سمعتو بفن التسول ... ادخلو تعرفو

[Thayri]

صباح الخير عليكم كامل

انشاء الله راكوم بخير

اليوم حبيت نهدر لكم على ظاهرة تعاني منها

كامل المجتمعات الجزائرية

ظاهرة التسول لي ولات فن

كاين واحد طفل صغير كي كنت نقرا فالليسي كل مانروح نلقاه يقول لي اعطيني 5 دينار بيني و بينكم كنت نعطيه

بصح خلاص كيما يقولو بلغ السيل الزبى

و زيد اذا حكم كاش حاجة في يدك ربي يسترك يسرقها لك و يهرب و يدير لك تبهديلة

قدام الناس وسمعت بلي الشباب هوما لي يبعثوه

الثاني واحد الراجل يكون في الثلاثينات يبيع الكاوكاو القديم قدام الليسي...لازم تشري بالسيف

اذا قلت لو ماعنديش الصرف يقول لك اعطيني واش عندك و نمد لك البواطة كاملة

و اذا ماقبلتش ربي يسترك يبدا يهدر في الكلام لي تقدرش تسمعو

و العياذ بالله

الثالث شيخ.. كول يوم خميس قدام الجامعة لاخاطرش يوم الخميس كاين السوق لي راه اونفاس الجامعة

يقعد و رجليه في زوج محروقين ملفوفين بالقماش ماتقدرش تشوف ليه

بصح الحاجة لي محيرتني شهر ولا شهرين مابراش ديما هاكا محروق

قلت في بالي هادي فيها ان

المهم هادي عينة برك و مازال و مازال

انا نخمم بلي في يومنا هادا ماكانش لي مايقدرش يخدم على روحو مهما يكون

و الطلابين هادو و الله ولاو ماعندهوم لامان واحد تدخلو لدارك يسرقك

على كل حال

ربي يهدينا كامل مانطولش عليكم

​

 

[ماكانش]

يعطيك الصحة ختي
انا كرهت منهم ودرك درت في بالي حاجة
ألي محتاج صح راهو مايطلبش كيما قل ربي سبحانو
"لايسألون الناس الحافا"
كان واحد مرة لاقاني رحت للمسج
د المهم حكالي حكاية كبيرة وهوا ومرتو ووو ياخي عطيتو ماكتب ربي
من بعد فاتت شهرين لقيتو قدام واحد المسجد زاد حبسني وماشفاش عليا وحكالي نفس لحكاية ياخي رخستو لتم وفرغت قلبي
ومن ثم ماوليتش نمد للي يطلبو في الطريق خلاص​

 

[EL General]

قرارات الدولة هدي ماهيش قرارات الشعب

لوكان جاو متهنيين راح يديروها ؟؟

شكرا .
​

 

[DARINE05]

اييييييييييييييييييي لقوها شعبة وخليها حنش واش تحبي تلقايه لباس بيه خدام وكي يخرج يما

 

[احلام ضائعة]

بارك الله فيك اختي
لكن في وقتنا الحالي لا يمكنكي ان تميزي بين الفقير والغني والمحتاج
فما علينا الا القول ربي يهدي كل انسان

 

[Thayri]

عندكم الحق

نشفى على وحدة كانت كول يوم تجي للبيت تطلب.. كي كنت صغيرة فهاداك الوقت كنا نية شويا مافقناش للدنيا كنا نمدولها واش تحب

واحد الخطرة راح بابا باش يتسوق لقاها تبيع ثمة

حسبي الله و نعم الوكيل

شكرا على التفاعل
​

 

[adnandz]

الله يحفظ ويستر اختي ويا رب بعد علينا كل ولد حرام امين
صح فطوركم

 

[رقيقة المشاعر]

هذي الحالة لي راهم فيها كامل المجتمعات
ربي يهدي ماخلق

 

[nour mary]

ربي يهديهم وين تروحي تلقايهم في الجامع . السوق .الطريق....
احتلو البلاد
شكرا على الموضوع

 

[imanesali1]

بارك الله فيك اختي
لكن في وقتنا الحالي لا يمكنكي ان تميزي بين الفقير والغني والمحتاج
فما علينا الا القول ربي يهدي كل انسان

 

[NOURREDINE ZGHARI]

الحالة هدي راهي بارتو في كل مكااااان
واش غادي نديرو
........
​

 

[ألاء]

والله ظاهرة ولات منتشرة بزاف وكانت وحد الطفلة ديما جي لي اعطيني صدقة عايلتها كامل ثم يدوروا مرة حكمتها قلتلها واش هي الصدقة قاتلي اعطيني الدراهم قلتلها شكون علمك هكذا قاتلي منقولش وبعدا قلتلها تقراي قاتلي نقرا مي ضك نخدم كي نبداو نروح نقرا وقلتلها لاه هذي الحالة عليك قاتلي لازم ندير هكذا قلتلها وين تسكني سماتلي ولاية بعيدةعلينا ب 300كلم وقلتلها وضك وين راكي تسكني قاتلي نسكنوا في خيمة وبعدا شافها خوها طولت معي عيطلها من ذاك النهار عتدت تشوفني تهرب ومرة شفت طفل صغير يهدر مع راجل قالو هات الدراهم وشحال جمعت اليوم عطاهملوا وراح الراجل
والله كي تشوف ظاهرة هكذا تحبس ومنتشرا بكثرة نقول لصحبتي حابة نتبعهم ونشوف واش راهم يديروا نتمنى من الناس نتفيق بيهم وزيد اللي محتاج صح والله مايجي ليك ويقلك اعطيني
شكرا على الموضوع انه في القمة
​

 

[Yaccine]

 

[يسرى 2008]

هههه والله ولاة هواية عند الخلق
فن صح ربي يهدي بلادنا

 

[Thayri]

صح وين تروح تلقاهم المحتاج تاع الصح مايدير هاكا

ربي يهديهم و يهدينا

شكرا على تفاعلكم
​

 

[MOUAD.DZ]

نهى النبي صلى الله عليه و سلم كل النهي عن ظاهرت التسول
لكن في وقتنا هذا لا نميز بين المحتاج من المتسول المحتال فهذه الظاهرت تفشت في المجتمع و اصبحت مكسبا للرزق لدى الكثيراللهم إهدنا و إهدي بنا

 

[القطة الزهرية]

ربي يهدينا اختي اجي تفهمي ادوخي ماديري لامان في حتى واحد طلاب عندو فيلا ولاخر قصر انا مانثقش فيهم :re_gards::re_gards: