فضفضة عضوة الجزء الثاني #من-قلب-فيتامينة

الحالة
مغلق ولا يسمح بالمزيد من الردود.

فيتامين سي

:: عضو بارز ::
أحباب اللمة
إنضم
1 فيفري 2016
المشاركات
2,279
نقاط التفاعل
5,500
النقاط
116
محل الإقامة
كوكب الارض
:)السلام عليكم و رحمة الله و بركاته:)
ان شاء الله الكل بخير
اليوم جيت نحكي معاك انتِ و انتَ جيت نحكي معاكم من قلبي ليك و لبزاف ناس رغم ما يجمعنا مجرد عالم افتراضي
نغلقو منا كلش يروح
نجو لهنا و لكل اهدافه تسلية ضحك نشاطات دراسة و كاين حتى لي معندهش هدف و لي هدفه شيطاني -عالم افتراضي-
كل واحد واش وصله لهنا و كفاش وصل .

قبل نتمنى من الادارة يخلولي الموضوع و نقول لاي واحد يفوت من هذا الموضوع منقصدش بيه شخص مخصوص كتبتو على جاله
انا لي يجي في قلبي نكتبه و حتى ماشي اول فضفة ليا
هذي خربشات قلبية و عقلية على 00:00 بدات و لوين توصل الله اعلم

08/11/2017
الدنيا تاعنا صعيبة
و الامتحانات اصعب
و في بلادنا الصعوبة تزيد بمراحل بزاف

-----------
نخليكم مع صورة من مجموعة -حذفت اسم صاحبة التعليق للحفاظ على الخصوصية -



علابالي بزاف رايحين تحكمهم الصدمة لوين وصلنا موصلنا موالو هذو الحجات من بكري كاينين هذا هو الامتحان تاع الدنيا و الصبر لواشكان في ميزكم
كاين صبر كاين امتحان اكيد
هو العالم الافتراضي بين المجتمع على حقيقته برك

و علاش كاين حدود
و علاش اصلا كاين الجنة و النار ؟

و نزيدكم صورة اخرى


قبل كاين بزاف يقرو او يسمعو و ممكن يشوفو حاجة هكدا يقولو
المرة سيءة و الرجل لا
انا منحلل حتى واحد فقط نقول ربي يسترنا و يهدينا و يهديهم للطريق الصواب
كما كاين نسا مشاو في هذي الطريق في المقابل كاين بزاف رجال مشاو فيها
بصح انا اليوم مجيتش نحكي عليه الرجل و معندي فايدة جيت نحكي عليك انت لي تخصيني راكي كيفي ولية
اي وحدة تمشي في هذي الطريق و تصدق اقاويلهم نقولك فقط قد تم خداعك اخية :cry:
مكانش لي يمشي مع وحدة خانت العزيز على جاله
و لو يكون مقدارالمعزة عنده مي لوين يوصل فقط يقولك خربي دارك او خوني اهلك او احبابك و انا نوقف معاك

#كاذب
-شكون يوقف معاك لي رباك لسنين و لا لي جا في زمن برك
-شكون لي يعزك و يبغيك
-شكون لي يقدرك
خمي مليح قبل متديري اي حاجة
خمي في نفسك قبل الجميع
خمي في حياتك قبل
المستقبل

خمي في كلام ربي سبحانو
:rolleyes:
بعدا تقولو هذيك حاسبة روحها ملاك و هذي شيطان :censored:
بلاك نغلطو مليارات تاع الغلطات و ربي ساترنا
و دعوةالوالدين برك;)
مي قبل كلش عرفو ربي خلقكم انسان /بني ادم /
باخطاءكم بذنوبكم بمحاسنكم و اجركم تبقو انسان
الطريق لي تدي للهاوية خليكم منها
و من بعد تجرو مور مشاعر زائفة فقط
في العمل علاقاتك مع العمال ممنوعة :devilish:
منيش معقدة :confused:برك ربي يبغيني نطيعه و باش نطيعه هو لي امرني هكدا
و في العالم الافتراضي معندك اي علاقة معاهم لا رسائل لا هم يحزنون
علاش :cry:
نقولك حنونتي علاش:D
الشيطان كي يزينلك الحاجة تبدي تشوفي لي عندك و لي في الخدمة
المقارنة تزيدي تكملي و وصلتي لهدفه هو الشيطان لي قال رايح يخرج اكثر عدد من العباد من الجنة

