قعدة مرحة وشرحة مع اعضاء والمشرفين المحبوبين في اللمة

  • كاتب الموضوع كاتب الموضوع هآجر
  • تاريخ النشر تاريخ النشر
الحالة
مغلق ولا يسمح بالمزيد من الردود.
علابالي بزاااااف بصح لازم نخرجلك عينيك اليوم هههههه


اعتذار تريد ان تقدمه لمن؟؟





ماذا ستكتب لنا لتعبر عن حياتك التي عشتها الى الان في كلمات قليله ؟


اذا اردت ان تبكي الان , فعلى من تبكي؟


من ستختار ليمسح دموعك ؟




هل تعتقد ان حظك سيئ؟


ما هو الموقف الذي غير مجري حياتك؟



هل هزمك حزنك في يوما من الايام؟


((مستحيل انساك)) لمن تقولها ؟


(( اللي راح راح وماتفيد كلمة ياريت )) إذا أردت ان توجه هذه العباره لمن؟





متى اخر مره بكيت؟


اي الدول تتمنى ان تزورها ؟


هل لديك الجرأه ان تقول عمرك أمامنا ؟


هل انت راضي عن نفسك ؟


بماذا تقر وتعترف أمامنا الان ؟


اغمض عينيك دقيقه لو سمحت, ماذا خطر على بالك وانت مغمض العينين ؟


هل تؤيد الزواج العاطفي ام الزواج التقليدي ؟ ولماذا ؟


ايهما اهم شهادتك الجامعيه أم الزواج ممن تحب ؟


هل من الممكن ان تتحول الصداقه الى حب ؟


هل تعترف بشيء اسمه الصداقه بين الرجل والمرأة ؟


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟



من هو اكثر شخص تفكر فيه؟


اذا تم تعيينك ملكا لجميع البلاد العربيه فما اول قرار ستتخذه ؟



هل تكره شخص بشده في حياتك ؟


ما هو اقتراحك الذي تتمنى ان يحدث في هذا المنتدى ولم يحدث الى الان ؟



هل ملابس الشخص امامك تؤثر فيك لتأخذ عنه انطباع ؟؟


ماالذي يلفت انتباهك بسرعه في الشخص لكي تعجب به ؟




حكمة تؤمن بها جدا؟؟



عاده تفعلها دائما تتمنى ان تتركها ؟


ماهو اجمل اسم لولد واجمل اسم لبنت من وجهة نظرك؟




هل انت من لديهم رغبة حب التملك واذا تملك الشيء اصابه الملل منه ؟

 
السلام عليكم ورحمة الله تعالى وبركاته

و عليكم السلام و رحمة الله تعالى و بركاته

يعني أحسنت الأختيار اختي راجية الجنة
وكيف لا وهو صديقي وأكثر من أخي أسامة
والله الانسان في الدنيا مجرد لحظات لاغير
يكتشف فيها الجميل والسيء
ومن بين ماأكتشفت في عالم النت والله أخ اعتبره جوهرة نادرة
وهو أسامة البرشلوني

الله يحفضك و يرعاك و يحميك يا عميد اللمة
نزيد نضيفلك معلومة اخرى يا اخت راجية الجنة
محمد هاذا هو توام روحى هو الشخص الذى يلهمنى و أعتبره قدوة لى
محمد هذا ما تتصوريش واش يعنى بالنسبة لي
ممكن الانسان يحاول عمرو كامل و هو يحوس على أخ كيما محمد و ما يلاقيهش
لوكان يدور العالم كامل
الله يبارك فيك خويا محمد

حيث بعدما تواصلنا حديث وآراء في المنتدى
آن في يوما ما موعد الحديث عبر الهاتف
والله شرفني بالحديث الطيب والجميل معه
حيث سبحان الله مثلما كنت اتوقعه حديثا تقريبا مثل المنتدى
لاتغيير يوج
ومن ثم والله أصبحت لاأفارقه يوما الا وتحدثنا وفي يوم ما راح الرقم الشخصي لأسامة العلم لله كيف
وبدأت في حيرة خاصة انه أنقطع عن الللمة
وعليه حرت كيف الاستفسار عنه
حتى جاء اليوم الميمون ورأيته
هو بلحمه وشحمه
فلا أحب أن أطيل الكلام
أحبك أخي

يا خويا شوية شوية عليا راك ما خليتلى والو يا موح :shay:
تصدق و تامن بالله يا موح راك أكثر من اخ بالنسبة ليا
و معزتك و غلاك عندى لا يصدقه العقل
أنا تانى أول مرة حكيت معاك فى المنتدى حسدتك و قلت لوكان جيت بنفس
الخصائص تاع موح ، و الله راك عملة نادرة يا خويا
ربى يحفضك و يخليك لينا و ما يحرمناش منك و يعطيك ما تتمنى و على قد نيتك الطيبة

ولي سؤال واحد فقط ماهو شعورك وأنت منتمي الى برشلونة؟

بصراحة نفس شعور الأم بولدها :luve_1:
برشلونة بالنسبة لى تجعلنى هادىء و مرتاح البال
و يكفى أن برشلونة أكثر من مجرد نادى :luve_2:
و الأعمال الخيرية لى يقومون بيها تختصر كلامى


وآخر امينة أتمنى أن أراك في القريب العاجل؟؟

ان شاء الله خويا محمد و مقابلتك راها هدف من أهدافى فى الحياة

شكرا لك أسامة

الشكر ليك انت خويا محمد على كلامك الزين و الموزون
و ربى يباركلك فى كل خطوة و خويا و شريكى الغالى


وشكرا للأخت التي اعطتنا مساحة للتعبير عن حبي لأخي وصديقي
أســـــــــــــــــــــامة
تحيا البرصااااااااااااااااااااااا


Visca El Barça & Visca Catalunya :luve_2:


ـــــــــــــــــــــــــــــــ
ـــــــــــــــــــــــــــــــ




 
هههههههههههه
والله وحدك يا بومبة

ياك من بعد تعطينى التنقيط :shiny: :sheer:

نزيد نفركت كاش اسئلة محرجة

محرجة أكثر من هادوك ؟:scared:
هههه أيا براحتك شريكى رانى الضيف تاعكم اليوم :santa_1:

حالف اليوم تنسى الكولور الزرقة
تكتب غير بالاحمر

هاو نتفكر برشلونة ترجعلى الكولير الزرقة :shiny:

وغير ما تحلمش تحكمني
خوك مايتعرضش خلاص

اييييي ما تعرفش الامكانيات تاع بومبة يا حسام :oi-o:
اصبر تشوف
:sly:

المهم
سؤال جديد

تفضل خويا

ايا تعجبك وحدة فووووور
وعندها صحبتها طايحة فيك
وانت سييت مع هذيك لي تعجبك مي ماحبتش تديها فيك
وبقا غير حل واحد تحكي مع صحبتها لي طايحة فيك وتضمن بلي تديها فيك
ايا تجي رايح تحكي مع صحبتها وهي تفرح وتقول بومبة بادلني الشعور وتبدا تعبرلك عن شعورها
وش راح دير تسكتها وتقوللها شوفيلي صحبتك
ولا تهرب وتنسى لي عاجباتك

شوف خويا حسام راك علابالك بلى فى وقتنا هذا صعيب باش تلقى وحدة
طايحة فيك لوـV بصدق و بما أنو كيما قتلى انت الأولى لى طاحت فى عينى
و عجبتنى ما راهاش ماديتها فيا علاش نكسر راسى ما دام و نجرى موراه
هكذا يسمى رانى نطيح النفو ، أنا عندى كلمة وقص ، عجبتنى وحدة نقوللها
فاص آ فاص هاو وجهى قصديرة و اذا قاتلى اصبر نخمم و لا بدات تتطوط
نقوللها احكمى بلاصتك راكى مليحة و بلا تكسار الراس
يعنى اذا لقيت وحدة طايحة فيا صح و عقليتها مليحة ما نقولش عليها لا .

هذا هو جوابى النهائى خويا حسام :shiny:

ــــــــــــــــــــــــــــــــ
ــــــــــــــــــــــــــــــــ




 
سلام عليكم

اااسف على التاخير شحال توحشت هاذ القعدات كنت مع الباك الله غالب

خويا اسامة راك تحت المجهر. مرحبااااااااا بيك هذي مدة ماتلاقيتكش. ةاسئلة سيريوو من عند خوكـــ

وش يمثلكـــ الوطن في وقت ضاعت فيه حقوقكـــ ....خمم مليح

وش تمثلكــــ الثورات العربـــــية حاليا..... خمم مليـــــــــــح


غير خلصلي هذو من بعد ساهل.
 
