السلام عليكم و رحمة الله
الموضوع تع اليوم راه نحكي على واحد الظاهرة جديدة ظهرت هذا الوقت و راهي من رايحة تكثر
وحد اليوم كان عندي شغل في الجامعة أيا كي كنت نمشي عقبت على وحد ثلاث بنات يقصرو مع البعض و نسمع وحدة طيح في
الهدرة و صحابتها يضحكو كي شغل نورمال
و الله تشكويت شوفت فيهم و مبعد كملت طريقي ما لقيت وش نقول حسيت روحي انا طفلة و هما ذكورة!و حاجة اللي دوختني كثر
انو هذو البنات زعما متحجبات مليح و
يبانو بنات فاميلية كون جاو من بنات الشارع نقبلوها علابلنا هذوك يديرو كلش
و زيد يعجبك ما حشمو مني ما والو على الأقل نورمالمو كي يشفو راجل عاقب يقادرو شوي!
هذا اللي سمعتو انا برك و ما خفي كان أعظم كي يكونو مع بعضهم درى وش راه صاري
و زيد شحال من خطرة نسمع طفلة طيح مش مرة برك
واحد صاحبي قالي مرة كنت نحكي مع طفلة الهدرة تعها غير التطياح كي قالها علاه راكي طيحي قاتلو احنا عندنا نورمال
هكذl façon parler ta3na
انا طفلة اللي طيح ما نحترمهاش و طيح من عيني نشوفها ما عندهاش فرق بينها و بين الراجل !
قبل ما نكمل عندي اسئلة حاب نطرح عليكم و كل واحد يعطيلي رأيو فيه
وش رايكم في في الظاهرة هذي اسكو كاينة منها ولا حالات شاذة فقط؟
وش رايكم في طفلة اللي طيح ؟ و ما هي الأسباب اللي خلتها تهدر كيما هكذا ؟
هل الطفلة اللي طيح دليل على انحرافها الأخلاقي ؟
سؤال للبنات
هل تعرفي بنات و لا صحابتك من هذا النوع و كيفاه تتعاملي معهم ؟
و اللي حاب يزيد على الموضوع ماذابينا
و السلام عليكم و رحمة الله
