طلب وصفة

[عاشقة الوردة]

سلام
حابة نطلب منكم وصفة بوزلوف محمر جابوهلنا اليوم وقالولي طيبيه
عاووني بكاش وصفة
راني نستنا

 

[MĺŹǾ žĕĥÔŖ]

شوفي حنونة لقيتها في احدى المنتديات فللأمانة منقولة هادي الوصفة

حبيبتي شوفي بالنسبة للبوزلوف طيبيه اولا في الماء والملح اوفوريه كيما تحبي انا نحب نفورة باش ليدام تاعو كامل يهبط في القدر اللي فورت فيه ومبعد حطيه خليه يبرد شوية ونحيله العظام كامل بعدها حطي اناء ودوزني فيه الصلصة تاع البوزلوف اللي هي ثوم مدقوق+فلفل حار+فلفل اكحل +كروية +مقدار من الزيت+ملعقة طماطم مصبرة وشوية ماء خلطي كلش مع بعض ورمدي البوزلوف في الخلطة وحطي في اناء المطهى بعدها فرغي لاصوص اللي قعدت فوقه وقطعي المعدنوس من فوق ودخليه للفور
بقى التزيين مبعد من اختصاصك وشهية طيبة

وإن شاء الله نكون فدتك ولو شوية​

 

[MĺŹǾ žĕĥÔŖ]

وكاين وصفة اخرى فلكوشةبوزلوف طيبيه فلكوكوطمع ملح وثوم ثم لما يطيب صفيه وقطعيه قطع صغيرة
ثم ديري بصل رقيق+ زبدة + ملح وفلفل اكحل + حبة طماطم مسكرفجةتقليهم + كاس ونص ماء + البوزلوف وتخلطي الكل وديريها في صينية تاع كوشة ودخليها حتى تنشف ثم نضرب 3 بيضات مع المخ والمعدنوس ونسقي الابوزلوف ودخليهم للكوشة حتى ينشف البيض وشهية طيبة نشا الله يعجبوك


منقول
​

 

[عاشقة الوردة]

شكرا اختي على الافادة

 

[AMINA AMOUN]

ختي حنا بوزلوف نطيبوه بالماء و الملح في كوكوط كيطيب نفصلو اللحم على العظم ونديروه في شكشوكة ديال البصل و الفلفل الحلو و الثوم و المعدنوس و شحال بنيييييييييين

 

[عاشقة الوردة]

مارسي اختي
ربي يخليك