رمضانيات عضو .. قعدة لماوية مع .. bouchra*02 و NeيRسNe

[NeيRسNe]

اجمل موضوع قريتيه

لي وقت ماتلاقيتش بموضوع باهي
لكن سبورة نسرين موضوع ولا اروع

رائع بوجودك فيه يا سمسومة
​

 

[شجـ الروح ـون]

مساء الانوااار عليكم

مساء الفل والياسمين

امممممممم غاضتني سمسووم درتو فيها حالة
مي معليش باش نعرفوها اكثر

معليش امونتي
مدام حسام واسئلتو مش هنا
هههههه نجاوب على اي شيء

سمسووم حتى انا اتشرف اتعرف فيكي اكثر ان شاء الله

والله الشرف ليا حبووبتي
ان شاء الله

ومن جهة انك كتوومة فانا مثلك صح وفي كثير من الاحيان اعاني وحدي وفقط ....

شفتي وش تعيي الطبيعة هدي
هههه هيا نتعاونو باش ننحيوها i-o:

المهم واش نزيد نسقيك

هههه اتفضلي خيتي

سمسوم على قداش رقدتي ؟؟

البارح درت نوي بلونش
بايتة نحسب فالنجوم هههه
رقدت على 8 غير ربع
ونضت على 9
والله تقول رشولي الملح فالعينين هههه

شحال تقراي القران في النهار ؟؟

الحمد لله
نقرى اللي قدرت عليها
لكني نحاول قد مانقدر اني نقرى اكثر من 8 احزاب فاليوم
ربي يتقبل مننا برك

لفطورليوم واش راهو سقساك حسامو رانا جايين نفطرو ؟؟

مرحبا بيكم
احضرو يحضر واجبكم
وزيد علاه تتشرطو
كي تجيو تاكلو اللي كاينة ههههه

يالله ولو انو عندي اسئلة مي خلاص خليها بيناتنا ان شاء الله

براحتك حبوبتي

مرسي ليك سمسوم للعرضة
الله يخليكي يارب ويفرح قلبك
وصح فطوووووووووووووووورك

​

الف شكر ليك امونة
عالاسئلة الباهية كيفك
اللهم امين اجمعين
ربي يفرحنا الكل ان شاء الله
وانتي زادة يالحبيبة
صحا فطورك
​

 

[إيمان قلب]

هههههه حسام راح تباصيني باسئلتك :cra_zy:




مرحبا بيك
الدار دارك
ولو اني علبالي بيك فنيان وماتجيش
هههههه
​

مساء النور
واش راهم دايرين فيك ؟؟؟؟؟؟؟؟؟؟؟؟؟
تديي عيمانك ومايطلقوهاش ؟؟؟ علاش قالولك متزوجة والراجل حاكم فيها وا
لالالالالالالا انتي اربحي وعولي وراني واجدة هههه كون لايعطولنا رحلة لقندهار هههه
الله يخليك ياغالية وانا بدوري امنيتي نتلاقاك يالعزيزة​

 

[زهرة الندى]

آ سمسومة وين راكي زاليتيني قع

تجاوبي بالقطرة تقول ماعندكش الماء وراكي تشحي عليه ههههههه​

 

[شجـ الروح ـون]

مســـــــــآء الخيـــر عليكمـ​

مساء الورد والرياحين
​

سمسومــة

عيون سمسومة

واش رايك في اللمـــة ضركـ ؟

شوفي حبوبتي
انا ليا عام واشهر فقط فاللمة
كل وقت وحلاوتو
لكن راني نشوف فاللمة طورت من نفسها
وحتى اعضائها طورو من اسلوبهم
ونوع المواضيع اتحسن بعض الشيء


وعلاه في رايك تبدلت ماعادتش كيما بكري ؟

اكيد تبدلت
لانو ناسها يتبدلو
واللمة قايمة باقلام اعضائها
بالطبيعة كي يتبدل العضو تتبدل بيه اللمة
لكن نتمناو فقط انو نحاولو نغيرو للافضل
مش للاسوء

وعلاه رانا نشوفو في الإنسحاب بالجملــة ؟

لاحظت الظاهرة هدي
اكيد كل واحد ليه اسبابو
ممكن كاين منهم اللي لقا روحو غريب بين حبابو
ويمكن اللي تقاس من انسان معين
وكاين بعد الللي يحب يلفت الانتباه لاغير
الشي اللي نقدرو نقولوه
ربي يهدينا الكل
ويهني قلوبنا يارب

