غاضتني لاكاخت ميمواغ فيها تصاوري في العرس ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
سمعت بلي لولاد تاعنا ولبنات راهم في الإمتحانات ربي وفقهم
حنا قرينا بكري هههه
أيا الصباح رحت عند واحد في الجاميعة، أيا مع قربت للباب تاع الجاميعة شفت طفلة تبكي وتندب ومعاها زوج بنات، أيا قربت بالشوي وزاد جا لاجون من بعيد واش كان واش كان قالك هذا وين سرقلها واحد بورتابلها _o:
وين راح وين راح قالك راهم تبعوه خرين ومانعرف
ولثم زعما انا هزيت حواجبي وزعما قاعد نشوف فلبلاصة وين هربون تسمى حاب نقول خسارة ماكنتش حاضر كي سرقوهولها ههههه
أيا وهيا تبكي وتندب وصاحبتها تقلها ماعليهش كي جاتف ي بورتابل برك
أيا نطقت وهيا تبكي ياي البوغتابل نشري 10 غاضتني لاكاخت ميمواخ
فيها تصاوري في العرس وتصاور العايلة ؟؟؟ ...
واااااع وااااااع يجيبلي لاكاخت ميمواغ برك ويدي التيليفون ماعليهش ...
ولاجون هذاك بدا يهدر "وقلنالكم بلي خطوة على الباب ماناش مسؤولين " ومانعرف واش يهدر ويخلط، ستر ربي ماهدرتش كنت راح نقلو أقفل فمك راهم يخدمو معاكم وتتقاسمو ولا مانعرف كيفاش أديرو
زمان هدرت وقلتلها نورمالمو هذ العبد ألي يدير اللقطات هذو ويسرق لاعلاقة بالحضارة والأنترنت واليوتوب والفايس بوك راهو مسوقر غير ماتخمميش على لاكارت ميموار تاعك
وقلتلها روحي أبلوكي لابيس، ياخي لثم جا واحد يجري من بعيد هذا وين طلع للجاميعة 17 سنة وزعما نحا النواظر" وينو وينو أهلا منال واش واش دارولك ؟؟ كاشما شفيتي عليهم ؟؟؟ " زعما اللقطة تاع الواعرين ، كنت راح نتفلقلو بالضحك في وجهو ههههه مزيا حكمت روحي ههههه
كنت راح نقلو خسارة يا الراجل ماحضرتش ههه
بلاك كانو قادرين يسرقوه هوا ثاني هههه
المهم انا هكذاك وتحركت مشيت وخليتهم دخلوها للجاميعة ...
وقلت في قلبي ربي يسترك يا بنت الناس، واعرة لاكارت ميموار وفيها ليفوطو وليفيديو تاع العرس تاع داركم
وياخي حنا باتنة حوش كبير، يعني يتفرجو ليفيديو يجبدوكم ويجبدو أصلكم كامل
شوف شوف هذي ماهيش فلانة ألي تخدم فلاكازوراك ؟؟؟ وينطق صاحبو وهاهي فلانة أي قرات في بن بولعيد ؟؟؟ وهيا ماشية ههههه
غير ثبتو رواحكم يا لبنات وخليكم من ليفوطو في التيليفونات تاعككم، او قادر يسرقوهولك ولا يتودر وتعشي في مشكل زايد مادام حنا ماناش متربيين ومتحضرين ...

ملاحظة:
ديرو فيها تيليفون كي تاعي نوكيا مانعرف واش لذرك مانعرفش إسمو واقيلا 1202 ولا مانعرف واش المهم ألي فيه اللامبة هذاك هههه
مايسرقوه مايطمعو فيهن انا راني مدايرو ساعة ورvاي برك ههه
جامي صونالين وكي نيعط ولا يطول مايحكمش هههه ...​

 

[أم راضية ~_]

سلآم
الحمد الله راني في نعمة كبيييرة :shay: :shay: :shay: :shay: :shay:
و يلوموني وعلاش ما تلبسيش كيما بناتنا ? وعلاش ما تتصوريش ياك ما عندكش راجل يحكم فيك!!! وعلاش
ما تماكييش !!!
هاهي وعلاش :cra_zy: :santa_1: :scared: :schmoll:
:schmoll:
ربي يسترنا​

 

[أم راضية ~_]

:sheer: و أخيييييييييرا نلت شرف الرد الأول في مواضيع العضو الأول بامتياز :sheer:
​

:shay: :shay: :shay:

 

[بنـ MaPa ـت]

كورسي محجووووووز

سلآم
​

 

[ISMA.dz]

لي عــــــــــــودة أخي سفيان

نريgــــــلي احوالي ونرجع​

 

[*amina*]

