقسنطينة ونبوسك عشرة على وش قلتي
ربي يحفظك حبي

 

[لؤلؤة قسنطينة]

نجيك لقسنطينة ونبوسك عشرة على وش قلتي
ربي يحفظك حبي

بينكي وبرين ديما يتفاهمو
تسلمي حبيبتي ^^

 

[Badrou94]

طيب والمنافق وين جاك في الطريق؟؟؟ رح تتحاسب معاه ؟؟
سواء انا ولا انت وش دخلنا فيهم الا النصيحة لوجه الله بالكلام الطيب
اما السخرية والاستهزاء ومحاسبة الاخرين ليست من اخلاق المسلم في شيء
لما ينافق ليه ولروحو وهو اللي يحاسبو ربي على وش يقول المهم انت متنافقش وكون صافي والباقي كل واحد بينو وبين ربي سبحانه ويتحاسب وحده
من عمل صالحا لنفسه ومن اساء فعليها
ذلك قول الله عز وجل وليس قولي ​

هيه منافقين رانا عايشين معاهم و راني قادر نتزوج بوحدة منافقة كيفاه تقوليلي وش جاوك فالطريق ؟ ندير حسابي منهم ... باغيتيني ندير النية معاهم من بعد تطفر فيا ؟ انا راني صافي مع ربي بصح والله منصفا مع العباد حتان نتاكد باللي راهو صافي معايا. من بكري ربي يحاسبو بصح انا نتاكد منه سع اذا مليح ولا لالا.

 

[Badrou94]

لكن هو نفس الموضوع ونفس الفكرة مع تحول في مضمون الحلم فقط
انت لا تريد من يناقشك بالدين اذن انا هو الشخص المطلوب ما نكوبي ما نكولي لكن عليك ان تجيبني عن تساؤلي كي اعرف كيف اناقشك وان لم يعجبك نقاشي يمكنني الانسحاب بسهولة
لا يمكنني ان اناقشك وانت تناقض نفسك في مدة شهر بدلت كل افكارك
وهذا هو الموضوع اضنه لك
الزواج في عصرنا هذا

لا الاه الا الله لاح ياتة لمن تنادي ..... خويا لعزيز ناقشني في الموضوع هذا برك معندك ماداك لموضوع لقديم اذا راح تجمعلي زوج موةاضيع و تبدا تتفلسف عليا من فضلك انصرف خلي الاخوة يفيدوني .... معجبنيش نقاشك ... ناقشني في الموضوع هذا ولا متنقاشنيش طوول.

 

[Badrou94]

السلام عليكم ورحمة الله وبركاته
المواضيع كيما هكا لازمني الميكرو باه كاشما نكتب الجرائد تاوعي ههه ساع راني بالهاتف.
أول شي يا خويا ماش هادا اول موضوع ليك في هاد المجال وسبق وقتلك راك عندك وسواس من النساء وماش وسواس عادي راهو وسواس قهري، تعرف علاه وسواس قهري؟ من هنا تقول ندي وحدة متدينة 100 بالمائة خاطر باقي البنات مافيهمش لامان ومن هنا تقول لي متدينة مانديرش فيها لامان خاطر العاقلات هوما لي خارج منهم العجب، وقلتهالك في موضوعك السابق مايحقلكش خلاص تهدر على النساء ونتا مادخلتش كامل بيوت الناس، كي تدخل بيوت الجزائريين كامل وتعرف اصل وتربية بناتهم تما يحقلك تهدر بالسوء عليهم، يعني معرفتك ب10 و15 ولا حتى 20 طفلة ماتسمحلكش تتهم النساء اجمعين.
ثانيا نقولهالك بكل صراحة، نتا تحوس على انسانة كاملة جابوها في النيلو ماغلطت ماخرجت جميلة متربية وتحبك قبل الزواج، ونتا شفت مع نفسك إذا كامل؟ هل أنت صالح؟ هل تحفظ القرآن؟ هل تغض بصرك ؟ هل تصلي الفجر في وقته؟ هل تمنع لسانك من قول الكلام الفاحش؟ الانسان قبل مايروح يحوس على الصالحين يعالج نفسو اولا ويكون صالح باه ربي يعطيه حساب نيتو، وباه نقولهالك يا أخي الكريم، لما ربي يحب يبعتلك وحدة فاسدة والله غير تخيرها ونتا عينيك مغمضين وتجيبها ونتا تضحك وتلعب وتحب حتى تجيب كونان يدير لونكات والله ماتفيقلها وتموت وتكون ذكي الأذكياء بعد، على هادي قتلك جامي في امور كيما هادي تستعين بشطارتك، ديما استعين بربي، ادعيه كل ليلة يرزقك بنت الحلال وصدقني تجيك وحدها لباب الدار ويديرلكم ربي صدفة وتلتقيو وتعيشو حياتكم كيما تحبوها، على هادي اذا حبيت تنجح اول قاعدة نحي عليك كلمة انا وانا وانا نفيقلها وانا نحوس على ماضيها وانا كن ماتكونش هكا وهكا مانجيبهاش، حنا البشر رانا والو كلشي بيد ربي وكلشي بإيمانا بلي خلقنا خاطر كي تتوكل عليه عمرو لا يديك للهلاك وماش شطارتك وقفازتك لي تنجيك.
دركا نسوطيو لحكاية الحب وما الحب هادي، في بالك يا خويا فيلم ميكسيكي واقيلا؟ وفي بالك الحب حاجة صعيبة وغير لي تحبك لي تعيش معاك وتوقف بيك وووو، ياو كون يسلكلك صاحبك شاورمة تولي تحبو ماراهيش علوم دقيقة، وباه يكون في علمك لو جا الحب اساسي كيما راك تقول كن ربي ذكرو في القرآن، لكن ربي سبحانو قال كلمتين أبلغ وأجمل وهوما المودة والرحمة، ففكر مليح واش هو الفرق بينهم وبين الحب، وانا صراحة راني نشوف درك لي كانو زعما يحبو بعضاهم هوما لي راهم في الطلاق وامهاتنا واجدادنا شافو نساهم يوم العرس وعشرتهم دامت، ماسقسيتش روحك علاه؟ خاطر علاقتهم مبنية على الاحترام وباه يكون في علمك الاحترام أهم من الحب في العلاقة الزوجية، وواشوا حكاية هادي انا مانديش وحدة ماحبيتهاش قبل الزواج ومانقدرش نخاطر علاه هادي قنبلة موقوتة ولا شجرة صبار؟ روح جيب قط ربيه يومين يولي يموت عليك ومرا لي من قلب ولحم ودم وشبهها الرسول بالقارورة لرقة مشاعرها تعاملها بالحسنى وتكرهك؟ علاه قتلتلها باباها؟ وعلاه تزوجت بيك من الاساس كي عادت تكرهك؟ حاسب روحك في فيلم داتك باه تنتقم من اهلك وتديلكم الورث؟ يا خويا خمم شوي وكوني واعي في واش راك تقول.
اصلا الحب يجي بعد المصاعب، ماتقدرش تقول مرتي تحبني صح الا اذا وقفت معاك في الشدة، المواقف هي لي تبين حب الناس لينا، ونتا طفلة ماعاشرتها ماوالو مازال حتى ماقررتوش تتزوجو رجعتو حب اسطوري، الحب الحقيقي يبدا كي يبداو المقالي يطايرو في الكوزينة هههه بعد الزواج وتلقاها مسكينة ساكتة وصابرة، كي تطيح بيك وتوقف معاك، وهاد الشي يجي بالمواقف ماشي بطفلة قاتلك نحبك ولا قبلت تتزوج بيك، هذا ليس اثبات كافي للحب.
خمم مليح في واش راك تهدر، وماراكش في غابة وين الناس كامل فاسدين ولازمك تحمي روحك منهم، بالعكس اعرف وين تحط رجليك وخلي ديما ايمانك بربي اقوى
اسفة هاد الرد قاسي شوي ولكن لازم باه تستفيق
تحياتي

الله غالب ختي مريم العرب يمرضوك تاع ذراع ... مقلتلكش ندي وحدة مليحة 100 بالمئة قلتلك ندي وحدة متوسطة عندها شوي من كلش يعني زينة شوي و قارية شوي و متثقفة شوي و متربية شوي هكا يعني تكون متوسطة و عندها من كل حاجة شوي كيما انا .... ياخي قلتلك مارانيش نعمم و نجمع راني نقول الاغلبية من خلال وش راني نشوف في حياتي اليومية ... مقلتلكش نجيب وحدة مغلطتش خلاص .... انا والله باغي وحدة مام تكون غالطة و زانية مع 1000 واحد قبلي و تكون دارت الكحلحة كامل في حياتها المهم تكون تائبة صح و بغاتني .... علابالك انا وش باغي ؟ باغي وحدة تحبني و تتزوجني قاعد تبغيني انا و تصبر عليا حتى كون جاء واحد قبلي يخطبها ترفضو قاعد تحبني انا ... باغي وحدة متبدلنيش ياو لوكان يجيها احسن مني ... كيما انا اخترتها من بين كل النساء باغيها تختارني من بين كل الرجال .... ماشي اللي يجيئ الاول تتزوجو كيما يديرو ضرك .... علابالي الحب مواقف بصح قادر ينمو عند الخطوبة مع البداية قبل الزواج حتى لو كان صغير و من ثم يزيد يكبار بعد الزواج .. انا هذا وش راني باغي علابالي قادر الشيئ اللي نبغيه ميكونش خلاص و اني نفضل نقعد عازب حياتي كامل على انني ندي وحدة متحبنيش و تتزوجني هكاك .... الحب اساسي في الزواج هاهو الرسول صلى الله عليه وسلم كان يحب زوجاته و كانو يحبوه راح تقوليلي الحب مكانش منو ثاني ؟ صح ربي قال المودة و الرحمة تكون في الزواج بصح بالنسبة ليا متكفيش ... انا منقدرش نتزوج وحدة قاعدة معايا هكاك تزوجتني بنية السترة فقط ... المهم لقات راجل و خلاص و كون طيرلها فرصة انها تلقى افضل مني راح تطلقك الله غالب الظروف هوما الي خلاوها معايا ... انا مبغيتش كيما هك باغي اذا جبت وحدة و صبرت معايا قاعد تحبني + لوجه الله ماشي تصبر معاك قاد محتم عليها ... و حتى اذا صبرت معاك لوجه الله نحس روحي كي شغل دارت فيا مزية كيما نتي برا كي تلقاي طلاب و تصدقي عليه ياخي مديتيلو صوارد صدقة و لله ماشي قاعد تحبيه هكاك شعوري راح يكون .... تقارنيلي زواج تاع بكري مع تع ضرك ؟ بكري مكانش الدعارة و العري و الفاحشة بكري كانت السترة .... و شكون قالك راهم يحبو بعضاهم ؟ النص لكبير عايشين مع بعضاهم محتم جاهلين جابولو عروسة مسكين ميعرفها متعرفو تزوجو و عايشين ميقدرش يتزوج عليها ولا يبدلها خاطر العادات و التقاليد ميسمحولوش و تلقاها هي صابرة عليه على وجه ولادهم ماشي حتى دايرتلو وجه .... الزواج تاع بكري ناجح بصح تلقاهم ماهمش سعيدين يعاملو بعضاهم بقسو لا حب لا والو ..... انا نقولك صراحة زواج بلا حب ماشي زواج ... اني نتزوج هكاك قاعد كبرت المهم نتزوج اي وحدة و نجيب الاولاد كيما الناس و ندير عائلة هكاك برك مستحيل ... صح زواج عبادة بصح انا بغيت نتعبد ربي مع انسانة نحبها و تحبني باغي نستمتع في الحياة معاها .... نتي قلتيلي اللي شفتيهم يحبو بعضاهم طلقو نتي يا بعد متعرفيش معنى الحب ولا شفتي نظرة سيئة على الحب متجمعيش .

المهم مشكورة على ردك الاخت و ان كان قاسي متقبلو ... انت والله العضوة المفضلة عندي صريحة و تعرفي كيفاه تقنعي .... الخاوة قبلك وحدة خرجتني من الملة قالتلي كافر و واحد يفلسف عليك كل واحد كيفاه يخرط عليك ميعرفوش حتى كيفاه ينصحو يجيبوهالك بطريقة يكرهوك روحك .... انا والله كون تصلح نتنتقش انا وياك في الخاص ان امكن

 

[محمد التبسي]

علاابالك اخي الكريم كلامك يذكرني بنفسي في بداية دخولي للانترنت قبل عشر سنوات تقريبا كانت هذه الأفكار مسيطرة علي لكن مع الوقت تدرك كم كنت ساذجا وحالما
الحياة الواقعية تؤمن بالأفعال يعني بالعمل والسعي للحلال بدق الأبواب لا تعارف ولا هم يحزنون
عليك ان تكون براغماتي وعملي ولا تتوهم ان الحياة تبنى على الحب قبل الزواج
من حق الفتاة ان تقبل بمن يدق بابها مباشرة فهذا هو الرجل في زمن كثر فيه المتلاعبون تحت اوهام الحب والمسلسلات وما نديش غير وحدة نعرف عقليتها وووو
ما توسوسش روحك ولا ترهق نفسك بالتفكير ودير النية الصادقة والله الموفق
شوف ناس صالحين يدلوك وادخل لبيت فيه رجال تجد بنات الفاميليا وعلى نياتكم ترزقون.

 

[Badrou94]

علاابالك اخي الكريم كلامك يذكرني بنفسي في بداية دخولي للانترنت قبل عشر سنوات تقريبا كانت هذه الأفكار مسيطرة علي لكن مع الوقت تدرك كم كنت ساذجا وحالما
الحياة الواقعية تؤمن بالأفعال يعني بالعمل والسعي للحلال بدق الأبواب لا تعارف ولا هم يحزنون
عليك ان تكون براغماتي وعملي ولا تتوهم ان الحياة تبنى على الحب قبل الزواج
من حق الفتاة ان تقبل بمن يدق بابها مباشرة فهذا هو الرجل في زمن كثر فيه المتلاعبون تحت اوهام الحب والمسلسلات وما نديش غير وحدة نعرف عقليتها وووو
ما توسوسش روحك ولا ترهق نفسك بالتفكير ودير النية الصادقة والله الموفق
شوف ناس صالحين يدلوك وادخل لبيت فيه رجال تجد بنات الفاميليا وعلى نياتكم ترزقون.

