حلوة الطابع من مطبخي و على طريقتي ....

[ام أمينة]

السلام عليكم و رحمة الله تعالى و بركاته



حلوة الطابع من مطبخي و على طريقتي



المقادير و طريقة التحضير :

كيلة بيض ( انا الكيل تاعي فيه 6 بيضات )
كيلة سكر عادي
كيلة و شوية زيت
2 ملاعق نشاء
فانيلا و مبشور ليمون

نحطهم في إناء و نميكسيهم بالبرا ميكسور ( bras mixeur )

+ 2 خميرة حلوى و نلم بالفرينة للحصول على عجينة طرية

نشكلها كرات متساوية و نحطها في صينية الفرن فيها ورق طهي

أو نحلها فوق ورق الطهي و نطبعها بقوالب حسب الرغبة

ندهنهم بصفار البيض فيه شوية فانيلا


و نطيبهم في فرن ساخن من قبل حتى اكتساب اللون الذهبي

النتيجة

 

[ام أمينة]

@سحائب الشوق تفضلي حبيبتي

 

[الامين محمد]

الله الله
نصيبي اختي و كثري انا كرشي كبيرة ههههه
قبشتي مشاعري ههههههه

 

[ام أمينة]

الله الله
نصيبي اختي و كثري انا كرشي كبيرة ههههه
قبشتي مشاعري ههههه

مرحبا بيك
شكرا على الرد

 

[إلياس]

من عشاق هذا النوع من الحلوى سلمت يداك على الحلوى اللذيذة

 

[ام أمينة]

من عشاق هذا النوع من الحلوى سلمت يداك على الحلوى اللذيذة

شكرا لك

 

[إلياس]

شكرا لك

العفو

 

[أبو عاتكة]

المفضل
يعطيك الصحة

 

[ام أمينة]

المفضل
يعطيك الصحة

شكرا لك

 

[dahman kz]

ربي يبارك يعطيك الصحة
تعجني الڨاطوات البسيطة هاذي اكثر من غيرها ..تجيني بنتها خير ..و ليها مكانة كبيرى في ذكريات النشأة و الطفولة .
هكذا كان ڨاطو امهاتنا بكري وهذي ڨاطواتنا في الطفولة

 

[ام أمينة]

ربي يبارك يعطيك الصحة
تعجني الڨاطوات البسيطة هاذي اكثر من غيرها ..تجيني بنتها خير ..و ليها مكانة كبيرى في ذكريات النشأة و الطفولة .
هكذا كان ڨاطو امهاتنا بكري وهذي ڨاطواتنا في الطفولة

مكانش خير من البساطة
شكرا لك

 

[la lune rose]

يعطيك صحة
حنا نسموها باسم اخر
تقريبا كل ويكاند نخدمها فقط نزينها بالفاغميسال ملون ونديرها اشكال مختلفة قلب زهرة نجمة .... حسب رغبة اولادي
بصحتك ويصحة اولادك

 

[ام أمينة]

يعطيك صحة
حنا نسموها باسم اخر
تقريبا كل ويكاند نخدمها فقط نزينها بالفاغنيسال ملون ونديرها اشكال مختلفة قلب زهرة نجمة .... حسب رغبة اولادي
بصحتك ويصحة اولادك

فيها عدة أنواع
كاين كيما هادي و نزينوها بكاوكاو ايفيلي و لا بسكر و لا فرميسال و لا جلجلان
و كاين لي نديروها بالطوابع و نزينوها بالفرميسال نوجدوها فالعيد بكثرة

شكرا لمرورك عزيزتي

 

[la lune rose]

فيها عدة أنواع
كاين كيما هادي و نزينوها بكاوكاو ايفيلي و لا بسكر و لا فرميسال و لا جلجلان
و كاين لي نديروها بالطوابع و نزينوها بالفرميسال نوجدوها فالعيد بكثرة

شكرا لمرورك عزيزتي

واه مام حنا كما هكا لي بالفارميسال ولي يبغي بالسكر او الجلجلان وكاين لي مايدر والو

شكرا حبيبة على الوصفة
وعلى التعقيب

 

[سحائب الشوق]

@سحائب الشوق تفضلي حبيبتي

يعطيك الصحة أختي رح نجربها قريا ان شاء الله
يعجبني كي نشوفو صح ولا مرة جربته على هذا طلبت وصفتك له تسلم الأيادي

 

[ام أمينة]

يعطيك الصحة أختي رح نجربها قريا ان شاء الله
يعجبني كي نشوفو صح ولا مرة جربته على هذا طلبت وصفتك له تسلم الأيادي

الله يسلمك
جربيها و صوريلنا النتيجة
موفقة ....

 

[Oktavio_hinda]

يعطيك الصحة يا الفحلة خرجت تشهي

انا نديرها كيما نتي لكن نقطعها بطابع دائري ونذر
عليها السكر الخشن

بصحتكم حبيبتي مع فنجان قهوة حليب واش نقلك​

 

[ام أمينة]

يعطيك الصحة يا الفحلة خرجت تشهي

انا نديرها كيما نتي لكن نقطعها بطابع دائري ونذر
عليها السكر الخشن

بصحتكم حبيبتي مع فنجان قهوة حليب واش نقلك​

كل مرة كيفاش ندير الشكل
لكل يوم نديرو عادي
شكرا لردك في الموضوع

 

[أم عبد الله]

كانت تالفتلي واش ندير أيا خرجتلي بالبند العريض كي دخلت للمة هههه
يعطيك الصحة نتبع طريقتك برك ك طيب نطليها بويسك ماياكلوهاليش هاكداك
راهي تسعين ريحة زمان

 

[السلطانة]

احلى قاطو
يعطيك الصحة