قعدة مرحة وشرحة مع اعضاء والمشرفين المحبوبين في اللمة

[يوسےفے]

يوسف هداك انت الي ردتي عليا ودخلت معاك دبزة ودمااااااغ مكانش منها مشفيتش خلاص
وش حال قتلي راني استاذ انا قلت هذا في عمرو 40 سنة لازم نحشم على روحي وانت اك قدي في العمر

يعطيك عصيدة روح تعشى دركة فريت ههههههههههههههههههههههههه

بصح نتع الصح دبزة ودماغ من النوع الرفيع
مفهتش الي نتعارك معاه يولي صدقي هنا ههههههههههههههههههه

هههههههههههههههههههههه
سبحان الله مغير الأحوااال
تحياتي الخالصه​

 

[آمِيْرَتُه]

هههههههههههههه اسئلتك خفيفه ظريفه شكراااا ليك منيـــــــــــــــــني​

شكرا يوسف على الأجوبة و عجبتي هذي نتاع منمـــــــــــــــــــــــــــــونة

:showoff: :showoff: :showoff: كونك دايما هاك

 

[إيمان قلب]

من حيت جيت للقعده و انا نشد ف الأسئله ...دك ما نتعشاش....شبعت بيهم ههههههه
تحياتي​

اسئلتي شابين تقدر تتعشا بيهم خير من لفريت اخخخخخ شحال نشكر روحي تاع الصح :cra_zy:
حتى انا عندي ميكرو بورتابل دال وغي كي اداه خويا ودوركا راه عندي ibm ومشري غالي بزااااااااف هههه
امممم جبت شوية عسعلة
اففففففففف منك نشفتلي ريقي مالقيت مانسقسي
اصبر ترا
كون يحطولك دجاجة محمرة وطبسي تاع رفيس واش تختار ؟
اعضاء هنا فالمنتدى تبغيهم ديما اونلاين ؟؟؟
دمعة .. ابتسامة ...ضربة لمن تهديهم علبالي الثالثة لمن
هل تحب الحيوانات الأليفة وكشما مربي منها ؟
تشفى للسؤال اللي قتلك نسيتو والله تفكرتو دورك
واش الرسوم اللي كنت متبعها هههههه ؟؟؟ بيناتنا مازلت تتفرجهم ؟؟؟
الوقت كالسيف ان لم تقطعه قطعك ... مارأيك حلل وناقش
مقدمة ... عرض ... خاتمة ... لابد للمقدمة أن تحتوي على طرح الإشكال احم احم
هيا بالزايد شد بيهم يدك ههههههه كشما نتفكر نرجع
​

​

 

[هآجر]

اسئلتي شابين تقدر تتعشا بيهم خير من لفريت اخخخخخ شحال نشكر روحي تاع الصح :cra_zy:
حتى انا عندي ميكرو بورتابل دال وغي كي اداه خويا ودوركا راه عندي ibm ومشري غالي بزااااااااف هههه
امممم جبت شوية عسعلة
اففففففففف منك نشفتلي ريقي مالقيت مانسقسي
اصبر ترا
كون يحطولك دجاجة محمرة وطبسي تاع رفيس واش تختار ؟
اعضاء هنا فالمنتدى تبغيهم ديما اونلاين ؟؟؟
دمعة .. ابتسامة ...ضربة لمن تهديهم علبالي الثالثة لمن
هل تحب الحيوانات الأليفة وكشما مربي منها ؟
تشفى للسؤال اللي قتلك نسيتو والله تفكرتو دورك
واش الرسوم اللي كنت متبعها هههههه ؟؟؟ بيناتنا مازلت تتفرجهم ؟؟؟
الوقت كالسيف ان لم تقطعه قطعك ... مارأيك حلل وناقش
مقدمة ... عرض ... خاتمة ... لابد للمقدمة أن تحتوي على طرح الإشكال احم احم
هيا بالزايد شد بيهم يدك ههههههه كشما نتفكر نرجع
​

