حرت برك واش راهم يحكيو على ال04:00 تاع الصباح ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
اليوم نحكيو على الناس ألي ادير لحرام وماتحقش فيه ...
أيا جاتني قضية سافرت للعاصمة راكم علابالكم الكار يمشي من عندنا على ال21:00 تاع الليل ويوصل للعاصمة على 3:30 تاع الصباح ...
أيا ركبت فيه فوق القلب ومشينا، واش نقلكم ميزيرية كبيرة صدعولي راسي بعمارة الحاج لخضر اففففف واش نكره الفوضى هذيك ...
المهم نتفرج شوي، ونهبط راسي نلعبها راح نرقد ومانقدرش المهم ميزيرية، وألي حيروني كاين جماعة تموت بالضحك _o: منهم بالصح يضحكو ههههه
أيا ياخي وصلت هذيك 23:30 وجبد واحد قدامي تيليفون وبدا يحكي i-o: ، وأنا قلبي رهيف وبديت نتقاس ههههههه
أيا فكرت تراه كاشما عندي في الريبارتوار تاعي نيميرو زين ياخي ماكان والو غير الذكورة والصوت لخشين ههه
أيا زدت لعبتها راقد ونصبر في روحي ههههههه
أيا وصلنا حطنا على 3:30 تاع الصباح قتلني البرد مالقيتش وين نروح
رحت للمصلى تاع خروبة لقيتو مغلوق قالك نص ساعة ويفتح
المهم بقيت ندور لثم ورحت قعدت في بلاصة لبرا مافيهاش الغاشي بزاف
أيا زمان فات عليا واحد يحكي فالتيليفون بالصوت لخفيف والحالة حالة اي باينة علابالكم
انا حرت او على ال 04:00 تاع الصباح ؟؟
ماعليهش قلت بلاك لثم يابعد فكر فيها نيميرو ياخي حنا مانراطيو والو ههههه
ايا زدت قعدت واحد الربع ساعة زاد فات عليا واحد ويحكي فالتيليفون والحالة حالة وذايب راكم عارفين
او هنا حرت، وقلت واش راهم يحكيو هذو برك على ال 04:00 تاع الصباح ههههه
كيفاش كانت تقوم في الليل، ولا راح تصوم وناضت تسحر ههههههههه
حرت فيهم واش يحكيو برك ...
او من بعد قلت حنا مانديروش لحرام، بصح إذا درنا لحرام نعرفو كيفاش نديروه ونحقو فيه ...
نتخيل واش نتخيل بصح باش نتخيل نحكي على ال04 تاع الصباح هذي مانتخيلهاش هههههههه
وهذي في الشتا، ماشي الصيف ، ياخي علابالكم اللمة راحت علينا شهرين وانا تهاونت ماحطيتوش ...
المهم لحرام نعرفو كيفاش نديروه ونحقو اذا درناه ..
مثلا أنا نتكيف الدخان، راني في لحرام والمرض وكلش ياسيدي نتكيف على كارها ونضرب الgولواز والمالبورو ، مانضربش النسيم ولافراز هههه
وإذا راح نسمع لغنا وراح ندي الذنوب، ياسيدي مانسمعش لفلان وبلبش وفيصل وقدور ومانعرف شكون ههههه نسمع لماعلاباليش المهم عالمي وقاوي بزاف ...
وهكذا
وإذا نحكي في التيليفون مانحكيش على ال04:30 تاع الصباح هههههه
واقيلا فهمتوني وين حاب نوصل راني حكيت بزاااااف ...
ايا في لامان ​

الملاحظة:
واقيلا مافهمتوش موضوعي
مانقصدش يهدر ويسهر حتى ال4 تاع الصباح
نقصد يرقد ومن بعد على الربعة تاع الصباح يعيطلها ....

​

 

[ماكانش]

شكرا لقبول الموضوع ...

 

[Orodent]

مساء الخير خويا سفيان
رانا ملاح انت كيفاش راك ؟
هاني جيت الليلة عندكم
واش تضيفوني هههههه
ايه ندخل في لموضوع ديريكت ههههههه
واش تحب يا خوهادي حالة قوم حبي
يباتو gارد كامل هههه كي الطبا
وما تخممش على واش يحكيو قول واش لي ما يحكيوش فيه
باسكو ليل كامل وهوما يرغيو ونهار تاني كيف كيف غير الهدرة لي ما تخلاصلهمش
انا والله ما نعيب على الراجل على خاطر يبقى راجل وكبرنا على هاد الشي
لوكان يدير واش يدير يقولولك هو راجل على روحو
اما لي في الجهة الاخرى هادي لي تليق نعطيها بمونش بالي هههه
ما عمباليش انا ناس هكا كيفاش يخمو ديفوا نطلع ونهبط وما نوصل لحتى بلاصة




ايا سلام وتصبحو على خير​

 

[خفيف الروح]