متزوجة مخطوبة عزباء مطلقة ارملة انت اميرة
مكانش لي حقه يحكي معاك
هذا علاش في الدين المرة يقولك بلاصتها الدار
و اذا خدمة و لا خرجت لازم شروط
باش يحمونا برك
يقولك طلقي و انا نديك
في ميزك يدي وحدة تخون باباها او راجلها او اي شخص اول منطق كما دارت معاه دير معايا
تانية كي متزوجة و عندك علاقات غرامية #خيانة
كفاش ربي يحميك و يرزقك الخير و يحفضك و يوفقك في حياتك
اصلك دينك و اخلاقك مكانش لي يرضى بهذا الشي
راجلي بلا بلا بلا بلا بلا بلا بلا بلا بلا بلا بلا بلا بلا بلا بلا بلا
تحطي الف حجة لتبرير واش درتي
صحا stop
ربي امر غض البصر ليك و ليها
غضي البصر اخية و دعي ربي احسن ليك من دخول متاهات طريقها باين
متامنيهمش حنونتي
جامي تغلطي جامي جامي
خليك عزيزة
قدرك عالي
و ربي يحميك و يحميني و يحمي كل وحدة فينا ويحفضها و يتبتها على الاسلام



في النهاية حبيت نقول و ناكد كاين اشخاص رايحين يحسبو انا لي كتبت الصور لي الفوق و ربي شاهد عليا كنت ندور في الفاسبوك لقيتهم صورتهم و محيت الاسماء منهم منعرفش اصلا كاتبة القصة
و لي حكيتو لبزاف ناس ياريت يفهموه و يفيقو
سمعي للي يبكيك ماشي للي يضحكك و مغلطوش

