قعدة مرحة وشرحة مع اعضاء والمشرفين المحبوبين في اللمة

[سمية25]

مشكورة حبيبتي على الموضوع وعلى الفكرة شابة والله الن غير عجبتني
ونقلك تفضلي في اي وقت حبيتي ​

 

[katia48]

مشكورة اختي على الفكرة والله عجبتني بزاف
وبالتوفيق

 

[عاشقة الوحدة]

موضوووووووووووووووع مميز​

 

[Fethi.dz]

السلام عليكم ،،

موفقة في ادارة هذه القعدة ... في إنتظار الضيف الذي ستدشنين به هذه القعدة الطيبة

 

[كاترين]

موضوع مميز ... فايف ستارز للموضوع و لك ..<3...
في انتظار الضيف القادم لطرح الاسئلة الشريرة...​

 

[Nina's]

موضوع جميل جدا كصاحبته
ارجو لك التوفيق في اداة القعدة الزينة هذي​

 

[EL General]

الفكرة مميزة و فريدة في طرحها و نوعها

في إنتظار الضيف الجميل الذي سيحل علينا

شكرا
​

 

[هآجر]

الضيف الاول

السلام عليكــم ورحمـة الله وبركاتــة ،،


حياكم الله جميعاً ^______^


أهلاً بكم ومرحباً في أولي حلقاتنا في هذي القعدة المرحة والشرحة والشيق والي راح سنستضيف فيها احد الاعضاء أو المشرفين ونضحك عليه او عليها .... قصدي معه ومعها شويه ويمتعنا او تمتعنا بإجاباته او اجابتها الجميله

راح بندى في الاسئلة

وقبل الاسئله راح اعلن على الضيف او الضيفة الي راح نجوزو معاه ولا معها احلى قعدة




هو او هي .
.؟



.
.
.




.
.
.



:sheer:

.
.
.


...


:sheer:

...



.
.
.



.
.
.


:sheer:

.
.
.


.
.
.
.



...


.
.
.
.


:sheer:


.
.
.


:shiny:


NOUR_light

ميس باغابي الجميلة ومشاغبة المنتدى والمنوغولية من الدرجة الاولى :shiny:


وهذا واجب الضيافه رانا مناش بخلاء رانا نعرفوا نضيفوا

بلصحة والهناء عليك




نبدأ بحول الله الاسئلة

الجزء الاول​

عرفنا بنفسك(بصح بلا متتعدي الحدود تعريف خفيف برك عن نفسك ) ""

ما هي هواياتك المفضله ؟؟

ماهي مادتك الدراسيه المفضله ، وما أكثر ماده تكرهها (تكرهينها )؟؟

تتذكر(ي) موقف محرج حدث لك في المدرسه ؟؟ اذا فيه احكيه


ما هو لونك المفضل ؟؟؟

ما هي أكلتك المفضله ؟؟
ما أكثر أكله تجيدي طهيها ؟؟ ( مع ذكر طريقه صنعها )

ما هي أمنيتك التي تحققت وأمنيتك التي تتمني تحقيقها فيما بعد بإذن الله ؟؟

ما هي أهدافك في الحياه ، وفي نظرك كيف تتحقق ؟؟

إذكر(ي )لنا صفه فيك تتمنى (ي)تغيريها

إذكر(ي) لنا موقف أثر فيك(مضحك أو مؤلم )

كلمه تتمنى (ي) تقوليها لمشرف أو لعضو ولم تتح لك الفرصه ؟؟


هل انت مصدر ازعاج للأخرين ؟؟ ( الاجابه بصراحه )


أسئله متعلقه بالمنتدي

من هو او هي أكثر عضو تجذبك بطريقة كتابته (ها) وموضيعه (ها) ؟؟

ما أكثر شئ تحبه (تحبينه) في هذا المنتدي ؟؟

ما الشئ الذي يضايقك في هذا المنتدي وتتمني يتغير ؟؟

كم مره حدفوا موضوعك لسله المكررات هههههه ؟؟





الجزء الثاني ( الالغاز )

