شكل جذآب بلا عذآب ،، من مطبخي

سمو الأميرهـ

:: عضو بارز ::
أحباب اللمة
إنضم
6 ماي 2010
المشاركات
1,802
نقاط التفاعل
58
النقاط
37
العمر
35
السلام عليكم
وش راكم لبنات لاباس؟ ان شا الله تكونو كامل بخير
جبتلكم اليوم طبق باهي وبنين ومافيهش تكاليف بزاف
للجماعة لي اد حالها كيما انا ههه
مانطولش عليكم ندخل في المفيد
هاهو الشكل النهائي للطبق
1323292435526.jpg

المقادير:
للطبق : بطاطا مشرشمة (طايبة في الما)+نص فنجان حليب+ دبشة او معدنوس+3بيضات+جبن كيما تحبي كلما كثرتي كان افضل+فلفل اكحل+ملح+زيتون اخضر
الصلصة: بصلة مفرومة+4 ثوم مفروم+ دجاج شوية برك للبنة واذا عندك بزاف ديريه :shiny:
+خل+زيت+ليمون+3ملاعق طماطم مصبرة+توابل(انا درت فلفل اكحل+كسبر)+ملح+ما باش نمرقوها

التحضير:
الصلصة:
تبلي الدجاج وحطيه يتقلى في (نص فنجان زيت+نص فنجان خل) كي تشوفيه تقلا مليح زيديلو البصل والثوم وكي تشوفي البصل والثوم بدا يتغير لونهم زيدي الطماطم وشوية هك مرقيها
هاهي لاصوص تاعنا بعدما وجدت
1323292434642.jpg


ضركا نجيو لطبق البطاطا
كي تشرشمي البطاطا في الما والملح اجبديها وارحيها ضيفيلها الملح والتوابل (انا درت فيها الفلفل الاكحل برك) ، زيديلها الفرماج والبيض والزيتون الأخضر والدبشة والحليب
ملاحظة : لكان عندك فيونداشي ديريه معاها انا ماحضرش برك ههه:shiny:
كي تكملي جيبي البلاتو الخاص بالموسكوتشو
وادهنيه بالزبدة
انا كعاد البلاتو تاعنا يلصق بزاف درت papier aluminium :shay:
وحطي الخليط تاعك هكذا
1323292434481.jpg



ولوحيه في فرن ساخن مسبقا
خليه يطيب هكاك 20 دقيقة شعليلو ملفوق
هاو ليكم كيفاه يجي
1323292434873.jpg


كي خرجتو لقيتو مازال ماحمارش ملتحت :sad:
مالا خممت لثواني لقيت حل هه :shiny:
قلبتو في البلا الكبير وعاودت دهنتو بأصفر بيضة+شوية طماطم مصبرة (فكرة تاع حورية المطبخ تفرجتها واحد النهار وتفكرت بلي بهاذ الطريقة اي حاجة تتحمر بالسيف عليها):rolleyes:
كيما هك
1323292434435.jpg


وكي طاب زينتو وحطيتو ، هاهو شكلو النهائي
1323292435526.jpg



1323292435658.jpg



1323292435537.jpg



1323292435889.jpg


وهذي بطاطا بقاتلي من الخليط هذاك وقليتها كيما السفيرية :rolleyes:

1323293782231.jpg


وش رايكم باهي ولا لالا؟؟ :shay:
تفضلو ذوقو وقولولي رايكم :re_gards:
مممم قبل ماننسى هاذ الطبق ثاني مهدى بأخص الخصوصيات لأستاذتنا الجميلة شوشو
والى كل افراد لمتنا الغالية :re_gards::sheer:
بانتظار ردودكم وتقييماتكم (
تعلمت حكاية التقييمات انا ثاني ههههه):shiny:
 