من قلب #فيتامينة
 
السلام عليكم ورحمة الله وبركاته
هذا لي يقولك الكلام بعد منتصف الليل يكون صادق ومن القلب
أنا قريت الكثير من مواضيعك لكن مثل هذا الموضوع ما قريتش لأنك كتبتيه بقلبك وماش لمجرد الكتابة برك
لذلك قبل ما ندخل في الموضوع نقولك بارك الله فيك وربي يجعل كل كلمة في ميزان حسناتك ان شاء الله
أما بالعودة للموضوع كيما قلتي خلي نحطو الرجل على جنب ومانقولو لا سيء لا مليح خليه بينو وبين مولاه
اليوم نوجهو الكلام للبنت وللأخت والأم والزوجة خاطر هي لي تهمنا، اليوم كل وحدة فينا تتكلم ماش لأنها
ملائكة ومنا لغدوة وحدة ماتعرف واش قادر يصرالها خاطر الدنيا غدارة والناس ما ترحمش مالا لازم هنا
نتكلمو بالنصيحة، ربما البنت العازبة تكلمنا عليها بزاف كذلك نخليوها على جنب ونتكلمو على المرأة المتزوجة
بشكل خاص بما أنو لب موضوعك يتحدث عليها، ونقول لكل إمرأة متزوجة مهما كان راجلك فيه العيوب السبعة
تذكري أنك لو أطعتيه تدخلي للجنة ولو خنتيه تدخلي للنار كأنك واقفة في رواق وأمامك بابين كل واحد يدي لبلاصة
وبيدك القرار النهائي على هادي خيري الباب لي يديك للخير، خاطر راجل لي يقرب من زوجة رجل آخر وعرض رجل
آخر مافيهش الخير وقليل اصل خاطر تلقاي الراجل الحقيقي بنت عازبة ويحشم يجيها من الطاقة ويروحلها من الباب
فمابالك بمتزوجة؟ يعني لي يروح يخرب دار وحدة متزوجة ويبدا يقولها اتطلقي ونكون معاك باين مافيهش الخير ولا رايح
يكون فيه الخير، وعلى هادي كيما قلتي ماش مليح الاحتكاك بزاف بين الرجل والمرأة سواء في عمل أو في دراسة
خاطر الناس ماتخافش ربي تجي المرأة تخدم واحد يقولها اليوم راكي شابة ولاخر يقولها توحشناك وخلي وخلي وتبدا
المرأة تعتاد على هاد الكلام الحلو ويبدا يمشيلها الشيطان في عروقها، يعني المرأة ضعيفة على هادي لازم وين تروح معاها
محرم أخ ولا أب ولا زوج باه مراض النفوس ما يقربوش منها خاطر رانا في غابة ومليانة ذئاب، وزيد تاني ساعات
كاين بعض النساء مايحمدوش ربي تلقاها تهبل على الزواج وكي تتزوج تبدا تخمم لبعيد وتقول كن عندي سكنة
وعندي سيارة هاداك هو تلقى زميل العمل لاباس بيه يبدا يفتيلها تروح وراه، بصح كن جات تحمدي ربي على نعمة
السترة ونعمة الاطفال والزوج وتحاول تبدا في مشروعها الجديد وهو اطفالها ماش تخمم تعاود تتزوج وتخون
واش نقولو ربي يهديهم والله كانت عندي قصة وحدة كتبتها في الرد ووليت محيتها قلت خليها مستورة حنا
نسترو عليهم اليوم وربي يستر علينا غدوة، وربي يستر كامل البنات ان شاء الله سواء كانت متزوجة او عازبة
شكرا حبيبتي على الموضوع القيم ربي يحفظك من كل شر ان شاء الله
تحياتي



 
السلام عليكم
موضوع حساس يخص كل النساء والرجال لمزوجين ماشي غير النساء فقط
ان شاء الله ممبعد نولي نعرج على بعض الامور لي طرقت لها
 

السلام عليكم و رحمة الله

موضوع حساس جدا ... و واقع أليم ...
و الله غريب كي نشوفو حوايج غريبة كيما هاك في مجتمعنا
كارثة بكل المقاييس
و لكن نطلبو الهداية و العفو و العافية
الله يجيبها زينة و خالص
 
