دبر عليا كانك صاحبي

[زهرة الجنوب9]

واش راكم لاباس ارجعت لكم يوم بموضوع جديد ونتمنى نلقى عندكم الحل المهم مانطولش عليكم عندي جارتي كل صباح راهي عندي وتجيني وقت القضية دار مانعرف كيفاه ندير نقعد معاها ولا نقضي قضيتي حشمت كيفاه ندير معاها وراسكم دبرو عليا واش ندير:cra_zy:

 

[ماكانش]

أهلا بيك زهرة
هذي حسب اللباقة تاعك
وأفضل حل عندي أنك كي تكوني معاها قوليلها اي والله مازال ماكملتش هذيك وهذيك
وراك عارفة لوحيلها الهدرة بلاك تكون لبيبة وتفهم
وبلاك وعندك أنك تقوليلها هدرة تجرحها ...

 

[ياسمين عنابة]

عليكم السلام
او قالها لك خويا سفيان يعطيه الصحة على الحل الي هو
بالظرافة والمسايسة تقوليلها عندك شغل يستنى فيك وانك ماكملتش
وهي كيفاه مدايرة لشغلها شكون يقضيلها
ماتراعيش عنده انت شوف واش يصلح لبيتك وروحك
ضايفيها وصارحيها وخلاص
وان شاء الله هي تفهم وماتزعفش

 

[sisou023]

واش نقلك اختي عندها نفس مشكلتك بصح جارتها تكون مرت حماها كيما دارتلها محبتش تحشم وعليك نتي بينيلها بطريقة غير مباشرة قوليلها راني عيانة ملحقتش شغل الدار راه يستنى فيا ولا صيبي السبة براجل الدار يعني راجلك ولا باباك ولا اخوك قوليلها ميحبش يجي و يلقاني مكملتش الشغل وربي يعاونك

 

[hiba14]

هههههههه
و علاه هي ما عندهاش دارها
ربي يهديهم كون انا ما عندي ما ندير نحشم حتى باش نقوللها بلي راه باقالي القضيان نخافها نفهم بلي راني عليها
ما عندك ما اديري في رايي و ربي يسهل

 

[المحترف 12]

صارحيها بطريقة لطيفة

من دون احراج ..............
عادى

 

[ibtesem]

واش نقولك ياختي ربي اكون معاك
بصح مرة الجاية كي تجيك وقت الخدمة قلها تشمر على ايدها معاك

مرة زوج خلاص متعودش تجيك :cra_zy:​

 

[lakhdar29]

هذه حاجة باينة بلى صباح كاين شغلات ماشي وقت الجماعة وكي جي لعندك مرة جاية قوليلها تعاونك في شغلات باه ماتزيدش جي لعندك​

 

[صدى القلوب]

واش نقولك ياختي ربي اكون معاك
بصح مرة الجاية كي تجيك وقت الخدمة قلها تشمر على ايدها معاك

مرة زوج خلاص متعودش تجيك :cra_zy:​

راني مع وش قالت واذا مافهمتش روحها قوليلها باللي متقدريش تحكي معها فالصباح لخاطلا لافامي نتاوعك ميحبوش وخلاص
ولادارت روحها مافهمتش ولي مين تجيك برك قوليلها باللي عندك خدمة واخطيها

 

[cris_realmadrid2001]

ديري الرونفوا هههههههههه
كي تجيك المرة الجاية ديري كما قالتibtesem وlakhdar29


​

 

[fouzi@04]

essaraha raha

 

[الخجولة]

نقولك الحل يا اختي لمحيلها بطريقة غير مباشرة ولا مافهمتش قوليهالها بلي راني مشطونة وراني نخدم السمحيلي الى جات فاهم تفهم ولا ............ مانيشعارف واش نقولك
وربي معاك ويكون في عونك

 

[رحمتك يا ربي]

ساهلة قوليلها تنوض تعاونك

 

[الورد الأحمر]

حالياً الأعضاء النشيطين الذين يشاهدون هذا الموضوع : 3 (3 عضو و 0 ضيف)​

‏NOUR_light, ‏النورس+, ‏شرطية اللمة+​

وأخيرا بصحتنا
جينا هايلين
ولعريس في النص هههه
​

 

[السلطانة]

حالياً الأعضاء النشيطين الذين يشاهدون هذا الموضوع : 3 (3 عضو و 0 ضيف)​

‏NOUR_light, ‏النورس+, ‏شرطية اللمة+​

وأخيرا بصحتنا
جينا هايلين
ولعريس في النص هههه
​

:sheer::sheer::sheer::sheer:بصحتنا يويويويويو

 

[lebien]

طولي بالك ختي ناس كيما هادوا كاين بار توااااااااااااااااااااااا الحمد لله انا ناعنديش حاولي الديري كيما قالك العضو 1 .سلام

 

[زهرة الجنوب9]

شكراااااا لكم على ردود وراني رايح ندير كيما قالت ابتسام على الاقل جات واحدة تعاوني

 

[زهرة الجنوب9]

رمضان وناس ادخلو وقولولي واش رايكم

سلام عليكم واش راكم مع هذه سخانة ومع دخول شهر رمضان فضيل:sheer:واش نقلكم رمضان شهر العبادة وغفران بصح انا نشوف ناس تقولي هذا شهر غول يبداو جا رمضان ويخبو المونة تقولي رايحين صحراء ما فيها والو خزنويخزنو:scared:وانتوما واش رايكم في هذه العادة:cra_zy:

 

[MA§§!N!§§A]

صارحيها قوليلها عندي شغل أرواحيلي في الوقت الفلاني نكون معاك آلاز
ونكونسونتري معاك مليح

ولا قوليلها عاوني في شغالاتي بارسك هادا وقت الخدمة ديالي
دووك ماتزيدش تجيك في هاد الوقت ^^ هادي مجربها أنا شخصيا ^^
​

 

[سارة 196]

قوليلها انا نقضي شغالي وانت قابليني
كيما نقولو الحديت والمغزل