بطاطا كوشة بشكل رآئع من مطبخي

سمو الأميرهـ

:: عضو بارز ::
أحباب اللمة
إنضم
6 ماي 2010
المشاركات
1,802
نقاط التفاعل
58
النقاط
37
العمر
35
السلام عليكم
مساء الخير اخواتي وش راكم ؟
طبخت اليوم بطاطا كوشة وحبيت نبدللها اللوك شوية ههه
آي جات تهبّل
قلت نحطهالكم تشوفوها وقولولي رايكم :shay:

1323383876894.jpg


1323383877216.jpg

نبداو على بركة الله
المقادير:
بطاطا بقدر عدد افراد عائلتك
ملح
فلفل اكحل
فيونداشي واذا ماكانش ماتقلقيش روحك :rolleyes: نورمال يصلح بلا فيونداشي:rolleyes:
دبشة
جزر مبشور
طماطم مصبرة وطماطم حب ثاني اذا كاين
زيت وخل كيما موالفين (نص بنص)
قارص
3 بيضات
جبن
ماء باش نمرقو لاصوص
ثوم وبصل مفرومين
زيتون اخضر
التحضير:
بطاطا لوحيها تغلي في الما لكن ماتطيبيهاش ، جيست تبدا تطرا نحيها باه مبعد كي نقصوها ما تتفتتش
1323383720561.jpg

من جهة اخرى حطي الفيونداشي + فلفل اسود +ملح + زيت + خل وخليهم يتقلاو شوية هك ضيفيلهم الثوم والبصل
ومبعد زيدي ضيفي الجزر المفروم (انا درت 2 جزر)+الزيتون بعد ماتكوني قصيتيه اجزاء صغيرة وغليتيه شوية في الما باش تتنحالو الملوحية تاعو
قليهم مليح وماتضيفيش الما
*درك نجيو للحشو: جيبي كاسرونة حطي فيها جزء من هذا الخليط وضيفيلو 2 بيض+ دبشة مقطعة

*والجزء لوخر زيديلو 1 طماطم حب مرحية + ملعقة كبيرة من الطماطم المصبرة ومبعد مرقيها بالما السخون وخليها تكمل تطيب بعقلها
جيبي البطاطا تاعنا ونبدا الخدمة
كل بطاطايا قطعيها اجزاء مي مالازمش تنفصل ولاكان انفصلو اجزائها في البداية تجيك شوية صعيبة حاولي اخدمي بلعقل برك
واملاي الفراغات بالحشو لي حكينا عليه بالشوي برك باش ماتتفتتش
تجيك كيما هك
1323383720633.jpg


حطي ثاني الفرماج لكان حبيتي بين الفراغات مع الحشو تاعنا
1323383720794.jpg



1323383721455.jpg


سخني الفور تاعك
ادهني البلاتو بالزبدة وحطيهم هكذا
ادهنيهم من فوق بالزبدة والفرماج
1323383721446.jpg


132338372187.jpg


وخليها تطيب
كي تشوفيها تحمرت من تحت شعليلها تكمل تطيب من فوق

اذا حبيتي نحي للجماعة لي يحبوها بلا لاصوص
1323383721839.jpg


13233837213110.jpg

ونكملو نطيبوها نورمال
اسقيها بلاصوص لي تكون صاي وجدت
وخليها تزيد تطيب معاها شوية باش تولي بنين خير وخير

وهذا شكلها النهائي
يمممممممممم
1323383876233.jpg




1323383877815.jpg


1323383876233.jpg


1323383877216.jpg



1323383877708.jpg



1323383877287.jpg



شهية طيبة
ولاتنسو الدعاء لأختنا هبة :re_gards:
 
ايه الحلاوة دي كلها ياعسل والله تشهي حبيبتي يعطيك الصحة
 
شكلها رائع يعطيك الصحة​
 
واااااااااااااااااااااااااااو
لكن حبيت نفهم هادوك الاسياخ علاه عملتيهم من تحت
 
واااااااااااااااااااااااااااو
لكن حبيت نفهم هادوك الاسياخ علاه عملتيهم من تحت
الله يسلمك حبيبتي
رشقتهم في البطاطا باش ماتتفتتش سيرتو كي نسقيها بلاصوص :rolleyes:
 
راكي شاطرة حنونة
خموس عليك​
 
ربي يشفي هبة نشالله يا لفحلة عجبتني و نجربها و نوريلك +​
 
هايلة الوصفة عجبتني بزاف اله يعطيك الصحة اختي و بالشفى على اختنا هبة
 
اممممممممم اميرة شكلها رائع يعطيك الصحة
 
هايلة الوصفة عجبتني بزاف اله يعطيك الصحة اختي و بالشفى على اختنا هبة
الله يسلمك حبيبتي
آمين يارب ،، ربي يخفف عليها ويردهالنا كيما زمان ان شا الله يارب
نورتي اختي:re_gards:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top