في الحقيقة موضوك جد حساس لانو يم الفئة المحصنة من الناس ويتعلق الامر بالرجل زوجا وبالمراة زوجة
الرجل كعامل والمراة كعاملة بما انو موضوعك يخص الوقوع في المحضور بالنسبة لزملاء العمل وفي الحقيقة هذا ليس جديدا
على المجتمعات قديما وحديثا لانو لما يقع الاختلاط تكثر الفتنة لكن هناك من يقاوم الاختلاط سواء رجل او امراة لما يتذكر انو محصن
ومتزوج وعندو عائلة ولكن هناك قسم ينجر وراء شهوته لانو الخيانة نتيجة شهوة سواء شهوة عاطفية او شهوة جنسية
والمراة اكثر عرضة لهذا لانو بحكم العاطفة الزائدة نتاعها وبحكم الضعف العقلي نتاعها
لما تصيب زملاء عمل يتجاوزو حدود الزمالة الى العلاقات االاخوية المزعومة منهم لما تصيب زملاء عمل يتبادلون الهدايا
يتهربون من مؤولية البيت يجدون راحتهم في الللعب مع بعضهم البعض ومنهم من يمارس جريمة الزنى والعياذ بالله
وكثيرة هذي الامور يعني تصيبي استاذ يتمعشق مع استاذة عيني عينك ويشوف في الناس لخرين بعين الازدراء
تشوفي مديرة تتمعشق مع المراقب العاام ويقعد معاها في المكتب لمدة الساعة والساعتين والباب مقفل
يعني افكار شيطانية تدخل للناس اللي تشوف ومن هنا لازم تكون ضوابظ ومحضورات لازم الناس ترسمها
مانش اتراك وما ناش اجانب باش الراجل يبدل المرا كيما يبدل حوايجو او المراة باش تبدل الزوج نتاعها كيما تبدل
الماكياج لانو عند الاجانب كاين زوجة وكاين عشيقات للفراش واسمحولي على هذا التعبير
وفي بلادنا حابين يرجعو هذا الشيء لما تصيب راجل يستمتع مع غير الزوجة نتاعو
او تصيبي امراة جابتها صداقات وزمالة وما تحت الطاولة ادهى واعظم
ومشكلة اليوم كيما ذكرتي ونزيد عليها انو مشكلة الازواج اليوم ما يروحوش للطلاق لانو هذا ارحم معليه تطلقي من راجلك
وتتزوجي زميلك في الحلال لكن انو تبقاي مع زوجك وكل يوم حاشاكم مع زميلك في الرذيلة والرذيلة مانيش نقصد بها الزنى
كيما راكم تتخيلو لكن حتى الحوار الذي لا يخلو من { الدسارة} نعتبرو رذيلة تصيبي استاذ يشد شعر نتاع المعلمة ولا يتوشي فيها
من يدها ولا عاملة تزعق مع العامل تشدلو يدو وتضرب فيه وما الى غير ذالك هذا شيء مؤسف للغاية الله يهدينا شكرا على هذا الموضوع .
 
السلام عليكم ورحمة الله وبركاته
هذا لي يقولك الكلام بعد منتصف الليل يكون صادق ومن القلب
أنا قريت الكثير من مواضيعك لكن مثل هذا الموضوع ما قريتش لأنك كتبتيه بقلبك وماش لمجرد الكتابة برك
لذلك قبل ما ندخل في الموضوع نقولك بارك الله فيك وربي يجعل كل كلمة في ميزان حسناتك ان شاء الله
أما بالعودة للموضوع كيما قلتي خلي نحطو الرجل على جنب ومانقولو لا سيء لا مليح خليه بينو وبين مولاه
اليوم نوجهو الكلام للبنت وللأخت والأم والزوجة خاطر هي لي تهمنا، اليوم كل وحدة فينا تتكلم ماش لأنها
ملائكة ومنا لغدوة وحدة ماتعرف واش قادر يصرالها خاطر الدنيا غدارة والناس ما ترحمش مالا لازم هنا
نتكلمو بالنصيحة، ربما البنت العازبة تكلمنا عليها بزاف كذلك نخليوها على جنب ونتكلمو على المرأة المتزوجة
بشكل خاص بما أنو لب موضوعك يتحدث عليها، ونقول لكل إمرأة متزوجة مهما كان راجلك فيه العيوب السبعة
تذكري أنك لو أطعتيه تدخلي للجنة ولو خنتيه تدخلي للنار كأنك واقفة في رواق وأمامك بابين كل واحد يدي لبلاصة
وبيدك القرار النهائي على هادي خيري الباب لي يديك للخير، خاطر راجل لي يقرب من زوجة رجل آخر وعرض رجل
آخر مافيهش الخير وقليل اصل خاطر تلقاي الراجل الحقيقي بنت عازبة ويحشم يجيها من الطاقة ويروحلها من الباب
فمابالك بمتزوجة؟ يعني لي يروح يخرب دار وحدة متزوجة ويبدا يقولها اتطلقي ونكون معاك باين مافيهش الخير ولا رايح
يكون فيه الخير، وعلى هادي كيما قلتي ماش مليح الاحتكاك بزاف بين الرجل والمرأة سواء في عمل أو في دراسة
خاطر الناس ماتخافش ربي تجي المرأة تخدم واحد يقولها اليوم راكي شابة ولاخر يقولها توحشناك وخلي وخلي وتبدا
المرأة تعتاد على هاد الكلام الحلو ويبدا يمشيلها الشيطان في عروقها، يعني المرأة ضعيفة على هادي لازم وين تروح معاها
محرم أخ ولا أب ولا زوج باه مراض النفوس ما يقربوش منها خاطر رانا في غابة ومليانة ذئاب، وزيد تاني ساعات
كاين بعض النساء مايحمدوش ربي تلقاها تهبل على الزواج وكي تتزوج تبدا تخمم لبعيد وتقول كن عندي سكنة
وعندي سيارة هاداك هو تلقى زميل العمل لاباس بيه يبدا يفتيلها تروح وراه، بصح كن جات تحمدي ربي على نعمة
السترة ونعمة الاطفال والزوج وتحاول تبدا في مشروعها الجديد وهو اطفالها ماش تخمم تعاود تتزوج وتخون
واش نقولو ربي يهديهم والله كانت عندي قصة وحدة كتبتها في الرد ووليت محيتها قلت خليها مستورة حنا
نسترو عليهم اليوم وربي يستر علينا غدوة، وربي يستر كامل البنات ان شاء الله سواء كانت متزوجة او عازبة
شكرا حبيبتي على الموضوع القيم ربي يحفظك من كل شر ان شاء الله
تحياتي



