عرايش بشكل جديد معسلين من مطبخي

[اميرة الساحل]

السلام على الجميع


حبيت نشاركم اليوم بشكل و ذوق جديد للعرايش ان شاء الله تعجبكم و جربوها اليكم المقادير + الخطوات المصورة​

المقادير
- 3 كيلات او عبار فرينة
- كيلة سكر رطب
- كيلة نتاع ليدام ( ½ زبدة + زيت و تكون الزبدة ذائبة كثيرة على الزيت )
- 1 خميرة كيميائية
- مغرف قهوة فاني
- رشة ملح
- ماء الزهر​

للحشو
- غرس
- زبدة ذائبة / شوية قرفة / شوية قروفل مطحون / سكر رطب ​

للتزيين
- عيدان قروفل
- عسل​

التحضير
- في ليان كبير نغربل 2 عبار فرينة و عبر ثالث نخلطوه مع سكر رطب + خميرة + رشة ملح و نغربلهم

- من بعد نعمل حفرة في الوسط و ندير كيلة نتاع ليدام و نبدا نخلط بين صباعتينا بلا مانعجن حتى نشوف بلي الفرينة كلها تشربت هداك ليدام

​

- ندي ماء الزهر فقط و نبدا نرش فوق العجينة و نخلط غير بالشوية حتى تتلم العجينة و تولي طرية

- نديرها في كيس بلاستيكي و نخليها ترتاح في الثلاجة مدة ½ ساعة ( انا في الحقيقة عملتها مع صباح و خليتها في الثلاجة عادي من بعد مع العشية خدمتها )

- نروح نحضر الحشو هنا الغرس تدي عينك ميزانك انا ديت تقريبا كيلة معمرة اللي عبرت بيها المقادير
- تنكهي هداك الغرس و في هدي الكمية درت ملعقة اكل كبيرة من الزبدة المذابة + ½ ملعقة اكل سكر رطب + رشة قرفة و رشة قروفل مدقوق و الا كان عندك البودرة عادي

​

- نحل العجينة على طاولة العمل و نشكل دوائر و نضع الحشو و نشكل العرايش عادي كيما موالف نخدموهم من بعد نقرص الوجه و الصور توضح

​

​

​

​

- نوضع حبات العرايش في صينية غير مدهونة و نزينهم بحبات القورفل و ندخلهم الفرن حتى يدو اللون الذهبي

- نخرجهم و نخليهم يبردو من بعد نعسلهم لكي الاختيار تحبي تخليهم هكدا ولا تعسليهم
- و هذا شكلهم النهائي

​

​

​

​

ملاحظة
- هذه العجينة تصلح للتشراك مغبر و لا مسكر برك نقص غير في سكر رطب في هذه الحالة ندي ½ كيلة
- بالنسبة للزبدة كي نذوبها مانستعملهاش سخونة نخليها تبرد شوية من بعد نخلطها مع الزيت
- نقدر نعمل مقروطات و نعسلهم بنفس الطريقة اللي درناها في العرايش

​

​

​

اي استفسار انا في الخدمة و نقلكم صحا عيدكم كامل ينعاد علينا بالصحة و الهناء و الفرح ان شاء الله ​

 

[ام خديجة1]

بارك الله فيك اختي جاك روعة

 

[كوثر الوهرانية]

لف شكر اختي اميرة على الوصفة و الصور المفصلة بارك الله فيك جعله في ميزان حسناتك
عيدك مبروك كل عام و انتي بالف خير

 

[سفيرة الأحزان]

يعطيك الصحة والعافية

 

[ŚσÚмĨÁ.Ďz]

يعطيك العافية اختى وصفة رآئعة
وعيدكم مبرووك
​

 

[rima29]

صح عيدك حنونة
والقاطو ما عندي مارح نقول لعرايش نموت عليهم​

 

[أم نيفين]

مممممممم هاااااااااايل....بارك الله فيك على الوصفة

 

[melissa lola]

يعطيك الصحة شكلوا روعة

 

[imane27]

جاك هايل بارك الله فيك

 

[أميرة اميرة]

جاك روعة يعطيك الصحة حبيبتي
عيدك مبروووووووووك

 

[dahbito]

يعطيك الصحة على الوصفة الجديدة
صح عيدك كل عام وانتي بالف خير

 

[ام ايناس وفاروق]

شكراااااااا اميرة الساحل على الوصفه وصح عيدك

 

[اميرة الساحل]

مشكووووووووووورين الله يعطيكم الصحة كامل على الردود الطيبة و تحية لكل وحدة باسمها ربي يخليكم
صحا عيدكم

​

 

[♥SaMoù Là MoDèsTe♥]

جًآكْـ هًآيْل
فووووورْ ذوْق وْْ دٍيكٌورْ
مًآ ذقتوشـْ بْصَحْ رًآهـْ يْبًان طْرِيْ وْ بْنين

يًعْطيِكْ آلصًحًهـ
​

 

[اميرة الساحل]

جًآكْـ هًآيْل

فووووورْ ذوْق وْْ دٍيكٌورْ
مًآ ذقتوشـْ بْصَحْ رًآهـْ يْبًان طْرِيْ وْ بْنين ​

يًعْطيِكْ آلصًحًهـ​

شكرا عزيزتي و حبيبتي على تشجيعاتك الدائمة و الله لوكان راكي قدامي نبعثلك حقك :re_gards:
صحا عيدك و ينعاد عليك و على العائلة كامل بالصحة و الهناء ​

 

[ام منصف]

الله يبارك
يعطيك الصحة
قاطوات هايلين
كل عام وانتم بخير

 

[اميرة الساحل]

الله يبارك
يعطيك الصحة
قاطوات هايلين
كل عام وانتم بخير

مشكورة اختي ام منصف بارك الله فيك ربي يخليك و كل عام و انتي بالف خير و عائلتك كامل
​

 

[حكيك]

الله يبارك جاك هايل

تسلم الايادي

وبصحتكم
كل عام وانتم بخير
​

 

[Rababe_Gh]

تسلمييي
وصفة راائعة جداااا

 

[MIMICHA1977]

جاك هايل بارك الله فيك اميرة الساحل

عيدك مبروووووووووك