اخواتي راني حاصل

[NASRO DZ]

اخواتي السلام عليكم لدي اخواتي بنات في البيت ر هم حاصلين وحبين يتعلمو كيف طيب بسبوسة باللغة العامية
الي يعرف مايبخلناش

وبرك الله فيكم :sheer:

 

[اميرة الساحل]

مرحبا بيك اخي معانا
مرة عملت حلوى تشبه البسبوسة ان شاء الله يرجبوها خوتاتك و تعجبكم راهي جي خفيفة و لذيذة
اليك الرابط
https://www.4algeria.com/forum/t/279165
ورانا هنا دايما في الخدمة ​

 

[NASRO DZ]

مرحبا بيك اخي معانا
مرة عملت حلوى تشبه البسبوسة ان شاء الله يرجبوها خوتاتك و تعجبكم راهي جي خفيفة و لذيذة
اليك الرابط
https://www.4algeria.com/forum/t/279165
ورانا هنا دايما في الخدمة ​

ميرسي بزاف اختي :re_gards:

 

[ام وليد و ايوب]

السلام عليكم


غالي اخي و الطلب رخيس


ها هي طريقتي في تحضير البسبوسة نتمنى تعجب لبنات


4 حبات بيض

كاس حليب


كاس زيت


كاس ونص سكر


4 معارف زبدة او مرغرين دايبة


كاس جوز الهند يعني نواتكوكو

3 كيسان سميد عادي


2 مغارف فرينة

شوي فاني

2 شكاير حميرة حلوى

عصير و مبشور قارص

نخلط السوائل اولا بالخلاط و نحتفظ بالحليب للاخر

ثم نظيف السكر و السميد و الفرينة و باقي المكونات و نبدا نصب الحليب شيئا فشيئا

ندهن الصينية و نفرغ الخليط و نحطو في فرن ساخن حتى تحمار البسبوسة


بعد خروجها من الفرن نصب عليها الشاربات الي هي ماء و سكر و طرف قارص خليهم فوق النار يغليو


ملاحظة ادا كانت البسبوسة سخونة لازم الشاربات تكون باردة او العكس البسبوسة باردة و الشاربات سخونة باه ما تتعجنش


وهده البسبوسة سبق و حطيتها في احد المنتديات

بالتوفيق لاخواتك البنات


اختك ام وليد

 

[NASRO DZ]

شكرا اختي برك الله فيك

 

[أمولة]

واش فريتوها مع البسبوسة

 

[naGam]

نظن راك فريتها مع البسبوسة واختنا ام وليد ماشاءالله كفت وورفت
بارك الله فيها
وانت ولا اخواتاتك تحتاجوا حاجة ارواحولنا نعاونوكم
​

 

[NASRO DZ]

شكرا لكم

 

[petra imad]

سلام عليكم
رايحين نكترو عليك وصفات البسبوسات غير خيربرك
ان مرة عملت بسبوسة راه في هذا الرابط قول لخواتاتك يجربوها وردلى الخبر
https://www.4algeria.com/forum/t/283578​

 

[saida07]

جرب هده البسبوسة روعة و اقتصادية

بسبوسة شرقية
بسم الله الرحمن الرحيم



بسبوسة

المقادير

2 كوب سميد متوسط

3/4 كوب سكر عادي

نصف كوب جوز هند

نصف ملعقة صغير بيكن بودر

2 ملاعق كبار سمن دائب

2 ملاعق كبار قطر ثقيل او عسل

نص كوب ماء



مقادير القطر او الشربات

3كوب ماء + كو ب و نصف سكر

يطهى مدة 10 د

نضيف له عصير ليمون و قليل من ماء الزهر

الطريقة

ندوب السكر في الماء + السمن + القطرالسميك

نخلط الجميع جيدا

من جهة اخرى نخلط السميد مع جوز الهند

البيكن بودر اي خمارة الحلوة و نمزجهم بالخليط الاول

حتى نتحصل على عجينة مرملة

اي لا تكون طرية

بعد دلك نضعها في مول دائري قطره 25 سم مدهون بالزبدة

تطهى في فرن متوسط الحرارة

حتى تاخد اللون الدهبي

نسقيها بالقطر

نرش فوقها الكوكاو المرحي



ملاحضة

الكوب نستعمله لجميع مراحل التحضير

وزن الكوب من السكر 200غ

قطر الصينية 25 سم

هده البسبوسة شرقية للشيف حسن



و هي تشبه كثيرا قلب اللوز
​

 

[NASRO DZ]

والله مشكورين كثير ا راح نجرب الوصفة نلولى الاخرى