الى كل من لم يتحصل على شهادةالباكالوريا 2011

[هآجر]

السلام عليكم

وعسى ان نكره شيء وهو خير لكم

الى كل من لم يتحصل على شهادةالباكالوريا
اقول لكم

ليست هي نهايةالعالم
يوجد فرصة اخرىالعامالقادم باذن الله
شدواالهمة
ابحثوا عن نقائصكم
واسالواانفسكم لماذا لم اتحصل على الباكالوريا

في الاخير
اسأل الله العلي القدير ان ينور دروبكم

وعليكم السلام ​

 

[sami19280]

شكرا راجية على الموضوع

تحية لكل ناجح وتحية ايضا كل من لو يوفقــ انها تحية المحاولة ان شاء الله العام المقبل نتائجهم مع الاوائل

 

[برنســ اللمة ـيسة]

مرسي أختي على هاد الموضوع اللي بيه يتشجع كل الراسبين
و انشاء الله خيرها بغيرها
لعقوبة للعام الجاي تجيبيولنا معدلات ترفع الرأس ​

 

[آمِيْرَتُه]

شكرا موضوع رائع نصيحة مني لمن لم يحصل على شهادة البكالوريا أن لا ييئس والله جربت الباك 3 مرات و الحمد الله ديتاه

و قريت و حققت واش كنت نحلم ماتنسوش الفشل هو أول مراتب القوة و النجاح و حتما من الفشل يجب أن نتعلم و مبروك

لمن نال الشهادة

 

[هآجر]

مليح يا جماعة ردوكم راح ترفع معنوياتهم الكل

تحياتي

 

[07 _H@yThm]

صح والله مهيش لفان دوموند

​

 

[إيمان قلب]

بارك الله فيك غاليتي على الموضوع
معك حق الباك ماهوش نهاية العالم برك الإنسان يتعلم من أخطاءو واللي ارتكبها هاذ العام مايرتكبهاش العام الجاي
وربي يوفقكم كااامل

 

[aneshabib]

الراسبين في باك 2011

السلام عليكم ورحمة الله وبركاته مبروك لكل الناجحين في شهادة البكالوريا 2011 اما الراسبين ولي مانجحوش ماعليش العام الجاي يجيبوه بمعدل عالي ويقراو حاجة خير من صحابهم الي فاتوهم صدقوني انا مريت بهذه المرحلة عندي خويا راطا الباك 4فوا ومبعد داه وغي تخرج لقا خدمة تمتم بوست هايل هايل هايل بزاف وانا ديت الباك تاعي قبلو وانا صغير عليه بصح راني شوماج شوفو الفرق. عسى ان تكرهوا شيء وهو خير لكم.
تقبلو مروري

 

[nina17]

فالحقيقة طعم الفشل اول مرة صعيب بزاف بصح يقولك الوقت يداوي الجراح و الضربة لي ما تطيحكش تقويك......مالا الفشل هو اول طريق الى النجاح بارسكو لي يدوق طعم الفشل هو لي يدير في قلبه و يحط بين عينيه هدفو هو النجاح

بارك الله فيك اختي على المبادرة الطيبة​

 

[نسيم الربيع]

فالحقيقة طعم الفشل اول مرة صعيب بزاف بصح يقولك الوقت يداوي الجراح و الضربة لي ما تطيحكش تقويك......مالا الفشل هو اول طريق الى النجاح بارسكو لي يدوق طعم الفشل هو لي يدير في قلبه و يحط بين عينيه هدفو هو النجاح

بارك الله فيك اختي على المبادرة الطيبة​

هذا هو الكلام الصواب
صح صعيبه بصح مهيش نهاية العالم​

 

[girl-alg]

شكرااا على الموضوع

و كيما قلتو ماهيش نهاية العالم انشاء الله العام الجاي ينجحو
و ربي معاكم و يصبركم مي لازم تخممو فيما جاي دركا
ربي ماكتبش هاد لعام العام الجاي انشاء الله
ربي يوفقنا جميعااا

 

[هآجر]

السلام عليكم
بارك الله فيكم جميعا على ردودكمال تشجيعية لهذه الفئة التي قد تحش نفسها مهمشة في هذه المرلحة
ولهذا اقول لهم لا اتم لستم مهمشين انت في بالينا دائما وندعمكم دوما
تحياتي​

 

[إحســاس بــراءة]

وعليكم السلام
بارك الله فيك اختي على اللفتة الطيبة
فعلا اخوتي واخواتي
عدم النجاح في شهادة البكالوريا ليست نهاية العالم
لانو مالازمش اولا تفقدو الامل وتنهارو بعد ماشفتو نفسكم راسبين
بالعكس هاذي النتيجة راح تعطيكم قوة اكثر واكثر وعزيمة وارادة كبيرة
باش تزيدو من العمل العام المقبل ان شاء الله
واكيد واكيد باذن الله راح تتوفقو وتكونو من الاوائل باذن الله تعالى
اذن فلا داعي للحزن او فقدان الامل
ديرو ربي في خاطركم وتوكلو على الله سبحانو وتعالى
وثانيا لازمكم ارادة وعزيمة كبيرة وثقة بالنفس انكم قادرين تتحداو كل الصعاب
كل واحد يشوف الخلل وين
وغير بالشوية ان شاء الله راح تتغلبو على كل الصعاب
انتم وحدكم وبارادتكم قادرين تتغلبو على كل صعب
والدعاء الدعاء اكثرو من الدعاء
والله ولي التوفيق
بالتوفيق اخوتي ​

 

[T4K13DD1N3]

بارك الله فيك

 

[salma2010]

ربي يصبركم ويوفقكم ونقولكم باللى الصبر هوا المفتاح انا عاودت الباك مرتين وديتو السنة صدقونى اصبرو والفرحة فى اخر السنة تنسيكم كل المعاناة والعام مش بزاف غير يبان هاكا من بعيد مى كى تقربولو يعقب بالخف ربي يوفقكم ونتمنى لكم من كل قلبي التوفييييييييييييييييييييييييييييق اصبرو برك..........نحبكم بزاف وحاسة بيكم















وتحية خاصة لصاحبة الموضوع





سلمى

 

[مريم بوز]

شكراااااااا لكم