قعدة مرحة وشرحة مع اعضاء والمشرفين المحبوبين في اللمة

[عفاف الجزائرية]

2-وش رايك لوكان يديرو رمضان كيما المونديال كل ربع سنين في بلاد





​

انا الصباح قلت لدارنا لوكان غير قاللنا الشرع عندكم في العام تصومو كل شهر نص نهار

افآآآآآآر ولا واش قلت
​

 

[إيمان قلب]

الليه و باقي يومين
هههههههه
رشدي ما جينش بهبالللك و حرز جيني بهذااا العبد هههههه

نو نو ماشي الليلة وزيدلها يومين اليوم ماهوش محسوب
هاكا قوانين اللعب:sheer:

 

[يوسےفے]

حياكم الله جميعاً ^______^​

و لك أحلى تحيه شكرااا يا أحلى لمه​

 

[يوسےفے]

نو نو ماشي الليلة وزيدلها يومين اليوم ماهوش محسوب
هاكا قوانين اللعب:sheer:

_o: راكي جايبتها مورايا ههههههه _o:
نستنى كمال واسش يدير فيكم و خلاص
باه ينتقملي منكم ههههههه​

 

[فراشة الربيع95]

انا الصباح قلت لدارنا لوكان غير قاللنا الشرع عندكم في العام تصومو كل شهر نص نهار

افآآآآآآر ولا واش قلت
​

شابة هادي هههههههه افار

موضوع رائع و لي عودة ان شاء الله

 

[آمِيْرَتُه]

مازال يوسف هنا جيت غير باش نشجعه :sheer: :sheer: :sheer:

تقبل مروري

 

[إيمان قلب]

_o: راكي جايبتها مورايا ههههههه _o:
نستنى كمال واسش يدير فيكم و خلاص
باه ينتقملي منكم ههههههه​

هههههههه مدام فيها انتقام فيها وخبرتوني لازملي ننتقم مسبقا هههه
ربي يستر من كمال غادي نقارع لرمضان غي وقتاش يجي

 

[يوسےفے]

مازال يوسف هنا جيت غير باش نشجعه :sheer: :sheer: :sheer:

تقبل مروري

:showoff: :showoff: :showoff: :showoff: :showoff: :showoff: :showoff:
:showoff: :showoff: :showoff: :showoff: :showoff: :showoff:
:showoff: :showoff: :showoff: :showoff: :showoff:
شكرا شكرا شكرا منيني ​

 

[M3TaZ eLLMa]

اممممممممممممم 1 ميقا راكم شريكة مانبانوش معاكم هههه
واش بيك رمضان علبالك العطش والحالة حالة وتزيدنا بزاف شوية

هههههههههه

ما عندي ما نقلك يا إيمانوا راح تشوفي مني الويل أنتي وراجية والاخوة ههههه

إنتضروني

يوسف راك قدها وراك ما شاء الله عليك

الاجوبة راهي روعة ربي يبارك ويزيد

وراني نتبع في الموضوع من بعيد حتى يجي دوري

بالتوفيق يا زعيم[/center]​

​

​

​

 

[إيمان قلب]

اللهم بلغنا رمضان وبعد علينا مفاجعة كمال ههههه
يوسف رجعت بسعالي
بما أننا على أبواب سيدنا رمضان
احكيلي واش هي عاداتكم قبل رمضان علبالي هاذ الشئ خاطيك بالصح اكيد يماك راهي حذاك عيطلها وسقسيها ؟؟
كيفاش تجوز نهارك تاع رمضان ؟؟؟
​

 

[يوسےفے]

هههههههههه

ما عندي ما نقلك يا إيمانوا راح تشوفي مني الويل أنتي وراجية والاخوة ههههه

إنتضروني

يوسف راك قدها وراك ما شاء الله عليك

الاجوبة راهي روعة ربي يبارك ويزيد

وراني نتبع في الموضوع من بعيد حتى يجي دوري

بالتوفيق يا زعيم[/center]​

​

​

​

شكراااا ليك ....كمــــــــــــــال
منتظرك ان شاااء الله
قتلني النعااااس
ههههههههههههههههه​

​

 

[عاشقة رجاص]

السلآم عليكم ورحمة الله وبركىته​

أهلآ بالاخ يوسف في الـ g ــعدة​

رآك منور خويا ​

عندي سؤال واحد برك خفيف ظيف​

هل كانت عندك امنية من الصغر وانت تحلم تحققها وتعبت جالها بزاف بزاف بالصح الله غالب اسباب خارجة عن نطاقك منعتك باش توصل ليها؟؟​

 

[Jeune Sghir Mc]

راني وليت صاحبي
واش رايك في بلاد ميكي ماوس
وواش رايك في شعب بلاد ميكي ماوس وفرق بويسك كاين ناس من ناس

سؤال أخير
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
..
.
.
.
.
.
.
.
.
.
جربت تاكل الياهورت مقلي لي قتلك عليه

سلام
​

 

[فراشة الربيع95]

مكانش و لو كلمة مرحبا

 

[يوسےفے]

اللهم بلغنا رمضان وبعد علينا مفاجعة كمال ههههه
ههههه اللهم أجعل المفاجعة زلزالا على رؤوسهم ههههه
يوسف رجعت بسعالي
بما أننا على أبواب سيدنا رمضان
ان شاااء الله يعود علينا و عليكم بليمن و الخير و البركات
احكيلي واش هي عاداتكم قبل رمضان علبالي هاذ الشئ خاطيك بالصح اكيد يماك راهي حذاك عيطلها وسقسيها ؟؟
يــــــــــــــــــــما ...يمــــــــــــا ..ارواحي حكمي الكلا vــــي و هدري معى هذي البنت
يما : صح وليدي ما كاش مشكل ؟؟؟ واش تحوس
يوسف: عاداتنا في رمضااان و كيفااه توجديله ؟؟؟
يما : أجبد لهيه و خليني دك نفهمها ...
يا بنتي ...حنا...كيما العاده في كل ليامات التولى قبل ما يدخل رمضااان ...اول حاجه نديروووهااأ نوجو التوابل يعني الكمون و الحرووور و راس الحانوت و القرفه و الكبابه ..و و و و و يعني ندgـــوهم ف المهراز و لا مشينة الطحين ....و زيد على هذااا نكونو من دا زمااان مصبرين واحد الخضره لي تكوون نادره في وقت رمضاان و زيد نخملو الدااار يعني بيت بيت ..طبسي طبسي ..مغرف مغرف و قصدي هو اننا نوجووو لماعن على خاطرش الماكله تكثر في رمضااان و لازم نوجودو لماااعن لي نحتاجوهم و لي خصنا نشروهم قبل ما تطفر ......المهم هذا هو المهم قبل رمضان .....صح رمضانك بنتي
يا وليدي هااك الميكرو تاااعك
صح صح يماااا
كيفاش تجوز نهارك تاع رمضان ؟؟؟
كيما رمضانات لي فاتوووو.....نتسحرووو ...نصلو الفجر ...نكمل عليها ف الجامع نقرى شويه قرآآن حتى تطلع الشمس نروووح لدااار نرقد شويه و من بعد نوووض ...نقضي كااش ما خصهم صواااللح مره أنا ملاه خاوتي لي كبار عليا و مره بابا...نزيد نقرى شويه قرآآآن .....نلعب بلايستايشن هههههه انا و خويا الصغير... و مرااات نتبع كاااش مسلسل ديني مليح وكاين مرااات نقعد مع النت طووول النهاااار ....حتى لعشيه نرووح ندووور شويه ..كاش ما نشري زلابيه و لا قلب اللوووز ههههه...و يقرب المغرب ...نوجد مرات مع يما لمعان لي نفطرو فيهم ...يأذن الأذااان ...نروووح نصلي و نرجع نفطر ...نتفرج شوياااا ...نصلي تراااويح و من بعد ...نروووح عند صحااابي ...السهرااات .....و يدوووم الحااال....... شهراااا هذي هيااا بكل صرااااحــــــــــــــــــــه

​

شكرااااا ليك .......زوج أسئله ......عندي ما كتبت
سلالالالالالام أيمان​

 

[يوسےفے]

مكانش و لو كلمة مرحبا

سمحيلنا الضغط راااه بزااااف هههههه
اهلا و سهلا و مرحبا بك معنا في القعده
شرفتينا
و أذا فيه أسئله تفضلي​

 

[فراشة الربيع95]

سمحيلنا الضغط راااه بزااااف هههههه
اهلا و سهلا و مرحبا بك معنا في القعده
شرفتينا
و أذا فيه أسئله تفضلي​

سمااح ههههههه و شكراا الشرف ليا

مممم اسئلة نخليها الغدوة

تصبحوا على خير و في امان الله

 

[إيمان قلب]

شكرااااا ليك .......زوج أسئله ......عندي ما كتبت
سلالالالالالام أيمان​

ههههههههههههههههههههههههههههه واش ندعيلك يامخلوق والله متت بالضحك هههههههه
ربي يخليلك يماك ههههههههههه يعطيك الصحة على الإجابات كانت هايلة
هيا تصبح بخير وغدوا وجد روحك غاية اسئلة على غير العادة زلزاااااااااالا
​

 

[يوسےفے]

السلآم عليكم ورحمة الله وبركىته
و عليكم السلالالام و رحمة الله تعالى وبركاته
أهلآ بالاخ يوسف في الـ g ــعدة
شكراااا ليك .......شرفتينا
رآك منور خويا
الله ينووووورك أختي الكريمه
عندي سؤال واحد برك خفيف ظيف​

تفضلي

هل كانت عندك امنية من الصغر وانت تحلم تحققها وتعبت جالها بزاف بزاف بالصح الله غالب اسباب خارجة عن نطاقك منعتك باش توصل ليها؟؟
في الحقيقه انا من صغري كنت نقرى و كنت الله يبارك مجتهد ....و و الديا حبوني نولي طبيب مام انا كنت حاااب هذي المهنه ......و اذا به الباااك يقف في طريقي ,,,,يعني ماجبتش المعدل يسمحلي بااه نرووح تخصص طب ...الله غااالب مكتوووب ربي ....مي الحمد الله راني أستاااذ و ان شاااء الله نحقق أمنيه أخرى هي النجااح ف الماجستير باااه نكمل قرايتي .......هذا ما في جعبتي هههه
​

شكراااا ليك عاشقة الرجااااص على السؤاااال الحفيف
تحياتي الخالصه ليك
شكراااا​

 

[Jeune Sghir Mc]

شريكي أعطيني تعليق على الصورة

أسمع هذا البيت
إذا أتتك مذمتي من ناقص****** فهي الشهادة لي باني كامل
قولي هذا البيت يخرج عليا ولا لالا
وعلابالك شا راني باغي نقول ههاااااااااااي


سلام
​