هذا جزاء لي..........................؟؟ ؟؟؟؟؟

سلفي والحمد لله

:: عضو بارز ::
أحباب اللمة
إنضم
7 أوت 2010
المشاركات
2,302
نقاط التفاعل
427
النقاط
83
السلام عليكم ورحمة الله وبركاته
وشراكم لاباس الحمد لله
كيفاش راح نبدى نهدرلكم ومنين راح نكمل على التبهديلة تاع قبيل
كنت هنا في اللمة نبرgg :shiny:وندور حتى ذن عليا الظهر
سمعتو قلت نزيد شوي ونروح نصلي
ايا لقيت موضوع تاع مكانش بقيت نقرى فيه ونضحك حتى طليت على الساعة لقيها فاتت الوحدة وربع
حنا تقوم الصلاة عندنا على الوحدة وربع:shiny:
تخطفت رحت نجري توضيت ومنبعد قاعد نفتش على لبشماقة تاعي ههه هاك نقولولها حنا يعني كلاكات
مالقيتهاش ومن بعد حوست على لمفاتح مالقيتهمش بالذراع باش لقيتهم وجيت خارج نجري باش نلحق على الصلاة
يا ربي لعزيز
ودارنا جايا في طلعة ولمسجد
لتحت في هبطة يعني هبطت نجري باش نلحق على الصلاة وانا هاكاك

ايا ياياياي ونتعكل على حجرة ماشفتهاش ههههههه
زرداب ونجي هابط اتخيلو هبطة وانا نجري وتلصق رجلي ونجيبها تكركيبة هههههههه جاب ربي درت لكونغفو في صغري عرفت كيفاش نتكركب على ظهري هههههههه
راني نكتب والسطر في ظهري هههههه
وفيت فيت نضت زعمة ماصرى والو هههه
مع نضت شفت ورايا مالقيت حتى واحد مت بالفرحة منعت من التبهديل
زمان مع درت لقيت طفل صغير يشوف معايا وحاير قالك وش راهو يدير الاخ هذاهههه
انا كملت الهبطة تاعي نورمال كشغل ماصرى والو انا مع وصلت خرجت مو قالها آما آما راهو طاح راهو طاح هههه
مو مافهمت فيها والو انا نمشي نورمال وولدها يقولها راهو كان يتكركب في الطريق هههههههههه
المهم الحمد لله لحقت على شوي ركعات
بصح علابالكم اخر مرة طحت فيها من كثرة عندها بزاف حتى نسيت وكتاش ههههه
حتى نتوما باين تبهدلتو وطحتو انا جاب ربي كنت وحدي ماشافني حتى واحد نتوما باين طحتو في وسط الغاشي وضحكو عليكم هههههههه
ايا صحيتو
شفتو جزاء لي يغفل على صلاتو وينكيا لي مايصليش خلاص
تهدرت عليه
صحيتو صحيتو
:santa_1:
 
سترك ربي لوكان شافك لاجودان ولا ماكانش وتشوووووووف
هههههههه بصحتك الطيحة هههههههههههه راني نتخيل فيها
 
ههههههههههههههههههههه الحمد لله على سلامتك خويا
 
ربي يوفقك باه تحافظ على الصلاة
+
نورمالمو كاين حكم ديني في الجريـ نحو المسجد أظن أن الهرولة مسموحة و الله أعلم
زيد صقصي
 
سترك ربي لوكان شافك لاجودان ولا ماكانش وتشوووووووف
هههههههه بصحتك الطيحة هههههههههههه راني نتخيل فيها
ههههه لعقوبة ليك ان شاء الله هههه
اسكتي عليا ماتفكرينيش فيهم راني كرهت منهم كل يوم نشوف في خلايقهم
وهات برك واحد يحكي حكاية يحكموهالو سهرية كومبلي وهوما يضحكو عليه هههه
ويهزوهالو بالاصوات قيط قيط ويو ويو هههههه تكرهي حياتك علاش ح
كيتي لحكاية هههه
 
اضحكتني اضحك الله سنك
ان شاء الله خرجت سلامات وما صرالك والو
الحمد لله كي ماعادتش الدعوة رايحة للسبيطار
المهم هذا صح جزاء الغافل
وضرك صليت العصر ولا راك تقرعج برك ؟
تقبل مروري وبارك الله فيك على الموضوع
 
ربي يوفقك باه تحافظ على الصلاة
+
نورمالمو كاين حكم ديني في الجريـ نحو المسجد أظن أن الهرولة مسموحة و الله أعلم
زيد صقصي
اللهم امين بارك الله فيك
هيه صح عندك حق فيها نهي بصح راني خفت لا تفوتني الصلاة كامل عليها رحت نجري
يعطيك الصحة خويا
:shiny:
 
اضحكتني اضحك الله سنك
ان شاء الله خرجت سلامات وما صرالك والو
الحمد لله كي ماعادتش الدعوة رايحة للسبيطار
المهم هذا صح جزاء الغافل
وضرك صليت العصر ولا راك تقرعج برك ؟
تقبل مروري وبارك الله فيك على الموضوع
ربي يدومها عليكم وعلينا
بصح يا ختي ظهري راهو يسطر علابالك
لعبتها جاكي شان تكركبت عليه زعمة ههه
هههه هيه رحت صليت وجيت وكي جيت رايح دارت رجلي في الدروج والله شعرة زدت طحت هههه يالطيف وش هذا ههه
 
سلامة راسك ياخويا هكدا باه المرة الجاية ماتخليش بليس يكلخلك والحمد الله لي خرجت سلامات. على الأقل ماشافوكش الناس من غير هداك الطفل واش تقول عليا نهار لي تقلبت من الدروج تع لمسيد والبلدية ديالنا قاع سمعت بيا.
 
الحمد لله علي سلامتك
وان شاء الله نعتبرو من حكايتك ون أديو صلاتنا في وقتها
شكرا لك
 
ربي يدومها عليكم وعلينا
بصح يا ختي ظهري راهو يسطر علابالك
لعبتها جاكي شان تكركبت عليه زعمة ههه
هههه هيه رحت صليت وجيت وكي جيت رايح دارت رجلي في الدروج والله شعرة زدت طحت هههه يالطيف وش هذا ههه
يا اخي شوف الطريق مليح واش بيك انت ثاني
اوووووه لازمك تروح للسبيطار كما هاك تطمن اكثر على روحك
ربي يكون في عونك ومن اليوم روح للمسجد قبل الاذان ماشي بعد ما ياذن بربع ساعة
كما هاك ما تزربش وانت في الطريق
بصح هذاك الطفل الصغير رايح يضحك عليك حتان يحكيها لولادت اولادو
لازم تبدل الطريق تاعك من اليوم باش ينساك
 
اهلين
الحمد لله على سلامتك
بصح باينة الطيحة كانت اضحك هههههههههه
علابالك و انا نقرا ف المفردات لي استعملتهم وانت توصف ف الطيحة متت بالضحك ههههههه و تفكرت هذاك النص تع الايتدائي ....تع " رضا صدمته سيارة " هههههه تع " ازوط ..صدمته سيارة ههههه"
و الطيحات هذي لي تكون برا .... تلقى روحك نضت منها ثمثم .... و تشوف منا و منا تخاف ليكون شافوك هههههه
أما بالنسبة للصلاة ........ مليح إنك محافظ على صلاة الجماعة .... و ما تزيدش تقرا مواضيع الأخ "ماكانش" كي يكون الآذان ^_~
 
آخر تعديل:

ايا ياياياي ونتعكل على حجرة ماشفتهاش ههههههه
زرداب ونجي هابط اتخيلو هبطة وانا نجري وتلصق رجلي ونجيبها تكركيبة هههههههه جاب ربي درت لكونغفو في صغري عرفت كيفاش نتكركب على ظهري هههههههه
راني نكتب والسطر في ظهري هههههه
وفيت فيت نضت زعمة ماصرى والو هههه





هههههههههههههههههههههههههههههه

والله ايماجينيتها بالتصوير البطيئ هههههه عندي 10 دقائق وانا نتفكر فيها ونضحك ههههه

المهم خويا انت ما شافك حتى واحد ولحقت بصلاتك وربي يشفيك من السطر نتاع ظهرك
 
سلامة راسك ياخويا هكدا باه المرة الجاية ماتخليش بليس يكلخلك والحمد الله لي خرجت سلامات. على الأقل ماشافوكش الناس من غير هداك الطفل واش تقول عليا نهار لي تقلبت من الدروج تع لمسيد والبلدية ديالنا قاع سمعت بيا.
الله يسلمك انا سترني ربي ماكان حتى واحد منعت :shiny:
وربي يوفقنا للمحافظة على الصلوات الخمسة في المسجد
شكرا لييييييييييك
 
الحمد لله علي سلامتك
وان شاء الله نعتبرو من حكايتك ون أديو صلاتنا في وقتها
شكرا لك
الله يسلمك خويا يعطيك الصحة على المرور والمشاركة الاولى تاعك في موضوعي شرف كبير ليا
ربي يوفقنا نحافظو على الصلوات الخمسة في المسجد
شكرا خويا
 
تعيش وتاخذ غيرها هههههههههههه امزح اخي الكريم
والله غير صعيبة هذي الله يكون بعونك على هذا الموقف
على كل حال الحمد لله على سلامتك
الله يشفيك
 
يا اخي شوف الطريق مليح واش بيك انت ثاني
اوووووه لازمك تروح للسبيطار كما هاك تطمن اكثر على روحك
ربي يكون في عونك ومن اليوم روح للمسجد قبل الاذان ماشي بعد ما ياذن بربع ساعة
كما هاك ما تزربش وانت في الطريق
بصح هذاك الطفل الصغير رايح يضحك عليك حتان يحكيها لولادت اولادو
لازم تبدل الطريق تاعك من اليوم باش ينساك
ههه يعطيك الصحة
والطفل هاذاك باين راح يبقى يشفى عليا كيما قلتي ههه
شكرا لييك
 
ههههههههههههههههه بصحتك تكركيبة تعيش و تاكل غيرها اسفة بعيد الشر
 
هههههههه معليش ربي يسالهالك و مزية خلصتها طيحة و تكركيبة برك
اما عليا انا طحت و الناس و امة لا اله الا الله تتفرج و النو تصب ارواح انت و نوضني و قدام الليسي يعني رايحة و جاية
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top