يا راجل وش معنتها تتزوج بوحدة كيما قبلت بيك كيما تقبل بغيرك هكا تحس روحك كي نتا كي الغاشي مكش مميز .... مقلتلكش انا نتلاعب بنات الناس حمد لله جامي متمسخرت بطفلة بصح نقولك باغي نعرف الطفلة و على الاقل نحبو بعضانا و نتزوجو ... الافعال وحدها متكفيش ماشي معنتها وحدة قبلت بيا معنتها تحبني لازم تثبت ذلك انو كي قبلت بيا تبغيني صح ماشي تبدلني في لحظة كون يجي واحد احسن مني ... الحلال راهو صعيب ماشي ساهل

 

[محمد التبسي]

وانت في واش مميز مثلا كلنا بشر عاديون ما يميز بعض عن بعض هي الأخلاق ومن بينها حسن الظن في الناس
من حق الفتاة القبول بمن يخطبها لأنه لا يمكن ان نبرر لها الدخول في علاقة مع رجل قبل الزواج لان هذا حرام ولا يقبله عاقل
لابد ان تزيل النظرة السوداوية عنك مازال الخير وكاين نساء صالحات وما تسمعش للشباب الموسوس يتعارف على عشر بنات ويلعب بيهم ويلعبو بيه وبعد يقولك النساء كامل خداعات لا يا اخي احسن الظن بالله وتوكل عليه واصلح اخطائك وسيرزقك الله بمن تشبهك دينا وخلقا

 

[Badrou94]

وانت في واش مميز مثلا كلنا بشر عاديون ما يميز بعض عن بعض هي الأخلاق ومن بينها حسن الظن في الناس
من حق الفتاة القبول بمن يخطبها لأنه لا يمكن ان نبرر لها الدخول في علاقة مع رجل قبل الزواج لان هذا حرام ولا يقبله عاقل
لابد ان تزيل النظرة السوداوية عنك مازال الخير وكاين نساء صالحات وما تسمعش للشباب الموسوس يتعارف على عشر بنات ويلعب بيهم ويلعبو بيه وبعد يقولك النساء كامل خداعات لا يا اخي احسن الظن بالله وتوكل عليه واصلح اخطائك وسيرزقك الله بمن تشبهك دينا وخلقا

يسما جميع الناس كيف كيف منك بالصح ؟ جميعنا مميزون بطريقة او باخرى و جميعنا نتمتلك ايجابيات و سلبيات تميزنا عن الاخرين .... كل ما اريده هو انسانة تقبلني و تحبني بتميزي بسلبياتي و ايجابياتي ... لا ان تقبل بي مثلما ستقبل باي رجل يأتي ... فهمت مقصودي ؟ مثلما انا اخترتها من بين جميع النساء و قررت ان اخطبها هي فحسب مثلما اريد ان تقبل بي انا و ترفض الجميع لانها تريدني مثلما اريدها .

انا لم اخبرك بدخول علاقة غرامية قبل الزواج قلت لك تعارف قبل الزواج ... علابالي كاين نساء صالحات بصح النساء صالحات يقبلو برك باللي جاء و قادر متحبكش ... وانا معندي مندير بمرأة صالحة تزوجت بي هكاك برك و متحبنيش و قادر متحبنيش ... تتزوج بيا فقط باه متبقاش بايرة ..... الله لن يرزقك بمن تشبهك دينا و خلقا ... الانسان مخير بمن سيتزوج و الله يسير لكط فقط اختيارك .... يعني قادر تكون حياتك كامل و انت تمشي في طريق ربي و تتزوج وحدة كافرة و عاهرة لا يمكن العمل بمقياسك هنا .... منقدرش نحسن الظن بالناس لان كلما ندير النية معاهم و نحسن الظن والله غير يحطمولك قلبك و يظلموك ... مالا منامن مانخدع.

يمكن انت يمكن ربي سهلك في حياتك علابيها راك تشوف كلشي ببساطة يمكن نتا معانيتش في حوايج ... انا صدقني الظروف و المجتمع اثرو عليا و خلاوني نبدل تفكيري.

 

[أم أُنٌَيسة]

بينكي وبرين ديما يتفاهمو
تسلمي حبيبتي ^^

منعرفش كيفاه نحكي كيفك برك حبي، هاعلميني شوية قسووووة ياااااو
باستثناء امور الدين منعرفش نحكي كيفك ها هو هي
الله يسلمك ويعافيك يارب حبي
​

هيه منافقين رانا عايشين معاهم و راني قادر نتزوج بوحدة منافقة كيفاه تقوليلي وش جاوك فالطريق ؟ ندير حسابي منهم ... باغيتيني ندير النية معاهم من بعد تطفر فيا ؟ انا راني صافي مع ربي بصح والله منصفا مع العباد حتان نتاكد باللي راهو صافي معايا. من بكري ربي يحاسبو بصح انا نتاكد منه سع اذا مليح ولا لالا.

طيب ووين علابالي انه انت ماكش منافق ؟؟
ضرك بكلامك هذا وعدم ثقتك في الناس لو يجي واحد ويقللك لا اثق فيك لانه الناس مافيهمش الامان ونفس الكلام اللي راك تقول فيه يقولوهولك ليك كيفاه راح تحس ؟؟ تع انه يحكم عليك واحد بسبب ناس اخرين ويعاملك بمعاملة موش مليحة وبسوء ظن فقط لانه ناس اخرين عاملوه بطريقة موش مليحة رح تعجبك هكذا ؟؟؟
مستحيل تعجبك وتغيضك روحك كيفاه يعاملك بطريقة سوء الظن وحكم عليكم من قبل بسبب ناس اخرين وهو مايعرفكش
اذا ايها الاخ لا تعامل غيرك بهذا الاسلوب الذي لا ترضاه لنفسك
فلا يؤمن احدنا حتى يحب لاخيه ما يحب لنفسه
واعيد هدوك المنافقين او انا او انت حين نعمل صالحا لنا ولانفسنا وحين نعمل سوءا لنا ولانفسنا وتوجد اية تؤكد ما اقوله ابحث عنها ستجدها فهذا كلام الله عز وجل، انت لما تكون نية وتتصرف مليح وتحسن ظنك لوجه ربي وارضاءا لربي سبحانه لانه الله والرسول اللي امرانا بحسن الظن في الاخرين موش العباد راح يكون ليك ولاخرتك انت ويجازيك ربي على حسن عملك فما همك في الاخرين ؟؟؟
كل واحد راح يتحاسب وحدو وهدو المنافقين رح يحاسبهم ربي ولما ينوفقو عليك لك ان لا تسامحهم او تكون افضل منهم وتسامحهم وتعفو عنهم ليس لشيء فقط لانك ستكون مسلما افضل منهم
فلا فرق بين المسلمين ولا بين عربي ولا عجمي الا بالتقوى هذا مقياس الله عز وجل اما الباقي مجرد خرطي
​

الله غالب ختي مريم العرب يمرضوك تاع ذراع ... مقلتلكش ندي وحدة مليحة 100 بالمئة قلتلك ندي وحدة متوسطة عندها شوي من كلش يعني زينة شوي و قارية شوي و متثقفة شوي و متربية شوي هكا يعني تكون متوسطة و عندها من كل حاجة شوي كيما انا .... ياخي قلتلك مارانيش نعمم و نجمع راني نقول الاغلبية من خلال وش راني نشوف في حياتي اليومية ... مقلتلكش نجيب وحدة مغلطتش خلاص .... انا والله باغي وحدة مام تكون غالطة و زانية مع 1000 واحد قبلي و تكون دارت الكحلحة كامل في حياتها المهم تكون تائبة صح و بغاتني .... علابالك انا وش باغي ؟ باغي وحدة تحبني و تتزوجني قاعد تبغيني انا و تصبر عليا حتى كون جاء واحد قبلي يخطبها ترفضو قاعد تحبني انا ... باغي وحدة متبدلنيش ياو لوكان يجيها احسن مني ... كيما انا اخترتها من بين كل النساء باغيها تختارني من بين كل الرجال .... ماشي اللي يجيئ الاول تتزوجو كيما يديرو ضرك .... علابالي الحب مواقف بصح قادر ينمو عند الخطوبة مع البداية قبل الزواج حتى لو كان صغير و من ثم يزيد يكبار بعد الزواج .. انا هذا وش راني باغي علابالي قادر الشيئ اللي نبغيه ميكونش خلاص و اني نفضل نقعد عازب حياتي كامل على انني ندي وحدة متحبنيش و تتزوجني هكاك .... الحب اساسي في الزواج هاهو الرسول صلى الله عليه وسلم كان يحب زوجاته و كانو يحبوه راح تقوليلي الحب مكانش منو ثاني ؟ صح ربي قال المودة و الرحمة تكون في الزواج بصح بالنسبة ليا متكفيش ... انا منقدرش نتزوج وحدة قاعدة معايا هكاك تزوجتني بنية السترة فقط ... المهم لقات راجل و خلاص و كون طيرلها فرصة انها تلقى افضل مني راح تطلقك الله غالب الظروف هوما الي خلاوها معايا ... انا مبغيتش كيما هك باغي اذا جبت وحدة و صبرت معايا قاعد تحبني + لوجه الله ماشي تصبر معاك قاد محتم عليها ... و حتى اذا صبرت معاك لوجه الله نحس روحي كي شغل دارت فيا مزية كيما نتي برا كي تلقاي طلاب و تصدقي عليه ياخي مديتيلو صوارد صدقة و لله ماشي قاعد تحبيه هكاك شعوري راح يكون .... تقارنيلي زواج تاع بكري مع تع ضرك ؟ بكري مكانش الدعارة و العري و الفاحشة بكري كانت السترة .... و شكون قالك راهم يحبو بعضاهم ؟ النص لكبير عايشين مع بعضاهم محتم جاهلين جابولو عروسة مسكين ميعرفها متعرفو تزوجو و عايشين ميقدرش يتزوج عليها ولا يبدلها خاطر العادات و التقاليد ميسمحولوش و تلقاها هي صابرة عليه على وجه ولادهم ماشي حتى دايرتلو وجه .... الزواج تاع بكري ناجح بصح تلقاهم ماهمش سعيدين يعاملو بعضاهم بقسو لا حب لا والو ..... انا نقولك صراحة زواج بلا حب ماشي زواج ... اني نتزوج هكاك قاعد كبرت المهم نتزوج اي وحدة و نجيب الاولاد كيما الناس و ندير عائلة هكاك برك مستحيل ... صح زواج عبادة بصح انا بغيت نتعبد ربي مع انسانة نحبها و تحبني باغي نستمتع في الحياة معاها .... نتي قلتيلي اللي شفتيهم يحبو بعضاهم طلقو نتي يا بعد متعرفيش معنى الحب ولا شفتي نظرة سيئة على الحب متجمعيش .

