غاضتني لاكاخت ميمواغ فيها تصاوري في العرس ...

[مرام التيبازية]

مشكورة أخهتي أمينة
والله شيئ مؤسف ما يحدث
أنا الحمد لله أعمل فقط ماهو باين و حلال يعني علابالك واحد ينسى الكود تاع بورتابلو و لا يجيه من الخارج و ما يقراش les puces تاعنا اما مادون ذلك فخاطيني و لا دخل لي

آسف خيت الرسائل الخاصة لا أستطيع إرسالها ؟؟؟
لا زملي 50 موضوع
هههههههه

بيانسووور حتى انا تيليفوني اديتوا ديبلوكا ممبعد ايه معليش خويا ربي يستر برررررك.

 

[اقبال1]

أهلا إقبال
هههههه
راني قتلك صح بكري كانو يحشمو من الطفلة الحشامة ومايقربولهاش ولكن ذرك خلاص ماولاوش يفرقو
بلاك كاينة بصح بنسبة قليلة
والله ماشي مرة وماشي زوج نشوف بنات متجلببات مستورات مهبطين ريسانهم للرض والله يلوحولهم الهدرة وكأنهم متبرجات
والله شفتها بزاف ...

بصح ؟؟؟ الله يحفظ ما نحبش خلاص نشوفها هادي ..ربي يستر ...

​

مابقاوش يفرقو وتغيرت المفاهيم يا إقبال

ايه بصح حبيت نفهم انا برك حاجو وحدة ..يعني كي ما عادوش يفرقو و كامل يتسرقو احنا احنا و انتوما و كامل الناس ما عندهاش دور في البلاصا لي تعود تتسرق فيها الطفلة و لا راهي عملية اختطاف منظمة يعني ؟؟؟؟؟؟؟؟؟؟

علاه ما يدافعوش على طل طفلة تتسرق؟؟ هكدا يعود السراق يدير الف حساب قبل ما يسرق بنت الفاميليا..

​

وعلى الهجرة والله راني كرهت من الجزاير ومن ولايتي باتنة ومن ناسها نحاسبك تصلحلي نهاجر ونروح والله مانزيد نحط رجلي فالجزاير
وعلابالي بروحي ههه

تبانلك برك خويا علابالي مين تروح تحب ترجع و + باتنة قالولي شابة و فيها لخدمة لالالا ؟؟؟

انا دوك عايشة في بلاصا كامل مين نقولهم يقولولي " ما صتوش وين تسكنو " بصح احنا و الله غي تبانلنا خيرمن الغربة بالف مرة

​

وعلى التقييم قالولي لازم تزيد تقيم خرين باش تقدر تقيم إقبال لأني قيمتك البارح ههههه

علابالي يغطيك الصحة على التقييم حتى انا نحب بزاف نعكي نقاط ليك و لكل واحد تعجبني هدرتو بصح كون يديرو عليا نبات نمد في النقاط في هذا " القسم " بسكو كامل كامل تهدرو ما شا الله

​

اه خويا ،دير دوموند تاع فيزا و تكل على ربي راني متاكدة يمدوهالك و لهيك وين كنت انا و الله غي يحبو الناس لي تعرف تهدر و رايح تديرها سير لاوباما ..

 

[اقبال1]

تقصد خدمة في سونطراك هههههه

انا زوجي يخدم ف الصحرا بصح نقلك حاجة كون بيدي يحبس خير ...بصح انت علاه راكي تنفي في الاخ للصحراء كامل تكرهيك بحال ؟؟؟؟؟؟؟؟؟؟


​

راني مزالت نستنى في ردك على تعليقي لول
هذا راني نستسمح اختي اقبال عليه لانو كان حديث بيناتكم وانا دخلت في الخط ههههه
ربي يحفظك خيو​

و علاه تستسمحيني يعني +++بالعكس و الله غي شحال نحب نقرا واش تقعدو تكتبو و كيفاه تتناقشو تعجبني بزاف القعدة هنا و انا نشوف هدا يهدر و هدا يرد و مرات بزاف نقعد نحفظ ف لكلمات كيفاه تكتبوهم فرونسي بالعربية و قاع ..

ما تستسمحي ما والو الخط مفتوح للجميع ...........يعيشك اختي دلال

 

[بنـ MaPa ـت]

اهلا بيك سندرين
نورتي الموضوع
ومرحبا بيك في كل وقت​

اهلين سفيان

واعرة بزاااف هاد العفسة راهي تباصي وتخرجها من دارهم
الناس راهي ماترحمش وولاد الحرام غير هوما
لازم توجور يعسو رواحهم
نشفالها كنت مطلعة تصارو في بورطابل ماما وفسد داه بابا يصنعو لصق عندو كي قلنالو فيه التصاور ههه مي مزية قالو مايتصنعش خلاص خرج بابا قالنا حكم حجرة خبط عطيه رجعو فتات وراح لشغلو هههه يقولك كاش جن يعرفلو العفسة ونتوخد في المرة والطفلة ههههه
ليسونسيال من هاداك النهار ماوليناش نخلو التصاور في ليبورطابل اما نطلعم في الميكرو عندي ولا نسوبريمي.....

حيرتني الطفلة لي سرقولها لاكارت مسكينة دوك راهي تقول يا درا تصاوري وين راهم وواش صرالهم...مليحة ليها باش تشد حيلها كيما يقولو السوريين وماتعاودهاش الوقت ولى صعيب بزاف

ربي يجيب الخير

تحياتي
​

 

[كوني طيبة]

و علاه تستسمحيني يعني +++بالعكس و الله غي شحال نحب نقرا واش تقعدو تكتبو و كيفاه تتناقشو تعجبني بزاف القعدة هنا و انا نشوف هدا يهدر و هدا يرد و مرات بزاف نقعد نحفظ ف لكلمات كيفاه تكتبوهم فرونسي بالعربية و قاع ..

ما تستسمحي ما والو الخط مفتوح للجميع ...........يعيشك اختي دلال

ربي يحفظك اختي اقبال
هذا من لطفك
واذا حبس راجلك الخدمة وباه تعيشووو؟؟؟؟؟
مش نكره لاصحرا لاوالو
انا اصلا بنت الصحرا ههههه
بصح الواحد وين يلقى لقمة العيش يروح
وزيد ناس الصحرا هادييين و يتهلاو في البراني
نهدر على وين عايشة ^^​

 

[ام سيرا]

والله غير موضوع مليح
ونصيحة نتمنى يسمعوها لبنات الكل
يديرو بورطابل كي تاعك واحد مايسرقو ولي يغلط ويسقو يرجعو
ويقلك اسمحلي وبلاك يفليكسيلك 20 الف هههه
والله غير نقسر معاك خويا العزيز
بصح والله غير صح الدنيا كيما يقولو قل ربي خيرها
نشفى بكري
بكري خلاص وقت مكنت نقرى فالجامعة
كان نهار سبت يعني بداية الاسبوع
وكنت جايبة مصروفي نشفالها 40الف
مصروف السمانا وفرحانا بيه
ايا هبطت للبلاد في عنابة ومحبيتش نصرف منو
كنت قاعدا نلم فالدراهم حابة نشري قرعة ريحة
وكيما طلعت فالبيس ومع الغاشي والدز
سرقولي البرطموني والناس الكل تتفرج وواحد ماقدم
كي راح الطفل وهرب قالولي
سلامة راسك المهم منعتي انتي
مزية الروسوفار ناس ملاح ركبني ببلاش
سامحني طولت عليك

 

[hamza42018]

بيانسووور حتى انا تيليفوني اديتوا ديبلوكا ممبعد ايه معليش خويا ربي يستر برررررك.

اللهم آمين

 

[حكاية احاسيس]

اول شي حرام عليك فكرتني بال امتحانات ااااااااااااااااهههههههئئئئئئئ و الله غير باكيتني تقكرت النقاطي المسقمين
راحتلي كون غير جيت في بلاستك و حرام عليك تستشفا فينا حنا تاني درك نكبروا و نطلعوا باذن الله للجامعة
المهم ربي يحمينا هدا ما نقولك
سلام

 

[حالمة بالجنة]

السلام عليكم أخي سفيان
أه والله مشكلة لما يكون فيها تصاور...وعلى حساب هدرتك صح ضربة صعيبة
أمم أنا مرة كانت صحبتي توريلي تصاويرها في البورتابل تع العرس وامبعدا قاتلي وريلي تصاورك قتلها ما عنديش واذا عندي ما نحبش نحطهم في التيليفون..فقاتلي انتي unormal ياك لبنات لازم يكون عندهم تصاورهم في البورتابل..وصح كاينة منها ....ربي يهدينا ويستر برك
يعني لوكان واحد يشد بورتابلها بالغلطة ولا يتسرق..وكيما قلت انت في هادي الحالة دا ما يعرف لا فايس لا نت ..ولوكان جا يعرف والله كارثة...وهوما عاد اللي يقولهم اعطيني التيليفون خصوصا اللي يقراو معاهم يعطوهولهم نورمال ...ربي يستر برك
شكرا على موضوعك خويا ...وربي يهدي ما خلق
ربي يحفظك =)
​

 

[ماكانش]

كاين منها صح الواحد لا تودرتلو ولا تسرقتو والله مشكلة​

أهلا بيك نوال
ربي جيب الستر
يعطيك الصحة ....​

fi beli li l9adefi c bon ra7 wala dertlou nta un ramplacement lol

ههههههههههههه
كلاماو يضحك ههههههه​

والله غاضتني المسكينة

مشكل كبير صح
بصح وش رح دير
ان شاء الله يطلع كيما قلت مسوقر ومايفهم فيها والو و الكارثة لوكان يبيع البورتابل بيه بلاكارت ميموار
وطيح في يد واحد خطير وراهم بزاف الخطيرين هذو
بزاف بنات تنشرت صورهم و هم خاطيين خلاص
مثلا عندنا وحده خوها هو لي سلف من عندها بورتابل ودا لاكارت ميموار للسيبار باه يهز كشما صورة ولا غنية
ونساها في سيبار وراحت لاكرت ميموار وعشات صور ختو منشورة في كل مكان
ويخي تعرف القرية مش ضرب باتنة هههه
ربي يسترنا ويبعد عنا البلا
ومليحة فكرة بورتابل تع اللامبة هههههه كان عندي واحد
زعمة طورت شوي وجبت واحد خير منو
انا مع اني مصورة بصح مانحبش نتصور خلاص ههههه
اكثر كلمة عجبتني هي هذي
الجاميعة هههههههههههه عرفت تكتبها والله​

