طريقة الروتي

[اريج الجزائر]

:heh:الله يجازيكم كل الخير يالمة الخير راه عندنا ضياف نهار الجمعة وضياف مهمين حابة ندير الروتي ربي يحفضكم الي تعرف كيفاه تديرو تردلي راني نستانا فيكم على احر من الجمر وصح رمضانكم يااحلى لمة

 

[faloussa]

واش من روطي حابة روطي بطاطا بالدجاج

 

[الشاوية الحرة]

اختـــــــــي روطي بطاطا هو نفسو روطي دجاج عندنا

المقادير

بطاطا مقشرة و مقطعة
دجاج يفضل الصدر
بصلة متوسطة
زيت - ملح -فلفل اسود
ماء للتمريق (عمل مرق)
تقدري ديري حبات طماطم مقطعة ثاني


طريقة التحضير

في بلاطو تاع كوشة تاع الروطي تحطي البصل ترابيه وثاني شوية مليح وفلفل اسود شوية برك ومبعد تحطي البطاطا لي قشرتيها تكون الحبة على زوج تعرفي ترتبيهم في البلاطو وتحطي من فوقها الطماطم وتدخليه للكوشا وصدر تاع الدجاج تقدري طيبيه وحدو وتقدري تحطيه معاهم ولا تحطيه وحدو الى حطتيه معاهم خير تربحي الوقت وتغطيهم بالماء وتخليهم في الكوشا وتعسيهم حتى تلقاي لون البطاطا ولحم حمار يعني طاب
وبصحتكم ......... ان شاء الله يعجبك
حنا كاين عندنا ماكلة اسمها بطاطا في الكوشا تختلف على الروطي راني راح نحطها موضوع
​

 

[faloussa]

وهاي ليك طريقتى نتاع الروطي
اولا تبلى الدجاجة بالتوابال( كمون -زعفران- فلفل اكحل - ثوم -ملح)
ومباعد تقطعي البطاطا دوائر يكونو السمك نتاعها خشين شوية وتضعيها في اناء ثم اضيفي علها الزيت والتوابل السابقة وضعيا في المول هي والدجاج باعد ما تتقلى البطاطا شوية بعد عشر دقائق تقريبا اضيفي حبة بصل تكون مقصوصة شرائح رقيقة و شيوية فطر مباعد ما تتقلى شوية غطيها بالماء و خليها حتى تتحمر- والدجاج ما تنسايش تدهنيه شوية بالزبدة
اشاء الله تكون واضحة الوصفة

 

[اريج الجزائر]

شكرا على الوصفة يابنات الاصول ياشوية الحرة ويافلوسةطلبت وصفة ربحت اثنين ربي يحفضكم ويجازيكم راني حابة نتاع اللحم وحدوه اذا كان عندكم فكرة عنوا انا ماجربتوش اكلته في المطعم ويقدموه مع الروز