المهم مشكورة على ردك الاخت و ان كان قاسي متقبلو ... انت والله العضوة المفضلة عندي صريحة و تعرفي كيفاه تقنعي .... الخاوة قبلك وحدة خرجتني من الملة قالتلي كافر و واحد يفلسف عليك كل واحد كيفاه يخرط عليك ميعرفوش حتى كيفاه ينصحو يجيبوهالك بطريقة يكرهوك روحك .... انا والله كون تصلح نتنتقش انا وياك في الخاص ان امكن

اولا،
الرسول صلى الله عليه وسلم لم يحب اي من زوجاته قبل الزواج وان قلت غير ذلك احضر دليلك من القران والسنة وان اردت ساحضر لك الدليل على كلامي لا يوجد اي اشكال ... احبهن الرسول صلى الله عليه وسلم بعد الزواج وليس قبل الزواج انت تدعي على الرسول ما لا تعلم فاتق الله في نفسك ايها الاخ فهذا كلام عظيم وتحسبونه هين وهو عند الله عظيم

ثانيا،
في ما يخص في مواصفات الانسان فلن تعرف ذلك قبل ان تعاشره ويكون ذلك بعد الزواج اما قبله فلن تستطيع معرفة مايفكر به الاشخاص واتكلم عن تجربة وعن ما رايته
ان كنت انت قد كلمت احداهن دون ان تخطبها وبعدها تركتك فهذا من حقها ان ترى ما في مصلحتها فالناس مختلفون وكل واحد ما يريد والتي ستقبل بك ستقبل بك الطبع لانك انت ام هل ستقبل بك لانك شخص اخر ؟؟؟ ما هذا الكلام الذي تقوله ايها الاخ ومواصفات الانسان لا يمكن ان تعرفها من اقوالهم الا بعد ان تعاشرهم

واخيرا، يا اخي الكريم لست انا من كفرك بل كلامك من كفرك وهذا هو الدليل :



لمعرفة باقي نواقض الاسلام تفضل :

نواقض الاسلام

بسم الله الرحمن الرحيم والصلاة والسلام على اشرف المرسلين السلام عليكم ورحمة الله وبركاته اسعد الله اوقاتكم وملاها يمنا وبركة نواقض الاسلام نسال الله الهداية والثبات لنا ولكل المسلمين ان شاء الله يارب تحياتي احترامي وتقديري لشخصكم الكريم الطيب في امان الله وحفظه

www.4algeria.com

​

 

[أم أُنٌَيسة]

يسما جميع الناس كيف كيف منك بالصح ؟ جميعنا مميزون بطريقة او باخرى و جميعنا نتمتلك ايجابيات و سلبيات تميزنا عن الاخرين .... كل ما اريده هو انسانة تقبلني و تحبني بتميزي بسلبياتي و ايجابياتي ... لا ان تقبل بي مثلما ستقبل باي رجل يأتي ... فهمت مقصودي ؟ مثلما انا اخترتها من بين جميع النساء و قررت ان اخطبها هي فحسب مثلما اريد ان تقبل بي انا و ترفض الجميع لانها تريدني مثلما اريدها .

انا لم اخبرك بدخول علاقة غرامية قبل الزواج قلت لك تعارف قبل الزواج ... علابالي كاين نساء صالحات بصح النساء صالحات يقبلو برك باللي جاء و قادر متحبكش ... وانا معندي مندير بمرأة صالحة تزوجت بي هكاك برك و متحبنيش و قادر متحبنيش ... تتزوج بيا فقط باه متبقاش بايرة ..... الله لن يرزقك بمن تشبهك دينا و خلقا ... الانسان مخير بمن سيتزوج و الله يسير لكط فقط اختيارك .... يعني قادر تكون حياتك كامل و انت تمشي في طريق ربي و تتزوج وحدة كافرة و عاهرة لا يمكن العمل بمقياسك هنا .... منقدرش نحسن الظن بالناس لان كلما ندير النية معاهم و نحسن الظن والله غير يحطمولك قلبك و يظلموك ... مالا منامن مانخدع.

يمكن انت يمكن ربي سهلك في حياتك علابيها راك تشوف كلشي ببساطة يمكن نتا معانيتش في حوايج ... انا صدقني الظروف و المجتمع اثرو عليا و خلاوني نبدل تفكيري.

التعارف قبل الزواج الذي تقول عنه هو فترة الخطوبة فهي في الاسلام فترة تعارف لكن وفق شروط وضوابط سنها الدين
لذلك حين تريد ان تخطب انسانة ما اسال عنها الاخرين لكن مابينها وبين الناس وليس ما يدخل في عرضها لان هذا يسمى قذف محصنات وقد يكذب الناس عليك لغرض في انفسهم وكيف تصدق الناس وما يقولونه ؟؟؟ انت قلت بانك لا تثق في الناس لانهم منافقين لكن حسب كلامك تثق فيهم في ما يعجبك كاقوالهم في البنات وفي ذكرهم للاشياء السيئة في الاخرين اما الذين يقولون لك بان يوجد اناس خير ولان كلامهم لا يعجبك لا تثق فيهم هذا ما فهمته من كلامك ايها الاخ
وانت لما تكون نية راه لسلامة قلبك وحتى ولو يحطمولك قلبك مايهمش كل مايهم ان نيتك كانت صافية وانك لم تكن الطرف الظالم وانما الطرف المظلوم
ولتعلم ان الله عند ظن عبده به، فان كان ظنك سيء فسيرزقك الله عليه وان كان ظنك بالله حسن فسيرزقك الله بك
احسن ظنك بالله قبل الناس وسترى
ولتعلم ايضا ان الامور التي ابعدها الله عنك لم يكن فيها خير انما هي من الشرور فكل ما ياتي من الله عز وجل ثق بانه خير لنا ولا احد يؤذينا غير انفسنا
وكذلك المظاهر خداعة ... موش كل وش تشوفو يعني هو نفسو كاين امور معندهمش المعنى الظاهر انما كاين شيء ان لم يكن اشياء خلفها
وليس انت فقط من تعرضت للخيانة والخداع فلا تقل كلاما لاناس لا تعرفهم قد يكون جارحا لهم انت هكذا تظلمهم وتظلم نفسك بظلمهم
نسال الله الهداية والثبات لنا ولكم ولكل امة محمد صلى الله عليه وسلم​

 

[Badrou94]

منعرفش كيفاه نحكي كيفك برك حبي، هاعلميني شوية قسووووة ياااااو
باستثناء امور الدين منعرفش نحكي كيفك ها هو هي
الله يسلمك ويعافيك يارب حبي



طيب ووين علابالي انه انت ماكش منافق ؟؟
ضرك بكلامك هذا وعدم ثقتك في الناس لو يجي واحد ويقللك لا اثق فيك لانه الناس مافيهمش الامان ونفس الكلام اللي راك تقول فيه يقولوهولك ليك كيفاه راح تحس ؟؟ تع انه يحكم عليك واحد بسبب ناس اخرين ويعاملك بمعاملة موش مليحة وبسوء ظن فقط لانه ناس اخرين عاملوه بطريقة موش مليحة رح تعجبك هكذا ؟؟؟
مستحيل تعجبك وتغيضك روحك كيفاه يعاملك بطريقة سوء الظن وحكم عليكم من قبل بسبب ناس اخرين وهو مايعرفكش
اذا ايها الاخ لا تعامل غيرك بهذا الاسلوب الذي لا ترضاه لنفسك
فلا يؤمن احدنا حتى يحب لاخيه ما يحب لنفسه
واعيد هدوك المنافقين او انا او انت حين نعمل صالحا لنا ولانفسنا وحين نعمل سوءا لنا ولانفسنا وتوجد اية تؤكد ما اقوله ابحث عنها ستجدها فهذا كلام الله عز وجل، انت لما تكون نية وتتصرف مليح وتحسن ظنك لوجه ربي وارضاءا لربي سبحانه لانه الله والرسول اللي امرانا بحسن الظن في الاخرين موش العباد راح يكون ليك ولاخرتك انت ويجازيك ربي على حسن عملك فما همك في الاخرين ؟؟؟
كل واحد راح يتحاسب وحدو وهدو المنافقين رح يحاسبهم ربي ولما ينوفقو عليك لك ان لا تسامحهم او تكون افضل منهم وتسامحهم وتعفو عنهم ليس لشيء فقط لانك ستكون مسلما افضل منهم
فلا فرق بين المسلمين ولا بين عربي ولا عجمي الا بالتقوى هذا مقياس الله عز وجل اما الباقي مجرد خرطي




اولا،
الرسول صلى الله عليه وسلم لم يحب اي من زوجاته قبل الزواج وان قلت غير ذلك احضر دليلك من القران والسنة وان اردت ساحضر لك الدليل على كلامي لا يوجد اي اشكال ... احبهن الرسول صلى الله عليه وسلم بعد الزواج وليس قبل الزواج انت تدعي على الرسول ما لا تعلم فاتق الله في نفسك ايها الاخ فهذا كلام عظيم وتحسبونه هين وهو عند الله عظيم

ثانيا،
في ما يخص في مواصفات الانسان فلن تعرف ذلك قبل ان تعاشره ويكون ذلك بعد الزواج اما قبله فلن تستطيع معرفة مايفكر به الاشخاص واتكلم عن تجربة وعن ما رايته
ان كنت انت قد كلمت احداهن دون ان تخطبها وبعدها تركتك فهذا من حقها ان ترى ما في مصلحتها فالناس مختلفون وكل واحد ما يريد والتي ستقبل بك ستقبل بك الطبع لانك انت ام هل ستقبل بك لانك شخص اخر ؟؟؟ ما هذا الكلام الذي تقوله ايها الاخ ومواصفات الانسان لا يمكن ان تعرفها من اقوالهم الا بعد ان تعاشرهم

واخيرا، يا اخي الكريم لست انا من كفرك بل كلامك من كفرك وهذا هو الدليل :

مشاهدة المرفق 105420

لمعرفة باقي نواقض الاسلام تفضل :

نواقض الاسلام

بسم الله الرحمن الرحيم والصلاة والسلام على اشرف المرسلين السلام عليكم ورحمة الله وبركاته اسعد الله اوقاتكم وملاها يمنا وبركة نواقض الاسلام نسال الله الهداية والثبات لنا ولكل المسلمين ان شاء الله يارب تحياتي احترامي وتقديري لشخصكم الكريم الطيب في امان الله وحفظه

www.4algeria.com

​

انا الحمد لله مانيش منافق صريح جدا ... اذا جاء واحد موثقش فيا و جمعني مع الناس الاخرين مع المنافقين عادي من حقه يدير دفاع بصح راح نثبتلو و نبينلو باللي مانيش كيفهم لو يعطيلي فرصة .... المشكل الناس ميعطيولكش فرصة باه تبينلهم بالي راك مليح مع انو انا نمد فرصة للجميع باه منظلم حتى واحد ......علاه انا قلتلك رسول حب قبل الزواج ؟ قلتلك الرسول كان يحب زوجاته و هوما يحبوه يعني الحب حاجة اساسية في الزواج يعني المودة و الرحمة وحدها متكفيش .... يعني نورمال وحدة تتمسخر بواحد و تخليه عادي ؟ قلوب الناس لعبة ؟ خلاص مالا واحد لا يجي يدبر عليا و يقولي علاه تخار وجتك هك و هكا واحد لاسالي نخير اللي مصلحتي ... صاي ا ختي انا كافر انا كفرت نفسي فهمنا ياخي قلتلك انتم مسلمون و انا كافر صاي -_- .... هيه نعاشر الانسان هذا و نعرف مواصفاتو قبل منتزوجو انا منخسرش 120 مليون على جال وحدة من بعد نلقاها ماشي مليحة و نبدا نتعرف عليها بعد الزواج ... نتعرف عليها و نعرف عليها سع من بعد نتزوج .... ابزواج مشروع و المشروع فيه خسارة او ربحح و لازم دير دراسة و تعرف وش كاين وش مكانش قبل متتزوج ... انا ندير خير و نكون نية علابالي خير ليا و على وجه ربي بصح انسان كي يستغل نيتك الصالحة و يحطملك قلبك ماشي مليحة الواحد ولا يدير احتياطو مع جميع الناس ندير النية مع العبد اللي يستاهل ماشي مع الناس كامل .... لان اذا بقيت نية مع الناس كامل على اساس اجر صح راح تربحها مع ربي بصح راح تخسر قلبك و راح تتحطم ... امالا لواحد يدير احتياطو مع الناس و يعرف كيفاه يتعامل ....