السلام عليكم..واش حوالك..لاباس عليك..؟

[βïģ βôşş]

السلام عليكم واش راكم لاباس عليكم ؟؟
هاد الجملة لمن تقولوها
باينة تقولوها لواحد تعرفوه وحابين تسقسيو على حالو
بالصح انا درك حرت في واحد النقطة
نفوت على جماعة ونقلهم السلام عليكم يجيبو وقت باه يردو عليا
وتاني نفوت على خرين ونقلهم السلام عليكم واش حوالكم صافا عليكم ؟؟
يلصقو فيا ؟؟
وعلاااااااه
لازم نكون نعرفك باه نفلك السلام عليكم ونسقسي على حوالك
درك حتى الي نعرفهم ونسقسيهم على حوالهم يديرو رواحهم ماسمعونيش
ولا صحابي الي نقرا معاااااااااااااااهم
ساعات نغيب يامات منتلاقاش بيهم نجرب ونقول خلي ترا نعيطلهم ونسقسي على حوالهم
كي نعيط يهز عليا بعد مانعاودلو 5 مرات
وكاين الي مايهزش عليك خلاص وعند غدوة كي الطيح بيه يجي عندك يسلم ويعاود عليك
فهموني وين رانا رااايحين بهاد العقلية ؟؟
الدنيا هادي درك مابقاش فيها
السنة ولات شهر الشهر ولا سمانة السمانة ولات يوم اليوم ولا ساعة والساعة ولات دقيقة والدقيقة ولات ثاااااانية
على الأٌقل نلمو كاش حسنة برك من هاد الخطوة
والله يا جماعة غير حرت في الناس كيفاه تخم
انا لوكان نلقى الي يسقسي ديما على حوالي نحطو فوق رموش عينيا
وشكرا لكم

​

 

[ديسق]

السلام عليكم ورحمة الله وبركاته

عيدك مبارك أخي الطيب وكل عام وانت بخير

لي أسئلة

ما هي طريقة تعاملك مع أصدقائك؟ هل هي طريقة ايجابية ام سلبية؟
هل سبق لك وأن تشاجرت مع أحدهم وأدى تشاجرك إلى قطع الصلة بهم؟
ألم تسألهم ما هو السبب في تجاهلهم لك "الهاتف، إلقاء السلام،...."؟
هل جميع أصدقائك يتجاهلونك أم بعضهم فقط؟

وشكرا



​

 

[بنـ MaPa ـت]

وعليكم السلآم

صرالك كيما بوبقرة هههههه
ياخي عباد متخلفين رانا عايشين معاهم هههه
ربي يهدي ماخلق كوافا الله غالب

الرسول صلى الله عليه وسلم كان كل ما يجوز على جماعة يقول السلام عليكم
الناس كامل تعرف هاد الشي مانعرف علاش يتجاهلوواا
الله لا سلمت عليهم الجماعة لي يبانولك آنورمال ماتهدرش معاهم خويا ههه

سلآم
​

 

[farouk sansiro]

لاتجعل قلبك أرض يداس عليها
اللي حبنا نحبوه نحطوه فوق الراس عمامة واللي يكرهنا نكرهوه حتى يوم القيامة

 

[bachboucha]

الاعمال بالنيات اخي و رانا فوقت الناس تجبد روحها و خلاص وكل واحد وتخمامو ربي يهدي ماخلق
​

 

[دعاء19]

راه بحال هاد الاصناف موجودين وسلام غير لمولانا ماشي للعبد لي بغا يرد سلام خدا حسنة ولي مردش سلام خديتي اجر كبير عند الله سبحانه وتعالى
اما بخصوص اصحاب لي سول عليك سول عليه ولي انساك انساه وهني راسك

 

[الخيزران]

السلام عليكم ورحمة الله وبركاته واش راكم لاباس ؟الحمد لله
كاين شيء من الناس تسقسيه واش راك لاباس يفكر بلي راك تتجسس عليه
الله يهدينا

 

[N@riM@N]

وي خويا كاينه هادي وخاصه في مجتمعنا ربي يهدينا
تسقسيه ع حالو يقلك سير جاي ع جال صلااح
اللـــــــــــــــــه غــــــــــــــــــــالب
​

 

[amoulita@mosta]

السلام عليكم ورحمة الله وبركاته واش راكم لاباس ؟الحمد لله
كاين شيء من الناس تسقسيه واش راك لاباس يفكر بلي راك تتجسس عليه
الله يهدينا

عذرا للاقتباس
هذا واش كنت رايحة نقول