فكر قليلاً من فضلك

ما هو الشيء الذي إذا غليته جمد ؟


ابن أمك و ابن أبيك، و ليس بأختك و لا بأخيك فمن يكون ؟


أنا ابن الماء فإن تركوني في الماء مت فمن أنا ؟


*******************************************


الجزء الثالث (صوره وتعليق خفيف )



علقي او علق علي هذه الصوره ^________^

: إذا كان في أي عضو او عضوة عندها سؤال لك تتفضل تطرحه ؟؟
ولكن بشرط متكونش اسئلة تخص الحياة الخاصة والا ياولي من كم
وفي الختام أشكر لك تواجدك معنا في هذه الاستضافه الطيبه والمرحه كروحك
شكراً لك

اليك الخط

​

 

[ماكانش]

موضوع مليح
راني هنا نشوف ونضحك معاكم ....

 

[الورد الأحمر]

أهلا أهلا أهلا ...
اممم مغسي عالاستضافة لحلوة بالكاسكروط هذاك خخخخ
اممم هذا مجرد تسجيل قبول أني نكون أول ضيفة ...
ودرك نجاوب على أسئلتك وحدا وحدا ...
مغسي راجية الجنة ...
​

 

[الورد الأحمر]

السلام عليكــم ورحمـة الله وبركاتــة ،،

وعليكم السلام ورحمة الله وبركاته

راح بندى في الاسئلة
على بركة الله ...

NOUR_light

ميس باغابي الجميلة ومشاغبة المنتدى والمنوغولية من الدرجة الاولى :shiny:
مغسي مغسي مغسي ...
نتشرف بالقعدة هنا وبالاجابة على الأسئلة ...

وهذا واجب الضيافه رانا مناش بخلاء رانا نعرفوا نضيفوا

بلصحة والهناء عليك
ههه مغسي تعيشي حتى وقت لغذى راه ضرب

نبدأ بحول الله الاسئلة
باسم الله ...

الجزء الاول​

يا ويلي يا ويلي وهو في أجزاء كمان :sad:خخخ

عرفنا بنفسك(بصح بلا متتعدي الحدود تعريف خفيف برك عن نفسك ) ""
امممم أنا نور الالهام ... سكيكدية ... عندي 22 سنة ...
نقرا سنة رابعة اقتصاد وتسيير مؤسسة... كملت العام هذا...
قريب نعبي الديبلوم ... تاع روحي ... خاطيني لمشاكل...
نية وبلتوتة الله غالب عليا... :shay:
ما هي هواياتك المفضله ؟؟
هوايتي المفضلة هي الرقاد :sheer: نحب نرقد ...
نحب الميكرو... ونحب ناvـيـgـي في النت ...
نحب نكتب الخواطر ... ونحب الموسيقى كنت عازفة
وحد الوقت خخخ... يا حسرتي حتى راح فيهآ لبيانو
تاعي ما حبش بابا يشريلي واحد آخر ...
ونحب الرسم... كنت مسجلة في نادي وحد الوقت ...
مي درك ضيعت شويا ...
ماهي مادتك الدراسيه المفضله ، وما أكثر ماده تكرهها (تكرهينها )؟؟
المادة لي نحبها هي الرياضيات المالية ...
المادة لي نكرها كي الرياضيات العادية ...
تتذكر(ي) موقف محرج حدث لك في المدرسه ؟؟ اذا فيه احكيه
اممم مرة كنت زعما نشارك في لاكلاص وقفت نعيط أستاذ
أستاذ أستاذ زعما باش يشوفني ويطلعني للطابلو ...
ما شافنيش ونوض وحدا خلاف... كي جيت نقعد نحّاولي
الكرسي بلا نفيق جيت par terre والغاشي ناض
يضحك عليا ... وانا تبهدلت ...
ومرة جيت باش نعطس ... لقيت روحي نسوغ خخخخ
تبهدلت تاني وحمار وجهي ...
ما هو لونك المفضل ؟؟؟
عندي ألوان مفضلة مي نبدا بالغوز هو لي نحبو بوكو بلـuـس
ما هي أكلتك المفضله ؟؟
امممم نمووووووت على الطرشي محشي
ما أكثر أكله تجيدي طهيها ؟؟ ( مع ذكر طريقه صنعها )
الطرشي المحشي ...
اممم نحل الطرشي ونفرغو من الزرارع ونكون وجدت لافاغس
وتبلتها مليح ... نحط لفاغس في داخل الفلفل ونحطو يغلي
مع المرقا تاعو لي نكون ديجا حطيتها تطيب ...
أي باختصار برك سي نبدا في الطريقة أو ما نفضش:sheer:
ما هي أمنيتك التي تحققت وأمنيتك التي تتمني تحقيقها فيما بعد بإذن الله ؟؟
أمنيتي لي تحققت هي أني كملت قرايتي والحمد لله ...
لي نتمناها تتحقق أني نلقى خدمة ونكون انسانة ناجحة
ومسؤولة ... ان شاء الله
ما هي أهدافك في الحياه ، وفي نظرك كيف تتحقق ؟؟
الهدف تاعي هو أني نوصل للنجاح ... نكون انسانة ناجحة...
مسؤولة ... ما نبقاش تحت رحمة لا بابا لا خويا لا راجلي
plus tard ... وتبانلي تتحقق غير بالعلم ...
وأمنية أخرى نتمنى نموت وانا طالبة علم تن شاء الله ...
على خاطر رايحة نزيد نقرا مادانتي كنلت قرايتي هذي ..
إذكر(ي )لنا صفه فيك تتمنى (ي)تغيريها
اممم السذاجة تاعي ... والنية لي فيا تخليني ما نشوفش
الحقائق قدامي... ونشوف الناس الكل كيفي ...
في الوقت لي راهم ياكلو في لحمي بلا نحس ...
إذكر(ي) لنا موقف أثر فيك(مضحك أو مؤلم )
هوما كاين زوج ... نبدا بالمفرح ونرحلك للمؤلم ...
أثر فيا نهار دات اختي الباك ولقيتها داتو بالمعدل لي تمناتو
ألوغ بكيت من الفرحة ... وشبعت ضحك تاني من الفرحة ...
والمؤلم ... نهار ماتلي عصفوري الصغير ...لي 7 سنين
وانا مربيتو ... ومن وراه بيامات كملت ماتت جدة ...
يعني جات ورا بعضاها
كلمه تتمنى (ي) تقوليها لمشرف أو لعضو ولم تتح لك الفرصه ؟؟
اممم معرف ما عنديش ... كاشما لقيت راني نقولك ...
هل انت مصدر ازعاج للأخرين ؟؟ ( الاجابه بصراحه )
اممم صراحة تبانلي روحي خفيفة على الناس الكل ...
يعني مانيش مصدر ازعاج... بالاك اختي لكبيرة برك تقلق
مني ساعات ونديرلها أكبر ازعاج بالتمهبيل تاعي ...
مع هي زعما pـوزي ...

أسئله متعلقه بالمنتدي
... باسم الله
من هو او هي أكثر عضو تجذبك بطريقة كتابته (ها) وموضيعه (ها) ؟؟
اممم هوما راهم بزاف ...
كاينة شرطية اللمة ، bilal22، ماكانش ...
معاك يا الخضراء ... امم هذو هوما لي ناشطين
في منتدى واش راك تهدر ... وانا ندور غير تم تقريب
... وانتي راكي جديدة في الدومان تم :sheer::sheer:

ما أكثر شئ تحبه (تحبينه) في هذا المنتدي ؟؟
أنا نحب منتدى واش راك تهدر ... وركن المدونات الهادئة
وحواء الجزائر ... هذو في المنتديات ...
أما أون جينيغال نحب اللمة تاع الأعضاء والتفاهم تاعهم
مالـgـغي ديفوا نشوف حوايج ما يعجبونيش ...
وشرات تقلقني ... وردود تستفزني ...
ما الشئ الذي يضايقك في هذا المنتدي وتتمني يتغير ؟؟
اممم واش يقلقني ... ما لقيتش ...
كم مره حدفوا موضوعك لسله المكررات هههههه ؟؟
أممم جامي ... مواضيعي ديما فوغ خخخخ
يعني غلقولي مواضيع ديجا مي تاع حذفوهم ... نو جامي

الجزء الثاني ( الالغاز )
هيا اوكي ... باسم الله مع الجزء الثاني ...
فكر قليلاً من فضلك
يعني جيتيني في التفكير أكثر حاجة امقتها خخخ
ما هو الشيء الذي إذا غليته جمد ؟
le flan خخخخخ
والبيض هيهيهي
ابن أمك و ابن أبيك، و ليس بأختك و لا بأخيك فمن يكون ؟
اممم كي ما يكونش خويا ومش اختي مالا شكون يكون ؟...
معرف ما عرفتش الاجابة ...
أنا ابن الماء فإن تركوني في الماء مت فمن أنا ؟
حوتة خخخخخخ

*******************************************
الجزء الثالث (صوره وتعليق خفيف )
يا لطيف ... شبعتيني أجزاء ...
علقي او علق علي هذه الصوره ^________^

هاهاهاها ...
جمعتيلي الزوج لي نحبهم ...
نحب العصافيـــــــــــــــــــــــــــــــــــر
ونحب القطوطة ...
مي تعليقي يقول الله لا يطيحني في مخلوق كيما هذا خخخخ

: إذا كان في أي عضو او عضوة عندها سؤال لك تتفضل تطرحه ؟؟
وراني في الخدمة ... نجاوب ان شاء الله
ولكن بشرط متكونش اسئلة تخص الحياة الخاصة والا ياولي من كم
هاهاها وي بلاش أسئلة خصوصية ...
وفي الختام أشكر لك تواجدك معنا في هذه الاستضافه الطيبه والمرحه كروحك
شكراً لك
مغسي اختي وانا نشكرك لي عرضتيني هنا ...
ان شاء الله نكون جاوبت مليح على الأسئلة ...
​

هيا سلامو إلى أسئلة قادمة ان شاء الله
​

 

[روعة الأخلاق]

أهلييييييييين راكم هنااااااا شني شني
ان شاء الله كاامل بخير
مرحبا بباغبي تاعنا نوووورتي و الله
نوغا حابة نسقسيك واش درتي البارح هيا احيلي بلتفصييل ؟؟ باه نسترجع الذكريات لمليحة مع رقم 4
​

 

[السوفي]

السلام عليكم ورحمة الله وبركاته

سرني دعوتك الى موضوعك هذا المميز فبارك الله فيك ووفقك دائما

والى ضيفك الكريم NOUR_light
يقول رسول الله - صلى الله عليه وسلم - : ( ما كان الرفق في شيء إلا زانه ، ولا نزع الرفق من شيء إلا شانه ) . فاين انت من هذا ؟؟

اتمنى ان لم اثقل عليكم ولي عودة ان شاء الله

السلام عليكم
​

 

[الورد الأحمر]

أهلييييييييين راكم هنااااااا شني شني
وي وي وي رانا هنا ...
ان شاء الله كاامل بخير
كان عليا راني بخيــــــر
مرحبا بباغبي تاعنا نوووورتي و الله
وأهلا بيك شرفتينا ...
نوغا حابة نسقسيك واش درتي البارح هيا احيلي بلتفصييل ؟؟ باه نسترجع الذكريات لمليحة مع رقم 4
​

امممم واش درت البارح ...
نضت شربت حليبي ورتبت الدار وبغونشيت مع الميكرو ...
حتى لعشية نضت منو رحت طيبت لعشا ...
وتعشيت وزدت رجعت للميكرو ...
وسهرت مع شرطية اللمة حتى وقت الصبح رحنا نرقدو
...
مي ما فهمتش تاع تسترجعي الذكريات مع رقم 4 ؟؟i-o:
مغسي روعة الأخلاق ... آآآه أو شفت واحد يحوس عليك
في الموضوع تاع الأعضاء الغائبين ..
وقلتلو لي راكي هنا ...
سلامو
​

 

[ماكانش]

اهلا اهلا بالنور ألي حل علينا ضيف ...
ذرك نوجدلك اسئلة ماعادش تخرجي منهم هههههه
صابريني برك راني خارج ذرك ولعشية نرجعلك هه

 

[الورد الأحمر]

السلام عليكم ورحمة الله وبركاته
وعليكم السلام ورحمة الله وبركاته

والى ضيفك الكريم NOUR_light
مشكور أخي مشكور مي أنا ضيفة مش ضيف ...
يقول رسول الله - صلى الله عليه وسلم - : ( ما كان الرفق في شيء إلا زانه ، ولا نزع الرفق من شيء إلا شانه ) . فاين انت من هذا ؟؟
عليه الصلاة والسلام ...
اتمنى ان لم اثقل عليكم ولي عودة ان شاء الله
لا لا عادي وبارك الله فيك عالسؤال ...
السلام عليكم
​

bon واش رايحة نقولك في سؤالك ...
يقولك أنو الرفق لي هو اللين ، السماحة ، اللطف والمعاملة
الطيبة ... له مزايا مليحة في الاسلام لي منهم أنو يزين الأشياء
وعن الرسول صلى الله عليه وسلم أنو حظ الانسان من الخير
على قدر حظه من الرفق ...
:"من أعطي حظه من الرفق أعطي حظه من الخير ، ومن حرم حظه من الرفق حرم حظه من الخير"
...
حبيت نقول انو الرفق يزين مولاه ويوصل مولاه للشي
لي ما يوصلوش عكس الرفق لي هو العنف والقسْوة ووو
...
أنا تبانلي روحي راني في الشطر الأول من الحديث ...
لدرجة أنو ساعات الرفق هذا والطيبة في المعاملة تاعي مع
الناس يخليهم يحقروني ويحسبوني ضعيفة ...
يوليو يستغبيوني ويضحكو عليا بعفايس أنا فايقتلهم بيهم
...
ان شاء االله نكون عرفت نجاوب على السؤال ...
ونكون فهمتو وتعكست فهامتي على إجابتي ...
وكان فهمتو غالط معليش فهمني برك نعاود نجاوب ...
شكرا أخي ... وعليكم السلام والرحمة

​

 

[الورد الأحمر]

اهلا اهلا بالنور ألي حل علينا ضيف ...
ذرك نوجدلك اسئلة ماعادش تخرجي منهم هههههه
صابريني برك راني خارج ذرك ولعشية نرجعلك هه

أهلا سفيان ...
هيه وجد برك أسئلة وسايس خخخخ
راني نسنى فيك ... ونجاوب ان شاء الله على أسئلتك
مغسي ... سلامو
​

 

[Fethi.dz]

مرحبـــا بنور الإلهام ... و نشكرو المستضيفة راجية الجنة

نور / بارك الله فيكي على الإستجابة .. رغم اني جلست اضحك لا سخرية من الشطر الذي طرح فيه اللغز :shiny:

اما بما يخص سؤال/ بما انكي من ولاية سكيكدة .. سؤالي: هل تعتقدين ان ولاية سكيكدة في تطور و تقدم ؟ ام ترينها من بين الولايات المتأخرة في مجال النهضة العمراينة و البنية التحيحة عن بقية الولايات هذا اذا لم تصنف كمتدلية الولايات من ناحية التطور ؟


و بالتوفيق في حياتكـ و ان شاء الله تصيبي خدمة.

 

[السوفي]

السلام عليكم ورحمة الله وبركاته

اهلا وسهلا ومرحبا بك اختي الفاضلة
ردا على ردك الطيب والجميل دعيني ابين لك شيء من باب العلم لا اكثر والله اعلم
انت قلت على قول

والى ضيفك الكريم NOUR_light
مشكور أخي مشكور مي أنا ضيفة مش ضيف ...
ليكن في علمك ان كلمة الضيف يطلقها العرب على النازل بالديارسوى كان ذكرا ام انثاء جمعا او فردا حيوانا او اي شيء وان كلمة ضيفه من الاخطاء الشائعة في اللغة العربية قوله - عز وجل - : ( هل أتاك حديث ضيف إبراهيم ) ذكرنا عددهم في سورة هود ( المكرمين ) [ قيل : سماهم مكرمين ] لأنهم كانوا ملائكة كراما عند الله
والله اعلم
السلام عليكم
​

 

[الورد الأحمر]

مرحبـــا بنور الإلهام ... و نشكرو المستضيفة راجية الجنة

أهلا بيك أخي مرحبا ...
​

نور / بارك الله فيكي على الإستجابة .. رغم اني جلست اضحك لا سخرية من الشطر الذي طرح فيه اللغز :shiny:

خخخ ياو خاطيني الألغاز هههه، بصحتك الضحكة ربي يدومها
​

اما بما يخص سؤال/ بما انكي من ولاية سكيكدة .. سؤالي: هل تعتقدين ان ولاية سكيكدة في تطور و تقدم ؟ ام ترينها من بين الولايات المتأخرة في مجال النهضة العمراينة و البنية التحيحة عن بقية الولايات هذا اذا لم تصنف كمتدلية الولايات من ناحية التطور ؟

أها درك نجاوبك ... سؤال مليح ...
​

و بالتوفيق في حياتكـ و ان شاء الله تصيبي خدمة.

أولا مغسي عالمشاركة معانا وعالسؤال ...:re_gards:
ثانيا مشكوووور ومن فمك لربي ان شاء الله نلقى خدمة :sheer:
​

ثالثا نجاوبلك على سؤالـــــ ـــك ...
اممم سكيكدة يا سكيكدة ...
تبانلي مام راهم زعما يحسنو فيها ويسـgـمو فيها
رايحة تبقى سكيكدة هي سكيكدة وتبقى ديما في نفس
النيـvـو لي هو طايح قدام الولايات لخرين ... وعلاش ...
سكيكدة كي تشوفها في الخريطة تخلعك تبان كبيرة ...
مام على عنابة وقسنطينة لي يعتبرو ولايات كبار ...
هكاك وسكيكدة تعتبر ولاية صغيرة ... لأنو وسط
المدينة تاعها صغيــــــــــــــــــر جدا ...
يقولك الناس تاع الدوار يعرفو بعضاهم لأنو المساحة
صغيرة ... في سكيكدة العكس تاع وسط المدينة
يعرفو بعض وتاع الفيلاجات ما يعرفوش بعض
لأنو سكيكدة ما مخدوماش والدوائر تاعها أكبر منها
هي كمدينة ... كاين لي يقولو سكيكدة بواط زالاميت...
وهذي المقولة راني معاها ...
زعما دارو تيليفيغيك خخخخ راه حابس يا خويا
ما خلصوش الفاكتيغ ... يمشي نهار كامل وحدو
وواحد ما يركبو ...
يعني من اللخر تبانلي من الولايات المتأخرة في
مجال النهضة العمرانية والبنية التحتية ...
راني طولت عليك مي ضرني قلبي كون خليت
هاذ الشي في قلبي نطرطق خخخخ
مغسي أخي ، هيا سلامووو :re_gards:
​