السلام عليكم ورحمة الله تعالى وبركاته
يا خي سفيان منعرف دايمن غير ندخل لذا القسم نشوف موضوعك هو اللول ننخلع ندخل ليه نسيب حكاية جديدة
حبيت نعرف حاجة برك من عند لبنات لي يهزو معاهم بورتابل كارت ميموار واش الفايدة كي تحطي تصاورك فيه ولا ديري فوطو تاعك في ليكرون مخلوعة في روحك يعني؟؟؟ انا نظن مكان حتى فايدة يخي اذا تصورت في عرس تجي تحط لي فوطو تاعها في الميكرو ولا تخرجهم وتحطهم في بيتها علاش حتى تخليهم في تيليفونها ياك راهي عارفة روحها في الجزاير ماشي في لاميريك ولا الصين وين التيليفونات يتقايسو هذي لاكارت ميموار راهم يجو منها تكسار الراس كاين لي تبهدلو على جالها ولي تطلقو وقص بزاف
انا ننصح كل بنت متهذش معاها الكارت ميموار ولا متخليش لي فوطو تاوعها فيها الحياة راهي صعيبة والناس على جال دراهم دير كلشي
ياخي في بلادنا بورتابل نوكيا الصاجام الصابونةولا نوكيا الكروكوديل كيما قال لطفي ومطلقوهش وسرقوه واش راح يخلو لوكازيون كي يصيبو بورتابل فيه كارت ميموار؟؟
يا رب سترنا وعافينا
thanx a lot sofiane

 

[كبرياء دمعة]

مى لبنات تانيك يحبوا يلعبوها بزاف تلقاها الطريق تاع لافاك كامل حتى لدارهم و هى ماشية تقصر و تضحك فى لبورتابل ماشى يسرقوهولها برك يسرقوها هيا كامل و زيد هاد العفسة تاع لكارت ميموار علاش واش داها تحط تصاورها تجبدهم و تحطهم فى البوم و تشوفهم صباح و عشية ماشى خير
سمحلى طولت شوية يعطيك الصحة خويا

 

[MAROUA93]

ربي يسترنا انشاءالله ،، حتى أنا قالي خويا ما ننصحكش تحطي التصاور تع لافامي ،، قالي وألا ديري كارت ميموار فيها تصاورك ووحده اخرى خرجيها معاكـ ،، بصح نورمال : انا بعد ما نصور نحط التصاور في الميكرو ونحيهم من البرطابل ،،

ع العموم ،، مرسي على الطرح !

 

[تاج الجزائر]

لاكارت ميموار كي تضيعلك وفيها قاع صوالحك واعرة بزاف
والناس ماراهيش ترحم قادر يلعبولك بخصوصياتك ويفضحوك
الوحدة دير بورتابل للحاجة باه تهدر وصاي
بصح شيرات لوكان ما تعمرهش غنا من كل الاصناف وتعمره تصاويرها وتصاوير قاع لي تعرفهم ما دارت والو
وجيل ما تقدر لا تتحكم فيه ولا تنصحه
امالا خليها هاكا وصاي وكل واحد حر في تصرفاته وفي المصير لي غادي يلقاه كيما صرا
لهادي الشيرة لي قلت عليها
والنصيحة غير مقبلولة في وقتنا خويا الا من رحم ربي
مشكور خويا على الموضوع ربي يحفظك
​

 

[أميرتك وحدك]

ربي يسترنا ويستر بناتنا

 

[ماكانش]

شكرا لقبول الموضوع

 

[ماكانش]

سلآم

الحمد الله راني في نعمة كبيييرة :shay: :shay: :shay: :shay: :shay:
و يلوموني وعلاش ما تلبسيش كيما بناتنا ? وعلاش ما تتصوريش ياك ما عندكش راجل يحكم فيك!!! وعلاش
ما تماكييش !!!
هاهي وعلاش :cra_zy: :santa_1: :scared: :schmoll:
:schmoll:​

ربي يسترنا

أهلا بيك يلديز
الحمد لله ياربي ربي دومها نعمة :shiny:
ماكانش قد الطفلة تحافظ على روحها
ربي يحفظك يلديز​

:sheer: و أخيييييييييرا نلت شرف الرد الأول في مواضيع العضو الأول بامتياز :sheer:
:shay: :shay: :shay: ​

ههههههههه
زدتي نورتيلي الموضوع احم ...
​

 

[ISMA.dz]

السلام عليكم

صح خويا سفيان هاذي مشكلة خطيرة خاصة اذا طاح في يد ولد حرام

انا صراتلي مرة خليت تليفوني عند حبيبتي نساتو فاللونفي

الدمعة جات حتطيح مسؤولية كبيرة فيه صوري وصور عرس خياتي ودرك راهم برجالهم يعني ياكلولي راسي

حبطت للطاكسيفون نجري اتصلت ردت عليا اخت قالتلي نتلاقاو في المكتبة

حتى شافت صوري باش اتأكدت وعطاتهوني

من يومها ديت عبرة و تليفوني مايمسوش حد ونخاف نحكي برا واذا حكيت للضرورة القصوى كاين الكيت مان


راني طولت سلامو​

 

[ماكانش]

