رمضانيات عضو .. قعدة لماوية مع .. bouchra*02 و NeيRسNe

[NeيRسNe]

- ماذا تعني لك * خنشلة؟
خنشلة هي ولايتي اللي زدت و تربيت فيها و راني نسكن فيها


مازرتيش ولاية غير ولايتك؟؟

 

[Houda Chaouienne DZ]

3ـكلمة تجسد هدف هدى من هذه الحياة؟
الجنة
4ـ شخص تعتزي به كثيرا وهو مثلك الاعلى ،من هو؟لماذا له كل هذا التقدير؟​

هو قدوتنا هو الرسول صلى الله عليه و سلم
أما الاشخاص لي حولي
أبي هو مثلي الأعلى
بابا ناس ملاح بزاف و يحب الخير للعباد
و يآثر الناس على نفسو
​

 

[Houda Chaouienne DZ]

هدى و رمضـــــــآن متفاهمين ولا لا ؟؟
آسكو يغلبك ولا تغلبيه ههه ؟؟
متفاهمين و الحمد لله .. مي السنة ديفوا يغلبني ياو سيرتو مع السخانةة و الله نموت بالعطش .. هه
خيتوو واش تقولي في المستوى التعليمي لي وصلنالو ذركا ؟؟
ايييه .. مستوانا التعليمي تدهور بزاف
واحد يدي الباك بـ14 مايدير بيه والو
كارثة
لوكان جاتك فرصة و حكيتي مع بن بوزيد واش تقوليلو ؟؟
{ بيناتنا قوليلو ينحيلنا الاجتماعيات في الباك ههههه }
ههههههههه .. نقولو روح اخطي جدنا .. و نقولو ينحي المواد الادبية من الباك .. هههه
ألـــــــــــــــــــوآنك المفضلة ووعلاه ؟؟
نموووت ع الأحمر
اوصفيلنا البلاصة لي تحبي تروحيلها كي تكوني زعفانة ولا مديgوتيا ؟؟
نقعد في شومبرتي .. نقفل الباب و نطفي الضو و مانحكي حتى مع واحد
واش تقولي للناس العزاز عليــــــــــــــــك ؟؟
​

ربي يحفظكم و يطول عمركم و يخليكم ليا
و ربي يرضى عليكم
​

 

[Houda Chaouienne DZ]

صح فطووووووووووووووركم كامل
ان شاء الله تكونوا بخير يارب
هدهد عمري اسمحيلي مكنتش هنااااا
وراني مشغووولة
دووووووووووماج كنت حابة نكون معاكم ونهبلك شوية ههههه
آآآآآآآسفة حبيبتي
الشاوية تاعي منخافش عليك انتي الحرة بنت الشاوية
يالله اخليكم سهرتكم ممتعة ان شاء الله
ولكي اسمى تحياتي الحارة الزين
​

معليش امينة
ماكانش مشكل
مارسي
​

 

[Houda Chaouienne DZ]

هدهد واش تحب تكون في المستقبل ان شاء الله ؟؟
حبيت و إن شاء الله رح نكون طبيبة نساء
la_safa اعطيني رأيك في روحي ههه ؟؟
الله يبارك صفصوفة ناشطة بزاف .. و ناس ملاح ..
ربي يخليك
هدهد واش تعرف تطيب ؟؟ آسكو شاطرة في الكوزينة كيما راهي شاطرة في اللمة ؟؟
نسيت ههه .. نعرف نطيب البيتزا اكثر حاجة .. نطيب وش يطيبو البنات عادي .. وشي هو مانطيبش الخميرة و العيش ههه نكرههم
الباقي نطيب نورمال .. محاجب .. شوربة .. كسرة .. الخ
كيــفآه تعرفتي على اللمة ؟؟


​

عن طريق البحث في قووقل
ماشفيت اذا كنت نحوس على أزياء ولا حلويات
حتى لقيت روحي فاللمة
عجبتني و سجلت فيها
نهار ردو الباك 2010 هههه
​

 

[Houda Chaouienne DZ]

​

مارسي نسرين
ربي يعيشك
​

 

[Houda Chaouienne DZ]

هدهد سسير قلقتك بالاسئلة تاعي قولي الحق هههه ؟؟
هههه .. لالا بالعكس عجبوني على العموم ههه
واش هي هواياتك ؟؟
هاكي تشوفي فيا نظل فاللمة و تقوليلي هواية .. باينة هوايتي النت .. هههه
بكري قبل ماتكون النت كانت هوايتي المطالعة
مي ذرك ماوليتش نطالع بزاف غير مرة على مرة كي يبخصني بابا .. هههه
عرفينا بخنشلة ؟؟
خنشلة ولاية في الشرق الجزائري .. محدوحة بتبسة شرقا و أم البواقي شمالا و باتنة غربا و بسكرة و الوادي جنوبا
خنشلة هي الولاية اللي انطلقت فيها أول رصاصة في ليلة أول نوفمبر 1954
سكانها معظمهم شاوية .. تعرف بمناطق سياحية عديدة مثل حمام الصالحين .. حمام اكنيف .. جبل شلية و المناظر الرائعة لي فيه
كيفاه تفوت ايامك في رمضان ؟؟
مانوضش بكري .. ندور شويا فالدار نصلي الظهر نقرا شوي قرآن نكوناكتي مع اللمة نصلي العصر و نروح للكوزينة مع يما و نبقا نطل ع اللمة سيرتو المسابقة ههه .. حتى يأذن المغرب .. نروح نفطر .. و نغسل الماعن .. نتفرج الجمعي ههه .. نصلي التراويح .. اومبعد نكوناكتي مع اللمة
لمن تهدي :
باقة ورد ؟؟ منيني
كارت روج هههه ؟؟ هههه
بوراكة ؟؟ لبشرى و نسرين ههه
كاس تاي ؟؟ ليك نتي
بيت شعري ؟؟ لاعضاء اللمة

