صغير قد صبعك ويقلك نحبها ونموت عليها

يسرى 2008

:: عضو بارز ::
أحباب اللمة
إنضم
24 جانفي 2008
المشاركات
3,919
نقاط التفاعل
10
النقاط
157
السلام عليكم
وش راكم يا اعضاء اللمة غبت عليكم شوي
ايا مالا بابا دار قنبلة ورحنا وقعدنا يامات في البحر والجبل ايا بدلنا جو شوي
بصح هاني رجعتلهم المهم
كالعادة اكم تعرفو يسرى ومواضيعها بصح الحالة هادي الي صادفتني غير يعني والله غير اني حايرة ومصدومة للدرك
البارح وانا خارجة من الدار رايحة نشري نلقا طفل يقرا معانا نعرفو من بكري قالي وشراكي يسرى ووو
قالي والله انا ماني مليح قلتلو خير ان شاء الله وش كاين
قالي تعرفي فلانة قلتلو وي بيانسير قالي ايه وياريتني ما عرفتها قلتلو خير واش كاين
قالي هاديك علقتني بيها في النيت ديت ايميلها ونحكي معاها وبشوي بشوي رحت ديت نيميرو تيعها
وولينا نتلاقاو ونحكيلها على حياتي ومشكلتي
يخي ملقيتش روحي غير حبيتها وراني نموت عليها
ديجا هو قالي كلمة نحبها وراجل معدي قال ربي يهدي انا ديراكت رحت هبطت وجهي في الارض قلت ياه نندب لناس تفهمني بالغالط وراكم تعرفو حكايات الناس قالي اختي يسرى يعيشك روحي احكيلها قداه نحبها روحي قلها اني قابل بيها وحاب نتزوجها كان امكن قالي اني قلت للدارنا مي هوما مقبلوش الفكرة خلاه
قلتلو وين باسكو رانا صغار قالي وين صغار هدا
قلتلو شوف خويا انا رايحة نحكي معاها ونعرف كان تشتيك ولالا ولكل حادث حديث يا جماعة الله فهموني
وشي الحكايات هادي الي تتناقل بين البشر
مبقاش في لسانهم غير كلمة نحبك
اصلا ام ميعرفوش كلمة الحب وش معنتها
لا حولة ولا قوة الا بالله انا ديراكت روحت قلت للماما اسمعي ... قاتلي ياه وتزيدي تحكيهالي عندك وحد الوجه هههه قالتلي الطفل هدا والطفلة متحكيش معاهم ومكانش خرجة مرة الجاية هههه ايا قلت شوفو يا جرة ديتوني في الطريق


لا علينا كترة بزاف مي وشي الحالة الي نعيشو فيها احنا بلاد مسلم ولا نمسة من المسلسلات ولينا نعيشو فيهم فهموووني
 
امليح ....
قال نحبك برك ماقالش كلمة خلاف ههههه

 
ماكانش حتى مشكل
هو يحبها و هي تحبوا

و ليكن في علمك يا يسرى الحب أعمى لا يفرق بين الصغير أو الكبير أو المعوق أو أي شخص كان
شكرا لك
بالتوووفيق
 
واش فيها راهو ناوي يخطبها نورمال

النية ما تكفيش ,, الذراري قاع حابة تتزوج , ما كاين لا دار لا دراهم لا عمر مناسب لا والو //

و كاين اللي يتزوجو صغار و يحصلو حصلة كبيرة .. ربي يلطفنا و خلاص من الجيل تاع ضرك ( جيلنا قصدي :no_1: ) .
 
يسرى في مواضيعك ديما تروحي تشري نهار كامل و انت تشري هههههههههههه علاها راكي طيحي غير فالبيزار و خوه ارواحي اديني نحوس معاك
 
نورمال اذا كان حاب يخطبها ماقالش كلام قبيح ولا.
 
شانقلك ختي يسرى راسي تبلوكا
جامي فاتو عليا حوايج كيما هادو اصلا منخرج نشري انا هههه
 
واش راح ادير
قد ولادي ويحكيو على الحب ولمعيشة ولافونير ووو
راسك يحبس
 
هههههه الصراحة في وقتنا
لا جات هاكاك كون تاع الليسي كامل تزوجو
والله جامعة ههههه
 
وقتاش العرس ان شاء الله بلغينا عرسو باش نحضرو ونزهاو في عرسو
 
هيه وعلاه ميحبوش مدام الفضائيات والواقع كلو هكا
ربي يهدي برك
 
لا علينا كترة بزاف مي وشي الحالة الي نعيشو فيها احنا بلاد مسلم ولا نمسة من المسلسلات ولينا نعيشو فيهم فهموووني
ايه ربي يهدينا برك ايحوس يديرو العقلية تع المسسلات التركية
يخي عباد يخي حشا لميستهلش كي الطفلة كي الطفل
زمان غريب وجيل فايق بزاف ومهبول
شكرا لك اختي يسرا على الموضوع
 
اللي يقول هك قوليلو موت شكون حاكمك .ههه
 
اييييييييييييييييه مدام الانترنات كاينة يحبو يا اختي يسرى
 
هههههههههه وش داك تقولي لماماك
 
ههههههههههههه
هجبمتو عليا
1- اني نروح نشري مالا تحبوني نتحبس في الدار ههه خليني نحي على بالي شوي وشبيكم
2- قالك الحب معندوش عمر انا نقول الحب عندو عمر الحب تاع الصغار دريا معندهم ميعملو بيه كي يكبرو ينساوه خلاه
3- ههه قلت للماما اني بنت امها معنديش اخت كبيرة تنصحني
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top