يخاه واش رانا نشوفوا

[إشراقة حب]

السلام عليكم
ومساء الخير
واش احوالكم مع رمضان ان شاء الله تكونوا بخير ,ان شاء برك مايكونش غلبكم .

اليوم حبيت نهدر في موضوعي على اليتيمة ,والله اسم على مسمى _قناة المعيز _

يتمسخروا بينا حاسبينا جايحين يجيبونا برامج كيما هما ,خلي ديك الكاميرا كاشي تبهدل تبهدل بمعنى الكلمة

درك يرحم بابكم ,حنا قاعدين كامل في المايدة نفطروا بدات الكاميرا ,دارو زعما العرس وركزوا على حاجة النسا يشطحوا ويردحوا اداو واحد ربع ساعة وهما يوروا فيهم
وين هي الحشمة :busted_red:

وتخيلوا الموقف هذا وانتم قاعدين مع خواتكم وباباكم ,:scared:

والكارثة الكبرى هي نهار دارو الكاميرا تاع حسان فالسبيطار :u_pc:

كي العادة ملمين على المايدة بابا وخاوتي زعما حبينا نشوفوا قناة الجزائر .:yahoo:

تتصوروا واش داروا جابوا واحد قاعد يهدر على صحبتو ,ويقول انا عندي 4سنين وانا خاطب واحدة ومن بعد خلاوه :scared:
وزيد الكارثة الكبيرة واش يقول ,لوكان تشوفوها تعذروني _o: تعذروني عندي 4 سنين وانا خاطبها :music_whistling:

اتبهديلة جابوه يوصف في صحبتو ,انا لوكان لقيت راني خبيت راسي تحت الطابلة من الحشمة مزية بابا بدل القناة

والله كل يوم يبهدلونا على حاجة ,زعما هذي هي اللي برامج عائلية و كل العايلة تقدر تشوف .

وانتم واش رايكم في برامج تاع اليتيمة المسكينة .عجبوكم زعما (حاجة ماتصلح فيهم حاشى برنامج كيف تتعامل مع الله)

القنوات الكل اطوروا وبقينا احنا مع اليتيمة
وين راك ياصويلح ,ويا الحاج لخضر
شوفوا البرامج الشابة اللي جابوها لينا

اسمحولي على الهدرة ,قلقوني بزااف
ايا صح فطوركم وسحوركم

مع السلامة ​

 

[نسمة غريبة]

عندك حق أختي في كل وش قولتي الحشمة اي راحت بكري
بصح مكاين حتى حل غير تبدلي القناة
مشكورة على الطرح المميز

 

[نسمة غريبة]

.............................

 

[إشراقة حب]

عندك حق أختي في كل وش قولتي الحشمة اي راحت بكري
بصح مكاين حتى حل غير تبدلي القناة
مشكورة على الطرح المميز

شكرا لمرورك اختي نسومة

 

[نهلة21]

كى قولنا حنا تهنينا من المسلسلات المصرية القديمة لى عندها شحال الجزائر بدلت العقلية مى نفس البرامج لى كل رمضان نستنو فيها كى يقول الواحد نشوف برامج الجزائر يلقاها ما تفرحش

 

[الرومنسي الجاد]

ذركـ الليـ يحشم يسما ماشيــ مليــ ح . .

واحـــد الوقتــ لحقنــا ليــه يالطيفــ . . ربيــ يحفظنــا و صاييــ . .

مآغسيــ عالميضوع . .
​

 

[sirine-w]

3andak lha9 ya khoya

 

[kano88]

الله يرحمها هاداك العام

:re_gards:​

 

[القلب الابيض]

كيما قلتي الحشمة راحت ولا العبد مايقدرش مامبا يشوف التيليفيزيون معا العايلة تاعو ربي يهديهم هادا ماكان

 

[SaRa MosTa]

الحشمة رااحت مع ماليها يا حسراااه
ربي يهدينا​

 

[إحسَانْ]

صااااااااري الفضح

 

[Kynda]

الله غالب بهدلونا

رمضان هذا ولا عندهم اسم برك ، المعنى راح بكري مع ناس الحشمة و العقالة

صحا فطورك اختي ​

 

[هشام مادي]

الحقيقة عجبوني برامج اليتيمة وشنو نستغلهم وحدي في الشمبرا
وعلى كل مفيهمش حاجة زايدة ولا مش مليحة يصورو الواقع لي رانا عايشينو
شكرا اختي رمضانك كريم وصح فطورك.

 

[Yaccine]

اي شخص لازم كلمة" ربي يسترنا ويحفضنا " دائما في فموا هدا وقت صعيب والله الانسان مايقدر يقعد مع الوالد 1/2 دقيقة يتفرج
شكرا على الانتباه.
​

 

[nour mary]

كل مرة كيفاش مرة حوايج ملاح ومرة اععععععع
فكرتيني فهاداك المخلوق لي يوصف في صاحبتو تبهدايل يا اختي
ولا لي pub تاوعهم ماخلاوش من الصماطة
شكرا على الموضوع

 

[إشراقة حب]

شكرا للجميع
ربي يسترنا ويعد علينا البلا​

 

[إشراقة حب]

الحقيقة عجبوني برامج اليتيمة وشنو نستغلهم وحدي في الشمبرا
وعلى كل مفيهمش حاجة زايدة ولا مش مليحة يصورو الواقع لي رانا عايشينو
شكرا اختي رمضانك كريم وصح فطورك.

يا اخي كل واحد كيفاه ينظر للامور
انا بالنسة ليا قرعوها بزااااف
شكرا لمرورك اخي هشام

 

[إشراقة حب]

كل مرة كيفاش مرة حوايج ملاح ومرة اععععععع
فكرتيني فهاداك المخلوق لي يوصف في صاحبتو تبهدايل يا اختي
ولا لي pub تاوعهم ماخلاوش من الصماطة
شكرا على الموضوع

شفتي اختي يبهدل ويهدر فيها وماشي حاشم
ربي يسترنا
شكرا لمرورك

 

[mir@cle]

اليتيمة قناة متخلفة ... وهاذاك الاستديو تاع الاخبار مابدلوهش من أيام أنا كنت صغير نلعب فالشارع
والمسلسلات كلها تاع هف ..خويا الصغير يشوفها يشبع ضحك ..لاتمثيل لا صدق في الأداء لابناء درامي لا والو ..المؤلف كتب السيناريو قبل التصوير بساعتين
كل الدول سبقتنا ودارت قنوات محترمة في المستوى حتى بعض الدول اللي نضحكو عليها .... التلفزيون الصومالي بالاك أحسن من هاذي القناة
وزيد تعليق فالمباريات مكانش منو ... وكملوها بالفضائح هاذي اللي شفناها في رمضان...ماولاتش "يتيمة" برك ولات "يتيمة ومش متربية"
​

 

[إشراقة حب]

اليتيمة قناة متخلفة ... وهاذاك الاستديو تاع الاخبار مابدلوهش من أيام أنا كنت صغير نلعب فالشارع

والمسلسلات كلها تاع هف ..خويا الصغير يشوفها يشبع ضحك ..لاتمثيل لا صدق في الأداء لابناء درامي لا والو ..المؤلف كتب السيناريو قبل التصوير بساعتين
كل الدول سبقتنا ودارت قنوات محترمة في المستوى حتى بعض الدول اللي نضحكو عليها .... التلفزيون الصومالي بالاك أحسن من هاذي القناة
وزيد تعليق فالمباريات مكانش منو ... وكملوها بالفضائح هاذي اللي شفناها في رمضان...ماولاتش "يتيمة" برك ولات "يتيمة ومش م


والله ياخويا عندك الحق في اللي راك تقول
ولات قناة متخلفة للخر
لوكان يرتبهم تطيح هي الاخيرة

شكرا لمرورك اخي ​