███████ التجارة و المال و ما أدراك ما المال ███████

EL General

:: عضو بارز ::
أحباب اللمة
إنضم
7 ديسمبر 2009
المشاركات
10,527
نقاط التفاعل
1,483
النقاط
351
محل الإقامة
تبسة
الجنس
ذكر
السلام عليكم و رحمة الله تعالى و بركاته

كيف أحوالكم يا العزاز ؟؟ إن شاء الله تكونوا لاباس

على فكرة :

هذه التحية و السلام لكل :

الناس : المهمومة ، و المغمومة ، و المحقورة ، و اللي كلاها الحب ، و اللي مازال ماجاتوش الفيزا ، و اللي يشري و يبيع و اللي يعاود السوق و الطبيب و لافارماسي و و .....

راهي قصة تع قصايص كبيرة

نعرف واحد ، نقصد الناس كامل تعرفوا ، وجه الخروف معروف
كان في الحبس ، معناها باصا في الحبوسات ، :busted_red:
مسكين ضربوه بآفار كبيرة ياسر تع كيف
و هو مسكين خاطي ، متهوم و قلت لكم وجه الخروف معروف
يعني هو خاطيه مسكين الحوايج هاذي
مي هو معروف بأنو يسرق ياسر ، على هاذيك جبدوه الجماعة تع الكيف هادوما ، و نقولكم ربي يستر
الدولة في لافيرات تع الكيف راهي ماتسامحش سوى المتهم أو المتهوم المهم كي جبدوه راح في الجرة مسكين
وقفت الشروعات و قامت قداه من مرة
مدة 4 سنين مسكين بلا حكم
رايح غير في الريح

و مسكين كان في هاذيك الـ : 4 سنين يصلي ، و يدعي لربي باه يخرج ، و ديما يدير هكا باش يفرج عليه ربي و يتهنا من السجن

بصح اتخيلوا معايا ، مدة 4 سنين و هو يصلي ، و مايفوتش التراويح تع رمضان أو أي حاجة

يعني أصبح ، يعرف الحلال و الحرام
و ولا يصلي ، و ربي يبارك ، ولا من المفقودين
الصلاة مايفارقهاش ، و الأدعية ، و ينوووض يصلي الفجر
يعني أصبح رااائع

و مع الأخير ، جاء موعد الحكم
طاحو في واحد القاضي ربي يستر برك :scared:
يجبد الخل من الرككايب ،

حكم عليهم بـ : 20 سنة كامل كيما راهم
و مباعد النيابة هبطت الحكم لـ : 10 سنين

قعدوا هكاك ، بالحكم تع : 10 سنين و هو معاهم

كسروا الشرع ، >> الطعن <<
ماعجبهمش الحكم

يعني هوما كي كسروا الشرع راهم رايحين في الريسك

يا يزيد لهم الحكم يا يهبط لهم الحكم

و النهار تع المحكمة تع تكسار الشرع

وقفت الجلسة

و
طاحو في قاضي ربي يبارك ، رايع ، و الناس كامل تشكر فيه
:yahoo::yahoo:

كي شاف لقضيتهم ، و عرفها

و مع التشاور و راكم تعرفوا أحوال المحاكم
قرر القاضي يحكم عليهم كامل بـ : 6 سنين سجن

فرحوا كامل كي حكم عليهم بـ 6 سنين ، راكم تقولوا علاه فرحانين ، ههه ، لأنهم هوما أصلا كانوا حاكمين 4 سنين في الباطل ، و كي يحكم عليهم 6 مايبقى وآلوا

بقى لهم واحد 2 شهرين برك و يخرجوا

المهم ، خرجوا ، و خرج هذا ، و استقبلناه في الكرتي ، و فرحنا بيه و درنا لو حفلة كبيرة ، و ماعندك ما تقول .... تقول عريس ، هههههههه

بفضل الله تعالى و بفضل والديه ،

والديه قرروا يعاونوه ، و يديرولوا ،

سيبار مرشي :sneaky2::yahoo:

و يولي هو يتحكم و يبيع و يولي في التجارة ،

فرح ياسر هو ، و قال فرج عليا ربي


يا ناس بعد مرور : 2 شهرين بعد خروجه أو 3 أشهر أو 4 أشهر

بطل الصلاة :scared::scared:

ايه بطل الصلاة

شكون اللي كان يقول بلي هو يبطل الصلاة،

:busted_red:

و أصبح يسمع الأغاني ياسر
و يتبع في الفنانين ،

و ربي يستر ،

و ضرك ؟؟؟
راني مشوكي منو
4 سنين كان يصلي

يعني ، كان يطلب في ربي لمصلحته ، و الله تعالى هو اللي كان له ، الفرج باه يخرج و يشد الخدمة الرائعة

حسبي الله و نعم الوكيل من نفس الإنسان الماااكرة

وش تقولوا :؟؟

التجارة تدير هكا

و ديرو في بالكم بلي دار الأرباح كبيرة

علابالي طولت عليكم ، بصح هو الواقع ...
إليكم الخط ....