يعطيك الصحة اسامة على الاجوبة الصريحة ههه
راك كنت سفاح كبير خخخ
ونيالك كيما يقولو السوارا خاوتنا
على لكفوف لي ديتيهم ههه
نزيد نخمل اسئلة ونرجعلك ههه
نتمنالك قعدة ممتعة


 
توقيع السلطانة
الله يخلــــــــــيك لأهلك أســــــــامة خويا
ونعم الأخ انت
بالتوفيق
واخوك محمد ديمااااااا معاك

_____________________
________________

 
علابالي بزاااااف بصح لازم نخرجلك عينيك اليوم هههههه

هههه أمرى لله :rolleyes:

اعتذار تريد ان تقدمه لمن؟؟

معليش نتكلم بلغة الحروف
اعتذار أقدمه لـ : ل ؤ ة - م ط
ما نعرف اذا راه يسمع فيا و لا لا :sad: ؟

ماذا ستكتب لنا لتعبر عن حياتك التي عشتها الى الان في كلمات قليله ؟

معليش نكتب درك باختصار :shiny:
أحيانا أرى الكثير يعتبرنى محظوظ فى حياتى و مسيرتى
و أحيانا أخرى أرى أن حياتى ربما تكون معقدة للكثيرين
باختصار شديد حياتى فيها تناقضات كثيرة و لست مسؤولا عنها :rolleyes:


اذا اردت ان تبكي الان , فعلى من تبكي؟

أبكى على روح الفقيدين و الاخوين العزيزين
(أيوب و حمه السوف) رحمهما الله و اسكنهما فسيح جنانه


من ستختار ليمسح دموعك ؟

سأمسحها وحدى لن أختار احدا لاننى لا اريد ان اثير شفقة احد علي

هل تعتقد ان حظك سيئ؟

أحيانا اعتبر نفسى أكثر شخص محظوظ و احيانا مع تقلبات الحياة ارى العكس تماما

ما هو الموقف الذي غير مجري حياتك؟

يوم خرجت من الدراسة نحو الحياة العملية و انا مرغم بسبب الظروف
حينها فقط أدركت انه يجب علي العمل كثيرا لأنتفض من جديد
و أبرهن للحياة أننى قوي و لن تربكنى بجبروتها :showoff:


هل هزمك حزنك في يوما من الايام؟

أستطيع ان اقول انه هزمنى مرة واحدة فى الأيام القليلة الماضية
و قد عبرت عن حزنى الشديد فى موضوع كتبته فى منتدى هنا فرغ واش كاين فى قلبك


((مستحيل انساك)) لمن تقولها ؟

أعود و اكرر : ل ؤ ة - م ط

(( اللي راح راح وماتفيد كلمة ياريت )) إذا أردت ان توجه هذه العباره لمن؟

هاذى العبارة نوجهها لنفسى على خاطر رانى خسرت أقرب شخص لي
و نقول لى راح راح و ما تفيد كلمة يا ريت


متى اخر مره بكيت؟

عندها قريب شهر هكذاك بكيت غصبا عنى :sad:
مع العلم اننى انسان صلب و لا أترك لدمعتى مجالا للنزول


اي الدول تتمنى ان تزورها ؟

اسبانيا و بالتحديد مدينة برشلونة :luve_2:

هل لديك الجرأه ان تقول عمرك أمامنا ؟

اييييي عندى الجرأة حتى نقوللكم النهار و الساعة لى خلقت فيها :shiny:
انا من مواليد نوفمبر 1986 (يعنى 24 سنة) فى سبيطار ابن رشد بعنابة
على الساعة التالثة و النصف صباح يوم الجمعة :showoff:


هل انت راضي عن نفسك ؟

لست راضيا تماما حتى أعلم ان الله عز وجل راضى عنى :rolleyes:

بماذا تقر وتعترف أمامنا الان ؟

أقر و اعترف أننى احبكم جميعا اخوتى :luve_1:

اغمض عينيك دقيقه لو سمحت, ماذا خطر على بالك وانت مغمض العينين ؟

خطر فى بالى ان اسئلتك انتهت و فرحت كثيرا ههههه :shiny:

هل تؤيد الزواج العاطفي ام الزواج التقليدي ؟ ولماذا ؟

كيف كيف عندى ما تفرقش
بابا تزوج الوالدة تاعى و جامى شافها و لا مرة :luve_1:
و تانى مليح الزواج العاطفى


ايهما اهم شهادتك الجامعيه أم الزواج ممن تحب ؟

الزواج ممن أحب لاننى على خاطر ما عنديش حتى نيفو تاع الباك :shiny:

هل من الممكن ان تتحول الصداقه الى حب ؟

ممكن جدا جدا و هاذى خودوها كلمة من عندى :shay:

هل تعترف بشيء اسمه الصداقه بين الرجل والمرأة ؟

كل واحد عندو رأي خاص بيه
أنا نقول وى علاش لالا عادى يعنى
ياك انا عندى صديقاتى بنات هنا فى المنتدى وين راه المشكل


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

و الله لا اعلم و عندى شك فى هذا الامر و لكن حتى ان كان شكى فى محله
أقول بكل صدق أنه غصبا عنى و عن هذا الشخص

من هو اكثر شخص تفكر فيه؟

بابا و يما من دون منازع :luve_1:

اذا تم تعيينك ملكا لجميع البلاد العربيه فما اول قرار ستتخذه ؟

أول قرار سأقرر محاكمة و معاقبة كل من كان لهم أيدى فى آلام الشعوب المسلمة

هل تكره شخص بشده في حياتك ؟

لا أكره اي شخص بالعكس تماما حتى عدوى لا أفكر فيه بشدة :rolleyes:

ما هو اقتراحك الذي تتمنى ان يحدث في هذا المنتدى ولم يحدث الى الان ؟

لالا رانا هكذا ملاح و شنو برك نطلب من المشرفين ينقصو من حدف المواضيع
بدون سبب وجيه ، يعنى انا نعمل موضوع يدخلو الناس يدردشو فيه
من المفروض يحدفو الردود تاعهم ماشى الموضوع لى تعبت فيه


هل ملابس الشخص امامك تؤثر فيك لتأخذ عنه انطباع ؟؟

أبدا لا يغرنى المظهر و لا الشكل
فى رايك انتى القدافى تديها فيها رئيس دولة :shiny:


ماالذي يلفت انتباهك بسرعه في الشخص لكي تعجب به ؟

حذاقته و خفة دمه

حكمة تؤمن بها جدا؟؟

حب ما تعمل حتى تعمل ما تحب

عاده تفعلها دائما تتمنى ان تتركها ؟

كى نسوق فى الطريق نسوق بسرعة رهيبة حتى لى يركب معايا تحكمو كرشو :shiny:
هاذى راحت فيا عادة و نتمنى نتخلص منها فى اقرب وقتى قبل ما نلاقى حتفى


ماهو اجمل اسم لولد واجمل اسم لبنت من وجهة نظرك؟

اسم ولد : الياس
اسم بنت : نسرين


هل انت من لديهم رغبة حب التملك واذا تملك الشيء اصابه الملل منه ؟


لالا أختى رانى ديما نقول و كل من عليها فانى
يعنى ما نحبش نكون فوق الناس هاذى عادة طريقها قصيرة و ما عندها وين توصل


يعطيك الصحة اختى
و اسمحيلى طولت عليك فى الاجابة



ــــــــــــــــــــــــــــــــــــ
ــــــــــــــــــــــــــــــــــــ




 
ــــــــــــــــــــــــــــــــــــــــــــــ

ــــــــــــــــــــــــــــــــــــــــــــــ

يعطيــــــــــــــــــــكـ الف صحـــــــــــــة عقيد راك قدهـــا وقدود

بصح الله يبارك عليهم مخلاو فيك والو ههههههههه تستاهل ما اكثر:like_1: هههههه

اسئلتي ممبعد ان شاء الله راني عارفاتك تعبان ضرك وعينيك مخيطين :oi-o:خخخخ


نتمنالك قعدة مليئة بالأسئلة الحرجة ولي بومب :like_1: ياك قضولك لي بومب نتاعك خليهم هم يجبدو لي عندهم خخخخخخخ



أحلام سعيــــدة مليئة بالكوابيـــس :oi-o:
 
سلام عليكم

و عليكم السلام و رحمة الله تعالى و بركاته

اااسف على التاخير شحال توحشت هاذ القعدات كنت مع الباك الله غالب

مرحبا بيك خويا و حنا تانى توحشناك أنت و القعدات الزينة معاك و ان شاء الله
ناجح و متفوق فى شهادة البكالوريا باذن الله الواحد


خويا اسامة راك تحت المجهر. مرحبااااااااا بيك هذي مدة ماتلاقيتكش. ةاسئلة سيريوو من عند خوكـــ

و بيك يعيشك خويا سامى رفيق الدرب و المصباح الذى ينير طريقنا فى المنتدى
و تفضل بالاسئلة تاعك لى تشرفنى بكل تاكيد


وش يمثلكـــ الوطن في وقت ضاعت فيه حقوقكـــ ....خمم مليح

على بركة الله
الوطن بالنسبة ليا هو الامل لى يقدر يعيش عليه الانسان
و هو الحاجة لى تحيى فينا روح العمل و تخلى عندنا هدف فى الحياة و هو
الحفاظ على ثاريخ و عراقة الارض و البلد التى انجبتك


وش تمثلكــــ الثورات العربـــــية حاليا..... خمم مليـــــــــــح

الثورات الحالية أعتبرها قنبلة موقوتة فى وجه النظام العربي الفاشل
و رغم انه لا يختلف اثنان على أنها باتت فوضى كبيرة
الا انه ربما تكون صحوة و بداية مستقبل مشرق يطل على العالم العربى

نظرتى الشخصية طبعا :shiny:

غير خلصلي هذو من بعد ساهل.

تم بحمد الله




ــــــــــــــــــــــــــــــــــــــ
ــــــــــــــــــــــــــــــــــــــ



 
يعطيك الصحة اسامة على الاجوبة الصريحة ههه
راك كنت سفاح كبير خخخ
ونيالك كيما يقولو السوارا خاوتنا
على لكفوف لي ديتيهم ههه
نزيد نخمل اسئلة ونرجعلك ههه
نتمنالك قعدة ممتعة



هههههه رانى نغنى فى الاغنية تاع الشاب مامى
"عمرى ما ضنييييييت الكرسى هاكدا تيرارا" :sheer:
الله يسلمك اختى شوشو ، ياخى دمى ما كانش ثقيل برك فى الاجابة ؟
و رانى نستنى فى الجديد تاعك
موفقة باذن الله


 
الله يخلــــــــــيك لأهلك أســــــــامة خويا
ونعم الأخ انت
بالتوفيق
واخوك محمد ديمااااااا معاك

_____________________
________________


الله يحفضك خويا و شريكى محمد
رانى نخمم نعملو كارنيت فامى واحد :shiny:
يا خويا رانا من فصيلة دم وحدة
ربى ينورك و ما يحرمناش من الاخوة هاذى
نشوفك على خير خويا







 
يعطيــــــــــــــــــــكـ الف صحـــــــــــــة عقيد راك قدهـــا وقدود

الله يلمك اختى ندوشة راكى تعرفى لازم نشرف الرتبة تاعى
لا قالولك عقيد باطل ؟ :laugh:


بصح الله يبارك عليهم مخلاو فيك والو ههههههههه تستاهل ما اكثر:like_1: هههههه

:um_sh: واقيلا الشي لى عملتو فيك رجعلى بالدوبل ههههه ريشونى كيف الدجاجة المشوية

اسئلتي ممبعد ان شاء الله راني عارفاتك تعبان ضرك وعينيك مخيطين :oi-o:خخخخ

ايييه أنا تعبت و الكلاVـى تعب و عينيا عادو كيف تاع مسعود اوزيل :shiny:

نتمنالك قعدة مليئة بالأسئلة الحرجة ولي بومب :like_1: ياك قضولك لي بومب نتاعك خليهم هم يجبدو لي عندهم خخخخخخخ

هههههه و لا يهمك مازال عندى الكوراج و الامكانيات
و أنا ما ندخلش حرب نخرج خاسر فيها
:tongue_3:

أحلام سعيــــدة مليئة بالكوابيـــس :oi-o:

راح تكون مليئة بالكوابيس اذا خرجتيلى انتى فى الحلم هههه
مرسى عليك اختى
تحياتى و نشوفك على خير


ـــــــــــــــــــــــــــــ
ـــــــــــــــــــــــــــــ



 
زمان على ميسي بومب خوك مراد معاك ايواااااا اخر مرة نشفى عليك كونكتيتي في رمظان ايامات الفيديوهات وكدا راك تشفى .........
يااسامة ياسحيبي وين تسكن في عنابة باين في لاسيتي ياحسرة على لولاد هههههههههههههههه ماتقوليش فشفوش من كوبااااااااااااااا لولللللللللللللل
 
زمان على ميسي بومب خوك مراد معاك ايواااااا اخر مرة نشفى عليك كونكتيتي في رمظان ايامات الفيديوهات وكدا راك تشفى .........
يااسامة ياسحيبي وين تسكن في عنابة باين في لاسيتي ياحسرة على لولاد هههههههههههههههه ماتقوليش فشفوش من كوبااااااااااااااا لولللللللللللللل

أهلا بيكى شريكى و ولد كرطيا :shiny:
عاش من شافك و سمع صوتك خويا مراد هاذى غيبة تاع الصح
الله يبارك عندك كارت ميموار مليحة راك ما زلت تشفى على القعدات و السهرات
تاع رمضان:oi-o:
و الله يا اليامات هادوك ، بالك نعاودوهم رمضان هذا ما نعرف ؟
بون راك تقولى من الفشافيش تاع كوبا :shiny:
ايه بصحتك بصحتك يا خويا طيح فيا هههه لالا انا ولد سيدى سالم رب العالم
خخخخخخ
نضحك برك يا خويا انا نسكن فى حي Valmascort المشهور بـ Colombia
ههههه ما تتخلعش تحب تجى تزورنى و تشوف الكرتى مرحبا بيك

و الله ياو تفيق بينا صاحبة الموضوع ندردشو هنا تقتلنا اليوم
أيا نشوفك على خير شريكى و نتلاقاو فى كاش بلاصة اخرى ندردشو فيها
سلام




 

أهلا بيكى شريكى و ولد كرطيا :shiny:
عاش من شافك و سمع صوتك خويا مراد هاذى غيبة تاع الصح
الله يبارك عندك كارت ميموار مليحة راك ما زلت تشفى على القعدات و السهرات
تاع رمضان:oi-o:
و الله يا اليامات هادوك ، بالك نعاودوهم رمضان هذا ما نعرف ؟
بون راك تقولى من الفشافيش تاع كوبا :shiny:
ايه بصحتك بصحتك يا خويا طيح فيا هههه لالا انا ولد سيدى سالم رب العالم
خخخخخخ
نضحك برك يا خويا انا نسكن فى حي Valmascort المشهور بـ Colombia
ههههه ما تتخلعش تحب تجى تزورنى و تشوف الكرتى مرحبا بيك

و الله ياو تفيق بينا صاحبة الموضوع ندردشو هنا تقتلنا اليوم
أيا نشوفك على خير شريكى و نتلاقاو فى كاش بلاصة اخرى ندردشو فيها
سلام





أهلا بيكى شريكى و ولد كرطيا :shiny:
وبيك يعيشك خويا اسامة كعبة وحدة كتلتينا بالقدر ...:shiny:

عاش من شافك و سمع صوتك خويا مراد هاذى غيبة تاع الصح
والله راني هنا يااسامة الشهور لخرا كامل راني على اتصال انت وين غبرتي وحد لايامات راح المنتدى لاسباب مالية والاخوة فريد وفتحي حلونا فيها صفحة في الويب سموها اللمة البوسعادية وتواصلنا هناك مع بعض درنا فيها خرداسيون بكل الطرق كملناها حتى بالفلكسي وهداك الي جمعنا بيه اكثر ومع لوكاسيون هادي اشكر الاخوة الي شاركوا الكل معانا المهم وكمل الباقي الاخ فتحي ورانا مازلنا نلموا اك تعرف مصاريف المنتدى كبيرة والله والاستظافات غالية كيما يقولوا sauve qui peut

الله يبارك عندك كارت ميموار مليحة راك ما زلت تشفى على القعدات و السهرات
تاع رمضان:oi-o:
يبارك فيك حبيبي زمان يارحمان ...


و الله يا اليامات هادوك ، بالك نعاودوهم رمضان هذا ما نعرف ؟
ان شاءالله وعلاش لا تزهيهانا كي العادة راني علابالي بيك فنيان بصح في رمظان راك تتحول:shiny::shiny::shiny:

بون راك تقولى من الفشافيش تاع كوبا :shiny:
ايه بصحتك بصحتك يا خويا طيح فيا هههه لالا انا ولد سيدى سالم رب العالم
خخخخخخ
سيدي سالم ههههههههه راني نخدم قدامهم في اسميدال وعينيك تشوف الا النور اك تعرف ..
والله الكراتي الكل كيما بعض زمان على عنابة والله والايايامت المليحة صدق الي قال لاحال يدوم
كتلتك باللا3ومينا لولللللللللللل
نضحك برك يا خويا انا نسكن فى حي Valmascort المشهور بـ Colombia
ههههه ما تتخلعش تحب تجى تزورنى و تشوف الكرتى مرحبا بيك

وين راح المشكل كولومبيا من وختاش ادي والله من فمك درك علمت بلي يعيطولها كولومبيا صغري كامل عقبتوا تم في ليزونفيرون والله ايامات ملاح ....

و الله ياو تفيق بينا صاحبة الموضوع ندردشو هنا تقتلنا اليوم
راجية الجنة راهي تاعنا ياراجل وشبيك يجعل الناس الكل كيفها بطيبتها ايا سيدي رانا ضياف عندها بصح ماشربنا وماكلينا والوااااااا ههههههههه

أيا نشوفك على خير شريكى و نتلاقاو فى كاش بلاصة اخرى ندردشو فيها

سلام

اوكي حبيبي سمسم اك تعرف اي توالي ..غير الجبال الي ماتتلاقاش
اتهلى في روحك
 
هههههه رانى نغنى فى الاغنية تاع الشاب مامى
"عمرى ما ضنييييييت الكرسى هاكدا تيرارا" :sheer:
الله يسلمك اختى شوشو ، ياخى دمى ما كانش ثقيل برك فى الاجابة ؟
و رانى نستنى فى الجديد تاعك
موفقة باذن الله


:sheer:هاما عالكرسي هاما
البسطة فيه لابقتلك بزاف :shiny:
اسامة ودمو ثقيل :sadwalk:هاذي وين صرات :schmoll:

هيا نخليك مع الاسئلة القصيرة:

-احكيلنا على اكثر موقف صرالك يعيي
وتنشعتي من خلالو وهبطولك النعشات تاع ماروكو :sheer::sheer::sheer:؟

-كي تقلق واش تدير؟


تحياتي


 
توقيع السلطانة
راني وليت جدووو لا هاد مرة راح نكون عاقلة معاك نبدو
ولاية تيارت ترحب بكم ههههه
1/كاين شي واحد جرح اسامة وقاسه بهدرتو ومزلت تذكرها لدروك؟
2/اغرب موقف تحطيت فيه وتمنيت لو اختفيت هاديك لحظة ؟
3/واش حسيت نهار نتائج bef تاعك ؟ وش كانت ردت فعلك ؟
4/نقدرو نقولو اسامة عاش طفولة ؟ كنت قبيح ؟
5/وكان تبغي شيرة بزاف وتزوجك يماك بصح مش بهاديك شيرة لي باغيها انت شا راح يصرا ؟
تخيل في يوم من ايام مستوى برصا يهبط شا دير انت ؟
6/كي تبغي ترقد شا هي اخر حاجة تكون في بالك ؟
7/كي تنوض صباح اولا احاجة تجي في بالك وتتفكرها ؟
8/ كيفاش يكون اسامة في رمضان؟
9/حاجة راك نادم عليها في ميزك واش هي ؟
ولاية تيارت تشكركم على زيارة هههه
صاي كملو اسئلتي نتمنى لك اقاماةا طيبةا جدو
 
سلاام
سؤال وحيد
هل تتخلى عمن تحب بمجرد عقبة واحدة ام تحاول ان تفعل مابيدك اتجاهه
 
السلامـ عليـــــــــــــــــكم

عدت والعود ندوشة :sheer:خخخخ

صبــــــاح الخير .. ان شاء الله رقدت مليح وما خرجتلكش في الحلم:laugh: خخخ

أحكيلنا على حياتكـ وطفولتــك ووقت المدرســــة ؟

مارأيـــكـ بالريــال:luve_1: في هذا الموسم ؟

مارأيــك بتسرب اسئلــة الباكـ ؟ ولوكان كنت في بلاصة هذاكالوزير * الله لايوفقو * وش راح تدير ؟اسكو تعاودلهم الباك ؟؟

احكيلنا في رمضــان كيفاه تعقب نهاركـ :rolleyes:؟

ماهو أحسن موضوع قريتو هنا في اللمـــــة ؟

مارأيـــــكـ بهذو الأعضـــاء :

أبـFARIDـوفيصل

Fethi.dz

sahiko hamza

خديجة14

شرطية اللمة

digo armando maradon

روماريو القناص

barca.moha

nada242008

وفي الأخير

زهرة الندى اذا كنت تعرفها خخخخ

تحيـــــاتي لك عقيــــد اللمـــة
:re_gards:


 
:sheer:هاما عالكرسي هاما
البسطة فيه لابقتلك بزاف :shiny:

هذا كرسى فيه 380 فولت هههههه :bored:

اسامة ودمو ثقيل:sadwalk:هاذي وين صرات :schmoll:

لالا رانى نسقسى فيك باسكو حاب نروح نتبرع بالدم و قلت بالك ما يقبلوش دمى:shiny:

هيا نخليك مع الاسئلة القصيرة:

على بركة الله

-احكيلنا على اكثر موقف صرالك يعيي
وتنشعتي من خلالو وهبطولك النعشات تاع ماروكو :sheer::sheer::sheer:؟

-كي تقلق واش تدير؟

تحياتي


ج1) أكثر موقف عيانى و تنشعت منو :

ايييييه موقف كيما هذا ما رانيش متفكر منو بزاف
بصح نشفى على وحد المرة زارنا ضيف زيارة فجائية و كنت وحدى فى الدار
يسمى ما كاين حتى واحد فى الدار غيرى :cra_zy:
و راكى تعرفى كى يزورك ضيف لازم تتهلاى فيه و تقومى بيه كيما يلزم
آيا قتلو صيب راحتك فى الدار دارك و أعطينى 5 دقايق نوجدلك فيها حاجة تشربها
Ok Ok آيا دخلت الكوزينة واش الله الله نجرى و العرق يصبب و سينية طاحت
على راسى و السكر سايح فى لرض و التيليفون يصونى و القهوة ساحت من
الـPress المهم تحطيت فى موقف لا أحسد عليه :cra_zy:
و خلاص زعما وجدت سينية فيها قهوة و حليب و Jus de fruit :showoff:
آيا مبعد جات اللحظة لى متوقعتهاش تصرالى :sad:
بون انا ماشى بالسينية هاديك و قريب نوصل عندو ععععععععععععععع
طرطااااااااااااف و نتعكل فى الزربية :scared: و نروح فيها أنا و السينية فى مهب الرياح
أوووووف و الله حاجة تحشم تاع الصح ، يعنى الوالدة حياتها كاملة و هي تجرى
بالسينية هاذيك و جامى لا تكعبلت و انا اول مرة شوفى واش صرالى .

المهم النهار الاسود هذاك مازال ما خلصش قوليلى كيفاش ؟
السيد هذا كى جا جاب معاه باطة قاطو و ميلفاي
رفدت انا الباطة تاع القاطو هاذيك و قتلو علاش اتعب فى روحك علاش :du_nno:
تخيلى واش قالى السيد هذاك :blink: ؟
قالى لالا رانى جبتها لواحد السيد راه فى السبيطار تاعكم (النوفال) قاعد يداوى
قلت من بعد نروح نطل عليه :blush:
تعرفى واحد وجهو تقسم على ربعة :no_1: هكذاك أنا صرالى
و الله يا جاتنى وحد البخصة لى عمرى ما ننساها .




ج2) كى نتقلق واش ندير :

بون أنا معروف عليا ما نتقلقش بزاف و اذا تقلقت راهى كاينة حاجة كبيرة قلقتنى
و تانى نضيفلك معلومة انا ما نتكيف الدخان ما نشم و القهوة نشربها فال برك
يعنى الحواج هادو لى يكالمو الناس لخرين ما نستعملهمش
يسم واش ندير كى نتقلق أول حاجة نبدا نكسر أي حاجة تطيح فى عينى
خطرة تقلقت من خويا بدرو و ما لقيتش واش نكسر
هزيت فروطوار و نكسر فى الليستر تاع الصالون :shiny: و ياما كسرت فى الدار و الحانوت
وتانى ديما كى نشوف روحى مقلق بزاف نوض الطوموبيل و نعطيها لبيجو(سرايدى)
نقعد تم وحدى حتان يبرد دمى مليح و نروح
و لا نروح عندى ولد خالى فى واد لعنب دمو خفيف و يقتل بالضحك
بصح نحب نضرب بزاف كى نتقلق :cra_zy:

ديجا قلقتينى انتى راح نجبد معاك بدماغ نطيحلك سنانك :shiny:
ههههه مرسى عليك اختى شوشو
فانتظار التعقيب تاعك و الاسئلة المجنونة لى تجيبيلنا فيها
تحياتى


ــــــــــــــــــــــــــــــــــــــــ
ــــــــــــــــــــــــــــــــــــــــ



 
آخر تعديل:
الحالة
مغلق ولا يسمح بالمزيد من الردود.
العودة
Top Bottom