نديرو ان شاء الله....مي مازال شوي........

[ابتسامة أمل]

اهلا بنت عمي :shiny:
حكمتك تو وش يمنعك
مليح عرفتك وش من بلاصة تسكني
ماتخلينيش نتحدث خطراكش ......
تو ندزلك ميساج ​

( الجماعة لي مافهمتش تسمحلي )​

السماح خويا ......لكن عذرا الموضوع للنقاش فقط.....فالرجاء عدم وضع ردود مبهمة أو خارجة عن الموضوع....
تحياآآتي

الحمد الله ياربي على نعمة الحجاب انا درتو من صغري والحمد الله ياربي

الحمد لله يا ربي ......رانا كيفكيف .....
الاخوات اللي مازال ماداروهش يديروه في صغرهم خير.......كل ما يكبرو تصعاب عليهم و تولي نفسيتهم تتغلب.....

السلام عليكم

أنا عندي بنت عمي وبنت خالتي مداروش الحجاب حتى وصلو للتارمينال طلعو للجامعة دارو الجلبابات وضرك راهم متزوجات وماشاء الله عليهم

أنا يا أخي درت الخمار في الأولى متوسط والحمد لله ودرت الحجاب في الأولى ثانوي

ربي يوفق لي مزال مادارتوش باش اديرو

أمين يا ربي .......يعطيك الصحة ختيتو على مشاركتك في الموضوع..........و ربي يهدي الجميع و يوفقهم لما يحب و يرضى.........

انا نقولكم حاجة لي ما ديرش الحجاب ما تشمش ريحة الجنة ماشي ختى حتى ما تدخلهاش ما تشمش ريحتها
وانا الحمد لله مدايرة الحجان عندي 4سنين
الطفلة لي ماهيش مقتانعة بالحجاب معناتها ماهيش مقتانعا بالاسلام والله والرسول صلى الله عليه وسلم ولي يكون عندو ختو ما هيش متحجبة وهو لا علاقة معناها ماهوش راجل

العزة و السعادة في تطبيق تعاليم الاسلام ......و الله لم يفرض أمرا الا كان فيه صلاحنا في الدنيا و الآخرة.........و أتفق معك أنو اللي يخلي ختو و لا مرتو تخرج للزنقة و الكل يخزر فيها و هي لابسة و ماشي لابسة ماشي راجل و أسمحولي على العبارة......و ما تقولولناش يا لبنات غض البصر.......قبل ما نحاسبوهم على غض البصر لازم نحاسبو رواحتينا على السترة و الحجاب.......

هاي باينة أختي مايديروش الحجاب باه يحلبوهم برك ويستمتعووو ب لحياة ولبعدا آي دير الحجاب كي تتزوج إن شاء الله ههه ,,,

​

وهنآ المشكل حتى تضمن الراجل على حد تعبيرهم......مي ما ننكرش بلي كاين رجال يقولولك نخيرها بلا حجاب و من بعد أنا نديرهولها؟؟؟؟؟ يعني بالنسبة للبنت ماشي سبة و ربي هو اللي يبعث النصيب ماشي التبرج......مي مام بالنسبة للشباب التفكير ديالهم راه ناقص الا يخمو بهذي الطريقة....

انا مشني متحجبة مي الله يهدينا

أمين يا رب ....... و ندعولك ان شاء الله بالتوفيق..........

الحمد لله متحجبين من زماااااااان​

مي و الله من لي سجلت في اللمة و انا نقرا في نفس الموضوع و نفس الردود
نتمنى تتنوع المواضيع المطروحة و أتمنى ان لا يأخذ ردي منحى آخر
شكرآ​

الحمد لله على نعمه........

و الله ما علابالي اذا كان الموضوع مكرر.....يعني ما قدرتش نطل ف قاع المواضيع .....مي حتى الموضوع تم قبولو من طرف المشرفين على القسم ......و لو قالو أنو مكرر و لم تتم الموافقة فحقهم...........
أشكرك على مرورك أختي الكريمة .......و ردك لم يأخذ أي منحى .^_^...

السلام عليكم​

ربي يحفظك اختي على الموضوع الهايل والمهم ​

راني درتلك تقييم
ميرسي بزاااااف :shay:​

راح نجابو على اسئلتك ​

واشنو هي الحاجة اللي تخليك ت hesité باش اديريه......
واش لازملك باه تقتنعي بيه؟ ؟؟
نحكي على روحي كما كنت في ليسي تحجبت والحاجةالي قنعتني به هي انه اولا فرض على وحدة فينا
أهم شي
.....
+ الصحبة الصالحة خارط طانت عندي صحبتي متحجبة وتبعتها
صح يا أختي الصحبة الصالحة تلعب دور هام تاني
و لوكان واحدة فيكم عندها صحبتها خاصها غير الحجاب واش أدير باش تقنعها بيه؟​

هدي مشكلتي انا عندي صحبتي وحدةاخرى مهيش متحجبة وعييت نقنعها به تقولي او يجني باشع ​

ربي يهديها كبيرةوادير هكة
صح و هذا اللي خلا بزاف بنات يخافوه
يعني الحجاب فرضو ربي باش يخبي زينة المرأة و ماشي باش تولي شابة كي أديريه .....الحجاب ماشي زينة.....
أنا عندي صحبتي راهي رايحة ل l'étrangéباش تكمل قرايتها و ماراهيش مازال ناوية أديرو ضرك راهم يقولو غير مازال و مازال و لعمر ما يستناش......

يعطيك الصحة حنونة على ردك ......نورتي متصفحي .....و ربي يهديهم جميعا ....هذا واش نتمناو....

السلام
واه عندك الصح
انا تاني كنت نقولهم ما نجمش نديرو بصح كس لحقت 21 عام صحاباتي هبلوني دروك راني دايراتو و الحمد و الله غي راني حاسة روحي خير ملي كنت

يعطيك الصحة و هذا هو الحجاب كي أديريه لي تحسي بالراحة........و يعطيهم الصحة صحاباتك و هاذو هوما الصحابات تاع الصح......ربي يدومها نعمة يااا رب

مافهمتش ردي خلاص الله غالــــب

والحجاب علبالنا وقتاش يلزم على الطفلة مكان لاه نحكيو فيها
وحنايا مناين نسكنو بلاصـة محآفـظة زينا زيكم
مي كي تحطلي الخيمار وشعرها نص على برا وتقولي عليها متحجبة ؟​

لا يا أختي وعلاش ما تشوفيش اللي دايرين حجاب تاع الصح و تقارني روحك بيهم؟ اللي دايرينو décapotable يحصلو بيها هوما و ربي هو اللي رح يحاسبهم ..... أنتي شوفي واش فرض ربي و تبعيه و طبقيه كيما فرضو ماشي كيما راه دايرو الغاشي.....
هكذا وحدة ما تتحجب سبتهم؟؟؟؟؟

يلزم ع الطفلة عند البلوغ يعني maximum 15 سنة.....
و الموضوع رانا دايرينو باه نقنعو اللي ماشي دايرة أديرو يعني ماشي نكتبو رد هكاك هكذا الموضوع ما عندو حتى فايدة كي قلتو....

يعطيك الصحة ختيتو على المشاركة
مي برك ملحوظة صغيرة....الحجاب راه نعمة و ماجاش باش ينقص ولا يحد من حرية المرأة .....العكس....و الباقي راكي تعرفيه.....
تحيآآتي...
​

 

[Estrella]

ماشي روح ودير الحجاب ..
الحجاب لازم الوحدة كي تبغي ديرو
اول حاجة ديرو باش ترضي ربي سبحانو ماشي باش ترضي المجتمع ولا ديرو لانو خوها ولا باباها ...خالها... سيفو عليها باه ديرو
ثاني حاجة لازم تكون مقتانعة بيه 100/100 باه مين ديرو متندمش و مايغيروهاش لبنات الي ماشي متحجبات ....
نعرف شي بنات سيفو عليهم باه يتحجبو مطولوش و نحوه باسكو داروه بسيف ماشي بالكيف ...
وانا من رايي البنت لازم ديرو باسكو راه يحميها بزاف بزاف
والحجاب معندوش الوقت باسكو حتا واحد مراه ضامن روحو يعيش منا للغدوا
موضوع فالقمة..
تشكرااااااااااااااااتي...​

