الشريك ن مطبخي

[كوثر الوهرانية]

الشريك ن مطبخي
مساء النور عليكم
اليوم سمعت وصفة في المدياع من عند الاخت دليلة سليماني تاع الشريك القسنطيني كيما قالت قلت نجربه و على ربي نجح فيه تبعت المقادير و الطريقة الي قالت عليها بصح جاتني جارية بزاف حتى بقيت نزيد فالفرينة بصح في الاخير تحصلت على شريك هايل و انا زدت بعض التغيرات من عندي
اليكم الوصفة
واحد كيلوغرام سميد رطب او نص كيلوا سميد و نص كيلوا فرينة انا درت سميد و فرينة نحط معاهم كاس زيت و نحك مليح الزيت مع السميد و نخليها ترتاع ربع ساعة ثم نضيف زوج ملاعق اكل خميرت الخباز و كاس ماء دافي نلم العجينة نغطيها و نخليها ترتاح مدة ساعة ثم نضيف عليها زوج حبات بيض هي قالت ربعة شكيت كي درت ربعة بيض عليها جرات العجينة املا قلت نديروا زوج و اربعة ملاعق سكر قليل ن الملح مبشور الليمون و البرتقال مع كاس حليب دافي نعجنوا بيه ندلكوها مليح ثم نضيف خمسين غرام من الزبدة الطرية و ندخلوها مليح فالعجينة نقطع كويرات صغيرة كيما تاع المسمن و نحطها في سينية مدهونة بالزيت و مرشوشة بالفرينة نطلي كل حبة من الفوق بخليط صفار بيضة قليل من الحليب و فاني و نرش بالسكر لحرش نغطيها و نخليها تخمر مدة قصيرة نكونوسخنا الفرن ندخلها تطيب نخليها تحمار مليح
اليكم النتيجة

ا ن شاء الله ينال اعجابكم

 

[wafae sarah]

شكرا لك اختي كوثر جاتك هايلة يعطيك الصحة على الوصفة استمري في تميزك وابداعاتك​

 

[°/°مبدعة اللمة°/°]

شكرا اختلي كوثر
وااااااصلي​

 

[كوثر الوهرانية]

مشكورات حبيباتي على المرور الطيب الكلام المفرح تحياتي لكن

 

[rima29]

شهيتيني حنوووووووووونة يعطيك الصحة​

 

[كوثر الوهرانية]

مشكورة اختي ريما على المرور الطيب تحياتي

 

[nada242008]

يعطيك الصحة كوكو
نورتي اللمة بمواضيعك المشهية

 

[{مُدَلَّلَتُهُ}]

merci bcp kawtar jak hayel lah ybarek

 

[merieme hassi]

تبارك الله عليك يا الحبيبة
شكرااااااااا
بصحتكم

 

[كوثر الوهرانية]

الف شكر ندى نور و مريم على المرور الطيب تحياتي

 

[أم الأولاد]

ممممممممممممممم يشهي
يعطيك ا لصحة

 

[ام منصف]

مميزة دوما حبيبتي
يعطيك الصحة
وتسلم الايادي
​

 

[كوثر الوهرانية]

شكري لكن حبيباتي على المرور الطيب في صفحتي تحياتي

 

[روعة2005]

جاك هايل كوكو بصحتكم ان شاء الله نجربو

 

[كوثر الوهرانية]

مشكورة فوفة على المرور جربيه ومراحش تندمي يجي هايل فالبنة ويبقى عدة ايام في ساشية مييبسش

 

[dahbito]

والله يا ام كوثر جاك الشريك يهبل بصحتكم

 

[mamouka]

جاك هايل يعطيك الصحة

 

[حكيك]

يعطيك الصحة جاك هايل:re_gards:

 

[كوثر الوهرانية]

مشكورات حبيباتي دهبيتوا ماوكة و حكيك على المرور الطيب تحياتي

 

[imane27]

جاك يشهى كوثر يعطيك الصحة