- إنضم
- 8 نوفمبر 2009
- المشاركات
- 1,849
- نقاط التفاعل
- 198
- النقاط
- 79
- العمر
- 29
السلام عليكم ورحمة الله وبركاته
اهلا ناس اللمة بالاعضاء والزوار وكامل الجزائريين لحرار.
جبت هدي المرة موضوع جديد وماعلاباليش اسكو داروه ولا لالا (ديرو طول في بالكم في الاعادة الافادة )وهو خاص شوي بشؤون خدمة المواطن (ياو واشمن خدمة المواطن الدعوة سايبة ) ....ضك تفهمو كلامي اصبرو شوي وماتتقلقوش .
ليبونبي الحماية المدنية كي تسمع هد الكلمة تكون حاط في القاموس تاعك (راسك....مخك)بلي الحماية المدنية جدية في جدية ابطال يساعدون الناس في وقت الحاجة طول يلبو النداء وهوما القدوة ,لاأنكر هدي الافكار بصح تاع تلبية النداء وقت الحاجة وباسرع وقت مانعرف مناه جامي جاو في الوقت المناسب كي تخلا خلاص يجيو طول مع اللخر واما يلقاو الناس سلكو رسيناهم ومنعو ومنبعد زعمة يبداو يصفقو عليهم (او ابكيو على رواحكم)وإما يجيو يلقاو خسائر مادية وبشرية بصح مانظنش يلومو رواحم للتأخر والحاجة الي لاحظتها هي انو كي تعيط ل14ااااااااه طول ماتحكموهمش التلفون طول مشغول لدرجة تحسب دزاير كامل تحرقت ولاماعرف واش صرا فيها ......لاعلينا المهم رحت نستفسرعليهم ونسقسي لبنات مناه حنا صراتلنا حادثة تحرقو الشجر تاعنا وقريب رحنا معاهم حنا والدار لولا انو ربي سترنا وكان بابا في الدار وخويا وطفاوهامناه ليبونبيي هدو عيطنالهم عيطنالهم طول مشغول ولا مايهزوش عليك وانا في استفسارات هكا مع لبنات قالولي لاه ماعلابالكش ياحصرا عليك ماكش عايشة في الدنيا (والله قاسوني في الصميم وفتحولي الجروح مانيش عايشة واااااااااع ههههه)المهم وفي وحد نهار قعدنا ودرنا جماعة هايلة بالعربية فور اكم علابالكم بقعدات لبنات احم احم ايا وكي خلصت الهدرة (وهدي اول مرة تصرا في تاريخ تخلص لهدرة تاع لبنات) جبدت وحدة البورطابل وقالو لي ضك نحيولك الشك تاع ليبونبيي بصح بشرط تهدري انتي ,انا خلعت قلتلهم نهدر انا اواه بصح ومنبعد قنعوني قتلهم نعيط بسبة مناه مانشتيش نتمصخر نقوللهم او صرا تسرب للغاز وانا وحدي في الدار واش ندير .......امالا عيطنا وبعد 15 مرة من محاولة صلحت وهزو علينا اخيـــــــــــــــرا انا توترت شوي بديت نزرب في الهدرة قتلو السلام عليكم قالي وعليكم السلام قتلو يخي ليبونبيي (سؤال تااااااافه هههههه من الخلعة )قالي ايه نحن تحت الخدمة ...هاها ديجا شفت وحد الشوفة مع صحاباتي تاع هوما ام خاطيين وانتوما تظلمو فيهم ايا ومنبعد قتلو هديك السبة قالي نعاون ختي مكان حتى مشكل ماتتوتريش وافتحي غير الطاقة شوي تتنفس الدار ربع ساعة وماتشعليش الضو برك (هدي للافادة ادا صراتلكم ديرو هك)امالا قتلو يعطيك الصحة ومستنية غير نكوبي ونتفاخر بفوزي على لبنات ....قتلو صحا باي قالي لالالالا ماتكوبيش حبسي دقيقة.....يييييي وااووعلامات الحيرة بادية عليا ....قوليلي واش اسمك راني حاب نتعرف قتلو تتعرف قالي ايه نشكيلك همي وتشكيلي همك ونعقبو وقت ....(يييي باين عليه المسكين المغبون ناقص معريفة)...وبدا يحكي ومنبعد قالي اسمعي او جا الشاف نكوبي ضك وزيدي شوي وعاودي اني نستنى .....وهكذا ربحت البنات الرهان في سبة هداك المصيبة .....لايهم والسؤال الي يبقى يطرح نفسو وين هي الحماية المدنية في الوقت الي كانويحكيو فيه والتلفون مشغول سير عيطو الآلاف ومن بينهم حلات حقيقية تحتاج لمعاونة؟؟ايا قولولي واش رايكم في الشبان تاع الحماية (الي رابحين في لافار كل يوم تعيطلهم ميات طفلة يحكيو معاها على حساب الدولة بابابا النااس )اليكم الخط علابالي طولت شوي ان شاء الله يكون الموضوع خفيف عليكم مع آرائكم ........سلام مع تحياتي +++تقييم اذا كنت نستحق .
اهلا ناس اللمة بالاعضاء والزوار وكامل الجزائريين لحرار.
جبت هدي المرة موضوع جديد وماعلاباليش اسكو داروه ولا لالا (ديرو طول في بالكم في الاعادة الافادة )وهو خاص شوي بشؤون خدمة المواطن (ياو واشمن خدمة المواطن الدعوة سايبة ) ....ضك تفهمو كلامي اصبرو شوي وماتتقلقوش .
ليبونبي الحماية المدنية كي تسمع هد الكلمة تكون حاط في القاموس تاعك (راسك....مخك)بلي الحماية المدنية جدية في جدية ابطال يساعدون الناس في وقت الحاجة طول يلبو النداء وهوما القدوة ,لاأنكر هدي الافكار بصح تاع تلبية النداء وقت الحاجة وباسرع وقت مانعرف مناه جامي جاو في الوقت المناسب كي تخلا خلاص يجيو طول مع اللخر واما يلقاو الناس سلكو رسيناهم ومنعو ومنبعد زعمة يبداو يصفقو عليهم (او ابكيو على رواحكم)وإما يجيو يلقاو خسائر مادية وبشرية بصح مانظنش يلومو رواحم للتأخر والحاجة الي لاحظتها هي انو كي تعيط ل14ااااااااه طول ماتحكموهمش التلفون طول مشغول لدرجة تحسب دزاير كامل تحرقت ولاماعرف واش صرا فيها ......لاعلينا المهم رحت نستفسرعليهم ونسقسي لبنات مناه حنا صراتلنا حادثة تحرقو الشجر تاعنا وقريب رحنا معاهم حنا والدار لولا انو ربي سترنا وكان بابا في الدار وخويا وطفاوهامناه ليبونبيي هدو عيطنالهم عيطنالهم طول مشغول ولا مايهزوش عليك وانا في استفسارات هكا مع لبنات قالولي لاه ماعلابالكش ياحصرا عليك ماكش عايشة في الدنيا (والله قاسوني في الصميم وفتحولي الجروح مانيش عايشة واااااااااع ههههه)المهم وفي وحد نهار قعدنا ودرنا جماعة هايلة بالعربية فور اكم علابالكم بقعدات لبنات احم احم ايا وكي خلصت الهدرة (وهدي اول مرة تصرا في تاريخ تخلص لهدرة تاع لبنات) جبدت وحدة البورطابل وقالو لي ضك نحيولك الشك تاع ليبونبيي بصح بشرط تهدري انتي ,انا خلعت قلتلهم نهدر انا اواه بصح ومنبعد قنعوني قتلهم نعيط بسبة مناه مانشتيش نتمصخر نقوللهم او صرا تسرب للغاز وانا وحدي في الدار واش ندير .......امالا عيطنا وبعد 15 مرة من محاولة صلحت وهزو علينا اخيـــــــــــــــرا انا توترت شوي بديت نزرب في الهدرة قتلو السلام عليكم قالي وعليكم السلام قتلو يخي ليبونبيي (سؤال تااااااافه هههههه من الخلعة )قالي ايه نحن تحت الخدمة ...هاها ديجا شفت وحد الشوفة مع صحاباتي تاع هوما ام خاطيين وانتوما تظلمو فيهم ايا ومنبعد قتلو هديك السبة قالي نعاون ختي مكان حتى مشكل ماتتوتريش وافتحي غير الطاقة شوي تتنفس الدار ربع ساعة وماتشعليش الضو برك (هدي للافادة ادا صراتلكم ديرو هك)امالا قتلو يعطيك الصحة ومستنية غير نكوبي ونتفاخر بفوزي على لبنات ....قتلو صحا باي قالي لالالالا ماتكوبيش حبسي دقيقة.....يييييي وااووعلامات الحيرة بادية عليا ....قوليلي واش اسمك راني حاب نتعرف قتلو تتعرف قالي ايه نشكيلك همي وتشكيلي همك ونعقبو وقت ....(يييي باين عليه المسكين المغبون ناقص معريفة)...وبدا يحكي ومنبعد قالي اسمعي او جا الشاف نكوبي ضك وزيدي شوي وعاودي اني نستنى .....وهكذا ربحت البنات الرهان في سبة هداك المصيبة .....لايهم والسؤال الي يبقى يطرح نفسو وين هي الحماية المدنية في الوقت الي كانويحكيو فيه والتلفون مشغول سير عيطو الآلاف ومن بينهم حلات حقيقية تحتاج لمعاونة؟؟ايا قولولي واش رايكم في الشبان تاع الحماية (الي رابحين في لافار كل يوم تعيطلهم ميات طفلة يحكيو معاها على حساب الدولة بابابا النااس )اليكم الخط علابالي طولت شوي ان شاء الله يكون الموضوع خفيف عليكم مع آرائكم ........سلام مع تحياتي +++تقييم اذا كنت نستحق .
i-o:
