- ضيف السهرة الثامن < نجاة40

الحالة
مغلق ولا يسمح بالمزيد من الردود.

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,540
الحلول
4
نقاط التفاعل
13,909
النقاط
2,156
الجنس
ذكر

245dba7e8bd8bb50ff.jpg


رمضان مبارك لكل المسلمين ورواد اللمة الجزائرية خصوصا .
اخواني اخواتي طيلة شهر رمضان سنستقبل كل 3 أيام ضيف كريم عضو من أعضاء اللمة
كما درجت العادة وضيفنا هذه المرة سيكون :


96af3a3d67fc123575389ec061ebfc9b.gif

نجاة40
:: عضو برونـزي ::
star2.gif
star2.gif
star2.gif
star2.gif
star2.gif



فمرحبا أهلا وسهلا في ركن سهرة مع ضيف
 
اهلا بيك وبكل اعضاء وعضوات اللمة نتاعنا
وان شاء الله نكون عند حسن ضنكم
 
السلام عليكم
:::
اهلآ نجآة الحمد لله على سلآمتكــــ لحقتي قبل مآ نلحق نحن
::
اقامـة طيبــة
::!!!
عرفينآ علي،ــكي !

صحــة فطورك و صح رمضانك
 
السلام عليكم
:::
اهلآ نجآة الحمد لله على سلآمتكــــ لحقتي قبل مآ نلحق نحن
::
اقامـة طيبــة
::!!!
عرفينآ علي،ــكي !

صحــة فطورك و صح رمضانك

وعليكم السلام ورحمة الله
اهلا بيك حنونة والله يسلمك
شفتي انا وصلت قبلك نعرف نجري
هههههه

انا نجاة 22 سنة كملت قرايتي غير هاذ العام وراني نخدم ذرك
ادماج بيان سير الحمد لله خير من الدار واذا سهل ربي نحب نزيد نكمل قرايتي
نحب اللمة وعضوة قديمة فيها
نعرف اعضاء ماشاء الله راهم كي خاوتي
وعمري ماننساهم
ومرحبا بيك عندي ومرحبا بيا عندكم
 
بسم الله الرحمن الرحيم
السلاتم عليكم ورحمة الله وبركاته
رمضان كريم
تقبل الله منا ومنكم صالح الأعمال
وبعد:
أهلا وسهلا بكـ الأخت: نجاة40
نتمنى لكـ سهرات طيبة مع أحلى أعضاء هنا
لي عودة لوضع ما يجول بخاطري من أسئلة
سلام


 
السلام عليكم
اهلا بأختي نجاة
اتمنى لك اقامة طيبة في ضيافة منتداك طبعا
اختي ممكن نتعرف
اسمك
سنك
مؤهلاتك
هواياتك
كيف تقضين ايامك الرمضانية
كم حفظت من كتاب الله
من اي ولاية انت
ماالركن المفضل لديك في اللمة
كيف تنظرين الى مستوى اللمة
بم شعرت وانت على كرسي الضيافة
نحن نحدق بك ما السر الذي تبيحينه لنا حصريا خخخ
سأعود ان شاء الله
في غضون ثواني يصل اليك فريق التحقيقات الخاصة بمنتدى اللمة
اهتمي بنفسك وخليك قوية
 
بسم الله الرحمن الرحيم
السلاتم عليكم ورحمة الله وبركاته
رمضان كريم
تقبل الله منا ومنكم صالح الأعمال
وبعد:
أهلا وسهلا بكـ الأخت: نجاة40
نتمنى لكـ سهرات طيبة مع أحلى أعضاء هنا
لي عودة لوضع ما يجول بخاطري من أسئلة
سلام



اللهم امين ربي يقبل علينا وعليكم اجمعين
ومرحبا بيك وباسئلتك
 
السلام عليكم
اهلا بأختي نجاة
اتمنى لك اقامة طيبة في ضيافة منتداك طبعا
اختي ممكن نتعرف
وعليكم السلام ورحمة الله وبركاته
اهلا بيك اختي لعزيزة
اسمك
نجاة
سنك
22
مؤهلاتك
ماستر 2 فالمالية
هواياتك
السفر والطبخ
كيف تقضين ايامك الرمضانية
انا نخدم حتتى 15 يعني نروح تعبانة نرقد ونصلي ونعاون خواتاتي شوي هك وشوي هك
كم حفظت من كتاب الله
شوي سور وشوي آيات لي نقدر نصلي وندعي بيهم
من اي ولاية انت
خنشلة
ماالركن المفضل لديك في اللمة
واش راك تهدر و ركن الطبخ الجزائري
كيف تنظرين الى مستوى اللمة
فور بزاف مالقري فقدنا بزاف ناس وبزاف لي راحو خلاو اللمة لعزيزة مي باقية ديما منورة وديما هي لي تلمنا منتدى تقدري تدهليلو قدام اختك ولا قدام خوك وماتلقايش فيه حاجة تخليك تحشمي بيها قدامهم مستواها بالنسبة ليا انو با ريت كل المنتديات كيما اللمة ربي يحفظ لي قايمين عليها ويزيدها في ميزان حسناتهم على كل خير راهم يحاولو يوصلوه للناس
بم شعرت وانت على كرسي الضيافة
والله فرحانة ختراه بعد 4 سنين حسيت روحي مانيش منسية وتفكرني الاخ فريد ربي يتفكرو بالخير
نحن نحدق بك ما السر الذي تبيحينه لنا حصريا خخخ
سر سر مممممم
نقولك بصح ما تبيعيش بيا
اني مانيش رايحة نخدم غدوا يا اختي لعزيزتة حبيت نرقد ههههههههههههه
سأعود ان شاء الله
في غضون ثواني يصل اليك فريق التحقيقات الخاصة بمنتدى اللمة
اهتمي بنفسك وخليك قوية
ماتخافيش حنونة اني قوية هاتي برك سيرتو اليوم اني كليت بوراك حار حار حتى تقويت
مي الاسئلة نتاعك بالاكي يكونو حارين
انا اختك ومرحبا بيك وبالفريق نتاعك
ةللللللللللللللللللللللللللللللللللللللللللللللل
 
آخر تعديل:
عودة’’
ولكنها ليست عودة الأمل
بل عودة تحقيق ههههـ
بسم الله نبدأ

---
كلمة حول مسيرتك في اللمة بشكل مختصر
-
تشهد الجامعات الجزائرية تدفق كبير على شعب التجارة بمختلف إختصاصاتها
هل يرجع هذا لضعف مستوى هذه الشعبة؟ أم لتفرعاتها الكثيرة؟
وكيف هو المستقبل معها؟

-
يقولون:
النفس القوية..لا تعرف الإستسلام
كيف تعربين هذه المقولة على حياتك الشخصية؟
-
نتقابل مع الناس بشكل مستمر
ولكن لا نتقابل مع أنفسنا إلا نادرا ما
هل تحاكمين ضميركـ في أحيان ما؟
-
مستقبل الجزائر بعد الثورات العربية
كيف ستشرق شمسه في نظرك؟
-
هل تربط نجاة نفسها بالخيال أم بالحلم؟
إذا عرفنا كل منهما على النحو التالي؟
الخيال: هو تمني أشياء مستحيلة
الحلم: بناء أشياء ممكن أن تتحقق
-
كلمة عامة تلخصين بها رؤيتكـ للحياة

----
---
--
-
أرجو أن لا تكون أسئلة ثقيلة
كمانتمنى لكـ جلسة مريحة
مع مكتب التحقيقات الفيدرالي


 
السلام عليكم
صبآحك فــــــــــل و ياسمين يا احلى نجآة
وا شراكي اليومآ !^
انتي عضوة قديمــــة فهل فعآليتك في اللمــة كآنت كذلك يعني نشوف اعضاء مسجلين من 2007 بصح مشاركآتهم لم تظهر الا في الاعوام الاخيرة ^! فهمتي عليآ _
تحبين قسم واش راك تهدر فهــل انتي من محبي الكلآم الكثيــر امآ انك من النوع الذي صمته اكثر من كلامه !^
قوليلي الصرآحـــة كنتي تعرفيني قبـل مآ ما تشوفيني في هذ الموضوع ^^ ؟
كم منتدى انتي مسجلــة فيه
واش تعرفي طيبي !
مآ هو الحلم الذي لم يتحقق بعــد !
هل تُحسدين من الناس اللي حولك ؟
مآ رأيكـــ بالحياة ؟
مآ هي ميولاتكــ في اوقات الفرآغ ؟
هل الفن يعني لك شيئ ؟
هل ندمت على اختصاص دراستك ؟
نجآة و هي طفلة هل كآنت مشاغبــة .ام عاقلة ؟
هل اسرتك تعتمد عليك في اغلب الامور ؟
كلمـــة شكر لمن تقولينهآ ؟
قوليلي اول شيئ يخطر ببالك لمآ تسمعي هذ الكلمآت :
الامآن .................
الابوة ....................
غزة ....................
القهوة .................. ^^
الصبر ................
الطمأنينـــة ,,,,,,,,,,,,,,,,,
السعادة ...........
الحزن ..................................
العيد ......................
الحب .....................
الجنة .................
الماء ...................
الشوربــــة ..................^^
ايروكآ .....................

