خويا خلص parking

[nihal2011]

سلام عليكم
كيفاه راكم مع الفاكونس
روماركيت حاجة راهي في الدزاير بزاف تقلق كلمة يقولولها خلص كاين parking وين تروح يقولك خلص بزاف ولينا كي نشوفو راجل جاي نقولو parking
بصح فااقو ضركا بدا اللي يخلاصلو المصروف يدير فيها parkiiiiiiiiiiiiiing

وانتوما واش رايكم

بااااي:sad::sad::sad:

 

[Jeune Sghir Mc]

bon كاين لي داير parking بكواغطو و autorisation من عند الدولة
هاذي نوورمال راه يسترزق
وكاين لي داير parking بلا كواغط وبلا autorisation
هذا تسمى راه يطلب فالشعب ماشي يخدم

سلام
.
.
.
​

 

[hiba14]

هههههههه و تشوفي ما عندهاش شحال خالي عندو 6 شاشرة بسلامتهم و ولاد خوه 6 تاني و زوج خاوتي خوالي زعمة
قالك جا يgاري قالو خلصني باركينغ خالي ما بغاش و طيحله و عيطل لجماعة الخير اللي راها الاحمر يا حبيبتي و طلعولو دا سوطة و كي كملو حطوه عند بااب المقبرة هههههههههه
حشمونا اللي نتلاقا بيها يقولولي صح شا دارو خوالك وولادهم
ههههههههههه
بصح و الله غي يغضوني الله غالب الشبيبة ماصابتش خدمة

 

[♥بنت عنابة♥]

انا نقلك الصح كي نشوف شاب بسلامتو ماخصو والو لا باس عليه يدير حوايج كيما هادو
نلوم غير الدولة لي ماراهش تقوم بلاجوناس
انا من عندي الفين ماتزيد فيك ماتنقص
بلاك يحشم باه يطلب يقولك باركينغ انا عندي مافيها حتى عيب
الفين فرنك راي ماطلع ماتهبط​

 

[بسومة المنتدى]

وين راهي الفين فرنك....راهم يطلبو دي ميل لا حشومة لا حيا كل يوم والله غير بزاف...

 

[بنـ MaPa ـت]

وعليكم السلاام

خير من يشدو الحيط ويقعدو مستغلين بالطالع والهابط يديرو فيها مصيريفة ههه

مرسي على الموضوع
​

 

[مرام التيبازية]

سلام موضوع شباب
صح راه كل دقيقة يقولك parking بصح انا يغيضوني مساكن اي مستقبل هدا والى متى؟يقعدوا هكا ربي يحفظك شكرا على الموضوع