كورسي محجووووووز​

سلآم​

اهلا بيك سندرين
نورتي الموضوع
ومرحبا بيك في كل وقت​

لي عــــــــــــودة أخي سفيان​

نريgــــــلي احوالي ونرجع​

أهلا إيسما
مرحبا بيك
ريgلي امورك في عقلك رانا هنا
وكي تولي أحكيلي على القعدة الجلسة تاع حيدرة وواش درتي فيها​

 

[اشتك]

راك تشوف خويا ديرها بيديها و متقدرش تفتحها حتا بسنيها

قلهم رانا مزالما 30سنه و يا ربي الا وصلنا للحضاره غير خلو بورتابلاتكم عاديه خير من الكاميرا تاع الهم​

 

[ماكانش]

السلام عليكم ورحمة الله تعالى وبركاته
يا خي سفيان منعرف دايمن غير ندخل لذا القسم نشوف موضوعك هو اللول ننخلع ندخل ليه نسيب حكاية جديدة
حبيت نعرف حاجة برك من عند لبنات لي يهزو معاهم بورتابل كارت ميموار واش الفايدة كي تحطي تصاورك فيه ولا ديري فوطو تاعك في ليكرون مخلوعة في روحك يعني؟؟؟ انا نظن مكان حتى فايدة يخي اذا تصورت في عرس تجي تحط لي فوطو تاعها في الميكرو ولا تخرجهم وتحطهم في بيتها علاش حتى تخليهم في تيليفونها ياك راهي عارفة روحها في الجزاير ماشي في لاميريك ولا الصين وين التيليفونات يتقايسو هذي لاكارت ميموار راهم يجو منها تكسار الراس كاين لي تبهدلو على جالها ولي تطلقو وقص بزاف
انا ننصح كل بنت متهذش معاها الكارت ميموار ولا متخليش لي فوطو تاوعها فيها الحياة راهي صعيبة والناس على جال دراهم دير كلشي
ياخي في بلادنا بورتابل نوكيا الصاجام الصابونةولا نوكيا الكروكوديل كيما قال لطفي ومطلقوهش وسرقوه واش راح يخلو لوكازيون كي يصيبو بورتابل فيه كارت ميموار؟؟
يا رب سترنا وعافينا
thanx a lot sofiane

أهلا بيك أمونة
ههههه
ربي يحفظك، وانا مانعرف وعلاه كي نشوف ردودك في مواضيعي يعجبني الحال ...
كيما قلتي ماشاكل كبار جاو من لاكارت ميموار ومن ليفوطو هذو وبسبتهم صرات حتى لقتيلة ربي عافينا
الطفلة لازم ماتريسكيش خلاص وتهز أمور كيما هذو معاها ....
بصح بورتابل كروكوديل ألي ماعرفتوش هههههه نعرف gرلو برك ههه
يعطيك الصحة امونة​

 

[ماكانش]

راني خارج ايرجو عيطلي لاجودان شاف والسلفي نسهر ونمنشر شوي ههههههه
لي عودة​

 

[*amina*]

أهلا بيك أمونة
ههههه
ربي يحفظك، وانا مانعرف وعلاه كي نشوف ردودك في مواضيعي يعجبني الحال ...
كيما قلتي ماشاكل كبار جاو من لاكارت ميموار ومن ليفوطو هذو وبسبتهم صرات حتى لقتيلة ربي عافينا
الطفلة لازم ماتريسكيش خلاص وتهز أمور كيما هذو معاها ....
بصح بورتابل كروكوديل ألي ماعرفتوش هههههه نعرف gرلو برك ههه
يعطيك الصحة امونة​

هاهو ليك لاالبورتابل الكروكودايل

ميرسي على ردك خويا مواضيع كلها حقيقة تعاش في مجتمعنا الذي يحتضر قريب نديرولو جنازة ونقراو الفاتحة عليه مسكين راه قاسمي قلبي لملايين القطع:sadwalk:

 

[*amina*]

نسيت حاجة تفكرت كي قتلي على القتيلة راهي غير كيما وحد الشهرين ولا ثلاثة في ولايتي واحد ذبح واحد غير عل جال باتري تاع تلفون ذبحو من الوريد للوريد سبحان الله الناس مهيش تخاف ربي سبحانو
راني نتخيل كون جات بلادنا تطبق شرع الله سبحانو القصاص والرجم قطع اليد والجلد كيفاه يكون الحال

 

[meriem150491]

اهلا سفيان

والله اسفيان خويا الناس تحضرو حنا مازالنا في حكاية الكارت ميموار والتصاور حرت علاه حنا العرب عامة والجزائريين بصفة خاصة نتسغلو التكنلوجيا لدعاوين الشر منستغلوهاش في الحوايج المفيدة

واش يصراو مشاكل في جرة العفايس ويرجعو يهددو ومنعرف واش ربي يستر برك

صحيت سفيان على الموضوع

ههههههه هيه درت مزية راك مداير نوكيا هداك ولا هز التلفون تاع الدار وتهنا​