ظاهرة الأعراس

[soumia4algeria]

سلام و مع حباب اللمة يحلى لكلام
نشالله تكونو بخير كامل
هذا أول موضوع ليا هنا في هذا القسم
بعد ما شفتو غير البارح و فهمت على واش راه يهدر
حبيت أنا ثاني نحكيلكم على الظاهرة راها الله يبارك
شايعة هنا مانيش عارفة es-que partous و لا غير عندنا

ظاهرة الأعراس

و هنا مقصديش الأعراس كاسم عرس
لا لا أنا ماذابيا ديما الأفراح قايما في ديارنا
mais نهدر على العرس الي يبقى قايم حتان
3:30 و 4:00 نتاع صباح
و الغنى واشي هو؟؟؟؟؟؟؟؟؟؟
الجلابةو....و....و....و غنى راي هذاك وما شابه
و الله هذي سمانة جيرانا مدايرين عرس و قاعدة مع دارنا في صالون و نسمعو في هذاك لغنى الله يسطرنا و ديجي كيفاه يخبط و و ساعة على ساعة يضرب فينا ضو حمر و صفر و خضر تقول راهم في les boites de nuits
و الله حشمت قدام بابا و خويا ولينا تفرقنا
المهم يا الخاوة وش حبيت نقولكم:
رايكم أولا
الظاهرة عندكم و لا لا لا
و واش تقولو فيها
أنا من رأيي اذا شايفين رواحهم رايحين يطولو في سهرة يبقاو للفجر على رواحهم و يديرو وش يحبو mais يروحو
يكروا sale des fetes
ماشي في باطيمة و لا نومرو الجيران مقابلين بعضاهم

هذا رأيي أنا و باقي رايكم

salam



​

 

[لاجودان شاف]

السلام عليكم
هاذي بارتو ختي نظن في كامل الجزائر
حنا هنا حتى الفجر باالغنا والشطيح والرديح
ولي يحبس الراس بزاف البارود على 2.00 تاع الليل
تهدر معاه يقولك خليني نفرح بولدي
الله غالب
مشكوووووورة
​

 

[*امينة*]

والله ياختي عندك الصح
شانقولك عندنا جارنا عنده دار كبيرة راح خسر عليها الملايين ودارها salle des mariages
والصيف قاع كيما دار هبلونا ايا ومن بعد العيد مانقولكش DG حده والغنا كيما قلتي غي الراي وقلب
ولينا مانرقدوش الله يهديهم
merci à sujet


​

 

[loca]

خليهم يزهاوبلاك عرس ولدهم اول وهكا ديجا مول العرس قاع ميجيبش وقت ل ليل ميعرفش ليل من نهار كي تعرسو تعرفي ههههه
نهار ويفوت بصحغناء لي ماشي زين هوبروبلام منطق يقول باغي تزهى معليش بصح من يجي ليل نقص غناء ويديرو غي بين بعضكم وزهاومكاش لي قال لالالا
كل واحدوكيفاش يفهم
دمتي خاي ​

 

[beso&7ano]

منين تــــــروحي تلقايهـــآ ...
مغســــــي

 

[naGam]

اختي الظاهرة هاذي منتشرة في الجزائر الكل
مي الله غالب في الوقت هاذا شوفي واسكتي وكون تهدري تربحي العيب
​

 

[adel-mz]

سلام
راهي بارتو هادي العفسة ،كيما يقولو ناس بكري ،،تخلطت ولعب خزها على ماها،، ربي يستر.
مارسي
​

 

[Mr Brahim]

السلام عليكم
هاذي بارتو ختي نظن في كامل الجزائر
حنا هنا حتى الفجر باالغنا والشطيح والرديح
ولي يحبس الراس بزاف البارود على 2.00 تاع الليل
تهدر معاه يقولك خليني نفرح بولدي
الله غالب
مشكوووووورة
​

و المصيبة يقلك هذي مرة في العمر و يزيدوا يعاودوها مع الاخرين كامل تولي الحكاية طول العمر _o:
​

 

[missa_1]

راهي كامل هذي وين تروحي تلقايها

وكاين تلقايهم حتى للفجر مي هذي هي لعراس تاع ذرك واش نديرو

ربي يسترنا اجمعين
​

 

[NASRO DZ]

