ان شاء الله تعاونوني

tablatoty

:: عضو منتسِب ::
إنضم
13 مارس 2009
المشاركات
20
نقاط التفاعل
0
النقاط
2
العمر
32
سلام عليكم

اهلا ولاد و بنات بلادي

و الله عندي مشكل راني نقاسي على جالو من 3 سنين

عندي صحبتي لانتيم نحبها و تموت عليا

كونا كي لخواتات حجة لعزيزة عليا ملكها و ملكها ليا

حجة فرقتنا من صغرنا و حنا مع بعضانا

و ناس كامل حسدونا تالمو نحبو بعضانا و دايما مع بعضانا

و حبو يفرقونا و داروها و مشا واش في بالهم

المهم لحكاية هي :

هذا 3 سنين جات صيفت معايا

من بعد كي دخلنا ليكول بعد شهرين تقريبا

عيطولها فتيليفون و قالولها صحبتك الهام دارت فوتو نتاعك في لنترنت و روحي شوفيه

مدولها سيت نتاعو ....اكسيتيرا

كي راحت شافاتو لقات لبلاسة لي كونا فيها سي فري

مي هي تسكن قريب من لبلاسة لي كنا كاريين فيها

عيطتلي فليل فتيليفون قاتلي الهام ارواحي نسحقك

او كانت تبكي روحت لدارهم فتحت باب ( باسكو عندي مفتاح )

دخلت لقيت يماها قاتلي يا بنتي ان شاء الله متكونش صح

مفهت والو دخلت لبيتها لقيتها في حالة

قاتلي الهام غدرتيني قولتلها فهميني واش كاين

قاتلي دوك عيطولي او قالولي بلي درتي فوطو نتاعي في لنترنت

قولتلها صدقتيهم قولتلها انا حاجة لي منحبهاش لروحي منحبهاش عليك

او حاجة انعزها عليك او انا نصدمت سيرتو كي قاتلي نكرهك

مستنيتهاش كامل تقولهالي

المهم رميت لمفاتح او قولتلها و الله و الله و الله غير ما ديرتها

و جامي نفكر نديرها

بصح حاجتك اذا حبيتي تصدقي عديانا صدقي

( و يا جماعة انا صح مديرتهاش + فوطو لي مديرينهالها في لنترنت كانت لابسة لبسة جامي شوفتها لبستها + كي كانت معايا في صيف كانت تلبس حوايجي و جامي جابت معاها حوايجها )

و حبيت نقنعها مي الله غالب متقنعتش

و لي غاضتني قاتلي متزيديش تجي لدارنا

انا حلفت على دارهم او هاذي 3 سنين مدخلتش

مي كيفاش دارتلي تعقدت من لبنات نها برك او حلفت ما نزيد نصاحب اي طفلة

و غلطة وحيدة لي ديرتها في حقها حكيت بنيتي مع واحد نعرفوا عليها

او واش درتلي او كيفاش ظلمتني على امل يعاوني و يعرف شكون دار فوطو نتاعها

او لبلوغ لكن هو راح نشرها فالليسي حتى لحقتلها او قالولها شوفي الهام واش راهي تقول

او دوونديت منها سماح 4 خطرات باش نولو كيما كونا مي هي رفضت

او عندها شهر رحلت من حاسي راحت لتيبازة

او كي كانت رايحة مطلبتش مني سماح

او راهي غايضتني قولولي واش ندير يا جماعة
 
شوفي ديري ربي في بالك والا راكي شاكة في واحد وكلي عليه ربي معندكي مديري وبشوي وبشوي حاولي ترنجيها ليك هادي صحبتك متفرديش فيها
 
انا لااعتقد ان صديق او انسان نحبوه ونحترموه وتجمعنا معاه علاقة صداقة ولا محبة نعملوا فيه ولا نتصرفوا فيه كي هك ؟؟؟
ممكن راه كاين واحد استغل الصداقة اللي بيناتكم وحب يفرقكم بين بعضاكم ما تخلولوش الفرصة وصديقتك عليها تبحث عن الحقيقة ونتي عاونيها باش تكشوفا هذا اللي تسبب في هذا المشكل
 
يا الله الناس ما ولاتش تحشم
هادي غير الغيرة تاع الناس من علاقتكم وصداقتكم الي لقاوها ما تنهدش

انا نقلك ماكنتش انت عندك كاش صديقة من قبل ولا هيا عندها صديقة من بعد تفارقو ايا كي وليتو انتوما صحبات حبت تفارقكم من الغيرة وهادي وحدة عندها امكانيات كبيرة لازم تكشفو الحقيقة