 
اخاه عمبلك على الاول فرحت كي تبعت القصة قلت هذا ربي هداه من عندو والحمد للله
امبعد عواد رجع لخديمو علاه عليه بصح ربي يمهل ولا يهمل
مرسي
 
والله متتعجب ما والو يا شريكي الواحد يقول ربي يستر برك وخلاص
 
لو كان خلوه في الحبس أحسنلو على الأقل يبقى يصلي .
 
هذو هوما لعباد كي يحتاجو ربي يوليو يعرفوه وكي يقضيلهم حوايجهم صاي حاشا اللي مايستاهل دارو كي لكفار تاع الجاهليه فوسط البحر يدعيو ربي وكي يلحقو للشط يرجعو للأصنام الله يهدينا ويستر برك مارسي عليك ... سلالام
 
ياما ناس دارو كيما هدا واكثر
عرفو واحد كان ارشي ملياردير ،، واكين رايح فيها خلاص ،، تاع كباريهات وشراب اللهم عافينا
طاحت بيه وافلس
تاب زعمة وبقى من المسجد مايخرجش
شوية شوية ناب عليه ربي وبدا يطلع بالشوية
هو رجعولو الدراهم ،، ورجع لعوايدو ،، الشراب والحفلات وووو :no_1:

تحير في ناس كيما هكا ،، مايخافوش من ربي ؟؟؟
اعطاهم فرصة وفرصتين ،، ومع ذلك....... !!!!!
 
اخاه عمبلك على الاول فرحت كي تبعت القصة قلت هذا ربي هداه من عندو والحمد للله
امبعد عواد رجع لخديمو علاه عليه بصح ربي يمهل ولا يهمل
مرسي
شكرا لكم ، على المرور
صحيح ، ناس كامل ، دارت هكا ،
القصة من اللول مليحة و من اللخر خاسرة
صحا على المشاركة
والله متتعجب ما والو يا شريكي الواحد يقول ربي يستر برك وخلاص
مرسي عليكم على المشاركة
ماتتعجبش صحيح ، ناس كيما هادوما تستنا منهم كلشي
صحيت خونا على المشاركة

لو كان خلوه في الحبس أحسنلو على الأقل يبقى يصلي .
هههه
رأيك أعجبني تع كون خلوه في الحبس
بصح راهو يخرج فيه ربي
صحيتي على المشاركة
الله يجيب الخير
الله يجيب الخير
شكرااا
هذو هوما لعباد كي يحتاجو ربي يوليو يعرفوه وكي يقضيلهم حوايجهم صاي حاشا اللي مايستاهل دارو كي لكفار تاع الجاهليه فوسط البحر يدعيو ربي وكي يلحقو للشط يرجعو للأصنام الله يهدينا ويستر برك مارسي عليك ... سلالام
شفت ، الله غالب ناس ماعندهمش الضمير
ربي يهديهم و يهدينا معاهم
صحيت على المشاركة
ياما ناس دارو كيما هدا واكثر
عرفو واحد كان ارشي ملياردير ،، واكين رايح فيها خلاص ،، تاع كباريهات وشراب اللهم عافينا
طاحت بيه وافلس
تاب زعمة وبقى من المسجد مايخرجش
شوية شوية ناب عليه ربي وبدا يطلع بالشوية
هو رجعولو الدراهم ،، ورجع لعوايدو ،، الشراب والحفلات وووو :no_1:

تحير في ناس كيما هكا ،، مايخافوش من ربي ؟؟؟
اعطاهم فرصة وفرصتين ،، ومع ذلك....... !!!!!
الشراب و الحفلات شوي شوي
السيد تاعنا ، هههه راه كان في الحبس
يعني أصعب بكثير
شكرااااا
نقاش رائعة معكم
بالتوفيق ...
 
والله يامارادوانا فرحتني ومن بعد سمطتهاااااااااالي خلااااااااااص

قلت الحمد لله كي اهتدى .

ان شاء الله يرجع للطريق. حاولو تنصحوه حسني.
 
يعطيك الصحه خويا ع الموضوع والطرح الاكثر من رائــع

مي نشوفها والله ماهيي قضية مال ولا تجاره كاين ناس نعرفهم ع اتفه الاسباب يبطلو الصلااة

ولا يصلو بلمناسبات تالمو تحير في جد راسهم كيفاه بفكرو.
 
خاف من الجيعان اذا شبع
 
زعمـآ هذآ تفكر ربي غير فالشدة:(



بزآف نــآس دآرو كيمــآ هو بصح خرجوآ زيرو0

الدنيــآ إمتحــآن
يعيش ويشوفـ وآش يصرآ فيه

وهــآذي المرة إيلآ عآود طآح
تكونـ الطيحة تــآعو وآعرة


على كلـ
ربي يهديهـ ~~~~{
 
وي كاين بعض لعباااااااااد يعرفو ربي غير في الشدة ...
الله يهدينا ويهدييييييييييييهههههمممم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top