 

[الورد الأحمر]

ربي يهدي عبادو ...
وربي يهدي كل وحدة مش متحجبة ...
وربي يوفق كل وحدا باش تتحجب ...
مغسي عالموضوع، سلامو
​

 

["غزالة الجزائر"]

الحمد الله انا درت الحجاب من 3 سنين
شكراا لك​

 

[chouchou rose]

انا درت الحجاب من 5 سنين
كان عمري 13 سنة

 

[ahmedzoer]

لاالة الا الله سيدنا محمد رسول الله

 

[ابتسامة أمل]

ana el hamdoulah rani fi 5ans dayra el 7ijab rabi yehdi el ba9yine

الحمد لله ختيتو و هاذي نعمة و الله....... آمين يااااا رب

تحكي على خمار ديكابوتابل :shiny:
كاين لي يديروه وكاين لي يديرو خمار كومبلي وكاين لي فزدوها بالخماااار هههه
اما هذوك تاع يبان خمارها راها عند اصحاب التل
اما ردك فهمتو مليح _o:​

يا أخي الكريم يعطيك الصحة على مشاركاتك مي هنا رانا نهدرو على التحجب ......يعني درك نبداو نجبدو ف المناطق و نعممو برك؟؟؟.... و ماراناش نهدرو بلمعاني........و التل كيما قلت كاين بززاف مناطق محافظة ماااشاااء الله......
علابالي بلي الجنوب ملتزمين أكثر بالحجاب مي ماشي مشكلنا......

هي في الحقيقة كل وحدة وكرة في لباسها الان يا اخي كاين بنات بززاف ماشي دايرين الحجاب او بعد بعد الضغط من الاهل داروها تلقهم ملحقوش شهر نحوه انا افضل البنت الي مراهيش دايرة الحجاب مكلاه ديرو ابعد تحيه يا ديرو a vie يا مكلاه

شكرا اخي على الموضوع
انا عندي اخي كان مع وحدة يعرفها كان حاب يخطبها قاللها ديري حجاب ولا كل واحد يروح في حدو للاسف محبش ديرو متاسفة على الاطالة شكرااا​

كاين أختي عفايس يتحاسبو عليها الأهل عند ربي ..... و الفرض سماوه فرض...لازم يشوفو كيفاه يقنعوها و يظلو موراها حتى تتحجب.......بلاك كي اديرو تولي تلومهم هوما كي خلاوها ...... صعيبة الدعوة ......و اللي ينحيه راهم قلال و يكذب عليك أختي كلشي من الصغر .....لازم من اللول أدير في بالها بلي تلحق un age لازم تطبق الفرض......لازم يربوها عليه.......


كاين جماعة تاع بنات يحسبو بلي الخجاب يقيد الحرية.....و ما نعرف وين راهي هاذي الحرية.....كي يديرولهم شرط تاع الزواج الحجاب يقولو بلي هاذا قبل ما نتزوجو راه يزير و يتحكم ....مور الزواج واش يدير؟
ربي يهدي هذا ماكان.....​

je le porte depuis presque 2 ans
j'ai passé une semaine avec ma cousine elle est rentré chez elle avec le hijab hihi ( je dit bien hijab pas foular et jean et likette ) les filels ont peur de perdre leur popularité je pense


moi avant d mettre le hijab j ai penser rien qu a la mer lol , j ss rester bcp d temps cette été puis j me ss promit d jamais hauter ça

مبروك عليك الحجاب ختيتو.....باينة بلي حبيتي تقتنعي بيه و أنتي اللي حوستي ماشي الغاشي اللي جا يحلل فيك.....و هذا واش حبيت نقول....
ههههههه alors là ......ghir la plage!!! هاذا فاش خممتي؟
الحمد لله يا ربي و لعقوبة للي قعدو..

الســــــــــــــــلآم​

°°°°°°°
انا تاني كنت نقول راح نديرو ان شاء الله بصح مازال
مي درتو السنة و كي درتو درتو عن قناعة
صدقوني ماهو مليح كي تديرو البنت و هي ماش مقتنعة بيه { بالغصب كيما نقولو }
لازم البنت حتى { تقتنع } بيه و تديرو باه كي تديرو ماتتمسخرش بيه​

°°°°°°°
مرسي ختي عالموضوع​

​

​

بلا مزية ختيتو.....
الحمد لله مبروك عليك الحجاب.......
je ss pa contre انو تقتنع بيه.....مليح كي أديرو عن قناعة ....مي مالازمش تستنى يجرو موراها باش يقنعوها.....لازم هي تحوس تاني ...هذا فرض و اذا ما اقتنعتش راهي مقصرة.....و le defaut fiha ماشي فلي يسيف عليها.....
يعطيك الصحة حنونة على مشاركتك
دمتي بود
تحياتي......​

بصح كاين حجاب من حجاب يا خاوتي

لازم نفهمو عفسة
كل واحدة تلتزم بالحجاب و تخطيهامن الغاشي كيفاه داروه
ما تغلطش و تقول أنا بلا حجاب خير من اللي دايراتو بتمسخير.....
هاذيك يحاسبها ربي مي أنتي تاني.....
يعني ماشي حجة....
ألتزمي بيه برك....
و اللي غلط في حق الحجاب حاولي تنصحيه هذا ما عليك....و اذا ما قدرتيش خلاص.....
يعطيك الصحة ختيتو على العودة مرة تانية للمشاركة....​

 

[فراشة الربيع95]

معليـــــش تمديلي دليل من القرآن أو السنة يقول بلي الطفلة اللي ماتديرش حجاب ماتشمش ريحة الجنـة؟؟؟؟
ننصحك يا أختـي كي تقولي حاجة يكون عندك دليل ماشي تهدري برك من راسك، وتقولي الله مالم يقل..
عمومــا أنـا مقتنعة بالحجاب مية بالمية mais الدين ماراهوش كامل حجاب كاينة الصلاة الصوم النية الصادقة، ماشي تجي تقوليلي بلي التي ماشي دايرة حجاب ماتشمش ريحة الجنة.....
غير ربـي اللي يعرف شكون اللي يدخل للجنة وشكون اللي يتعذب في جهنم، وانتي ماتعرفيش خير من ربي سبحانو.
تحيـــــــاتي لصاحبة الموضوع....​

يقول النبي الكريم صلّى الله عليه وسلم عن علامات يوم القيامة: (ونساء كاسيات عاريات مائلات مميلات رؤسهن كأسنمة البخت لا يدخلن الجنة ولا يجدن ريحها) [رواه مسلم].

 

[محاربة صحراء]

واش من حجاب راك تحكي عليه نتع فزوا والله هذاك حجاب

 

[ايمان التلمسانية]

انا الحمد لله متحجبة ودرته بلا ما يقنعوني وهاد كان من 3 سنين
شكراا على الموضوع القيم والله يهدي الجميع

 

[فراشة الربيع95]

موضوع رائع

و من ردود الاعضاء نتعرف على شخصياتهم

و بالنسبة ليا طبعا دايرة الحجاب

 

[mauvais gosse]

مي يا دزيرية الحجاب لرانا نشوفو فيه الان سروال serré وبودي وfoullard ماشي حجاب هذي mode خرجت جديدة وغدوة ممكن تظهر اخرى
​

​

 

[TeNtOuNa]

اولا كلمة "نقتنع بيه" نحيوها من قاموس الحجاب
قولو حتى ندخلو في راسي مليح ولا حتى نخمم فيه مليح
وحتى الي ماشي متحجبة وعندها مبادئ وقناعات عندي خير من الي متحجبة وضاربة بالاخلاق في عرض الحائط
والحجاب امانة اللي تديرو لازم تلتزم بيه ماشي فالنهار الجلباب وفالليل ال dançing
​

 

[خولة19]

الحمد لله انا مدايرة الحجاب لعقوبة لخرين يديروه وفاسرع وقت ان شاء الله