ما تياسوش لازم تكشفو المستور

وربي يوفقكم
 
يا الله الناس ما ولاتش تحشم
هادي غير الغيرة تاع الناس من علاقتكم وصداقتكم الي لقاوها ما تنهدش

انا نقلك ماكنتش انت عندك كاش صديقة من قبل ولا هيا عندها صديقة من بعد تفارقو ايا كي وليتو انتوما صحبات حبت تفارقكم من الغيرة وهادي وحدة عندها امكانيات كبيرة لازم تكشفو الحقيقة

ما تياسوش لازم تكشفو المستور

وربي يوفقكم
عندها الحق مايا الناس ماو لاوش يحشموا و مايرحموش و انشاء الله ربي يهديها و تولوا لبعضاكم
 
كاين ربي


ماتخافيش

 
ختي وكلي ربي على لي دار هكا و ما تقطعيش الامل باش تولو نتي و صحبتك كيما زمان ربي يكون في عونك موفقة
 
أيه انت راكي كي حالتي مي أنا مع صاحبي قالوا لو راه نمشي مع أختوناس تحب تعمل مشكل للأحباب انت وكلي أمرك لله والباقي على ربي صعيب باش تفرقي واحدة تحبيها كيما أختك مي هذي هي الدنيا انت نيتك صافية معها مي واش تحبي لافامي سيعدي قاع عندهم مشاكل كيف كيف هههههههههههه ؟؟؟؟؟؟؟؟!!!!!!!!!!!!
 
أختــــي هي فـــي موقــــــــــــــف صعــــــــــــب ماتلوميهاش اتصوري روحك في بلاصتـــــها حاولي تعرفي شكون دار الفوطو تاعهاا وثاني هي رحلت وهي زعفانة منك لازم عليك تطلبي السماح ثاني الى عندك رقم تاعها عيطيلها وفهميها والصداقة عمرها ما تروح
 
وين دارو الفوطو أعطينا السيت بالاك نقدرو نساعدوكي ... خليهولي في رسالة أختي ممكن نساعدكي .. + وكلي ربي على ألي دار فيكي هاذ الشيء + عيطي على صحبتك هاذي وشوفي كيفاه تتسامحو والله يصلح بيناتكم ..
 
وكلي عليهم ربي واش اذا عندك النيميرو اتاعها اتصلي بيها وعاودي قوليلها باش تسمحلك
واش صحبتك راهي عندنا في تيبازة
 
أختــــي هي فـــي موقــــــــــــــف صعــــــــــــب ماتلوميهاش اتصوري روحك في بلاصتـــــها حاولي تعرفي شكون دار الفوطو تاعهاا وثاني هي رحلت وهي زعفانة منك لازم عليك تطلبي السماح ثاني الى عندك رقم تاعها عيطيلها وفهميها والصداقة عمرها ما تروح
راني معاك أختي شاوية حرة في كل شيء قلتيه
وياصاحبة الموضوع واش حتديري
وكلي وربي وكيما قالت شاوية حرة حاولي تعيطيلها تطلبي منها السماح
 
مدامها راحت خلي الماضي يروح معاها و ابداي حياة جديدة و خلاص صح راهي حاجة صعيبة بصح ما كاين حتى حل
 
اختي وكلي عليهم ربي هادو اللي فرقوكم وحاولي مرة اخرى معاها وقنعيها بلي ماشي

انتي اللي درتيها وبطريقة غير مباشرة حاولي تعرفي شكون اللي دار هادي الحاجة

سقسي وحاولي مرة على مرة بلاك تعرفي شكون هادو وما تخسروش بعضاكم على جال ناس

معندهاش رحمة في قلوبهم وكاين غير الحسد والغيرة منكم هادي صاحبتك تع العمر كي تتهدن

احكي معاها وشوفي بلاك تفهمك وتقتنع
 
شوفي ديري ربي في بالك والا راكي شاكة في واحد وكلي عليه ربي معندكي مديري وبشوي وبشوي حاولي ترنجيها ليك هادي صحبتك متفرديش فيها
 
ربي يعينك اختى ويهدى صحبتك
 
ختي متلوميهاش خاطر المشكل راهو كبير ونتي حاولي تلهطي شكون دارها
وزيد حاولي تلبي منها السماح بالاك درك او بردلها الغش شويا كي عدا 3 سنين
وربي معاك
 
ربي معاااك اختي ويجي نهااار ويبااان كلش
 
سلام ...
اسمحيلي بصح ناس ما تحشمش
لوكان جات هاد الطفلة صحبتك صح وتحبك راهي ما تصدقش الشي اللي قالوهولها ..ما تستاهلش الصداقة نتاعك ..يجي نهار وتندم صدقيني
وكلي ربي هادا ماكان ...
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top