ربي يحفظك والله نقرا ونضحك تجيني غريبة شوي نكتب بالعامية

أهلا بيك دلال
ههههههههه
ربي يحفظك
ماكانش قد اللامبة لا مشاكل لا خسارة لاتكسار الراس
قبيل برك طاحلي قلت تكسر ياخي والو ههه
مشكل صح ليكارت ميموار هذو، والناس تاعنا مانعرف واش من فايدة كي تنشر الصور وتفضح الخلق ؟؟؟
ننتظر صور لمشاريعك الجديدة هههههه
يعطيك الصحة​

 

[عرفتك]

نورمالمو البنات تاع الجامعة كي تروح تقرى متديش كارت ميموار راهي مش ساهلة متدريش على روحها في اي وقت تصرى حاجة سيرتو الي يسرقو بنات الجامعة
2 حاجة وعلاه متشريش نوكيا ميل سو وتتهنى واش يصرى يضحكو خلي يضحو ولا تبكي هيا خير
مشكور اخي سفيان

 

[***سوسن الجزائرية]

واعرة بزاف هدي تع لاكارت ميموار انا التلفون ديالي نصور بيه غير الدراري الصغار ديفوا نصور روحي كي نروح لكاش بلاصة بصح نطلعهم فالميكرو ونعرف قداه من الطفلة صراتلها هادي بصح جابلي ربي السراق يحوس على الدراه برك ماعندو مايعمل بليفوطو , وربي يسترنا ويبعد علينا البلاء
شكرا خويا سفيان ديما بخرجة جديدة .​

 

[CHAKIB 16]

ربي يجيب لي فيها الخير

الله يسلكها على خير وصايي

ليفوطو نتاعها ونتاع العايلة قادر ينشرهم التالية في الفايس

ويشهر بيها ويدخلها في مشاكل ما عندهاش نهاية

لازم البنات يقراو حذرهم ما يديروش لي فوطو هكا في الكارت
ولا يديرو دوزيام كارت خاصة

​

 

[zahya]

واش راك يا سفيان يا زين في خاوتك .....راك داخلها غير ترحاب بالحباب ...قريب نحسب روحي راني في منتدى الترحيب ....ونست الردود ....المهم يا زين في خوتك نتمنى تكون بخير وربي يدوم هناك ..

 

[ماكانش]

واش راك يا سفيان يا زين في خاوتك .....راك داخلها غير ترحاب بالحباب ...قريب نحسب روحي راني في منتدى الترحيب ....ونست الردود ....المهم يا زين في خوتك نتمنى تكون بخير وربي يدوم هناك ..

اهلا بيك زهية
عاش من شافك
وين غبتي علينا هذا
رانا في رحمة ربي
ربي يحفظك

 

[دعاء2005]

هههههههههههههههههههههههههههههههه
ضحكتني اللخرا يا خو
ههههههههههههههههههههههههههههههههههههههههه

قاتلي واحد لمرا نتا الزين في خاوتك :shiny: ...​

بارك الله فيك موضووووووووووع رائع

 

[NICHA03]

ههههههههههههه ضحكتني ا سفيان هههههههههه انت حاضر ديمت فالقطات لمليحة ههههههههههه لابااااس و الله لاكارت ميمواااااااااااااااااااار كارثة كبيرة ​

 

[anoucha skikia]

واعرة بزاف هدي تع لاكارت ميموار انا التلفون ديالي نصور بيه غير الدراري الصغار ديفوا نصور روحي كي نروح لكاش بلاصة بصح نطلعهم فالميكرو ونعرف قداه من الطفلة صراتلها هادي بصح جابلي ربي السراق يحوس على الدراه برك ماعندو مايعمل بليفوطو , وربي يسترنا ويبعد علينا البلاء


شكرا خويا سفيان ديما بخرجة جديدة .​

هههههههههههه هذي هيا تستاهل تقييم خويا ماكانش++

 

[كوني طيبة]

صباح الخيرات والبركات بهذا اليوم المبارك
اخي الكريم والله نتمنالك الخير
والبركة بصحتك وبعمرك وبكل اعمالك
هذا دعاء صادق من القلب بهذا اليوم المبارك
مشاريعي راني نحط صورهم من حين لاخر و تاني الصور من التقاطي
بصح ركن التصوير هنا رااااااقد

بالمناسبة حبيت نهديك هذي الغنية بما انك حابة تهج من البلاد ^^

http://news.nawaret.com/زاوية-القراء/دحمان-الحراشي-يا-الرايح-وين-مسافر​

 

[ماكانش]

ربي يحفظكم كامل
راني راجع نرد عليكم
دلال شكرا بزاف ذرك نشوف الرابط