اعز عضو عندك ؟
اين تصنفين نفسك في خلية المجتمــع ؟
مآ لونك المفضل ؟
هل انتي مع او ضد المرأة المتزوجــة التي تعمــل ؟
كـم ساعة تقضينهآ في اللمــة ؟
النت بالنسبة لكــ : ترفيه ام تسلية ام لعب ام لهو ^^
اول اقاربك تزورينه في العيد ؟
كم نوع حلوى ستصنعين في العيد ؟
هل اشتريتي ملا بس العيد ؟
..............
هذا مآ كــــــــــــآن ختي نجآة ^^
اذا قدرت نرجعلك
سلاموووو
 
نسيت نقدملك شيئ يبهــج الروح ..........
اكيد انتي من محبي الورد ^^
تفضلي انتقءاتي ...
k-loody-7542ad56a0.jpg


vTZ42940.jpg


8b8ad87759.jpg


yoZ94269.jpg



 
و اذا تحبي الشكولآطـــة رآني جبتلكـــ بصح خبيهآ لعشية ,,,^^
22219alsh3er.jpg


الياً الأعضاء النشيطين الذين يشاهدون هذا الموضوع : 2 (2 عضو و 0 ضيف) ‏eureka, ‏نجاة40
امالا
هذي ليا و ليكـــ
image-photo-recette-17953857ea5d4bdb0c3f372c46c6d4ae-5126-chocolate_pudding.jpg
 
عودة’’
ولكنها ليست عودة الأمل
بل عودة تحقيق ههههـ
اهلا بيك
بسم الله نبدأ

---
كلمة حول مسيرتك في اللمة بشكل مختصر
الحمد لله مادرتش حاجة تخلي الاعضاء يتفكروني بالشر صح مانيش هاديك لي ديما ندير مواضيع وقليل لي يعرفوني واغلبيتهم قدماء هنا فاللمةت مي الحمد لله راني مرتاحة
وصدقني اللمة مارجعتش نقدر نخليها حتى وادا مادرت والو المهم نطل برك
-
تشهد الجامعات الجزائرية تدفق كبير على شعب التجارة بمختلف إختصاصاتها
هل يرجع هذا لضعف مستوى هذه الشعبة؟ أم لتفرعاتها الكثيرة؟
وكيف هو المستقبل معها؟

شوف نقولك هو من حيث المستقبل اي باينة شوي تمرميد مع شوي جريات وانت حكمت بوست ومانكذبش عليك اذا قتلك فيها مستقبل ختراه المسابقات فيها بزاف وفي اي حاجة تقدر تشارك اما انها ضعيفة تنقولك انو جامعتنا هي لي ضعيفة روح شوف جامعات برا كيفاه يهتمو بالشعبة هاذي بالذات ختراه هي لي تمشيلهم لبلاد وهي لي تكبرهم وتوصلهم للعالمية دخلت مرة لموقع نتاع جامعة باريس والله تشوكيت من الشعب لي يقراوها وحتنا قاعدين غير مع المالية والمحاسبة
ربي يصلح بلادنا هاذا مانقول
-
يقولون:
النفس القوية..لا تعرف الإستسلام
كيف تعربين هذه المقولة على حياتك الشخصية؟
صحيحة 100% ونزيدلك معاها الايمان بالقضاء والقدر انا مريت بظروف قوية عليا بزاف بزاف ولحد الان وراح تبقا معايا طول حياتي مي الحمد لله راني راضية بالشيء لي كتبهولي ربي سبحانو وبزاف ناس كي يشوفوني والله العظيم يقولولي طلعيلنا المورال رغم اني في داخلي تعبانة
-
نتقابل مع الناس بشكل مستمر
ولكن لا نتقابل مع أنفسنا إلا نادرا ما
هل تحاكمين ضميركـ في أحيان ما؟
-نعم خاصة اذا انسان قلقتو بدون قصد ولا جرحت انسان بدون قصد
مستقبل الجزائر بعد الثورات العربية
كيف ستشرق شمسه في نظرك؟
واش نقولك عندي كتاب اسمو بروتوكولات صهيون اذا قدرت دبرو واقراه ذرك تفهم بلي هاذ الحروبات والثورات كامل راهي من تحريك الصهاينة
اما الجزائر صعيبة عليهم بزاف بزاف وربي ديما معاها الحمد لله حنا ولاد الهواري بومدين وماشي من والا يجي يشعل فينا فتنة
هل تربط نجاة نفسها بالخيال أم بالحلم؟
إذا عرفنا كل منهما على النحو التالي؟
الخيال: هو تمني أشياء مستحيلة
الحلم: بناء أشياء ممكن أن تتحقق
نربطها بالحلم ونحاول نحققو لكن مانربطش بيها خياتي 100% لانو ممكن تتحقق وممكن لا واذا ماتحققتش لازم نقدر نواجه الامر الواقع ونرضى بيه كيما هو
-
كلمة عامة تلخصين بها رؤيتكـ للحياة

----
والله انا عندي قناعة كبيرة بالمكتوب والقضاء والقدر يعني الحياة تمشي كيما يحب مولانا
اذا رضينا بيها راح نرتاحو واذا حاولنا نقنعو رواحنا بلي ماهوش عدل وبلي مضلومين راح نتعبو بزاف
ربي اذا بكاك راح يفرحك واذا نحالك راح يعطيك واذا تعبك راح يريحك لانو عادل
صدقني لوكان ديرها في بالك راح تعيش مرتاح
-
أرجو أن لا تكون أسئلة ثقيلة
كمانتمنى لكـ جلسة مريحة
مع مكتب التحقيقات الفيدرالي

اسئلة هايلة كيما مولاها
ربي يدوم هاذ الجماعة
اني روتار عالخدمة مي ماعليش ماشي خسارة
hhhhhhhhhhhhhhhhhhhhhhhhhh
 
آخر تعديل:
السلام عليكم ورمضان كريم

اهلا وسهلا بأختنا نجاة في احلى واروع سهراة اللمة الحبيببة

لقد عرفنا نجاة في الاجوبة السابقة وتقريبا سيرتها الذاتية وهذ شغف لنا جميعا لي التعرف اكثر
والفضل وكل الفضل يعود لي معد هذ البرنامج او هذه السهرة بارك الله فيك اخي فريد

نجاة مذا تعني لك كلمة اللمة الجزائرية ؟؟؟؟

هل حدث للاخت نجاة في اللمة موقف اوحدث او موضوع افرحها واسعدها ؟؟؟
هل حدث موقف وموضوع ابك نجاة فى لمتنا ؟؟؟؟

صح فطورك واحلى سهرة
 
السلام عليكم
صبآحك فــــــــــل و ياسمين يا احلى نجآة
وا شراكي اليومآ !^
وعليكم السلام والرحمة
الحمد لله على كل حال رمضان قتلني والقهوة دارت فيا رايها اك تعرفي لي تحكم عليه القهوة يفوت رمضان في حالة
انتي عضوة قديمــــة فهل فعآليتك في اللمــة كآنت كذلك يعني نشوف اعضاء مسجلين من 2007 بصح مشاركآتهم لم تظهر الا في الاعوام الاخيرة ^! فهمتي عليآ _
انعم انا سبقت وقلت للعضوة باسمين انو رغم عضويتي لقديمة بصح مانيش من الناس لي دير مواضيع بزاف ساعات وساعات
تحبين قسم واش راك تهدر فهــل انتي من محبي الكلآم الكثيــر امآ انك من النوع الذي صمته اكثر من كلامه !^
نهدر بزاف واجتماعية فوق ماتتصوري وين تحطيني تلقايني مي كي تلقايني ساكتة تعرفي بلي كاينة حاجة مقلقتني ومانحبش نقلق الناس لي معايا نولي نسكت
قوليلي الصرآحـــة كنتي تعرفيني قبـل مآ ما تشوفيني في هذ الموضوع ^^ ؟
لالا صراحة مانعرفكش
كم منتدى انتي مسجلــة فيه
اللمة هي الوحيدة لي ندخللها مي الباقي للضرورة يعني اذا حوست على حاجة ولقيتها في منتدى ولازم عليا نسجل فيه باش نقدر نشوفها اني نسجل مي مانرجعش
واش تعرفي طيبي !
شخشوخة
مآ هو الحلم الذي لم يتحقق بعــد !
نكمل دكتوراه
هل تُحسدين من الناس اللي حولك ؟
نعم بزاف يحسدوني عايشة ببساطة ونحب الناس كامل وديما نضحك وهاذ الشيء يخليهم محتارين رغم ظروف مريت بيها بصح مازلت وباقية ديما قوية
مآ رأيكـــ بالحياة ؟
مليحة اذا عرفنا نعيشوها
مآ هي ميولاتكــ في اوقات الفرآغ ؟
الانترنتت
هل الفن يعني لك شيئ ؟
كاين فن من فن خويا وكاين لي كي نكون قلقانة نحب نسمعهم وكاين لي كي نكون فرحانة نحب نسمعهم نحب ثاني الشعر والخواطر وكي تضيق بيا نكتب شويا
هل ندمت ع لى اختصاص دراستك ؟
كاختصاص مانيش نادمة مي على مكان دراستي نادمة رغم الناس لي عرفتهم بصح كنت حابة نتكون ونقرا صح صح ذرك اني حابة نكمل في فرنسا بصح خفت مانقدرش ختراه ماقريتش قد قد وماعنديش تكوين مليح يخليني ننجح لهيه هاذي الحاجة لي ندمانة عليها اني كنت عايشة نقول نطلع الموديل وخلاص مي كي جا في وقت حتجت القراية مالقيتش روحي
نجآة و هي طفلة هل كآنت مشاغبــة .ام عاقلة ؟

مشاغبة مشاغبة مشاغبة حتى لاخر درجة ماتقدريش تصوري قد واه كنت قبيحة كانو حتى لولاد يخافوني وذرك مازالو يشفاو عليا ساعات خويا يقولي بخستي بيا وين نكون مع جماعة بقولولي اختك مازالت قبيحة ولا عقالت شويا
كنت لي يقيس خاوتي ماتفراش عليه سواء كبير ولا صغير ولاد ولا بنات
ندير واش نحب انا او واحد مايكسرلي راسي
حتتتى وين كبرت شويا ودخلت للجامعة تربيت وعقلت
الحمد لله كي مادرتش حاجة مايش مليحة وكنت متربية قد ما كنت مشاغبة​
هل اسرتك تعتمد عليك في اغلب الامور ؟
اجل لدرجة كبيرة بزااااف
في كل شيء حتى بابا يقلي انتي الراجل نتاع الدار ونعول عليك في غيابي
ويما كيف كيف تقولي انتي كي تكوني فالدار اني متهنية عالدار وعلى خاوتك
بصراحة الحاجة هاذي تفرحني وفي نفس الوقت تتقلقني ختراه مسؤولية كبيرة انا يلقاوني بصح انا قليل وين نحب حاجة ونلقاها
كلمـــة شكر لمن تقولينهآ ؟
يما وبابا لي كبروني ونجحت في حياتي
قوليلي اول شيئ يخطر ببالك لمآ تسمعي هذ الكلمآت :
الامآن .................
كي تدعي ربي ويستجيبلك تحس بلي راهو معاك وراك بامان
الابوة ....................
حنان
غزة ....................
ربي ينصرهم ويقويهم
القهوة .................. ^^
هههههههه جاوبتك قبل ما تسالي
دارت فيا رايها راسي او بدا يدور كي تفكرتها
الصبر ................
انا وياه مانتلاقاوش اكره حاجة عندي هي الصبر
الطمأنينـــة ,,,,,,,,,,,,,,,,,
قليلة في وقتنا
السعادة ...........
بالقناعة
الحزن ..................................
عمرو لا رجعلنا لي راح وعمرو ماجاب الفرح والسعادة
العيد ......................
تقارب الاهل وفرحة كبيرة للمسلمين
الحب .....................
شيء جميل خاصة اذا كان نقي وصافي وطاهر
الجنة .................
امنية كل مسلم بالتاكيد ان شاء الله تكون من نصيبنا
الماء ...................
مع السخانة هاذي هو حياة وبلا بيه ماكانش حياة وربي سبحانو قال وجعلنا من الماء كل شيء حيا
الشوربــــة ..................^^
مانحبهاش
ايروكآ .....................
عضو ماعرفتوش من قبل وتشرفت بمعرفتو
اعز عضو عندك ؟
هوما زوج اعضاء سي فلان مول الكوستيم او عبد الرحمن وسايلنت هيل لي هو حسام
اين تصنفين نفسك في خلية المجتمــع ؟
اجتماعية ونتعامل مع الناس كل بكل روح رياضية
مآ لونك المفضل ؟
الازرق والروز
هل انتي مع او ضد المرأة المتزوجــة التي تعمــل ؟
مع بشرط تعطي كامل حقوقها لزوجها وتقوم بواجباتها وماتقصرش فيها
كـم ساعة تقضينهآ في اللمــة ؟
بزاااف ديجا يما اي بدات تقرقر عليا قاتلي نهار كامل انت فالميكرو هاذا فهميني واش ديري
النت بالنسبة لكــ : ترفيه ام تسلية ام لعب ام لهو ^^
كل مرة كيفاه نحب نشوف ونتعلم حوايج ما نعرفهمش
اول اقاربك تزورينه في العيد ؟

خالتي لكبيرة هي في مقام يما الثانية ونعيطلها يما مرة مارحتلهاش سمانة عيطت فالتيليفون تبكي وتقولي واش درتلكم ارواحو عندها بنات ذرك ام بديارهم مزوجات كنا كي لخواتات ومازلنا الحمد لله
ربي يحفظهم ويطول في عمرهم​
كم نوع حلوى ستصنعين في العيد ؟
4
هل اشتريتي ملا بس العيد ؟
مازال راهي شعلت فيهم النار كلش غالي
..............
هذا مآ كــــــــــــآن ختي نجآة ^^
اذا قدرت نرجعلك
سلاموووو
وعليكم السلام والرحمة
راكي خفيفة وظريفة زيدي ارواحي ماتقطعيناش
 
آخر تعديل:
السلام عليكم ورمضان كريم

اهلا وسهلا بأختنا نجاة في احلى واروع سهراة اللمة الحبيببة
اهلا وسهلا بيك اخي
ومرحبا بيك
لقد عرفنا نجاة في الاجوبة السابقة وتقريبا سيرتها الذاتية وهذ شغف لنا جميعا لي التعرف اكثر
والفضل وكل الفضل يعود لي معد هذ البرنامج او هذه السهرة بارك الله فيك اخي فريد

نجاة مذا تعني لك كلمة اللمة الجزائرية ؟؟؟؟
منتدى نفتخر به كجزائريين
هل حدث للاخت نجاة في اللمة موقف اوحدث او موضوع افرحها واسعدها ؟؟؟
موضوع افرحني مع اخي حسام كان حوار قليل لي فهمو باغتبار حسام دايما غامض بالنسبة للاعضاء لي ماال ماوالفوش طريقة كلامو ومواضيعو
هل حدث موقف وموضوع ابك نجاة فى لمتنا ؟؟؟؟

نعم موقف بكاني من قلبي كان من اعز الاعضاء وغير هو لي ماحطيتوش يجي من عندو ختراه كنا متفاهمين ونقدرو بعضانا ونحككيلو كل شيء ويحكيلي كنا خاوة وصرا موقف خلاني نبكي صح صح من حرقة قلبي واحساسي انو ظلمني
صح فطورك واحلى سهرة
وانت زادة خويا صح فطوركم وبارك الله فيك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
 
سهرة ممتعـــــــــــــة اختي نجآة
اكتشفت فيك انك شخصية لا تحب التفاصيــل و في كلامك دايما تقولي هات من الاخير صح ؟؟؟؟
الدليــل القاطــع
انني فتاة و لست بالولد يعني اختيك !^
و ثاني الاخ sharp هو ولد و انتي جابوتيه علا انه فتاة ^^
ربمآ الوقت خذلكــ ؟؟
قوليلي زعمـــة الاعضاء علاض مرآهومش هنآ بزااف ؟
و هل هذا الشيئ يعجك ؟
و انا تعرفت على شخصية اجتماعية هايلة ^^

ندآآآآآآآآآآآآآآء وين التاي لنجاة و القهوة ؟
تصبخين على خير و الله دخلت على جالك مش موالفة ندخل بالليل
سلآم عليكم
 
سهرة ممتعـــــــــــــة اختي نجآة
اكتشفت فيك انك شخصية لا تحب التفاصيــل و في كلامك دايما تقولي هات من الاخير صح ؟؟؟؟
الدليــل القاطــع
انني فتاة و لست بالولد يعني اختيك !^
و ثاني الاخ sharp هو ولد و انتي جابوتيه علا انه فتاة ^^
ربمآ الوقت خذلكــ ؟؟
قوليلي زعمـــة الاعضاء علاض مرآهومش هنآ بزااف ؟
و هل هذا الشيئ يعجك ؟
و انا تعرفت على شخصية اجتماعية هايلة ^^

ندآآآآآآآآآآآآآآء وين التاي لنجاة و القهوة ؟
تصبخين على خير و الله دخلت على جالك مش موالفة ندخل بالليل
سلآم عليكم
هههههههه
اسمحيلي يا اختي لعزيزة والله غلطة مافقتتلهاش
تعيشي وربي يحفظك
العكس تماما انا كي نحكي مانسكتش ونكره السكات بزاف بزاف لازم ندير حاجة باش نكسر بيها هاذاك السكات
يما مرة خلاتني نحكي وحدي وخرجت وانا نحكي نحكي حتى فقت بلي اني نحكي وحدي مع خيالي هههههههه
ومرة جات الجدة نتاعي مالقاتنيش فالدار وهوما ساكتين قالت لبابا ذرك بعد تروح تجيب نجاة جا لدار خالتي قالي يا المصيبة هايا اي جاتك قصرة اليوم زعما قلنا اليوم نرتاحو بصح الله غالب مكتوب علينا ههههههههه
اما بالنسبة للاعضاء علاه ماراهمش هنا انا صح اجتماعية مي هنا فاللمة كنت نعرف حبات ومانخكيش بزاف فيها مانحبش الحكيات نتاع النت والرسائل الخاصة
الله غالب طبعي هك مانديرش الثقة غير فالناس لي نتعامل معاهم
ايا فلوسة روحي مالا ترقدي وميرسي بزاف على التاي وهدرتك الزينة كيما انتي
وكيما يقول عادل امام
مش تبقو تيجو انتو مابتجوش ليييييييييييه
 
اهلا با الاستادة نجاة ومرحبا بكي اختي
نتمنى لكي اقامة طيبة هنا ولو كانت بالقصيرة


رتحي اختي اولااااااااااااا

910760116det.jpg


كويس تاي.....
the-vert.jpg


على بركة الله



من هي الاخت نجاة

المستوى الدراسي

يغلبك رمظان ولالا..

من اي ولاية اختنا نجاة


هل انتي من هواة المطالعة

جرائد ام كتب

ماهي الجريدة المفظلة

ماهو اخر كتاب قراتيه

ماهي فكرة هدا الكتاب

مادا استفدتي منه

لو يعطوكي مهنة مدرسة اي مادة تريدين تدريسها

هل نجاة من هواة المطبخ

ماهو طبقك المفظل

الطبق الدي تحسنين طبخه


لحم ولا دجاج

اقسامك المفظلة في اللمة

لو تسلمتي مفاتيح الاشراف اي قسم ترتاحين فيه

كم تقضي نجاة من ساعة على النت يوميا

مثلك في الحياة

تلفزيون ولا نت

لو كان الرئيس بوتفليقة امامكي الان مادا ستطلبين منه

نصيحة لاخوانك واخواتك في المنتدى



في امان الله..........
 
السلام عيكم ورحمة الله وبركاته اختي نجاة

اهلا وسهلا بيك ضيفة معنا

ان شاء الله تكون أمورك بخير وماشية

حبيت نطرح عليك بعض الأسئلة مي تقدري تقولي عليها شوي غريبة
لكنا انا الشي اللي يهمني هو الاجابة عليها

كيما يقولو المهم المشاركة

1-برنامجك المفضل في رمضان هذا
2- أسمط حاجة تفرجتيها في هاذ رمضان**من غير الجمعي فاميلي***:shiny:
3- أكلتك المفضلة
4- اوصفي شخصيتك في صورة:eek:i-o:
5- مثلك الأعلى في الحياة
6- فيقك المفضل في الجزائر
7- فريقك المفضل فالخليج:eek:_o:
8- قداه من يوم صمتي هاذ العام:scared:
9-هل تؤمنين بالصداقة بين الرجل و الرجل
10- حاجة حابة ديريها في حياتك ودرتيها


ديباني باهذو حتى بعد الفطور ونزيد نرجعو
تقبلي مروري اختي الكريمة وصحا فطورك:re_gards:
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top