;) و عليكم السلام و رحمة الله و بركاته ;)
صح تكوني نتي وعقلك و قلبك برك مكانش وحداخر معاك :geek:
و فيك بارك الرحمان غاليتي :D
صح الرجل نحطوه على جهة رغم منقولوش الرجل منزه من الاخطاء و لا عادي يدير واش حكينا الفوق بصح من الاحسن نهتمو للاميرات لي يهمونا حنا بنات كيفنا
كي تصرا حاجة لوحدة كامل ننضرو معاها صح
و كي تصرا حاجة يقولو بنات DZ يعني هي تهمنا و تهمنا بزاف بزاف و اذا حكينا ماشي كره ولا نبينو رواحنا رانا الفوق و منغلطوش و كما قلتلك لكل اخطاءه و دعوة الوالدين لي ساترتنا
تمنشير من هدرة من زعاف من و بزاااف بصح علاش منتناصحوش و نستفادو و ممكن وحدة تفوت تقرا موضوعنا و نقاشاتنا و تستفاد من الكلام لي حكيناه
لو فيه العيوب المئة ماشي السبعة برك لا تبرير للخيانة ياسيدي لاطاعة لمخلوق في معصية الخالق و اذا كان هذا الانسان ميمنعكش من الحجاب و الصلاة و الصوم و العبادات و كان سيء دعيله و عاونيه و حاولي تبدليه
و اي رجل يقرب لمراة متزوجة كما قلتي قليل اصل منضنش يكون جزائري حر لي يغار على عرضه مستحيل
و العازبة تاني و الارملة و المتزوجة و اي وحدة اي اميرة لازم متسمعش لواش يقولو خليهم يهدرو في بيدو خاوي
الحاجة لي ضيعتنا في دزاير هذا كما خويا و هذا كما خويا
ماما خطرة سمعتني برك قلت خويا زعفت مني قالتلي ربي عطاك زوج اخوة برك هذوك هما اخوة تاعك و ابياقي معندهم اي صلة معاك لا خويا لا والوو
الشيطان يدخل من اي باب اليوم كراكي ختي غدوا ختي راكي شابة ختي علاش مجيتيش و نوصلو كما قلتي لهدف تاع الشيطان
دايما كي نكتب هكدا نخاف والله و نخاف و نقول الحمد لله الذي عافانا مما ابتلاهم و ربي يتبتنا على دينه و يحفظنا كامل يا رب و يهديهم
اللهم امين
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top