_-(( أئمة المساجد في اضراب))-_
موضوع من طرف
chemssou007
مشرف سابق
و متحصل على وسام العضو المميز
المقدمة
البحث عن المال الوفير و العيش الرغيد هو هدف الانسان من يوم خلق أول مرة، فيحق للانسان أن يسعى على وجه الأرض ليجد قوته بعرق جبينه و عمل يديه، لكن أصبح هناك هوس لا يطاق بالمال و الغنى و الأوراق النقدية التي لو أحرقتها لأصبحت غبارا و لن تجد لها أثرا و توكل الكرش عام تقولك في الأخير كليت الخبز المحروق.
المال كان وسيلة للعيش درك ولا غاية
الفقير نفهمو مي الغني كل ما تكبر كرشو و يقول"هل من مزيد" و على حساب الgليل
اللي راه يكسب بلحلال ربي يزيدلو و اللي بلحرام ربي يهديه...
و عاجلا أم أجلا تصرالهم كيما البيت الشعري
أدخل الحرام على الحلال ليكثره***فدخل الحرام على الحلال و بعثره
'بمعنى البيت'
لحرام عمرو لا دام
العرض
لو منحوني امتيازا لأعطي الجزائر لقبا، لمنحتها لقب "عاصمة التناقض" بامتياز، فتجد الواحد فينا يشكو الفقر
و تجد عنده 7 أولاد و يقولك ربي هو لي يرزق
ولا يقولولك "اللي خلق ما يضيع"....
ليعيشوا الفقر و الحرمان و ليكبروا على بيع الـGـفريط في الطريق،
تجد الواحد يشري Tv Lcd و Climatiseur Samsung و Iphone 32G
و تجده يذهب خفية باه يجيب قفة رمضان
الطمع يفسد الطبع
فهذا غياب المبادئ الذي تحدثت عنها في موضوعي السابق، فمثلنا كمثل آخر من يدخل الجنة كل ما يمدلو ربي يقولو يا ربي زيدني
فمش راح نتخلع كي يقولولي مستقبلا الأئمة في اضراب و المؤذنين مش راح يأذنو حتان يزيدهم غلام الله في شوي دريهمات
فما بعد المال المال راهو وسيلة يا جماعة شفت الألف لي تكون عندك كي تشري بيها خبزة مش كيما تشري بيها زوج Gـوارا ريم و مش كيما تحطها في يد وحدا فقيرة
المال وسيلة اذا ديرو تسعد بيه راهو راح يفرحك
و اذا راح تلم المال باه ((جمع مالا و عدده، يحسب أن ماله أخلده)) تروح تقتل ولادك بالشر باه تشري طوموبيل راني هنا شوفوني مش كيف كيف
الخاتمة
كل واحد كيفاه يشوف المال، و المال زينة و شهوة من شهوات الحياة الدنيا كيما قال ربي في قرآنه سبحانه و تعالى ((زين للناس حب الشهوات من النساء و البنين و القناطير المقنطرة من الذهب و الفضة و الأنعام و الحرث، ذلك متاع الحياة الدنيا و الله عنده حسن المئاب))
فربي قر في كتابو أن المال شهوة، لذلك مش راح نقولكم المال مش مليح لكن كل حاجا في حدود، كيما واحد يحب وحدا و يتزوجها مش كيما واحد يقعد يلعب و واحد يخدم باه يصرف صواردو على والديه و عائلتو مش كيما واحد يخدم باه يصرفهم فليكسي.
و ان شاء الله يعجبكم الموضوع،
:shay:ما تنساوش شوي تقييم و ردود:shay:
+
تحيـات chemssou007