​

هدي من عندي الكبيرة هديك

اكتبها مقالة فلسفية جدلية راني نسيت الفلسفة يا جماعة يخي صحيحة هكة
كنت علوم طبيعية وحياة ونكره الفلسفة هههههههههههه ديت 8 في الباك​

 

[إيمان قلب]

هدي من عندي الكبيرة هديك

اكتبها مقالة فلسفية جدلية راني نسيت الفلسفة يا جماعة يخي صحيحة هكة
كنت علوم طبيعية وحياة ونكره الفلسفة هههههههههههه ديت 8 في الباك​

يااااااي با نجيفك انتي وقيل
اممم انا ديت 16 فالفلسفة وكنت راح نديرها بالصح علبالي اللي يتعمق فيها يمرض هههه
وهاذ المقولة الأخ يوسف غادي نصيغلو جميع الأنواع
أثبت هذا القول : الوقت كالسيف ان لم تقطعه قطعك .. استقصاء بالوضع
فند هذا القول : " " " " " .. استقصاء بالرفع
والجدلية اللي راكي تهدري عليها نقولو عليها كيماهاك
هل الوقت ان لم تقطعه يقطعك ..؟؟ حلل وناقش اخخخخخ نحب الطرق في ثلاثة بالبرهان والنقد ههههه​

​

 

[هآجر]

يااااااي با نجيفك انتي وقيل
اممم انا ديت 16 فالفلسفة وكنت راح نديرها بالصح علبالي اللي يتعمق فيها يمرض هههه
وهاذ المقولة الأخ يوسف غادي نصيغلو جميع الأنواع
أثبت هذا القول : الوقت كالسيف ان لم تقطعه قطعك .. استقصاء بالوضع
فند هذا القول : " " " " " .. استقصاء بالرفع
والجدلية اللي راكي تهدري عليها نقولو عليها كيماهاك
هل الوقت ان لم تقطعه يقطعك ..؟؟ حلل وناقش اخخخخخ نحب الطرق في ثلاثة بالبرهان والنقد ههههه​

​

نابغة في فلسفة نجي ندير عندك لي كور وخلاص هههههههههههه
تصبحوا بخير​

 

[إيمان قلب]

نابغة في فلسفة نجي ندير عندك لي كور وخلاص هههههههههههه
تصبحوا بخير​

اعتراف في محله هههههههههههه يابن عمي شحال نشكر روحي اخخخخخخخخخ
ننقريك بالصح تفليكسيلي ؟؟؟ هههههه
هيا وانتي من أهلو

 

[يوسےفے]

اسئلتي شابين تقدر تتعشا بيهم خير من لفريت اخخخخخ شحال نشكر روحي تاع الصح :cra_zy:
حتى انا عندي ميكرو بورتابل دال وغي كي اداه خويا ودوركا راه عندي ibm ومشري غالي بزااااااااف هههه
امممم جبت شوية عسعلة
اففففففففف منك نشفتلي ريقي مالقيت مانسقسي
:showoff: :showoff: :showoff: :showoff:
اصبر ترا
:scared: :scared:
كون يحطولك دجاجة محمرة وطبسي تاع رفيس واش تختار ؟

هههههههههه نبدى بلجاااج بااه ما يبردش....و منبعد ندير الرفيس ديساااار ...ههه نموت عليه بااارد ههه
كرشي كبيره و شا يصبرهاااا​

اعضاء هنا فالمنتدى تبغيهم ديما اونلاين ؟؟؟
كل أعضاااء الشله المهبوووله نصيب راحتي معااهم صراحة
دمعة .. ابتسامة ...ضربة لمن تهديهم علبالي الثالثة لمن
دمعه لتوحشتهم.......ابتسامه لمن أحبهم ............و ضربه ليك ....نشفتيني هههه نزعق تستاهلي كل خير و الله
هل تحب الحيوانات الأليفة وكشما مربي منها ؟
عندنا ...قليقلات ..يعني عصاافير ...خويا الصغير يبغي يربيهم ...و عندنا زوووج قطوطااا ههههههه
تشفى للسؤال اللي قتلك نسيتو والله تفكرتو دورك
واش الرسوم اللي كنت متبعها هههههه ؟؟؟ بيناتنا مازلت تتفرجهم ؟؟؟
درانـــgـــونبووول ......و ناروتو هههه ونشفى على ماروكو كي كنت صغير ههههههههه
مي لحد الأن نتبع ناروتو
الوقت كالسيف ان لم تقطعه قطعك ... مارأيك حلل وناقش
خطينا من الفلسفه ههههههههههههه
مقدمة ... عرض ... خاتمة ... لابد للمقدمة أن تحتوي على طرح الإشكال احم احم

ندير نص و خلالالالاص ههههههههههههه الله غالب خوك علمي هههههه​

عندنااا اوقاات فراااغ كبيره بزاااف ...و لازم الوااحد يستغلهااا فيما يرضي الرحمن
لأن النفس ان لم تشغلها بالطاعات شغلتك بالمعاصي و العياذ بالله
الوااحد لازم ينظم وقتك هذي هي
ما نعرفش نشرح بزااااف ههههه
هيا بالزايد شد بيهم يدك ههههههه كشما نتفكر نرجع
​

​

بدووووووووووووووووووووووووون تعليق
ما صبت ما نقووول الهدره كملت ههههه
نستنااااك
سلالالام
درك نروووح نتعشى عاد​

 

[إيمان قلب]

بدووووووووووووووووووووووووون تعليق
ما صبت ما نقووول الهدره كملت ههههه
نستنااااك
سلالالام
درك نروووح نتعشى عاد​

وهذيك اجابة على السؤال الأخير ؟؟؟ ماشي كيما طلبت
هيا معليهش
كي تزيد تهبط تلقى السؤال نفسه بصيغ مختلفة

 

[يوسےفے]

تصبحووون على خيررر
لنل تتمه غدااا ان شااااء الله​

 

[إيمان قلب]

تصبحووون على خيررر
لنل تتمه غدااا ان شااااء الله​

راح نقول لراجية تزيدلك نصف نهار لأنك ليوم ماكملتوش هههههه
وانت من أهل الخير
ليلة سعيدة

 

[BARCA232]

السلام عليكم ورحمة الله تعالى وبركاته
أهــــــــــــــــلا يوسف أحسنت الأختيار
يوسف مميز وطيب
وضف خوان النكت
انا اعرف لماذا؟؟
يوسف كيف تعيش حياتك في ولايتك التي هي أشبه بولايتي؟
ماهو مصيرك مع كرة القدم،أتمنى ان تكون برصاوي وهذا لاشك فيه؟؟
ماهو دور يوسف في العائلة؟
مارأي يوسف في فريق العميل السري؟؟
يوسف ألا يعطيك حنين هذا الاسم لأروع قصة؟؟
يوسف ماذا يتمنى في هذه الحياة؟
عرفنا يوسف دائما مرح وطيب،أريد أن أعرف الجانب الآخر من يوسف
ماذا يعمل يوسف في حياته،وكيف هي يومياته؟
هل حصل لك شرف لقاء لخضر بلومي؟؟؟
بلغ سلامي لميدنتك
وأنتظر زيارتك بعد العيد
ولي عودة بأذن الله
​

 

[Jeune Sghir Mc]

راني رجعت صاحبي

قولي واش رايك في مقولة :
كرطونة في روما ولا F4 فالحومة

ومقولة :
l'avenir بنت الgاوري

ومقولة :
الكلاب تنبح وقافلتي أنا تسير


سلام
​

 

[يوسےفے]

السلام عليكم ورحمة الله تعالى وبركاته
وعليكم السلالام و رحمة الله تعالى و براكته
أهــــــــــــــــلا يوسف أحسنت الأختيار
الله ينورك زعيـــــــــــــــــــــمنا
يوسف مميز وطيب
انت الأطيب يا محمد شكرااا ليك
وضف خوان النكت
انا اعرف لماذا؟؟
هههههههههههه فقتلي ياااه
يوسف كيف تعيش حياتك في ولايتك التي هي أشبه بولايتي؟
عندك الصح ولاية سعيده و معسكر متشابهين بزاااف
انا لا أسكن في الولايه لكن في دائره...مي نحب الولايه بزاااف و نروحلهااا بزااف بزاااف ...ناسهااا ظراف.....يعني لي نتعامل معاهم........
ماهو مصيرك مع كرة القدم،أتمنى ان تكون برصاوي وهذا لاشك فيه؟؟
انا هواتي المفضله كرة القدم ضف الى ذلك النت ......و أكيد انا برصاوي حتى النخـــــــــــــــاغ هههه
ماهو دور يوسف في العائلة؟
بما أنني فرد من عائله متكونه من 7 أفرااد ...و ضف الى ذلك اني خداام ..هذاا يعني انه لي نصيب من مسؤوليه أتجااه العائله ...أعين أبي على مصااريف البيت طبعااا...والحفاااظ على استقرارها
مارأي يوسف في فريق العميل السري؟؟
حقيقة فريق و لا أروع ....تقول خيروهم و جابوهم تم ههههه ...فريق متعاون بزاااف ...الود و الأخااء يسود المجموعه...و زيد على هذااا ما يسلك منهم حتى عميل ...الفائز دايما يكووون من المجموعه في معظم الوقت .....الله يدومها مجموعه يا رب
يوسف ألا يعطيك حنين هذا الاسم لأروع قصة؟؟
طبعاااا قصدك قصة سيدنا يوسف عليه السلام ......و الله أروع قصص الأنبيااء لما فيها من عبره لنااااس
يوسف ماذا يتمنى في هذه الحياة؟
نعيش متهني و راحت البال و الأمان.....نكون أسره مثاليه أن شاااء الله
عرفنا يوسف دائما مرح وطيب،أريد أن أعرف الجانب الآخر من يوسف
الله يعزك محمد ....و الله انا على طووول مرح من طبعي نحب الأبتساام و الضحك...و نادرناا ما نكووون متقلب الميزاااج و يحدث هذا في الأمووور الجديه لي ما ترضينيش .يعني و خر من طريق برك هههههه.....
ماذا يعمل يوسف في حياته،وكيف هي يومياته؟
انا أستاااذ العلوم الفيزيائيه و التكنولوجيا ...أستاااذ حديث العهد ..عندي سنه في التعليم
فيما يخص يومياتي ...الأن رانا في فترة عطله ,,,,نمارس الهوايات تاعي كرة القدم و النت في الغالب
و عندي وقت نروووح العشيه ندوووور مع حبابي و صحابي
و في اوقاات العمل راك تعرف الأستاااذ ...كل يووم في المؤسسه التربويه .....لعشيه راحه وف ليل تحضير مذكراات لليوم الموالي ,,,,,,و في نهاية الأسبووع على طوووووووووووووول كرة القدم هههه
هل حصل لك شرف لقاء لخضر بلومي؟؟؟
لا ......لكن عندي بزاااف صحابي لقااوه ....و كاين كباااار بلديتنا يلعبو ضد فريق كبااار صحاااب بلومي في الكثير من المرات.....يعني لديه صداقه متينه جدااا مع كثير من الناااس عندناا
بلغ سلامي لميدنتك
الله يسلمك
وأنتظر زيارتك بعد العيد
ان شاااء الله نكونو ف الموعد
ولي عودة بأذن الله
​

الله يحفظك و يخليك و يهنيك يا زعيمنا محمد
و اسمحلي اذا كانت الأجابات غير موفقه لأني جاووبت في وقت متأخر من اليل
أحلى تحيه لأحلى مشرف
تقديري و احترامي
سلام عليكم​

 

[يوسےفے]

راني رجعت صاحبي
اهلا بيك ابراااهـــــــــــــــــــــــــــيم
قولي واش رايك في مقولة :
كرطونة في روما ولا f4 فالحومة
هذي ما كاش منهااا .....نرضي بعيشة لي عطاهالي ربي في بلادي و سط أهلي و حبابي و صحاابي و لا عيشة الذل و التشرد في بلاد لي ما ترحمش العربي ...و لا واااش قلت
ومقولة :
L'avenir بنت الgاوري
.......لا لا معنتها انت مستقبلك ربطته ببنت gاوريه ......اسعى يا ابراهيـــــــــــم أسعى ..علابالي بلي العيشه صعابة و العراقيل بزااف في بلادنا مي لازمك تكوون فحل ...و تجيب رزقك بعرقك ...نتمنى تكوون فهمتني
ومقولة :
الكلاب تنبح وقافلتي أنا تسير

هاذووو النااس لي طوول العاام و هوما يهدرو و يمنشروو مورر ظهرك و انت ماعلابالكش بيهم ...هدرتهم زايد ناقص ......انت تقدم و هموما مضيغين وقتهم ف الهدره الفارغه ...و الله أعلم

سلام
​

تحياتي برهووووووم
شكرااا على طلتك عليا .....مزيه ما نسيتنااااش
تصبح بخير
​

 

[يوسےفے]

الا هناااااا ............................................اقول لكم تصبحون على خير
غداااا لنا تتمه ....................ان شاااء الله ......تحياتي
ليلتكم سعيده​

 

[M3TaZ eLLMa]

بكل فخر أفتخر أستااذ يوسف

وراك ما شاء الله أروع واحد تعرض هنااا

ربي يبارك ويزيد

ونشكر الاخت راجية وايمانو لأنهم أستضافوك


باه نعرفك مليح

ربي يوفقك ياغالي

وأسئلتي راهي قريبة

​

 

[يوسےفے]

بكل فخر أفتخر أستااذ يوسف
انا أفتخر فيك لأنك صديق لي ,,,,,معدنك نادر يا كامل
وراك ما شاء الله أروع واحد تعرض هنااا
الله يبارك فيك .....لا تنسى نفسك ...راني متذكر بلي درت فيهم حاله ههههه
ربي يبارك ويزيد

ونشكر الاخت راجية وايمانو لأنهم أستضافوك
بشكرهم بدوري و اللف فرصه اني أتعرف عليكم و عرفكم على نفسي ....
باه نعرفك مليح
الله يهنيك كمـــــــــــــــــــــالنا,,,,,,الحمد الله انه فيه شخص مثل شخصك بين أعضاء منتدانا...والله مميز يا كماال
ربي يوفقك ياغالي
آآآآميــــــن يا رب ...شكرااا
وأسئلتي راهي قريبة

​

أحلى تحيه لأحلى كمـــــــــــــــال
و الله لك مروور خاص يا الغالي
الله يهنيك ....................منتظر اسئلتك
سلام​

 

[الطيب الجزائري84]

نورت الكرسي خيو يوسف ..سؤالي هو احرج موقف حصل لك ..واجمل موقف راسخ في ذاكرتك ...سلامي لك

 

[يوسےفے]

نورت الكرسي خيو يوسف
الله ينورك فالبريغاااس ..هذي غيبه
..سؤالي هو احرج موقف حصل لك
هههههه ايه مين كنت نقرى ف الجامعه نضت روطااار و لبست قشي بلخف....رحت للجامعه كي لقيت صحابي ..شافوني ..ضحكو عليا...و صديقي العزيز ماحكمش روحه بالضحك ..قلته واش كاين ..قالي تريكوك راك قالبه :cra_zy: :scared: _o: :shay: ...خزنت في بلاصه و ســgــمت التريكوووو هههه
..واجمل موقف راسخ في ذاكرتك
المواقف الجميله كثيره ...ممكن نذكر أحلى موقف .........يوم التخرج تااعي العام الماضي....كانو صحاابي تم ...بعد الأنتهااء من عرض مذكرة التخرج و أعطاوني نقطتي جااو عندي صحاابي ههههه و بلا سابق أنذااار رفدوني ..و بدااو يقيسو في لسما ...انا نهبط و هو يقيسووو ههههه ..حتى تلمست البلافون....تااع القاعه لي درت فيها التخرج ههههه...ذكريات التخرج ما تتنساااش ........هذا موقف فقط
...سلامي لك​

​

​

و أحلى سلالالام ليك فبريغاااس
ان شاااء تكون ...اجابتي موفقه
تحيه خالصه ليك يا الغلي
سلام​

​