خليها تهدر مع من تحب

["غزالة الجزائر"]

السلام عليكم
واش راكم اخواني اخوتي الاعضاء؟ علبالي راكم تستناو في الاذان تع المغرب بصح اصبرو مزال غير شوي (قصدي العكس)
المهم اليوم حكالي بابا وحد القصة تعجبت فيها وحبيتكم تعطوني رايكم فيها :u_pc:
ياك بابا استاذ في المتوسط , مالا وحد النهار كان يشرح في الدرس عادي ( وبابا كي يعود يشرح الذبانة مايسمعهاش علبالكم بيه واعر ) وهو يشرح يسمع في الطفلة تهدر شاف فيها لقاها قاعدة وحدها في اخر القسم مالا راح ليها لقاها تهدر في البورتابل ومع من مع صاحبها :surrender:
راح داها للادارة ودلها استدعاء , جا باباها وقال لبابا واش كاين؟ قالو بابا لقيت بنتك تهدر في البورتابل ومع صاحبها
علبالكم واش قالو باباها ؟
قالو وانت واش دخلك بنتي انا لي عطيتلها البورتابل وخليها تهدر مع من تحب :scared:
قالو انا جيت نحسب بنتي كشما دارت حاجا كبيرة و من باعد حكم بنتو وداها للدار
بابا قعد مشوكي
واش رايكم في هذا الأب ؟
ممكن كاين لي تبالو حاجة عادي وراني كبرت القصة بصح انا جاتني حاجة بيزار
ايا صحا فطوركم وسلمولي على يماكم
و السلام عليكم

 

[** غزال الصحراء **]

يا لطيف , صح اللي يفهم ولا بيناتهم كيما لعمى في الظلمة ,, يعني ردو باباك هو الغالط !!
و الله عباد Bad ومبعد إذا قدر الله و صرات حاجة مش مليحة لبنتهم يولو في عاشور و ماشور //

روحي يابلادي بالسلامة بالسلامة .. ربي يلطفنا و يكون الخير
هاذي هي اللي يسموها :: عقلية خاسرة برعاية و موافقة الوالدين

شكرا على الموضوع
و صحا رمضانك .

 

["غزالة الجزائر"]

يا لطيف , صح اللي يفهم ولا بيناتهم كيما لعمى في الظلمة ,, يعني ردو باباك هو الغالط !!
و الله عباد bad ومبعد إذا قدر الله و صرات حاجة مش مليحة لبنتهم يولو في عاشور و ماشور //

روحي يابلادي بالسلامة بالسلامة .. ربي يلطفنا و يكون الخير
هاذي هي اللي يسموها :: عقلية خاسرة برعاية و موافقة الوالدين

شكرا على الموضوع
و صحا رمضانك .

والله غير صح
شـــــكـــــرااا لك لقبول موضوعي وشــــــــكـــــــــــراا على الرد الاكثر من الرائع

 

[assoma]

اياياي
يايما على بابا
هذي ليستوار؟منك بصح
انا قلت مع التالي تقولينا بلعاني
هههههههه
يالطيف واش من اب هذا يخلي بنتو تحكي مع من كان في التيليفون وزيد في القسم
ياحفيظ ياستار
الله يهدي ماخلق
كون جيت كيما باباك كون قلتهلها القسم مانزيدش نصيبك فيه في مادة تاعي​

 

[papicha dz]

انا لوكان تصرالي بابا يقتلني

 

[الجريئة]

والله انا هاد الظاهرة شفتها من مخلوقة قراة معايا العام هادا (مدوبلة عامين وتهدر معا صاحبها في القسم))
بصح الاب هادا ربي يهديه
يخليها على هواها وفي لحرام
ومبعد كي تصرا حوايج اخرين يولي في عاشور و ماشور
ربي يهدي ما خلق ويهدي الوالدين الي طالقين ولادهم
وشكرا على الموضوع الرائع
صح فطورك و سحورك

 

["غزالة الجزائر"]

اياياي

يايما على بابا
هذي ليستوار؟منك بصح
انا قلت مع التالي تقولينا بلعاني
هههههههه
يالطيف واش من اب هذا يخلي بنتو تحكي مع من كان في التيليفون وزيد في القسم
ياحفيظ ياستار
الله يهدي ماخلق

كون جيت كيما باباك كون قلتهلها القسم مانزيدش نصيبك فيه في مادة تاعي​

يعطيك الصحة اختي على الرد
ايه بابا قالها نزيد نصيبك في القسم نقتلك
وجا بابها وبدلها من القسم

 

["غزالة الجزائر"]

شــــــــكـــــــــــرااا لكم على الردود

 

[assoma]

يعطيك الصحة اختي على الرد
ايه بابا قالها نزيد نصيبك في القسم نقتلك
وجا بابها وبدلها من القسم

الله يعافيك حنونتي
نستعرف بباباك راجل ونص و25
خرج فيها
هاوهاذي يسما ماهيش محتارماتو كامل
ايلا ماتحترموش كاستاذ تحترمو كرجل
مارسي ختي​

 

["غزالة الجزائر"]

شكراا لك اسماء
اصلا طفلة تهدر مع واحد في القسم وفي نص الحصة ماهي محترمة لا بابا ولا المدرسة كامل
وشكراا مرة ثانية على الرد
تـــــم تقييمك

 

[mimi.dz]

ويقولو و علاشـ لبناتـ كلـ ما رايحينـ .........
لقاو الرخفـ
ربيـ يهدينا
عباد عجبـ
يعطيكـ الصحة و صحا فطوركـ
​

 

[journaliste]

ربي يسترنا من العباد هاذو
هما اللي فسدو الدنيا علينا
كما قال سيدنا المصظفى عليه السلام
الديوث لا يشم رائحة الجنة
وش بقالهم في دنيتهم؟؟؟؟؟؟؟؟؟؟؟

 

[Kynda]

و هذا أب ؟؟؟؟

الله يهدي خلقو

يا اختي الناس كلبو ما لقاو واش يديرو

ربي يثبت علينا العقل و الدين
​

 

[touffik]

واه ياختى وكاين اكتر من هك
ولى يشرى بنته لبس غير محتشم
ولى يروح بحر مع بنتها وتعوم فى وسط ناس بى لبس غاير محتشم
وكاين كتير
ومن بعد تلقيه فى صف اول فى المساجد
الله يهدينا​

 

[يسرى 2008]

هههههه ابا ابا ابا
كان جا بابا يخبط البورتابل على خليقتي وندي فيها تراحا في المتوسط ونرجع للدار
هدا كان خلاني عايشة سح

 

[FoFo95]

ايه يا اسماء راكي تشوفي العجب في هذه الدنيا
اب يشجع بنتو على هذو الحوايج ربي يهديه بركـ
شكرا سوسو

 

[**بنت الأصول**]

كون جيت انا في بلاصة باباك راني قتله هز بنتك معاك وماعدتش إنشوف وجها في حصتي

ونعطيها هديتين من عندي :music_whistling:
عطلة و 0 في المادة
وخلي البرتابل وباباها ينجحوها
.
.
.
شكرا على الموضوع

والله يهدي مجانين العصر

رمضان كريم
​

 

[fufa22]

ربي يهدي ولا يدي

 

[هشام مادي]

شوفي اليوم خلاها تهدر مع من تحب غدوة تشوفي كي تجيبلو فرد جديد للعائلة والفاهم يفهم الله هدا اخر زمان كي راحت الغيرة على الاخت والبنت لا الاب علابلو بيها ولا خوها ولا والو على ديك قلوا بنت لحلال ولينا نحوسو عليهم بالثيليسكوب ومانلقاوهمش.

 

["غزالة الجزائر"]

شكراا لكم على الردود
و ربي يهدي ماخلق