صح اختي كلامك صحيح

بصح البلايس مش كيف كيف يعني ولايات

مي احنا هنا في بسكرة ماعندناش هذي

كما نقولو القدر بين كل الجيران هكذ

كل واحد يفهم روحو مي كي جي العرس ولا اكثر من العرس مانفتوش الواحدة ابدا ياوكان اقولو راه جي رائيس ههه مي احنا نحسو بلي كاين اطفال صغار
حبين يرقدو وكاين شيوخ كبار ميتحملوش هذي

مي كما قتلك اختي عندي 00.30 الو الوحدة هذا اذ كثرو
ومشكور اختي على المووضع ديالك

 

[soumia4algeria]

خليهم يزهاوبلاك عرس ولدهم اول وهكا ديجا مول العرس قاع ميجيبش وقت ل ليل ميعرفش ليل من نهار كي تعرسو تعرفي ههههه
نهار ويفوت بصحغناء لي ماشي زين هوبروبلام منطق يقول باغي تزهى معليش بصح من يجي ليل نقص غناء ويديرو غي بين بعضكم وزهاومكاش لي قال لالالا
كل واحدوكيفاش يفهم
دمتي خاي ​

لا لا ختي رانا معرسين و مجربين mais ماتلحقش لدرجة نبقاو ل 3:00 ناع صباح و حتى و لا حبينا نبقاو نبقاو بقدرنا و ما نقلقو حتى واحد و منجيبوش لعيب لرواحنا merçi ختي على مرور

 

[NASRO DZ]

عندك الحق اختي

 

[hadjer662]

ي عندك الحق هادي راهيي في كل بلاااصة مي واش نديرو يقوللك خطرة في العمر
وزيدي قاعات الافراح ولاو يقولولهم 12.00 تخرجوا علاديك يحبو يسهروا في ديارهم
شكرا على الموضووع
​

 

[ملكًة الاحسآس]

وعليــكم الســلام
ايه ياأختي هدي تلقايهــا برثوو ، والي تحوس تهدر ولاتفهم معاه يقولكــ خليني نفرح ونزهى مش دايمــا معرس
حنــا فالكارتي تــاعنا الحمد الله ، هدي شحـاـل كي شغل عادة دركــ على 12 يحبس الغنى ـ و1 على الاكثــر ـ
mais في بلايص أخريــن والله حتى يطلعوو النهــار ومسامعيــن بواحــد
+
يعطيــك الصحة على الطرح
​

 

[Jouliana]

ايه هادي وين تروح عندنا كاين اللي يبقاو حتى يطلع النهار
و انت رقد ولا قعد
و كي تهدر معاهم يقولولك رانا نزهاو حطو لوسايد فوق روسكم و رقدو ؟؟؟؟؟؟؟
سبحان الله

شكراااااااااااااااااااا على الموضوع
​

 

[القطة الزهرية]

هدي عندنا كااااااااامل اي بصح تعجبني انا نقعد نسمع للغنى قلبك يفرح والله بصح عندنا حنا كاين احترام في ليل مورا 1.00 ينقصو في الصوت مناه هما بعد مجربين ويعرفو الاحساس :shiny:مشكوووورة

 

[*امينة*]

هدي عندنا كااااااااامل اي بصح تعجبني انا نقعد نسمع للغنى قلبك يفرح والله بصح عندنا حنا كاين احترام في ليل مورا 1.00 ينقصو في الصوت مناه هما بعد مجربين ويعرفو الاحساس :shiny:مشكوووورة

والله راهم مقادرين رواحهم
حنا الوحدة نتاع ليل يقولك هدا وين تبدا السهرة

​

 

[نجاة40]

حنا حذانا 2 salle ds fetes يعني حدث ولا حرج تجي تهربي من تلقاي عرس من هيه عرس
اذا رقدتي ساعتين اكي مليحة​

 

[somiasahraoia]

احنا الحمد لله نديرو الدي الج غي الصباح ماكنش فليل

 

[★ ميمي dz ★]

صح هادي لحكاية صايرة عند كااااااامل الناس ...
وكي تجي باش تهدري مكانش كيفاش عرس مجاياش
بصح انا نظن شوية احتراام للجيران
والله يهدي ما خلق
تقبلي مروري
تحياااااتي