وعليكم السلام

تعرفي مع بعثتيلي دخلت نجري ههه
وسيرتو العنوان تاعو بيزار بعد قلت واش هادا الشعر الجذاب بلاعذاب
يممممممممممممممممممم راه يشهي نعاود لعشا اليوم جيبيلي الكسرة
ههه
وصفة جديدة بالنسبة ليا منعرفهاش
يعطيك الصحة يالشاطرة راكي كل مرة تتحفينا بأكلة نيووو
وشكلو باهي
ان شاء الله نجربو راني حطيتو في راسي خلاص ههه

ميرسي رمولة

 
ساهلة ماهلة ............يعطيك الصحة اختي
 
وعليكم السلام

تعرفي مع بعثتيلي دخلت نجري ههه
وسيرتو العنوان تاعو بيزار بعد قلت واش هادا الشعر الجذاب بلاعذاب
يممممممممممممممممممم راه يشهي نعاود لعشا اليوم جيبيلي الكسرة
ههه
وصفة جديدة بالنسبة ليا منعرفهاش
يعطيك الصحة يالشاطرة راكي كل مرة تتحفينا بأكلة نيووو
وشكلو باهي
ان شاء الله نجربو راني حطيتو في راسي خلاص ههه

ميرسي رمولة

هههههههه ربي يحفظك منغولتي
ايه دارنا ثاني ماتو بالفرحة كي شافوه :eek:i-o:مام كي كلاوه تعودي تقولي ههههه :shay:
قالولي رومبلاصيتي اللحم بالبطاطا :shiny:
الله يسلمك شوشوتي ، اني نستنى في التطبيق :shiny::shiny:
(زعما وليت من الطباخات الكبار) :shay::shay:
وشكرا عالتقييم حبيبتي:rolleyes::re_gards:
 
كشفت العنوان قلت بلاك مخالق ونقلو كاش بلاصة بصاح هفيتيني هههه
يعطيك الصحة شكل باهي وساهل
 
كشفت العنوان قلت بلاك مخالق ونقلو كاش بلاصة بصاح هفيتيني هههه
يعطيك الصحة شكل باهي وساهل
ههههههه ايه يبان pub على شمبوان ولا هههه
الله يسلمك غاليتي نورتي الموضوع :sheer:
 
بارك الله فيك هاااااااااايل .... و لك أحلى تقييم +++
 
امممم سخفتيني وانــا صايمــة
تبــان تهبــل بنينة
ماما كانت تشوف فيها ، بصــح هبلتني واسمها واسمهــا
قلتلها ماقالتش واسمها قالت شكل جذاب بلا عذاب ، قعدت تضحكــ هههه
+
يعطيكـ الصحــة وان شاء الله نطبقهــا ونحطها تشوفيني الا فحلة ولا نو ههه
احلى تقييم ليكـ
 
امممم سخفتيني وانــا صايمــة
تبــان تهبــل بنينة
ماما كانت تشوف فيها ، بصــح هبلتني واسمها واسمهــا
قلتلها ماقالتش واسمها قالت شكل جذاب بلا عذاب ، قعدت تضحكــ هههه
+
يعطيكـ الصحــة وان شاء الله نطبقهــا ونحطها تشوفيني الا فحلة ولا نو ههه
احلى تقييم ليكـ
ربي يتقبل حبيبتي،، صيامك في الجنة ان شا الله
بانتظار تطبيقك احممم زعما وليت طباخة ملكبار هههههه
الله يسلمك حبيبتي سلميلي على ماماك بزاف قوليلها مرسي فرحتيني كي عجبكم :re_gards:
نورتي الموضوع اختي ملكة الاحساس+صحا فطورك :rolleyes:
 
بااارك الله فيك يا سمو الاميرة
يباااان بنيييييين
+ تقييم
 
بااارك الله فيك يا سمو الاميرة
يباااان بنيييييين
+ تقييم
مرسي عالتقييم حبيبتي شوشوو
الله يسلمك ،، ايه بنين يهبل سيرتو لي يحب البطاطا والفرماج كي حالتي هههه
نورتي الموضوع :re_gards::sheer:
 
الله يبارك اختي طبق و عليه الكلام خسارة ما ظهرتليش الصورة كاملة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top