اليوم درت للفطور مرقة الكرم مع البطاطا جبتكم كيفاش نديرها
إن شاء الله تعجبكم
المقادير
راس كرم - بطاطا حسب الرغبة - بصلتين - حبة طماطم - 4 ريسان ثوم - كفته(لحم مرحي) - قصبر - فلفل أسود - سكنجبير - جوز الطيب - عود قرفة - تتبيلة الدجاج - زعفران - ملح - ملعقة فرينة - شوية روز مطبوخ في الماء
الكيفية
نقي الكرم ونطو في كسكاس يفور
من جهة اخرى نتبل الكفته
نحط الكفته +روز + ملعقة فرينة + بصلة رابي + قصبر + ثوم مرحي + فلفل أسود + سكنجبير + تتبيلة الدجاج (مش ضرورية) + جوز الطيب + ملح
منين يتبخر الكرم يتعمر بالكفته ويلف على شكل سيقار
في كوكوت نحط البطاطا والبصل رابي + طماطم رابي + عود قرفة + ملح + فلفل أسود + سكنجبير + زعفران + جوزة الطيب
نقلي مليح ونمرق نغلق عليها حتى تقريبا تطيب البطاطا
منين يدخلها الطياب البطاطا نسدف من فوقها الكرم المعمر ونخليه يطيب والمرق يتكثف
وهذا شكل الطبق في الاخير
أنتظر ردودكم