وكيفاه في رايك تقدر ترجع اللمة تع 2008 2009 ولا مستحيل انها ترجعـ ؟​

هههههه حبوبتي
لمة 2008 و2009 ماعشتهاش
وماعرفتهاش كيفاش كانت
على هدي مانقدرش نعطيك رايي:shay:
جاوبي عليه وحدك السوال هذا خخخخ
​

 

[شجـ الروح ـون]

آ سمسومة وين راكي زاليتيني قع

تجاوبي بالقطرة تقول ماعندكش الماء وراكي تشحي عليه ههههههه​

حرام عليك اشوكة هههه
والله الكوناكسيون عندي هي اللي راهي تقطر
3 مرات وانا نكتب فالردود تتكوبالي فالوجه
نعشي نعاود ههههه
مصيبة هنا استناي مانحكمك ههه
​

 

[شجـ الروح ـون]

اجمل موضوع قريتيه

لي وقت ماتلاقيتش بموضوع باهي
لكن سبورة نسرين موضوع ولا اروع

رائع بوجودك فيه يا سمسومة
​

ربي يعيشك نسرينو
شكرا ليك حبوبة
:shay::re_gards:
​

 

[شجـ الروح ـون]

مساء النور
واش راهم دايرين فيك ؟؟؟؟؟؟؟؟؟؟؟؟؟
تديي عيمانك ومايطلقوهاش ؟؟؟ علاش قالولك متزوجة والراجل حاكم فيها وا
لالالالالالالا انتي اربحي وعولي وراني واجدة هههه كون لايعطولنا رحلة لقندهار هههه
الله يخليك ياغالية وانا بدوري امنيتي نتلاقاك يالعزيزة​

مساء الورد وكل ماهو جميل
هههههه حقرونا يا ختي حقرونا ههههههه
اسكتي تراه قلت مايطلقوكش معناها مايطلقوكش
ماتكثريش الحديث خخخخخ
ربي يحفظك عيماني وان شاء الله نتلاقاو كي اليوم
نروح نصلي ونرجعلك
:re_gards:
​

 

[زهرة الندى]

مساء الورد والرياحين​

هههههه حبوبتي
لمة 2008 و2009 ماعشتهاش
وماعرفتهاش كيفاش كانت
على هدي مانقدرش نعطيك رايي:shay:
جاوبي عليه وحدك السوال هذا خخخخ​

هههههههههه اسمحيلي فيروستي سؤال خارج مجال التقطية حسبتك زايدة في 2009

واش رايك في الطفلة تقرا خير ولا تبقى في الدار وتتعلم الأمور المنزلية

واش رايك في الطفلة الي تروح لدار راجلها يعني قا كي زوجت وماتعرف تطيب والو

​

 

[THE GNAWIE]

و عليكم السلام نسوم .. اهلا بيك ... و شمن ريح جابك :sheer:​

مالا ذختي في الصفاحي :showoff: ههههه​

انا ما ذختش ... لقيت مدايرين مساك شعر في الصفحة تاع سامية :lol:​

سهرتك امتع خيتو :re_gards:​

هههه و الله راك غالبني رمضان يا موح:showoff:
اسكت بركْ...i-o:
خخخخخخخ ركزلي على المساكْ _o:
ربي يهنيك خو + صح شريبتك ...ْ~​

 

[شجـ الروح ـون]

هههههههههه اسمحيلي فيروستي سؤال خارج مجال التقطية حسبتك زايدة في 2009


هههههههه لالا بنيتي زايدة فال 91
اااه قصدي في 2010 خخخخخ

واش رايك في الطفلة تقرا خير ولا تبقى في الدار وتتعلم الأمور المنزلية

ها بنتي وعلاه ماتديرهمش للزوج
وش معطلها
المراة لازملها تقرى
لانو وقتنا مش كيف وقت فات
والامور المنزلية ولطبيعة محيطنا رانا نتعلموهم من صغرنا
ومش لازم نسحمو فالقراية على جالهم
ولا شا قلتي يا قطيطة ؟؟؟


واش رايك في الطفلة الي تروح لدار راجلها يعني قا كي زوجت وماتعرف تطيب والو

​

الزواج فلحت فيه
وباش يجي راجلها تديرلو ماكلة تصلح جاتها صعيبة

شوفي شوكتي
المراة علاش سماوها مراة
الا كانها تروح لدار راجلها تقولو مانعرفش نطيب
وتهلك جدو بالاوملات ههههه
علاه يجيب فيها تقعد عند "ماماها" خير
في رايي الشخصي
لازم للطفلة قبل ماتخمم فالزواج
انها تكون قادرة تقوم دارها وراجلها
والا تريح راها مليحة
i-o:i-o:i-o:
ههههه ولا وش قلتي انتي

​

 

[زهرة الندى]

الزواج فلحت فيه

وباش يجي راجلها تديرلو ماكلة تصلح جاتها صعيبة​

شوفي شوكتي
المراة علاش سماوها مراة
الا كانها تروح لدار راجلها تقولو مانعرفش نطيب
وتهلك جدو بالاوملات ههههه
علاه يجيب فيها تقعد عند "ماماها" خير
في رايي الشخصي
لازم للطفلة قبل ماتخمم فالزواج
انها تكون قادرة تقوم دارها وراجلها
والا تريح راها مليحة
i-o:i-o:i-o:
ههههه ولا وش قلتي انتي​

ايه عندك الحقـ في كلشي

مي تع الطياب وعلاه تدري هاك سقسي عيمان على رايي في تع الطياب i-o:

صحا فتوغك اتهلاي في الشربة​

 

[شجـ الروح ـون]

ايه عندك الحقـ في كلشي

مي تع الطياب وعلاه تدري هاك سقسي عيمان على رايي في تع الطياب i-o:

صحا فتوغك اتهلاي في الشربة​

ههههههههههههه
وش الالة معولة تروحي توريست ولا خخخخ
انا نديرلك ستاج براتيك
ومانطلقك حتى تولي
فحلة واللي تمسيها ماتصلح ااااا قصدي تسجى خخخخ
شربتي سايلة عليك ههههه
​

 

[إيمان قلب]

احم احم
عدنا والعــود .... راني كتبتهالك فالخاص هههه
تاريخ الميلاد .. تحبي تمديلي ق النهار والشهر معليهش ؟
مكان الميلاد ؟
ساعة الميلاد واش من ساعة زدتي ؟
داركم ... فالباطيمات ولا سكنى ؟
ايه اعطيلي اسماء المؤسسات اللي قريتي فيهم مراحلك الدراسية الثلاث ؟
هل أنتي من هواة كتابة الذكريات ؟
لو نقولك عبريلي على حياتك اللي عشتيها في سطور واش تقولي ؟
لو في عينك دمعة على من تكون ؟
وشكون اللي يقدر يرسم البسمة على وجه سمسومة؟
في رايك واش هو السن المناسب لزواج البنت ؟
تخيلات ...
تخيلي نفسك في برنامج تلفزيوني وقالولك اختاري عضو واحد اهديلو اهداء شكون راح يكون ؟
تخيلي روحك زعفانة وتحوسي ادابزي برك شكون راح العضو اللي تختاريه يدابزك ؟
تخيلي روحك وحدك فالبيت وكرهتي وحبيتي احد يأنس وحدتك شكون راح تختاري من الأعضاء يأنسك ؟
مواقف ...
كنتي تعباااااانة وماجاكش النعاس وغير كي جاك النوم كي رقدتي جا واحد نوضك وقالك سامية راكي راقدة وا واش اديري ؟
كنتي عند عايلة ودايرين أكلة تبغيها بزاف بالصح البخل ماعرضوكش ؟
كنتي عطشااااااااااااانة فالصحور طبعا وكي درتي الكاس تاع الما على فمك كي قال الله أكبر ياحفيظ واش اديري ؟
هيا بالزايد عليك

​

 

[شجـ الروح ـون]

احم احم
عدنا والعــود .... راني كتبتهالك فالخاص هههه


الملح
مابياش نكتبهالك هنا نفضحك عالفضايح اللي تفضحي فيا خخخخ

تاريخ الميلاد .. تحبي تمديلي ق النهار والشهر معليهش ؟

هابنتي التقرعيج ماشيلك فالدم
28 مارس 1991

مكان الميلاد ؟

المدية

ساعة الميلاد واش من ساعة زدتي ؟

على 21.00 هههههه

داركم ... فالباطيمات ولا سكنى ؟

نو نسكن فالباطيمات

ايه اعطيلي اسماء المؤسسات اللي قريتي فيهم مراحلك الدراسية الثلاث ؟

i-o:i-o:
ههه ممبعد نخبرك
اسرار دولة هدو هههه



هل أنتي من هواة كتابة الذكريات ؟

في بعض الاحيان
يفوتو لحظات نحتاج تدوينها
لكن على العموم لست من هوات كتابة المذكرات