سلام
يا خو ماكانوش

راك عارف اللي خابط راه ما علابالوا بوالو يهدر برك

24/24
في الليل في النهار في العشاء في الصباح

راهم دايخين دوخه اكبيره

انهار اللي ادخو في الحلال راك تعرف كلامي وتفهم هذا الجماعه

نخلوك ماكانوش براحة البال
​

 

[ماكانش]

مساء الخير خويا سفيان

رانا ملاح انت كيفاش راك ؟
هاني جيت الليلة عندكم
واش تضيفوني هههههه
ايه ندخل في لموضوع ديريكت ههههههه
واش تحب يا خوهادي حالة قوم حبي
يباتو gارد كامل هههه كي الطبا
وما تخممش على واش يحكيو قول واش لي ما يحكيوش فيه
باسكو ليل كامل وهوما يرغيو ونهار تاني كيف كيف غير الهدرة لي ما تخلاصلهمش
انا والله ما نعيب على الراجل على خاطر يبقى راجل وكبرنا على هاد الشي
لوكان يدير واش يدير يقولولك هو راجل على روحو
اما لي في الجهة الاخرى هادي لي تليق نعطيها بمونش بالي هههه
ما عمباليش انا ناس هكا كيفاش يخمو ديفوا نطلع ونهبط وما نوصل لحتى بلاصة ​

ايا سلام وتصبحو على خير​

مساء النور سالي
مرحبا بيك ههههههههه
عندنا غير التاي والنعناع مابقاش ههههه
والله غير صح سقسي على واش ما يحكيوش ههههههههه
والله عندجك الحق
واقيلا هذا عيطلها على الربعة تاع الصباح
الي حيرتني سالي هذي في الشتا ماشي الصيف ...​

 

[Orodent]

مساء النور سالي
مرحبا بيك ههههههههه
عندنا غير التاي والنعناع مابقاش ههههه
والله غير صح سقسي على واش ما يحكيوش ههههههههه
والله عندجك الحق
واقيلا هذا عيطلها على الربعة تاع الصباح

الي حيرتني سالي هذي في الشتا ماشي الصيف ...​

الله يسلمك
نونونونو بغيت تاي بالطيب راني حابة نسيييييه
ههههههه
ياو شتا صيف خريف توت لي سيزون
عادي في بلادي
ايا سلام​

 

[ماكانش]

الله يسلمك

نونونونو بغيت تاي بالطيب راني حابة نسيييييه
ههههههه
ياو شتا صيف خريف توت لي سيزون
عادي في بلادي

ايا سلام​

هههههههههههههه
والله صح ... حيرة ...
الطيب يصلح فالتاي لحمر
خلي غدوة نوجدوهولك ...

 

[الخيزران]

مانيش نحسد لا سمح الله بصح واقيلا انت عندك معريفة
داير توقيع قد بلحملاوي حتى واحد ما سطوباك انا زوج ككلمات يكتبلي كود مانعرف واش كبير جدا
هذي ملاحظة برك
نرجعو للماضوع
هاذوك لي شفتهم يهدرو ماشي عباد صح هذوك يعيطولهم ليزوتر
واذا عباد صح علابالك على الرابعة متاع الصباح يكون الشوو قاوي والريزو 10/10
ما تدوخش

 

[السلطانة]

وعليكم السلام
هههههه ياماكانش راك مازلت تطلق ودنيك برك
هيا ترا قوللنا بالتفصيل واش كانو يحكيو مادامك برونشيت معاهم خخخخ

الناس عندها الدراهم ياسفيان خويا
طفي الضو هههه
صحيت على الموضوع
يابوالودنين الصحاح ههه
تحياتي
​

 

[ماكانش]

مانيش نحسد لا سمح الله بصح واقيلا انت عندك معريفة
داير توقيع قد بلحملاوي حتى واحد ما سطوباك انا زوج ككلمات يكتبلي كود مانعرف واش كبير جدا
هذي ملاحظة برك
نرجعو للماضوع
هاذوك لي شفتهم يهدرو ماشي عباد صح هذوك يعيطولهم ليزوتر
واذا عباد صح علابالك على الرابعة متاع الصباح يكون الشوو قاوي والريزو 10/10
ما تدوخش

نعلبو راسك هههههههه
والله هذا وين رسلي المراقب قالي نقص شوي من توقيعك هههههه
نرجعو للموضوع ..
بلاك صح على الربعة تاع الصباح يكون الشو قاوي ههههههه
هههههههههههههههههههههه
بصح تعجبني كي تزيدو حرف الميم متاع الصباح نتي وعالي الله يذكرو بالخير ههههه​

 

[يوسےفے]

الله يخلف على عمي لفليكسي....قالك الجزايرين راهم ما يردهم والو لا شتا ولا صيف كيما قالتلك خوتي لي لفوق ....حنا كيما هاك ...نموتو على الهدره فل الوالو ونص الهدره تلروح في ألو....ألو​

:re_gards::re_gards::re_gards::re_gards::re_gards::re_gards::re_gards:​

 

[ماكانش]

سلام

يا خو ماكانوش​

راك عارف اللي خابط راه ما علابالوا بوالو يهدر برك​

24/24
في الليل في النهار في العشاء في الصباح​

راهم دايخين دوخه اكبيره​

انهار اللي ادخو في الحلال راك تعرف كلامي وتفهم هذا الجماعه​

نخلوك ماكانوش براحة البال​

يعطيك الصحة خويا لعزيز
صح والله دايخين راهم في دوامة كبيرة ...​

 

[ماكانش]

وعليكم السلام

هههههه ياماكانش راك مازلت تطلق ودنيك برك
هيا ترا قوللنا بالتفصيل واش كانو يحكيو مادامك برونشيت معاهم خخخخ ​

الناس عندها الدراهم ياسفيان خويا
طفي الضو هههه
صحيت على الموضوع
يابوالودنين الصحاح ههه
تحياتي ​

هههههههههه
اهلا شوشو
ياي والله ماسمعت كلمة ههههه
انا كي نشوف لقطات كيما هذو عقلي ألي يخدم ماشي وذنيا هههههه​

 

[السلطانة]

هههههههههه
اهلا شوشو
ياي والله ماسمعت كلمة ههههه
انا كي نشوف لقطات كيما هذو عقلي ألي يخدم ماشي وذنيا هههههه​

علابيها رايح تقعد بايغ خخخخخ
عود خدم قلبك شوي

 

[ماكانش]

علابيها رايح تقعد بايغ خخخخخ
عود خدم قلبك شوي

ههههههه
يالطيييييييف اول مرة نخاف ههههه
والله ياشوشو راني نشوف غير بعينيا ...
بصح قريب بإذن الله ...
وين راهي هذي ألي تستاهل الواحد يدير كلش على جالها ......​

 

[السلطانة]

ههههههه
يالطيييييييف اول مرة نخاف ههههه
والله ياشوشو راني نشوف غير بعينيا ...
بصح قريب بإذن الله ...
وين راهي هذي ألي تستاهل الواحد يدير كلش على جالها ......​

ان شاء الله في القريب العاجل جدا جدا
نسمعو خبر يفرحنا سفيانو :sheer::sheer::sheer:
ونزغرتولك زغروتا تزعزع المنتدى

 

[ماكانش]

الله يخلف على عمي لفليكسي....قالك الجزايرين راهم ما يردهم والو لا شتا ولا صيف كيما قالتلك خوتي لي لفوق ....حنا كيما هاك ...نموتو على الهدره فل الوالو ونص الهدره تلروح في ألو....ألو​

:re_gards::re_gards::re_gards::re_gards::re_gards::re_gards::re_gards:​

يعطيك الصحة خويا لعزيز هههههه
عجبتني تاع نص الهدرة تروح في ألو ألو هههههههه
والله صح ... كيما قالت شرطية عندهم الدراهم ...​

 

[الورد الأحمر]

دَيْ عليك راني جيت، ايه يا ماكانش راك تمد في ودنيك كي الذيب هههه
واش كاش ما لقطت منهم حكايات ولا والو ؟؟ ايه هذو عرفوك خاطيك
حبّو يحلبوك قالك ما نخليوهش هك كيما يقول بلال بشعرو ههههه
الخطرة الجاية كي تلقى واحد من الجماعة هذو، قولو قالتلك نور
افليكسيلي خخخخخ، انا نسمع جيرانا يهدرو برا لوقت متوخر من الليل
مي في الصيف في الشتا نعرف الغاشي الكل يروح يخمد في فراشو
ويعطيها برقدة تحت الكوات، مش يبات يقرمد برا في البرد هذاك!!
هيا مغسي عالموضوع، انتا تاني من الجماعة لي يسخفو يديرو
موضوع كل يوم ههه، سلامو

​

 

[hard_way1990]

سلام عليكم ..

فكرة وصلت خويا .. لما دير حاجة مش مليحة على الاقل راعي الدرجة ألي راح توصل ليها .. حبيت نقول كي دير كون شوي متحفظ ..

والناس ألي راك تحكي عليهم خويا ما تحير ما والو .. مادام زوج متحابين ويحكو مع بعض الحكاية تخلق من العدم هي تحكيلو واش تفرجت اليوم وهو يقوللها والله شفت وحدة اليوم عجبتني خير عليكي " زعما يزعف فيها " ومنبعد تلعبها هي زعفت وهو يرونجي ومنبعد تقولو بلي نحبك وعلابالي ما تسمحش فيا وتحبني وووو وكل ما يجي يتقطع الخيط يجبدو خيط صحيح وهكذا دواليك ههه ..
ربي يهدينا يا خويا في الجزائر تشوف ألي عمرك ما شفتو ..
ومشكور على موضوعك بارك الله فيك .. تهلا في روحك ومواضيعك عجبوني كامل ههه ^_^

سلام
​

 

[الرومنسي الجاد]

لا ليبارتي آ الخو ​