أطفال الجزائر ..بين المطرقة والسندان ..قدم رأيك ؟

souhila_95

:: عضو بارز ::
أحباب اللمة
إنضم
20 فيفري 2009
المشاركات
2,062
نقاط التفاعل
61
النقاط
77
السلام عليكم ورحمة الله وبركاته
:showoff:
نتمنى كامل تكونو ملاح :sheer:أعضاء وعضوات المنتدى
أنا موضوعي اليوم في الحقيقة هو ملاحظة لاحظتها في أطفالنا الصغار الله يبارك ويحفظهم ويجعلهم من علماء المستقبل انشاء الله
kssde.gif

المهم أنا دائما لما نتفرج زعمة مسلسلات سورية ولاتركية مترجمة بالسورية نلاحظ هذوك الأطفال
kids4.gif

ماشاء الله قمة الأدب لما يحوسو يرقدو يطلبو السماح لما ينهو الأكل يقولو دايمة واكلك لذيذ والفاظ مليحة بزاااااااف يعني والله أنا نحسها غريبة على مجتمعنا شوية هههههه


مثلا أنا خاوتي الصغار لوكان نقلهم أرقدو يقلك ارقدي نتي قبل
helo8cl45386.gif
كول ماعجبنيش الماكلة ماتعرفوش طيبو كيما دار صاحبي
kildin_me_by_de_mote.gif
هو جامي كلا في دار صاحبو بصح غير يعاند في القدوة العليا على بالكم
kismiles_by_de_mote.gif
ارواحي اذا بعثتهم تما المصيبة العظمى مانروحوش مانيش خدام عندك واذا راح لازم ندير حسابو في الدراهم

31_382419.gif

ليزالجيريان كامل كيف كيف هذي الفاظهم الله غالب dz :santa_1:
ومرة يا سيدي كنت نمشي انا وصحبتي في الحي جاني طفل صغير هاك يعود عمر6 سنين هكذاك وقعد يدراgي
11d1go6ft9ev.gif
:scared: هههههههههه:eek:_o: والله موقف يقتل بالضحك حقيقة لوكان ماشافش خوه لي كبر منو يدير فيها مايديرهاش هو
:sadwalk:
meoxinhdc5.gif

ومرة عندنا ابن جيراننا عمرو 7 سنين رحت لدارهم قلتلو يا صغيرعيط لأختك ..عيط فيا بأقصى صوتو والله قريب نلحق للمريخ من الخلعة هههههه منيش صغير راني راجل ديجا راني خاطب
rm_20_39.gif
ههههههههههه ماعرفت مانقول غير قعدت نتفرج فيه ضحكتني هذي راني ديجا خاطب وديجا تاني هههههههههه


ولما نفوت على واحد الشارع نلقى أطفال في عمر الزهور يتكيفو
smiley_20_56.gif
والمخدرات دايرة طريق حدث ولا حرج قالولهم الدخان هو الرجلة يبينلك لا أولياء لاناس واعيين يحرسو عليهم والله غير يشفو
rm_20_36.gif


وشفت بزااف أولاد يهربو من المسيد ويروحو لصالونات الألعاب هذي التالية اللي منتشرة بزااف منهم خويا الصغير حكمناه مرة تما أخذ واحد الفلقة من تما راهو لاباس تحسن شوية
13157254171.gif

وحكاتلي صحبتي على بنت خوها الشقية عمرها 5 سنين بصح شيطانة ...زعمة الجدة تحدث في حفيدتها قالت : ايه شفتي
rm_20_32_744814.gif
ابني شرالكم كامل لبسة العيد وانا ماشراليش
يخي ردت عليها الطفلة بابا ماهوش خدام عليك وراه ديجا داني لطبيب انا وماما وماعندوش الدراهم ههههههه العجوزة قالتلهم لوكان مانعرفش لسان هذي الطفلة لوكان قلت يماها تحرش فيها
كاين حوايج الله يبارك فيهم والحمد لله أهمها أنهم جيل واعي وواعي بزااااااف وعلى بالهم بكلش وماتخفى عليهم حتى خافية
حتى شفت أطفال يعشقون الكرة حتى النخاع لدرجة انهم يفسرولك ماتش ونفهم منهم خير من مفسرين نتاع اليتيمة ههههههههههه
zidane4.jpg

*ومازال كاين الخير للقدام*:sheer:

118.gif

يعني صراتلي بزاااااااف حكايات كنت حابة نحكيلكم بصح خفت تخرجولي معايرة تعيطولي ماني:shay:

المهم والمختصر المفيد حبيت نسأل علاش الأطفال نتاع مجتمعنا كيما هاك ؟ وشنو هي الحلقة المفقودة لي تخصهم ؟ وعلاش الأولياء نلاحظو مانقولوش غياب لكن انعدام الحرص والمتابعة ؟وعلاش ماكانش لتطوير المواهب والأفكار ؟وعلاش ماكانش جمعيات نشيطة تهدف لتوعية الأطفال من الأفات الاجتماعية لانها هذي يليقلها جمعيات وهذو الحوايج بالذات الغرب فاتونا بيها :sad:


ومسك الختام ألا وهو السلام
:re_gards:
 
أهلا سهيلة
ههههههههههههههههه
يعطيك الصحة على الموضوع الباهي
ماعندهاش سمانة برك فاتو عليا 3 ولاد صغار يقراو السنة الأولى تبالي
المهم كي وصلو عندي قالو نقولو و لالا ؟؟ عليا انا زعما
أيا نطق واحد وقالي يا عمي هذا راهو يشتي وحدة تقرا معانا
ههههههههههههههههه
قتلوني بالضحك صح صح وقلت في قلبي خلات على الجيل الجاي ربي يستر
يعطيك الصحة سهيلة تستاهلي تقييم
 
سلاموووو
صح كلامك صواب
جيل عندو طاقة كبيرة و فايقين لكلش و لوكان الأولياء من والدين ، مدرسة ، و دوولة يستثمرو هاد الميزة لوكان رانا في مصاف الدول المتطورة في رايي إدا حبينا نطورو لبلاد لازم نبداو بالتربية الجيدة للأطفآل
مرة كنت نسنى صحبتي باش نروحو لليسي و قدام دارهم كاين ابتدائية جاز عليا وحد الطفل باين عليه صغير شآف فيا مليح و منبعد عاود ولاّ ليا قالي: عينيك خضورة مزال ما طابوش؟:scared: :scared::scared: :sad: ما عرفتش واش نقولو حرت تاع الصح و غلبني الضحك و من بعد قلت هادا دوكا راهو هكدا كي يكبر واش يدير؟ :eek:_o:
مالا لازم نربيوهم اليوم قبل ما نولو غدوة في مشكلة الانحرافات و المخدرات وووو
 
وعليكم السلام ورحمة الله
يعطيك الصحة أختي سهيلة، أهلا بيك وبناس لقواط
قلتلك مواضيعك دايما هايلين الله يبارك.
لي يقرا موضوعك وكأنو يتفرج سبايس تون وإلا mbc3.
نرجعو للمهم، والله صح الجيل الجديد صعيب وصعيب تفهميه وإلا تتعاملي معاه، من يخلق تلقيه فاهم كلشي وعينيهم مفتوحة على كلشي، جيل فايس بوك وش تستني يجيك منو.
المشكل برأيي في الوالدين بالدرجة الأولى والمحيط العام بالدرجة الثانية. يعني الولد ما يترباش مليح في البيت وزيد لما يخرج للشارع يلقى صحبة السوء خلاص ما بقى والو.
ما نكذبش عليك ربي يعافيني بصح لو كان مستقبلاً ابني يدير حاجة من هاذو نقتلو.
ربي يعافينا ويرزقنا الذرية الصالحة.
صحيييتي

 
سلام
عجبني موضوعك المزخرف والمزركش الله يبارك ويبعد عليه العين ههههه
اختي سهيلة في الحقيقة اطفال المسلسلات راهم مدربينهم على هديك الدرافة ،اما الواقع فنصف اطفال اللعالم يعيشون كيما العقلية لي طرحتيها الوعارة والفم الماضي وهذا راجع عدة عوامل ،الله غالب نهار طول وهوما يتفرجو فالميكي نتاع الاكشن واش حبيتيه يخرج هههههه
شكرا اختي .
 
هههههههههههههههههههههههههههههههههههههههههههههه موضوع قمة راكي دزعتيني افكار ما شاء الله .وكما قلتي اطفالنا واعرين ياسر مناش طايقين لهم+تقييم
 
موضوع باهي بزاف بزاف
هي مشكلة صح يبقى السبب الرئيسي هو الشارع يا اختي ماشي العايلة مهما ربيتي ولدك راح يخرج برا ويشوف ويلاحظ حتى اذا ربيتيه راح يجرب
انا مرة في دارنا جات خالتي وعمتي قعد ولد خالتي يقرا سنة اولى وبنت عمتي تقرا فالجمعية قاعد يلعب معاها وفجاة يسخطنا ويقولها انت اكي الزينة نتاعي انت
شوكانا ههههههههههه ومرة راح عند باباه قالو ا بابا اي قاتلي ساجدة i love you واش معناها قالو باباه عيب ا بابا ماتزيدش تقولها
يعني لازم يكون عوج لازم يكون
 
المسؤولية على الوالدين طبعا هما الذين يُشًكِلون شخصية الاطفال بالدرجة الاولى (المفروض) كقاعدة

و مع ذلك حتى من يتبعون هذه القاعدة في رايي اطفالهم في عصرنا لازم يتاثروا و لو بتاثير نسبي من العوامل خارج البيت و حتى العوامل الي داخله من النت و التي في
 
أهلا سهيلة
أهلا أخي الكريم:sheer:
ههههههههههههههههه
يعطيك الصحة على الموضوع الباهي
والله ردك أبهى:shiny:
ماعندهاش سمانة برك فاتو عليا 3 ولاد صغار يقراو السنة الأولى تبالي
المهم كي وصلو عندي قالو نقولو و لالا ؟؟ عليا انا زعما
أيا نطق واحد وقالي يا عمي هذا راهو يشتي وحدة تقرا معانا
ههههههههههههههههههههههههههههه:eek:i-o:ايه حتى أنا فاجاني هذا الجيل نعقل لروحي كنت صغيرة مكناش نفهمو أصلا هذي المواضيع هههه:shiny:
ههههههههههههههههه
قتلوني بالضحك صح صح وقلت في قلبي خلات على الجيل الجاي ربي يستر
ههههههههههههه االله يستر برك انشاء الله خير:rolleyes:
يعطيك الصحة سهيلة تستاهلي تقييم
شكرا جزيلا
شكرا لك على الرد واسهامك في اثراء الموضوع:re_gards:
 
سلاموووو
وعليكم السلام
صح كلامك صواب
جيل عندو طاقة كبيرة و فايقين لكلش و لوكان الأولياء من والدين ، مدرسة ، و دوولة يستثمرو هاد الميزة لوكان رانا في مصاف الدول المتطورة في رايي إدا حبينا نطورو لبلاد لازم نبداو بالتربية الجيدة للأطفآل
صح وهذا لي حبيت نوصلو:sadwalk:
مرة كنت نسنى صحبتي باش نروحو لليسي و قدام دارهم كاين ابتدائية جاز عليا وحد الطفل باين عليه صغير شآف فيا مليح و منبعد عاود ولاّ ليا قالي: عينيك خضورة مزال ما طابوش؟:scared: :scared::scared: :sad: ما عرفتش واش نقولو حرت تاع الصح و غلبني الضحك و من بعد قلت هادا دوكا راهو هكدا كي يكبر واش يدير؟ :eek:_o:
كي يكبر واش يدير هههههههههه:eek:_o::eek:_o:
مالا لازم نربيوهم اليوم قبل ما نولو غدوة في مشكلة الانحرافات و المخدرات وووو
ديجا بعضهم طايحيين في هذا الفخ
شكرا على المرور الطيب:re_gards:
 
وعليكم السلام ورحمة الله
يعطيك الصحة أختي سهيلة، أهلا بيك وبناس لقواط
:sheer:أهلا بيك أختي العزيزة:sheer:
قلتلك مواضيعك دايما هايلين الله يبارك.

  1. لي الشرف:shay:
لي يقرا موضوعك وكأنو يتفرج سبايس تون وإلا mbc3.
ههههههههه عجبوني الأيقونات
نرجعو للمهم، والله صح الجيل الجديد صعيب وصعيب تفهميه وإلا تتعاملي معاه، من يخلق تلقيه فاهم كلشي وعينيهم مفتوحة على كلشي، جيل فايس بوك وش تستني يجيك منو.
ايه صح
المشكل برأيي في الوالدين بالدرجة الأولى والمحيط العام بالدرجة الثانية.
هذي الملاحظة لي حابة نقولها يعطيك الصحة:shiny:
يعني الولد ما يترباش مليح في البيت وزيد لما يخرج للشارع يلقى صحبة السوء خلاص ما بقى والو.
وهنا المشكل وهنا دور الاولياء والتوعية من طرف الأساتذة
ما نكذبش عليك ربي يعافيني بصح لو كان مستقبلاً ابني يدير حاجة من هاذو نقتلو.
ههههههههههههه:eek:i-o: لالا مش هكذا :scared:العنف دائما يقود لما لايحمد عقباه .عمرك لا تحلي المشاكل بالعنف الأفضل أنك تحاسبيه وتفهميه العاقبة ونهاية الأمر لي راه يدير فيه على بالك الجيل هذا نتاع مشاحنة:cra_zy:بصح ههههههه أنا قعدت نتفلسف عليك مرات نديرها نكون منرفزة نتفش فيه ههه
ربي يعافينا ويرزقنا الذرية الصالحة.
آآآآآآآآآآآآمين يارب العالمين
صحيييتي

الله يعطيك الصحة والعافية أختي العزيزة ياو لازم نتعرف عليك نتي لمباعد انشاء الله:shiny::re_gards:
 
سلام
وعليكم السلام:re_gards:
عجبني موضوعك المزخرف والمزركش الله يبارك ويبعد عليه العين ههههه
هههههههههههه five in your eyesاختراع جزائري 100/100ههههههه:shiny:
اختي سهيلة في الحقيقة اطفال المسلسلات راهم مدربينهم على هديك الدرافة
هههههههههههه ايه ممكن بصح الجزائريين الفاظهم وحدها:shiny:
،اما الواقع فنصف اطفال اللعالم يعيشون كيما العقلية لي طرحتيها الوعارة والفم الماضي وهذا راجع عدة عوامل ،الله غالب نهار طول وهوما يتفرجو فالميكي نتاع الاكشن واش حبيتيه يخرج هههههه
هههههههههههههههههههههههههههههههههههههههههههه
عندك الحق الميكي ديمودي ضرك شوني شيب وسبونج ههههه

شكرا اختي .
الله يعطيك الصحة و العافية اخي الكريم شكرا:re_gards:
 
ههههههههههههههههههههههههههه
ههههههههههههههههههههههههههه
قتلتيني بالضخك
كم اكره الرجال الذين يقولون ان الرجلة هي الدخان و الشراب
افف
هههههههههههههه
منعرف وش خصهم
تشوف ختي صغيرة
تقعدي حالة فمك فيها
تفهمها وهي طاايرة
هههههه
منعرف وش يخصهم
شكرااااااااا على الموضوع
 
هههههههههههههههههههههههههههههههههههههههههههههه موضوع قمة راكي دزعتيني افكار ما شاء الله
ههههههههههههه شكرا أختي زهيرة والله انتي في القمة يعطيك الصحة
.وكما قلتي اطفالنا واعرين ياسر مناش طايقين لهم+تقييم
ايه والمشكل انو كلما تمر السنين يزيدو يوعارو ياترى كيفاش يكونو ولادنا ههه ياربي استر برك
يعطيك الصحة والعافية على المرور الطيب وشكر خاص لكي على التقييم:re_gards:
 
موضوع باهي بزاف بزاف
ردك واطلاتك هي البهية بزاااااااف
هي مشكلة صح يبقى السبب الرئيسي هو الشارع يا اختي ماشي العايلة مهما ربيتي ولدك راح يخرج برا ويشوف ويلاحظ حتى اذا ربيتيه راح يجرب
صح عندك الحق في هذي:sadwalk:للأسف
انا مرة في دارنا جات خالتي وعمتي قعد ولد خالتي يقرا سنة اولى وبنت عمتي تقرا فالجمعية قاعد يلعب معاها وفجاة يسخطنا ويقولها انت اكي الزينة نتاعي انت
ههههههههههههههههههههههههه صح يخرجولك خرجات تخلعك بزااااااااف هههههههه:eek:_o:
شوكانا ههههههههههه ومرة راح عند باباه قالو ا بابا اي قاتلي ساجدة i love you واش معناها قالو باباه عيب ا بابا ماتزيدش تقولها
هههههههههههههههههههههه مليحة هذي:shiny:خليه يتعلم اللغة الحية شوية هههههههه
يعني لازم يكون عوج لازم يكون
ايه هذيك فيها فيها:sadwalk:
الشكر الجزيل لكي على المرور الطيب يعطيك الصحة:re_gards:
 
المسؤولية على الوالدين طبعا هما الذين يُشًكِلون شخصية الاطفال بالدرجة الاولى (المفروض) كقاعدة
ايه الوالدين هم القاعدة البناء
و مع ذلك حتى من يتبعون هذه القاعدة في رايي اطفالهم في عصرنا لازم يتاثروا و لو بتاثير نسبي من العوامل خارج البيت و حتى العوامل الي داخله من النت و التي في
صح الانسان بطبعو ومهما كان سنو يتأثر بالمجتمع الخارجي نتاعو:sadwalk:
الشكر الجزيل لكي على المرور الطيب يعطيك الصحة:re_gards:
 
ههههههههههههههههههههههههههه
ههههههههههههههههههههههههههه
قتلتيني بالضخك
اهلا بيك والله راني فرحانة لما جعلتك تضحكي:shiny:
كم اكره الرجال الذين يقولون ان الرجلة هي الدخان و الشراب
افف
مام أنا:sadwalk:
هههههههههههههه
منعرف وش خصهم
ههههههههههه طايشين بزااااااااف:rolleyes:
تشوف ختي صغيرة
تقعدي حالة فمك فيها
تفهمها وهي طاايرة
هههههه
الله يبارك ربي يخليهالكم ويجعلها من رايات الجزائر مستقبلا انشاء الله وهذا الجيل شيبنا كاملين من الوعارة نتاعو وكيما قالو خاوتنا السوريين الله يجيرنا من اللي جاي:eek:_o:
منعرف وش يخصهم

شكرااااااااا على الموضوع
شكرا لكي على المرور الطيب يعطيك الصحة:re_gards:
 
ههههههههههههههههههههههههههه
ههههههههههههههههههههههههههه
قتلتيني بالضخك
كم اكره الرجال الذين يقولون ان الرجلة هي الدخان و الشراب
افف
هههههههههههههه
منعرف وش خصهم
تشوف ختي صغيرة
تقعدي حالة فمك فيها
تفهمها وهي طاايرة
هههههه
منعرف وش يخصهم
شكرااااااااا على الموضوع
ايه نسيت ما قتلكش بلي الصورة الرمزية نتاعك فووووووووور عجبتني بزااااااااف صح لوكان جا نيوتن جزائري كون رانا مانعرفوش الجاذبية وش معناتها (على بالك ياكلها )ههههههه الحمد لله لي ماهوش جزائري:shiny::sheer:
 
راكي قلتيها المسلسلات حتى حنا لوكان يديو ولادنا يمثلو يوليو عاقلين هههههههههه
شوفيهم في الحقيقة ماشي في المسلسل
جيل طاير انا فت على زوج ذراري صغار كانت معايا بنت خويا صغير قلي واحد منهم بس بس ذاك الزين انا مع لول نحس على الصغيرة حكمتني الضحكة ومباعد كملها راني على الكبيرة انا زدت متتتتتتتتتتتتت بالضحك قلت ايا أوموا كاين معجب بعد مافقدنا الامل هههه
ياودي حكاياتهم ماتخلاصش
مرسي موضوع هااااااااايل يستاهل تقييم
 
انا نقولك اختي سهيلة علاش الاولاد تاعنا ماشي مريين
كي تكون الام تتفرج في مسلسل سوري ولا تركي خليع .الابن ولا البنت راهي تلاحظ والام تكون لاهية وهايمة مع المخنثين وتحلم تكون رهف ونور, وناسية بلي الوقت لي لازم تساكرفيه لفلذة الكبد راه راح ادراج الرياح مع تقبر قلبي وتخونيني ليش
زمان ماكناش هكذا وما كناش نتجرؤوا على مثل هذة الوقاحة لان الوالدة والاخت والاخ الاكبر كانوا قدوة حسنة
الان الاخ يتفرج المسلسل التركي مع اختو ومع امو كارثة
التلفاز ياثر بزاف على الطفل على خاطر راه في سن استقبال وتخزين
سمعت احد الاطفال امام الروضة لا يتجاوز الرابعة ينادي والدته :ارجوك امي لا تتركيني وحدي
قلتلها الله يبارك قالتلي يتفرج بزاف البراعم رجع يتكلم اللغة خير مني
شكرا سهيلة على طرح الموضوع المهم

تقبلي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top