للاعضاء برك

هيا خيتو ارواحي و نزيدولك
​

شكرا صفصوفة .. ههههههه

​

 

[NeيRسNe]

اوصفيلنا البلاصة لي تحبي تروحيلها كي تكوني زعفانة ولا مديgوتيا ؟؟
نقعد في شومبرتي .. نقفل الباب و نطفي الضو و مانحكي حتى مع واحد


و ماتخافيش
​

 

[*amina*]

السلام عليكم ورحمة الله تعالى وبركاته
واش راكم واش راكي نسرين نجي نحرم شوية بحتى كيلو ولا قنطار تاع اسئلة
شكون راكم عارضينو شكون؟؟

 

[Houda Chaouienne DZ]

راني رجعت : واش تعنيلك اللمة؟
اللمة منتدى ندور فيه بزاف .. اكتسبت فيه صداقات منهم نتي
هل تقدري تعيشي بلا بيها؟
جربت عشت بلا بيها كي راحت و تعطلت .. مي صامتة الحالة بلا بيها
واش عطاتك اللمة واش عطيتيها انت؟
اعطاتني صداقات .. عرفاتني على عقليات .. اعطتني معلومات .. ثقفتني .. خلاتلي مساحة باش نناقش ... الخ
انا مانظنش اذا عطيتلها حاجة كبيرة نتوما تحكمو
واش من قسم تحبي ؟
ماكانش قسم محدد ندور فاللمة كامل .. مي من قبل كان يعجبني واش راك تهدر كثر
شكون قدوتك فالحياة؟
بعد نبينا صلى الله عليه و سلم .. أبي
شكون قريب ليك من العائلة؟

أمي هي أقرب إنسان ليا
​

 

[NeيRسNe]

مارسي نسرين
ربي يعيشك
​

قوليهالي بالامازيغية ولا الشاوية :shiny:
​

 

[NeيRسNe]

السلام عليكم ورحمة الله تعالى وبركاته
واش راكم واش راكي نسرين نجي نحرم شوية بحتى كيلو ولا قنطار تاع اسئلة
شكون راكم عارضينو شكون؟؟

اهلا امينة صحا فطورك حنونة
اليوم هدى الشاوية معرضة
وكاين عضو غايب من ضيافها مرحبا بيك ادا حبيتي ترومبلاصيه

و امينة ماتنسيش نتي راكي معروضة هنا فالسهرة تاع بعد غدوة اوك
​

 

[NeيRسNe]

بوراكة ؟؟ لبشرى و نسرين ههه

هههههههههه يعطيك الصحة بنينة نتي طيبتيها ايا قوليلي هدى واش تحب فالبوراك يعني واش تحب دير الحشوة تاعه

​

 

[Houda Chaouienne DZ]

الســـــــلآم عليـــكم
و عليكم السلام
ماهي امنياتك في الحيــــــــآة ؟؟
جاوبت منقبل .. نرضي ربي و والديا .. نخدم مجتمعي .. نعيش سعيدة
موقف محزن ؟؟
كي غرق راجل عمتي فالبحر قدام عيننا و مات ....
كي تكوني مظلومة واش تديري ؟؟
شوفي صفصوفة انا مانقيمش العباد بزاف .. لي ظلمني بينو و بين مولاه ..
كي نتظلم نتفكر ربي
نفرضو هدهد راحت للبحر واشمن بحر تروحي ؟؟
كل مرة وين .. رحت كي كنت صغيرة لتيبازة .. و رحت لجيجل .. القل و تونس .. بنزرت و سوسة ...
و مع من ؟؟ آسكو يخلوك اهلك تروحي للبحر مع صحباتك برك ؟؟
نونو .. نروح مع أهلي ولا نقعد في داري هههههه
كاشما رحتي لرحلات في وقت الدراسة ؟؟ احكيلنا شوي على المغامرات لي درتوهم ؟؟
​

اييييييه رحت مرة للرحلة
داونا لغوفي .. و يخي هي بلاصة فيها الآثار و لتحت فيها الواد
رحنا تغدينا الاساتذة قاعدين حنا هبطنا للماء
و قعدنا نلعبو فيه و الاساتذة يحوسو ههههه
و شفيت كنت انا و آمال .. moli_dz
و جا الاستاذ تاع الفيزيا دارلنا تبهديلة .. هههه
و قالنا نقول للشيخ تاع الشريعة يقيم عليكم الحد ههه
و حنا تشوفينا كيفاه ولينا بالما .. من الراس للرجلين .. حالة كبير
مي ايامات هاييلين
​

 

[Houda Chaouienne DZ]

هدى الدعوة ظلمات عنذي هههههههههههه

غاذي نسألك لو كان يقولولك وصفينا منيني واش دقولي؟
ههههههه .. نقولهم منيني المتمردة .. منيني حنينة ناس ملاح ربي يخليها .. قلبها كبير .. و تشتي الناس بزاف
شكون هما الأعضاء لي ترتاحي لهم؟
كاين بزاف
واش هو الموضوع لي تحبي تشاركي فيه؟
مانعرف
واش رايك في رمضان نتاع هذا العام؟
رمضان تاع السنا واعر ياو
صحة سحورك و ليلة سعيدة و غذوة ان شاء الله الظلمة راهي طاحت عنذي فالميكرو ههههههه

ههههههههه
اوكي الله يسلمك
و نتي زادا
​

 

[Houda Chaouienne DZ]

اكث نتش كرهغ ايسركوسن
ولتما تهلا دي اروحنم وgي لقرايتنم
رباشينجح نشالله وشميعطا فولنم ايحلان

صح سحوركم ياجماعة
تعيشي ياهدهد ربي يوفقك في قرايتك ​

آمين .. ما يخس ربي
تصبحذ سلخير ايمان
​

 

[NeيRسNe]

واش رايك في رمضان نتاع هذا العام؟
رمضان تاع السنا واعر ياو


واش لي واعر فيه
​

 

[*amina*]

اهلا امينة صحا فطورك حنونة
اليوم هدى الشاوية معرضة
وكاين عضو غايب من ضيافها مرحبا بيك ادا حبيتي ترومبلاصيه

و امينة ماتنسيش نتي راكي معروضة هنا فالسهرة تاع بعد غدوة اوك
​

احوجي باغيين تحبسوني؟
اوكمعليش مي بشرط متخبروش أمين حاجي سي نو يخلفها مني على السائلة لي عطيتهملو ههههههههه
ميرسي عليك ختي نسرين وميرسي على العرضة ان شاء الله نلبي الطلب بصح قوولي كاش حاجة تاع رهج نبغي الماكلة انا
ايا بون نوي
تصبحو بخير راني خمرت قدام الميكرو شربت قهوة باه منرقدش وحصلت اس
سلام عليكم

 

[Houda Chaouienne DZ]

أزول ثعزيزثيو ثشوثيو
أزول اثاقبايليث
هدوش حبوبة اسمحلى

هذا وين جيت وشفت الرسالة تاعك

خسارة كنت معولة نكون بيناتكم هههه
اوكي معليهش .. سقسي برك

بالصح منقدرش نروح بلا منخلى لك شوية أسئلة

منقدرش منسألش الله غالب هههه


أولا تفضلى بصحة والهنا:

ربي يعيشك امولة
بنين بزاف
1_هدوش اختاري في رمضــان تفضلى

السهر او النوم مبكر .
السهر
التلفزيون او اللانترنت.
الانترنت

2_واش الفرق لما كنا نصوم في وقت الدراسة
والأن في وقت العطلة؟
ايه ثما رمضان فالشتاء ساهل بزااااف
و القراية تفوتي معها الوقت
مي كومام العطلة مليحة باسكو ترقدي كيما تحبي و تصلي و تقراي القرآن كيما تحبي
3_اول مره صمت هدى كم كان عمرها ؟
هههه ما شفيتش وقيلة 9 سنوات
4_
اذا سمحت لكى الفرصه لدعوة أي 3 أشخاص على الفطور او السحور
فمن تختارى من اعضاء المنتدى ؟؟
منيني .. امينة16 .. و اشراقة الامل
و اسمحولي البقية
واسمحولى علبالى رانى دخلية على الموضوع ههههه


ليلة سعيدة
​

نو حبيبتي امولة .. سقسي برك اي تخلينا نسرين
هههههههه .. يخي كيف كيف ا نسرين
​

 

[Houda Chaouienne DZ]

- ماذا تعني لك * خنشلة؟
خنشلة هي ولايتي اللي زدت و تربيت فيها و راني نسكن فيها


مازرتيش ولاية غير ولايتك؟؟

اكيد زرت ولايات اخرين
كي كنت صغيرة مرة رحت للبليدة و تيبازة ماشفيتش ايقزاكت على الولايات اللي فت عليهم
مي شفيت برج بوعريريج و شفيت بومرداس و العاصمة و خرين نسيتهم
مي كي وليت نشفا .. اكيد زرت الولايات لي حذانا باتنة ام البواقي تبسة بسكرة الوادي
قالمة عنابة الطارف قسنطينة ميلة سكيكدة جيجل بجاية سطيف ..
​