القطة الجزائرية
:: عضو مُشارك ::
- إنضم
- 26 أكتوبر 2009
- المشاركات
- 144
- نقاط التفاعل
- 14
- النقاط
- 7
السلام عليكم ناس اللمة
واش راكم صافا ؟؟؟؟ واش احوالكم ؟؟؟
واش مع لقرايا الدار الخدمة ؟؟
ياخي راكم ملاح.نتمنى تكونوا لباس و الحمد لله:shiny:
كاين واحد الموضوع خطر في بالي البارح من البارح و هو يدور في مخي و يخرب و يفسدلي في الخلايا
_o:_o: انا مالقيتلوش حل قلت نروح لناس اللمة هوما لي يعاونوني:shiny::shiny: .
الموضوع كيفاه انا البارح رحت نقرى الصباح عادي انا و صحبتي القطة الزهرية يا سيدي دخلنا الساعة الاولى ادب (لغة عربية) دخلنا كامل نعسانين كيفنا كيف الاستاذة لي تقري فينا الاستاذة بدات تشرح و حنا واحد لا راهو سامع بيها لي يكمل في رقادو ويشخر و لي قاعد ياكل (ماكفاهش الوقت باه يفطر في الدار) :huh::huh:و البنات لي قاعدة دير في الصبغة لظفارها و لي قاعدة تعدل في الخيمار و لي قاعدين يشايخو على الكوزينة و التسياق انا و القطة الزهرية كنا نشايخوا مانيش حنكذب عليكم:shay::shay: المهم يا سيدي الاستاذة هاذيك قاتلة روحها منهيه بالشرح و القصائد و الاعراب و حالتها حالة شوية:no_no::no_no: هكا دخل المدير لقانا في هاذيك الحالة ثار يعيط علينا هدر هدر هدر و مبعد خرج كلي ماهدرش هدرتو داخلة منا خارجة مناi-o:i-o: و لينا حنا درنا نكملوا في خدمتنا شوية هكا صونات 9 خرجت الاستاذة تاع الادب دخلت تاع الفرنسية نشوف في بعض الناس بداو يعدلو في رواحهم رايحين يسمعو زعما للدرس:huh::huh: و النص لاخر راهو مازال يكمل في خدمتو تاع الرقاد و الماكلة و المشايخة i-o:i-o:يا سيدي النص لاخر بان اينشتاين فالفرنشي يطرطق فيها طرطيق:scared::scared: وانا ماني فاهمة فيها والو (انا راني لاعلاقة مع لفرنسي هي في الشرق و انا في الغرب) المهم زمان هكا و حنا في هادك الحالة صونات 10 خرجنا لللاكور (الراحة) خلصت لاكور رحت انا للرقابة حندير شهادة مدرسية راحت معايا القطة الزهرية ومبعد لحقنا شوية روطار جينا داخلين للكلاصة زي الهمج لقينا الكلاسة كامل ساكتة و حاكمين بلايصهم و مطبقين يديهم و دارو كامل شافو معانا انا تشوكيت_o:_o:_o: :scared::scared::scared:قلت للقطة الزهرية رانا غلطنا في الكلاسة قاتلي من درك غلطنا و مبعد خشينا بالساكتة التحريكة ماتسمعهاش حكمنا بلايصنا و قعدنا و في الحصة هاذيك كنا نقروا انجليزية انا تشوكيت _o:_o:لقيت الامة كامل حلو الردارات تاع وذنيهم و فتحو السكانير تاع عينيهم واحد مايهدر الذبانة تسمعها كي دور روح يا سيدي الاستاذة تسال برك و الامة كامل ترفع صبعها واش هاذا (انا تاني راني نرفع صبعي راني نفهم الاجليزية هههه:shay::shay::shay المهم الناس كامل مبرونشية واحد مايهدر مع خوه هكا زمان نلقاو المدير دخل قالنا واش هاذا هاذوا انتوما تاع الصباح ماكانش منها_o:_o: اواه انا لي راني مازلت دايخ و لامانضتش خلاص و راني قاعد نحلم . وحنا رانا مبرونشيين مع الاستاذة حتى صونات 11 باه فطنا كانو الاستاذة منومتنا مغناطيسيا:bored::bored: .لغدوا تشوفوا عطاونا النقاط في الانجليزية و الفرنسية غير ب :shiny::shiny:i-o:i-o:18.19.20امالا تاع الادب خاشة غير تضرب فينا ب 9.10.1.:scared::scared: انا وحدة من نفسي كي ندي 18 في النجليزية تبانلي روحي ماخدمتش بصح كون ندي 12 في الادب ندير عرس
انا لي حبيت نقولو يا جماعة بيناتنا حنا رانا عرب و كيفاه نقراو المواد الاجنبية خير من اللغة الاصلية تاعنا انا ماعلياش في الادب بصح مرة على مرة تاعطيني في الشرح كلمات نتكودا علباكم مخي يتفورماطى :scared::scared:ولا تجيبلنا قصائد بلاك لي كاتبهم ماهوش فاهمهم و تقولنا ديروهم اما الاعراب خليها لربي:blink::blink: بصح في المواد الاخرى اينشتاين واقف قدامك:shiny::shiny:
قولولي وين جا لبروبلام في الادب اسكو راهو فينا ؟؟؟؟؟ ولا هي لي واعرة ؟؟؟؟؟ واش قلتو......:schmoll::schmoll::schmoll:
واش راكم صافا ؟؟؟؟ واش احوالكم ؟؟؟
واش مع لقرايا الدار الخدمة ؟؟
ياخي راكم ملاح.نتمنى تكونوا لباس و الحمد لله:shiny:
كاين واحد الموضوع خطر في بالي البارح من البارح و هو يدور في مخي و يخرب و يفسدلي في الخلايا
_o:_o: انا مالقيتلوش حل قلت نروح لناس اللمة هوما لي يعاونوني:shiny::shiny: .الموضوع كيفاه انا البارح رحت نقرى الصباح عادي انا و صحبتي القطة الزهرية يا سيدي دخلنا الساعة الاولى ادب (لغة عربية) دخلنا كامل نعسانين كيفنا كيف الاستاذة لي تقري فينا الاستاذة بدات تشرح و حنا واحد لا راهو سامع بيها لي يكمل في رقادو ويشخر و لي قاعد ياكل (ماكفاهش الوقت باه يفطر في الدار) :huh::huh:و البنات لي قاعدة دير في الصبغة لظفارها و لي قاعدة تعدل في الخيمار و لي قاعدين يشايخو على الكوزينة و التسياق انا و القطة الزهرية كنا نشايخوا مانيش حنكذب عليكم:shay::shay: المهم يا سيدي الاستاذة هاذيك قاتلة روحها منهيه بالشرح و القصائد و الاعراب و حالتها حالة شوية:no_no::no_no: هكا دخل المدير لقانا في هاذيك الحالة ثار يعيط علينا هدر هدر هدر و مبعد خرج كلي ماهدرش هدرتو داخلة منا خارجة منا
i-o:i-o: و لينا حنا درنا نكملوا في خدمتنا شوية هكا صونات 9 خرجت الاستاذة تاع الادب دخلت تاع الفرنسية نشوف في بعض الناس بداو يعدلو في رواحهم رايحين يسمعو زعما للدرس:huh::huh: و النص لاخر راهو مازال يكمل في خدمتو تاع الرقاد و الماكلة و المشايخة i-o:i-o:يا سيدي النص لاخر بان اينشتاين فالفرنشي يطرطق فيها طرطيق:scared::scared: وانا ماني فاهمة فيها والو (انا راني لاعلاقة مع لفرنسي هي في الشرق و انا في الغرب) المهم زمان هكا و حنا في هادك الحالة صونات 10 خرجنا لللاكور (الراحة) خلصت لاكور رحت انا للرقابة حندير شهادة مدرسية راحت معايا القطة الزهرية ومبعد لحقنا شوية روطار جينا داخلين للكلاصة زي الهمج لقينا الكلاسة كامل ساكتة و حاكمين بلايصهم و مطبقين يديهم و دارو كامل شافو معانا انا تشوكيت_o:_o:_o: :scared::scared::scared:قلت للقطة الزهرية رانا غلطنا في الكلاسة قاتلي من درك غلطنا و مبعد خشينا بالساكتة التحريكة ماتسمعهاش حكمنا بلايصنا و قعدنا و في الحصة هاذيك كنا نقروا انجليزية انا تشوكيت _o:_o:لقيت الامة كامل حلو الردارات تاع وذنيهم و فتحو السكانير تاع عينيهم واحد مايهدر الذبانة تسمعها كي دور روح يا سيدي الاستاذة تسال برك و الامة كامل ترفع صبعها واش هاذا (انا تاني راني نرفع صبعي راني نفهم الاجليزية هههه:shay::shay::shay المهم الناس كامل مبرونشية واحد مايهدر مع خوه هكا زمان نلقاو المدير دخل قالنا واش هاذا هاذوا انتوما تاع الصباح ماكانش منها_o:_o: اواه انا لي راني مازلت دايخ و لامانضتش خلاص و راني قاعد نحلم . وحنا رانا مبرونشيين مع الاستاذة حتى صونات 11 باه فطنا كانو الاستاذة منومتنا مغناطيسيا:bored::bored: .لغدوا تشوفوا عطاونا النقاط في الانجليزية و الفرنسية غير ب :shiny::shiny:i-o:i-o:18.19.20امالا تاع الادب خاشة غير تضرب فينا ب 9.10.1.:scared::scared: انا وحدة من نفسي كي ندي 18 في النجليزية تبانلي روحي ماخدمتش بصح كون ندي 12 في الادب ندير عرس انا لي حبيت نقولو يا جماعة بيناتنا حنا رانا عرب و كيفاه نقراو المواد الاجنبية خير من اللغة الاصلية تاعنا انا ماعلياش في الادب بصح مرة على مرة تاعطيني في الشرح كلمات نتكودا علباكم مخي يتفورماطى :scared::scared:ولا تجيبلنا قصائد بلاك لي كاتبهم ماهوش فاهمهم و تقولنا ديروهم اما الاعراب خليها لربي:blink::blink: بصح في المواد الاخرى اينشتاين واقف قدامك:shiny::shiny:
قولولي وين جا لبروبلام في الادب اسكو راهو فينا ؟؟؟؟؟ ولا هي لي واعرة ؟؟؟؟؟ واش قلتو......:schmoll::schmoll::schmoll:
آخر تعديل:
