واش راكم كامل إن شاء الله بألف خير
مابقاش لرمضان يوم أو يومين
إن شاء الله تصومو كامل بصحة وعافية
اليوم بغيت نستفسر على وحد السؤال يخطر ببالي
على خاطر قصة عندنا صرات
أي شخص كي يكون مريض مرض خطير ربي يعدو علينا كامل
يعني راح يموت
وهذا الشخص المريض ماهوش عارف بهذا الشي وعندو أمل وداير في بالو راح يبرى
بالرغم من أنو هذا الشخص كان دنيوي وغيرها
يعني لا صلاة ولا فعل الخير وغيرها ان شاء الله ربي يغفرلو
بصح هو راهو في المرحلة الأخيرة من تطور هذا المرض وبعدها النهاية والأمر بيد الله
ومع هذا مايصليش
أنا اعطيت رأيي خوفا عليه وقلت لازم يعرف بالمرض اللي عندو وبلي راح يموت
باش يستغفر في اللحظات الأخيرة لعل الله يهديه ويغفر له
بصح كامل جاو ضدي وقالك لالا راهو في المرحلة الأخيرة كامل الأعراض بانت عليه
كي يسمع ممكن يسقط من شدة الخبر ويموت
بصح وين راه الحق وهذا الشخص نخلوه يروح بدون توبة
والله غير أمر صعيب بزاااااااااف
نتمنى ان شاء الله الرحمة للجميع
ان شاء الله منكونش طولت
ونتمنالكم التوفيق
انتظر ردودكم
ورمضان كريم