لو نقولك عبريلي على حياتك اللي عشتيها في سطور واش تقولي ؟

مممممم وش نقول وش نقول
حياتي كيما الناس الكل
فيها طلعات وهبطات
حياتي عشتها تقريبا وحدي
كبرت بين كتوبي وكراريسي
اقرب الناس ليا بعاد عليا
كنت منطوية فوق اللزوم
نموت عالقراية
هههه كنت عبقرينة
راني غير هنا هنا هبلت
الناس تكبر تعقال وانا بالعكس
ها بنتي كشما تحوسي تسقسي سقسي فالخاص
ماتفضحينيش هنا خخخ


لو في عينك دمعة على من تكون ؟

دمعتي غير عند الباب عيماني
نفرح نبكي نزعف نبكي
مرات حتى يشكرني انسان نبكي ههه
زعمة حساسة قي زعمة برك

وشكون اللي يقدر يرسم البسمة على وجه سمسومة؟

الناس اللي تحبهم سمسومة

في رايك واش هو السن المناسب لزواج البنت ؟

البنت كل ماكبرت كلما نضجت اكثر
وكانت قادرة على المسؤولية اكثر
يمكن 24 ولا 25 سنة مليح

تخيلات ...

يخي خاطية لايماجيناسيون نتاع حسام هههه

تخيلي نفسك في برنامج تلفزيوني وقالولك اختاري عضو واحد اهديلو اهداء شكون راح يكون ؟

نقولو نهدي ل 20 ولا مانلعبش خخخخخ

تخيلي روحك زعفانة وتحوسي ادابزي برك شكون راح العضو اللي تختاريه يدابزك ؟

انتي خخخ

تخيلي روحك وحدك فالبيت وكرهتي وحبيتي احد يأنس وحدتك شكون راح تختاري من الأعضاء يأنسك ؟

عيماني اكيد

مواقف ...
كنتي تعباااااانة وماجاكش النعاس وغير كي جاك النوم كي رقدتي جا واحد نوضك وقالك سامية راكي راقدة وا واش اديري ؟

هههههههههه
والله خويا يديرلي اللقطة هدي اكسبري
من عادتي قبل مانرقد نفوت عليه نشوفو كشما يحتاج
ونروح لبلاصتي يوقت عليا غفيت
ويجي يقولي سامية راكي راقدة؟؟؟
ههههه علبالو لافات فطنت مانوليش نرقد
كي نقولو وش حبيت يقولي والو
كرهت قاعد وحدي
تلعتك معايا:crying_1::crying_1: :sad:

كنتي عند عايلة ودايرين أكلة تبغيها بزاف بالصح البخل ماعرضوكش ؟

ها بنتي بصحتهم
نخزرلهم في ماكلتهم ول ؟؟؟
كي نروح للدار نديرها وندخل راسي فيها هههه


كنتي عطشااااااااااااانة فالصحور طبعا وكي درتي الكاس تاع الما على فمك كي قال الله أكبر ياحفيظ واش اديري ؟


وش حاندير نحط الكاس
ونطلق راسي ههه
هيا بالزايد عليك

​

ههههههه
صحيتي يا المشرارة
​

 

[إيمان قلب]

ههههههه
صحيتي يا المشرارة
​

علاش هذا ماحطيت عسعلة ؟؟؟؟؟؟؟؟
والله نحسب روحي حطيت اكثر ايا بصحتك
صحيتي مموشتي
ولا على الدبزة حتى انا نافحالي نعطيك دبزات من القلب وراكي عارفة السبة علاش ههه

 

[شجـ الروح ـون]

علاش هذا ماحطيت عسعلة ؟؟؟؟؟؟؟؟
والله نحسب روحي حطيت اكثر ايا بصحتك
صحيتي مموشتي
ولا على الدبزة حتى انا نافحالي نعطيك دبزات من القلب وراكي عارفة السبة علاش ههه

هابنتي ماشبعتيش ول ؟؟؟؟؟
ههههههههههه
علبالي نتي تاني باغية تصرعيني بزوج دبازي
معليش معليش
تموني حبوبتي i-o:
​

 

[Moha le sage]

صح فطوركم


سامحيني اسامية بزاف .. مش انا لي نغيب ... فوق يدي



من بعد ان شاء الله نحاول نجي

اني شوي مريض و حاكمتني فيبلاس من البارح ..

ان شاء الله نقدر نجي نسهر معاكم


​

 

[ملاك هبة الرحمان]

سلامو عليكمو ورحمتو الله وبركاتهو
صحا فطوركمو
ان شاء الله نولي ضيفة عندكم'ضيفة خفيفة مش ثقيلة)
هههههههههه نعرض في روحي

 

[إحســاس بــراءة]

السلام عليكم
صحة فطوركم خاوتي
ان شاء الله تكونو كامل بخير​